Ɩzayi 24
24
A tẽ-daa sãw nɩ ʋ za
1A Sore na ɩ na a tẽw gã zawla,
ʋ na sãw ʋ na bɛr,
ʋ na ɩ na ʋ bɛ cãà tɛr niwn ɛ,
ʋ na diw nɩ a nɩbɛ yaarɩ a ziir za:
2a bàwr-maalɛ mɛ̃ a nɩ-zawla a,
a gbãgbaa sob mɛ̃ a gbãgbaa a,
a pɔw-nɩ-kpɛ̃ɛ mɛ̃ a tõ-tõ-bi-pɔw a,
a bʋ̃-kʋ̀ɔrɛ mɛ̃ a bʋ̃-daarɛ a,
a sob nɛ na pɛ̃wn a mɛ̃ a sob nɛ bɛ na pɛ̃wn a,
a sob nɛ zie bɛ na dɩ san a, mɛ̃ a sob nɛ na dɩ san a.
3A tẽw na gã nɩ zawla pelẽpelẽ,
bɛ na za ʋ nɩ ʋ za.
Bʋ̃ʋ n'ʋ vɛ̃, a Sore n'ʋ yel a lɛ.
4A tẽw tɛr'ɩ wahala,
ʋ sãwnɛ na cere.
A tẽ-daa za kpiir a,
ʋ sãwnɛ na cere.
A salom mɩ̀ lãw nɩ nɩ a tẽw kpiir.
5A nɩbɛ na kpɩɛr a tẽw a dɛw ʋ na bɛr,
bʋ̃ʋ n'ʋ vɛ̃, bɛ zawr'ɩ a Sore wulu bɛr,
bɛ bɛ tu a lɛ ʋ na yel a ɩ,
bɛ sãw nɩ a wõ-taa na be kʋralɛ
ʋ na maal'ɩ bɛ a bɛr.
6Alɛ so a Naaŋmɩn ŋmɛ-ƴãw báarɛ a tẽw,
ɛ́ a nɩbɛ na kpɩɛr ʋ a nyɛ̃ a dɔwrʋ.
Bɛ kpi na ɛ́ tɩ cɛ zaa pʋrɩ.
7Wahala n'a a divɛ̃-paala zie,
a divɛ̃ tɩɛ kpiir a,
a nʋ̃ɔ̀-wonbɛ za kone na.
8A gãgali na ŋmɩɛr ɩrɛ nʋ̃ɔ̀ a ŋmɛb tɛw na,
a nɩbɛ na cɩlɛ ɩrɛ nɩ gɔmɛ a,
a bɛ gɔmɛ baar'a,
a korijome na ŋmɩɛr ɩrɛ nʋ̃ɔ̀ a ŋmɛb tɛw na.
9A nɩbɛ bɛ cãà nyúur divɛ̃ yiele nɩ ɛ,
a dã-kpɛn tome nɩ a dã-nyúurbɛ zie.
10A tẽ-kpɛ̃ɛ nɩr na bɛ cãà kpɩɛr a lo na,
a yie za pàw na, nɩr kʋ̃ lɛb tʋ̃ɔ́ kpɛ ɩ.
11A nɩbɛ sowre nɩ divɛ̃ a tẽ-kpɛ̃ɛ sɛ́ɛ pʋɔ,
nʋ̃ɔ̀ za bɛ cãà be ɩ,
a cɩlʋ yi na zaa a tẽw pʋɔ.
12A tẽ-kpɛ̃ɛ cɛ nɩ deboru tɛwr,
a dɩ̃dɔr dacine ŋmɛr'a, ʋ sãw.
13Yel-mɩŋa, a nɩ-bʋʋrɛ sɔgɔ a tẽw zu a,
a na ɩ na mɛ̃ olivʋ tɩ-wɔmɛ
bɛ na pɔr baarɩ ɛ́ yiire nɩ lãwgola a,
mɛ̃ divɛ̃ tɩ-wɔmɛ bɛ na pɔr baarɩ
ɛ́ yiire a wɔ̃-beƴeni na cɛ a.
A tẽw nɩbɛ dãwnɩ nɩ cɩlʋ zuo
14A bɛlɩ dem na cɩ̃ɛ a cɩɛr'ɩ yielu,
bɛ cáarɛ na yere nɩ a Sore na ɩ kpɛ̃ɛ a.
Bɛ lɔbr'ɩ nʋ̃ɔ̀ cɛlsɩ à ŋá
yi n a mʋ̃tɔ̃w-kpɛb-lowr ten pʋɔ waar'ɩ:
15«Nyɩ íre a Sore yúor-vɩɛlʋ-danʋ
a saa-pɛrɩ́ voru pʋɔ,
nyɩ pore a ʋ yúor a kʋ̃ɔ-kpɛ̃ɛ-sɔgɔ-ten pʋɔ,
nyɩ pore a Sore, a Ɩsɩrayɛl Naaŋmɩn, yúor!»
