Ɩzayi 35
35
A Zerizalɛm tẽw lɛb-waa sɔ́r
1A wɛja-kpalɛ nɩ a tẽ-kõw, a cɩlɛ!
A dɩlãpʋɔ, ʋ cɩlɛ ƴawr'ɩ, ɛ́ ɩ puuru ʋ za!
2A póru pʋɔ mɔ̃-puuru, a pu pàw ʋ,
ʋ cɩlɛ ƴawr'ɩ, ŋmɩɛr'ɩ nʋ̃ɔ̀ cɛlsɩ!
A Sore kʋ̀ ʋ nɩ a Libã tan vɩɛlʋ,
a Karmɛl tãw nɩ a Saron tɩ̃tal dɛpaalʋ.
Lɛ n'a bɛ na nyɛ̃
a Sore yúor-vɩɛlʋ-danʋ,
a tɩ Naaŋmɩn dɛpaalʋ.
3Nyɩ lɛb kʋ̀ fãw a kpãkpamɛ na bàl a,
nyɩ ɩ a dume na màwr a a lɛb kpɛmɛ.
4Nyɩ yel a bɛlɩ dem na bɛ tɛr kanyir a:
«Nyɩ kpɛmɛ! Nyɩ ta zɔrɛ dɛ̃bɩ̃ɛ ɩ!
Nyɩ nyɛ̃ a nyɩ Naaŋmɩn.
Ʋ waar'a k'ʋʋ wa yáa a san kʋ̀ nyɩ,
ɛ́ maalɩ a nyɩ dɔ̃ dem
a faa bɛ na maalɩ nyɩ a,
ʋ waar'ɩ a ʋl mɩŋa a nyɩ faafʋ.»
5Lɛ n'a a zɔn na nyɛrɛ,
ɛ́ a won wone.
6A wʋbr na mɩ́ pal'a mɛ̃ wal-daa a,
ɛ́ a wõ-takpalɛ cɩɩrɛ a bɛ nʋ̃ɔ̀.
Kʋ̃ɔ na tɛbr'a yire a wɛja-kpalɛ pʋɔ,
mamɛ na zɔrɛ nɩ a dɩlãpʋɔ pʋɔ.
7A biir-tʋlʋ kpãkpã na lɩɛb'ɩ gbãtar,
ɛ́ a kʋ̃ɔ-nyúur tẽw lɩɛbɩ bul-nɛ́ɛ tẽw.
Bàa-kɛkɛɛ nɩ jimie na bule nɩ a be
gbõgbo-cili na tɩ kpɩɛr a.
8Sɔ́r na be n a be bɛ bʋɔlɛ sɔr-sõw.
Dɛwr sob kãw za bɛ tuur ʋ ɛ,
bʋ̃ʋ n'ʋ vɛ̃, a Sore mɩŋa n'ʋ na puo ʋ,
ɛ́ a dãbole bɛ waar
wa bɔrɛ gʋɔr a ʋ zu ɛ.
9Nɩr bɛ tuore gbẽw a ʋ zu ɛ,
wɛ-dʋ̃-faa kãw za bɛ yire a ʋ zu ɛ,
nɩr bɛ nyɛrɛ ʋ ɛ.
A nɩbɛ a Sore na na faa a,
bɛlɛ nɛbɛ na lo a sɔ́r ŋa.
10A bɛlɩ dem a Sore na na faa a na lɛb'a wa.
Bɛ na ŋmɩɛr'ɩ nʋ̃ɔ̀ cɛlsɩ wa tarɛ nɩ a Sɩyɔ̃.
Nʋ̃ɔ̀ na bɛ tɛr baarʋ a na caal'ɩ a bɛ niŋe.
Cɩlʋ nɩ nʋ̃ɔ̀ na tuori bɛ na,
ɛ́ pʋ-sãwna nɩ kon lɩɛb zɔ.
