Ɩzayi 52
52
A Zerizalɛm faafʋ
1Ìr, Sɩyɔ̃ tẽw i, ìr! Wul a fʋ kpɛnʋ!
Zerizalɛm, tẽ-kpɛ̃ɛ-sõw i,
su a fʋ dɛpaal bʋ̃-suuri.
Bʋ̃ʋ n'ʋ vɛ̃, a nɩ-sãanbɛ nɩ a dɛwr dem
kʋ̃ lɛb wa a fʋ zie towtow ɛ.
2Mɩr a uuru na pàw fʋ a bɛr.
Ìr lɛb de a fʋ àrʋ zie,
fʋ̃ʋ Zerizalɛm bɛ na pàw a!
Ír a mie bɛr a fʋ kɔkɔrɩ́,
fʋ̃ʋ Sɩyɔ̃ tẽw na be gaso pʋɔ a!
3Nyɛ̃ a ʋlɩ bom nɛ a Sore na yere kʋ̀rɛ a ʋ nɩbɛ a: «Bɛ kʋɔrɩ nyɩ nɩ mɔlɛ nyɩ ɩ gbãgbaar, bɛ na ya na de nyɩ ɛ́ bɛ ír libir ɛ.» 4Cãà lɛb nyɛ̃ a ʋlɩ bom nɛ a Sore Naaŋmɩn na yere a: «A ɩ̃ nɩbɛ tɩ zɔ na cen Eziptɩ tẽw a pɛr-tib daar, tɩ ɩ nʋʋrɩ a be. Asiiri tẽw dem nɛbɛ dɔwrɩ bɛ a baarʋ daar. 5Ƴɛrɛŋa a, bʋ̃ʋ n'ʋ ɩ̃ nyɛrɛ a pʋɔ? A Sore n'ʋ yere. Bɛ tɛr'ɩ a ɩ̃ nɩbɛ cen nɩ zawla, bɛ ɩ zɛbr nɩ-nyɔwrɩ. A bɛlɩ dem na tʋ̃ɔ́ bɛ a ŋmɩɛr'ɩ zɛb-tʋ̃ɔ́fʋ cɛlsɩ, ɛ́ tʋʋr a ɩ̃ yúor kʋralɛ. 6Alɛ n'a so bibir kãw, a ɩ̃ nɩbɛ na bãw sob nɛ na nɛ m a. Ʋ̃ʋ, bɛ na bãw na kɛ́ mãa n'ʋ yere: Ɩ̃ tarɛ na!»
A Sore lɛbr'a waar a Zerizalɛm
7A yel-nʋ̃ɔ̀ yere bɛ na nyɛ̃
ʋ be a tan zu waar a,
nyɛ̃ nʋ̃ɔ̀ na ɩrɛ a!
Ʋ yere nɩ a ƴã-ɓaarʋ, a nʋ̃ɔ̀ nɩ a faafʋ.
Ʋ yere na kʋ̀rɛ a Zerizalɛm:
«A fʋ Naaŋmɩn ɩ n nãà».
8Bɛr wõ a nɩbɛ
fʋ na ƴãw bɛ piwre a zie a:
bɛ lãw na lɔbr nʋ̃ɔ̀ cɛlsɩ,
bʋ̃ʋ n'ʋ vɛ̃, bɛ nyɛ̃ nɩ nɩ bɛ mimie
a Sore na lɛbr waar a Sɩyɔ̃ tẽw a.
9Zerizalɛm deboru u,
nyɩ ŋmɩɛr nʋ̃ɔ̀ cɛlsɩ:
a Sore mɔwlɛ nɩ a ʋ nɩbɛ,
ʋ yarɛ na dier a Zerizalɛm.
10A nɩ-bʋʋr-yoru za niŋé a,
a Sore wul'ɩ a ʋ sonu kpɛnʋ,
ɛ́ a nɩbɛ na nyɛ̃ nɩ a tɩ Naaŋmɩn faafʋ
tɩ tɔ a tẽw baarʋ ziir za.
Nyɩ yi zaa a Babɩlɔn tẽw pʋɔ
11Nyɩ cere, nyɩ cere, nyɩɩm na tuo
a Sore puoru bome lɛb waar'ɩ a!