16Tɩ wone yielu ŋa
na yire a tẽw baarʋ zie a:
«A Naaŋmɩn na ɩ mɩŋa sob a
so yúor-vɩɛlʋ-danʋ!»
Ɛcɛ mãa yere na: «Ɩ̃ wɛ na, ɩ̃ wɛ na!
Baw-bio páw mɛ̃ na!»
A mɩlmɩlbɛ mɩl'a.
Mɩlʋ wɛ! A mɩlmɩlbɛ mɩlɛ na.
17A pʋl-vʋ̃ɔ, a bɔw-zulu nɩ a bɛrɩ,
alɛ n'a gùre nyɩ,
nyɩɩm na kpɩɛr a tẽw zu a.
18Sob nɛ na na wõ a pʋl-vʋ̃ɔ cɛl zɔrɛ a
na lo n a bɔw-zulu pʋɔ.
Ʋlɛ wa tʋ̃ɔ́ yi a be a,
ʋ na kpɛ n a bɛra pʋɔ.
A salom tokori vɛɛ#24:18 Salom tokori vɛɛ: Vɛɛ na be a salom zu a n'a. Be n'a a sa-bie mɩ́ tuur yire lore a tẽw zu. A koro za Saa-pɛrɩ́ tẽw nɩbɛ zie a, à ŋá n'a a tẽ-daa tɩ ŋmɛ̃: a tẽw ɩ n vilovilo ɓãgala, ɛ́ kʋ̃ɔ viiri koli ʋ a ziir za. A salom ɩ na mɛ̃ gàr-kpɛ̃w na be a tẽw zu-sɔw piw ʋ tɛr a saa-zu kʋ̃ɔnɩ ƴãw a. Kʋ̃ɔ-kpɛ̃ɛ tɩ be n a tẽw pile, ɛ́ a kʋ̃ɔ á ŋá pʋɔ n'a a kpule na tɩɛ a tẽw tɛr a tɩ bà. yuo nɩ 'he'hee lɛ,
a tẽsɔw pɛr damnɛ na.
19A tẽsɔw pùr'a, ʋ pùr'a yaarɩ,
ʋ dam'ɩ faa faa.
20Ʋ dẽdere na mɛ̃ dã-kuole a,
ʋ damnɛ na mɛ̃ sɛw sɛsɛb na fure damnɛ a.
A ʋ yel-bier tɩbrɛ nɩ a ʋ zu,
ʋ lo ɛ kʋ̃ lɛb tʋ̃ɔ́ ìr ɛ.
A na-mɩnɛ naalʋ baarʋ nɩ a Naaŋmɩn naalʋ tib
21A ʋlɩ bibir nɛ a, a Sore na ìr'ɩ a salom zu bʋ̃-nyɩwrɩ ƴãw a saa-zu, nɩ a tẽw na-mɩnɛ ƴãw a pile ka. 22Bɛ na ɓã n bɛ za taa mɛ̃ nɩ-pàwrɩ a a bɔw-zulu pʋɔ, bɛ na pàw bɛ nɩ gaso pʋɔ. A na tɩ cɛlɩ na, ɛ́ bɛ wa nyɛ̃ dɔwrʋ.
23Vĩ na ɩrɛ nɩ a cuw,
a mʋ̃tɔ̃w na nyɛ̃ nɩ vĩ.
Bʋ̃ʋ n'ʋ vɛ̃, a Sore, a kpɛnʋ-za-sob,
na dɩrɛ nɩ naalʋ a Zerizalɛm
nɩ a Sɩyɔ̃ tãw zu.
A ʋ yúor-vɩɛlʋ-danʋ
na nyɩwrɛ nɩ a nɩ-kore niŋé.
Currently Selected:
Ɩzayi 24: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Ɩzayi 24
24
A tẽ-daa sãw nɩ ʋ za
1A Sore na ɩ na a tẽw gã zawla,
ʋ na sãw ʋ na bɛr,
ʋ na ɩ na ʋ bɛ cãà tɛr niwn ɛ,
ʋ na diw nɩ a nɩbɛ yaarɩ a ziir za:
2a bàwr-maalɛ mɛ̃ a nɩ-zawla a,
a gbãgbaa sob mɛ̃ a gbãgbaa a,
a pɔw-nɩ-kpɛ̃ɛ mɛ̃ a tõ-tõ-bi-pɔw a,
a bʋ̃-kʋ̀ɔrɛ mɛ̃ a bʋ̃-daarɛ a,
a sob nɛ na pɛ̃wn a mɛ̃ a sob nɛ bɛ na pɛ̃wn a,
a sob nɛ zie bɛ na dɩ san a, mɛ̃ a sob nɛ na dɩ san a.