Currently Selected:
Ɩzayi 35: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Ɩzayi 35
35
A Zerizalɛm tẽw lɛb-waa sɔ́r
1A wɛja-kpalɛ nɩ a tẽ-kõw, a cɩlɛ!
A dɩlãpʋɔ, ʋ cɩlɛ ƴawr'ɩ, ɛ́ ɩ puuru ʋ za!
2A póru pʋɔ mɔ̃-puuru, a pu pàw ʋ,
ʋ cɩlɛ ƴawr'ɩ, ŋmɩɛr'ɩ nʋ̃ɔ̀ cɛlsɩ!
A Sore kʋ̀ ʋ nɩ a Libã tan vɩɛlʋ,
a Karmɛl tãw nɩ a Saron tɩ̃tal dɛpaalʋ.
Lɛ n'a bɛ na nyɛ̃
a Sore yúor-vɩɛlʋ-danʋ,
a tɩ Naaŋmɩn dɛpaalʋ.
3Nyɩ lɛb kʋ̀ fãw a kpãkpamɛ na bàl a,
nyɩ ɩ a dume na màwr a a lɛb kpɛmɛ.
4Nyɩ yel a bɛlɩ dem na bɛ tɛr kanyir a:
«Nyɩ kpɛmɛ! Nyɩ ta zɔrɛ dɛ̃bɩ̃ɛ ɩ!
Nyɩ nyɛ̃ a nyɩ Naaŋmɩn.
Ʋ waar'a k'ʋʋ wa yáa a san kʋ̀ nyɩ,
ɛ́ maalɩ a nyɩ dɔ̃ dem
a faa bɛ na maalɩ nyɩ a,
ʋ waar'ɩ a ʋl mɩŋa a nyɩ faafʋ.»
5Lɛ n'a a zɔn na nyɛrɛ,
ɛ́ a won wone.
6A wʋbr na mɩ́ pal'a mɛ̃ wal-daa a,
ɛ́ a wõ-takpalɛ cɩɩrɛ a bɛ nʋ̃ɔ̀.
Kʋ̃ɔ na tɛbr'a yire a wɛja-kpalɛ pʋɔ,
mamɛ na zɔrɛ nɩ a dɩlãpʋɔ pʋɔ.
7A biir-tʋlʋ kpãkpã na lɩɛb'ɩ gbãtar,
ɛ́ a kʋ̃ɔ-nyúur tẽw lɩɛbɩ bul-nɛ́ɛ tẽw.
Bàa-kɛkɛɛ nɩ jimie na bule nɩ a be
gbõgbo-cili na tɩ kpɩɛr a.
8Sɔ́r na be n a be bɛ bʋɔlɛ sɔr-sõw.
Dɛwr sob kãw za bɛ tuur ʋ ɛ,
bʋ̃ʋ n'ʋ vɛ̃, a Sore mɩŋa n'ʋ na puo ʋ,
ɛ́ a dãbole bɛ waar
wa bɔrɛ gʋɔr a ʋ zu ɛ.
9Nɩr bɛ tuore gbẽw a ʋ zu ɛ,
wɛ-dʋ̃-faa kãw za bɛ yire a ʋ zu ɛ,
nɩr bɛ nyɛrɛ ʋ ɛ.
A nɩbɛ a Sore na na faa a,
bɛlɛ nɛbɛ na lo a sɔ́r ŋa.
10A bɛlɩ dem a Sore na na faa a na lɛb'a wa.
Bɛ na ŋmɩɛr'ɩ nʋ̃ɔ̀ cɛlsɩ wa tarɛ nɩ a Sɩyɔ̃.
Nʋ̃ɔ̀ na bɛ tɛr baarʋ a na caal'ɩ a bɛ niŋe.
Cɩlʋ nɩ nʋ̃ɔ̀ na tuori bɛ na,
ɛ́ pʋ-sãwna nɩ kon lɩɛb zɔ.
La Bible en Dagara © Alliance Biblique du Burkina Faso, 2013.