Nyɩ yi zaa a Babɩlɔn tẽw pʋɔ!
Nyɩ taa tʋɔr bʋ̃-dɛwr kãw za ɩ,
nyɩ vɩɛl yi n a tẽw ŋa pʋɔ.
12Ƴɛrɛŋa ʋl a,
a kʋ̃ ɩ páwfʋ nyɩ cere páwr ɛ,
nyɩ kʋ̃ yi zaa a tẽw pʋɔ
mɛ̃ nɩbɛ na zɔrɛ a ɩ.
Bʋ̃ʋ n'ʋ vɛ̃, a Sore n'ʋ na de nyɩ niwn,
a Ɩsɩrayɛl Naaŋmɩn n'ʋ
na pàw a nyɩ pùor.
A Sore tõ-tõ-bie (Yielu anaar sob)
13A Sore yere na:
«A ɩ̃ tõ-tõ-bie na ɩ n nɩr.
Ʋ na ìr'a àr, bɛ na zɛw ʋ na,
ʋʋ na nyɛ̃ nɩ ƴãwfʋ yaga za.
14Mɛ̃ a lɛ nɩ-yaga na tɩ nyɛ̃ ʋ
kɛ̀ dɛ̃bɩ̃ɛ kpɛ bɛ,
a ʋ niwn na tɩ sãw ʋ za,
ʋʋ bɛ cãà ŋmɛ̃ taa nɩ nɩsaal a,
15lɛ mɩ̀ n'a nʋɔr na ɓãa
nɩ-bʋʋr-yaga a ʋ ƴãw,
na-mɩnɛ na nyɔw nɩ nʋɔr a ʋ niŋé.
Bʋ̃ʋ n'ʋ vɛ̃, bɛ nyɛ̃ nɩ bom na bɛ ɩ
mɛ̃ a lɛ bɛ na tɩ manɩ kʋ̀ bɛ a ɩ,
ɛ́ a bom bɛ na jɩ́rɛ a,
bɛ ɩ mɛ̃ a lɛ bɛ na wõ bɛ yel a ɩ.»
Currently Selected:
Ɩzayi 52: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Ɩzayi 52
52
A Zerizalɛm faafʋ
1Ìr, Sɩyɔ̃ tẽw i, ìr! Wul a fʋ kpɛnʋ!
Zerizalɛm, tẽ-kpɛ̃ɛ-sõw i,
su a fʋ dɛpaal bʋ̃-suuri.
Bʋ̃ʋ n'ʋ vɛ̃, a nɩ-sãanbɛ nɩ a dɛwr dem
kʋ̃ lɛb wa a fʋ zie towtow ɛ.
2Mɩr a uuru na pàw fʋ a bɛr.
Ìr lɛb de a fʋ àrʋ zie,
fʋ̃ʋ Zerizalɛm bɛ na pàw a!
Ír a mie bɛr a fʋ kɔkɔrɩ́,
fʋ̃ʋ Sɩyɔ̃ tẽw na be gaso pʋɔ a!
3Nyɛ̃ a ʋlɩ bom nɛ a Sore na yere kʋ̀rɛ a ʋ nɩbɛ a: «Bɛ kʋɔrɩ nyɩ nɩ mɔlɛ nyɩ ɩ gbãgbaar, bɛ na ya na de nyɩ ɛ́ bɛ ír libir ɛ.» 4Cãà lɛb nyɛ̃ a ʋlɩ bom nɛ a Sore Naaŋmɩn na yere a: «A ɩ̃ nɩbɛ tɩ zɔ na cen Eziptɩ tẽw a pɛr-tib daar, tɩ ɩ nʋʋrɩ a be. Asiiri tẽw dem nɛbɛ dɔwrɩ bɛ a baarʋ daar. 5Ƴɛrɛŋa a, bʋ̃ʋ n'ʋ ɩ̃ nyɛrɛ a pʋɔ? A Sore n'ʋ yere. Bɛ tɛr'ɩ a ɩ̃ nɩbɛ cen nɩ zawla, bɛ ɩ zɛbr nɩ-nyɔwrɩ. A bɛlɩ dem na tʋ̃ɔ́ bɛ a ŋmɩɛr'ɩ zɛb-tʋ̃ɔ́fʋ cɛlsɩ, ɛ́ tʋʋr a ɩ̃ yúor kʋralɛ. 6Alɛ n'a so bibir kãw, a ɩ̃ nɩbɛ na bãw sob nɛ na nɛ m a. Ʋ̃ʋ, bɛ na bãw na kɛ́ mãa n'ʋ yere: Ɩ̃ tarɛ na!»
A Sore lɛbr'a waar a Zerizalɛm
7A yel-nʋ̃ɔ̀ yere bɛ na nyɛ̃
ʋ be a tan zu waar a,
nyɛ̃ nʋ̃ɔ̀ na ɩrɛ a!
Ʋ yere nɩ a ƴã-ɓaarʋ, a nʋ̃ɔ̀ nɩ a faafʋ.
Ʋ yere na kʋ̀rɛ a Zerizalɛm:
«A fʋ Naaŋmɩn ɩ n nãà».
8Bɛr wõ a nɩbɛ
fʋ na ƴãw bɛ piwre a zie a:
bɛ lãw na lɔbr nʋ̃ɔ̀ cɛlsɩ,
bʋ̃ʋ n'ʋ vɛ̃, bɛ nyɛ̃ nɩ nɩ bɛ mimie
a Sore na lɛbr waar a Sɩyɔ̃ tẽw a.
9Zerizalɛm deboru u,
nyɩ ŋmɩɛr nʋ̃ɔ̀ cɛlsɩ:
a Sore mɔwlɛ nɩ a ʋ nɩbɛ,
ʋ yarɛ na dier a Zerizalɛm.
10A nɩ-bʋʋr-yoru za niŋé a,
a Sore wul'ɩ a ʋ sonu kpɛnʋ,
ɛ́ a nɩbɛ na nyɛ̃ nɩ a tɩ Naaŋmɩn faafʋ
tɩ tɔ a tẽw baarʋ ziir za.
Nyɩ yi zaa a Babɩlɔn tẽw pʋɔ
11Nyɩ cere, nyɩ cere, nyɩɩm na tuo
a Sore puoru bome lɛb waar'ɩ a!
Nyɩ yi zaa a Babɩlɔn tẽw pʋɔ!
Nyɩ taa tʋɔr bʋ̃-dɛwr kãw za ɩ,
nyɩ vɩɛl yi n a tẽw ŋa pʋɔ.
12Ƴɛrɛŋa ʋl a,
a kʋ̃ ɩ páwfʋ nyɩ cere páwr ɛ,
nyɩ kʋ̃ yi zaa a tẽw pʋɔ
mɛ̃ nɩbɛ na zɔrɛ a ɩ.
Bʋ̃ʋ n'ʋ vɛ̃, a Sore n'ʋ na de nyɩ niwn,
a Ɩsɩrayɛl Naaŋmɩn n'ʋ
na pàw a nyɩ pùor.
A Sore tõ-tõ-bie (Yielu anaar sob)
13A Sore yere na:
«A ɩ̃ tõ-tõ-bie na ɩ n nɩr.
Ʋ na ìr'a àr, bɛ na zɛw ʋ na,
ʋʋ na nyɛ̃ nɩ ƴãwfʋ yaga za.
14Mɛ̃ a lɛ nɩ-yaga na tɩ nyɛ̃ ʋ
kɛ̀ dɛ̃bɩ̃ɛ kpɛ bɛ,
a ʋ niwn na tɩ sãw ʋ za,
ʋʋ bɛ cãà ŋmɛ̃ taa nɩ nɩsaal a,
15lɛ mɩ̀ n'a nʋɔr na ɓãa
nɩ-bʋʋr-yaga a ʋ ƴãw,
na-mɩnɛ na nyɔw nɩ nʋɔr a ʋ niŋé.
Bʋ̃ʋ n'ʋ vɛ̃, bɛ nyɛ̃ nɩ bom na bɛ ɩ
mɛ̃ a lɛ bɛ na tɩ manɩ kʋ̀ bɛ a ɩ,
ɛ́ a bom bɛ na jɩ́rɛ a,
bɛ ɩ mɛ̃ a lɛ bɛ na wõ bɛ yel a ɩ.»
La Bible en Dagara © Alliance Biblique du Burkina Faso, 2013.