3A tẽw na gã nɩ zawla pelẽpelẽ,
bɛ na za ʋ nɩ ʋ za.
Bʋ̃ʋ n'ʋ vɛ̃, a Sore n'ʋ yel a lɛ.
4A tẽw tɛr'ɩ wahala,
ʋ sãwnɛ na cere.
A tẽ-daa za kpiir a,
ʋ sãwnɛ na cere.
A salom mɩ̀ lãw nɩ nɩ a tẽw kpiir.
5A nɩbɛ na kpɩɛr a tẽw a dɛw ʋ na bɛr,
bʋ̃ʋ n'ʋ vɛ̃, bɛ zawr'ɩ a Sore wulu bɛr,
bɛ bɛ tu a lɛ ʋ na yel a ɩ,
bɛ sãw nɩ a wõ-taa na be kʋralɛ
ʋ na maal'ɩ bɛ a bɛr.
6Alɛ so a Naaŋmɩn ŋmɛ-ƴãw báarɛ a tẽw,
ɛ́ a nɩbɛ na kpɩɛr ʋ a nyɛ̃ a dɔwrʋ.
Bɛ kpi na ɛ́ tɩ cɛ zaa pʋrɩ.
7Wahala n'a a divɛ̃-paala zie,
a divɛ̃ tɩɛ kpiir a,
a nʋ̃ɔ̀-wonbɛ za kone na.
8A gãgali na ŋmɩɛr ɩrɛ nʋ̃ɔ̀ a ŋmɛb tɛw na,
a nɩbɛ na cɩlɛ ɩrɛ nɩ gɔmɛ a,
a bɛ gɔmɛ baar'a,
a korijome na ŋmɩɛr ɩrɛ nʋ̃ɔ̀ a ŋmɛb tɛw na.
9A nɩbɛ bɛ cãà nyúur divɛ̃ yiele nɩ ɛ,
a dã-kpɛn tome nɩ a dã-nyúurbɛ zie.
10A tẽ-kpɛ̃ɛ nɩr na bɛ cãà kpɩɛr a lo na,
a yie za pàw na, nɩr kʋ̃ lɛb tʋ̃ɔ́ kpɛ ɩ.
11A nɩbɛ sowre nɩ divɛ̃ a tẽ-kpɛ̃ɛ sɛ́ɛ pʋɔ,
nʋ̃ɔ̀ za bɛ cãà be ɩ,
a cɩlʋ yi na zaa a tẽw pʋɔ.
12A tẽ-kpɛ̃ɛ cɛ nɩ deboru tɛwr,
a dɩ̃dɔr dacine ŋmɛr'a, ʋ sãw.
13Yel-mɩŋa, a nɩ-bʋʋrɛ sɔgɔ a tẽw zu a,
a na ɩ na mɛ̃ olivʋ tɩ-wɔmɛ
bɛ na pɔr baarɩ ɛ́ yiire nɩ lãwgola a,
mɛ̃ divɛ̃ tɩ-wɔmɛ bɛ na pɔr baarɩ
ɛ́ yiire a wɔ̃-beƴeni na cɛ a.
A tẽw nɩbɛ dãwnɩ nɩ cɩlʋ zuo
14A bɛlɩ dem na cɩ̃ɛ a cɩɛr'ɩ yielu,
bɛ cáarɛ na yere nɩ a Sore na ɩ kpɛ̃ɛ a.
Bɛ lɔbr'ɩ nʋ̃ɔ̀ cɛlsɩ à ŋá
yi n a mʋ̃tɔ̃w-kpɛb-lowr ten pʋɔ waar'ɩ:
15«Nyɩ íre a Sore yúor-vɩɛlʋ-danʋ
a saa-pɛrɩ́ voru pʋɔ,
nyɩ pore a ʋ yúor a kʋ̃ɔ-kpɛ̃ɛ-sɔgɔ-ten pʋɔ,
nyɩ pore a Sore, a Ɩsɩrayɛl Naaŋmɩn, yúor!»
16Tɩ wone yielu ŋa
na yire a tẽw baarʋ zie a:
«A Naaŋmɩn na ɩ mɩŋa sob a
so yúor-vɩɛlʋ-danʋ!»
Ɛcɛ mãa yere na: «Ɩ̃ wɛ na, ɩ̃ wɛ na!
Baw-bio páw mɛ̃ na!»
A mɩlmɩlbɛ mɩl'a.
Mɩlʋ wɛ! A mɩlmɩlbɛ mɩlɛ na.
17A pʋl-vʋ̃ɔ, a bɔw-zulu nɩ a bɛrɩ,
alɛ n'a gùre nyɩ,
nyɩɩm na kpɩɛr a tẽw zu a.
18Sob nɛ na na wõ a pʋl-vʋ̃ɔ cɛl zɔrɛ a
na lo n a bɔw-zulu pʋɔ.
Ʋlɛ wa tʋ̃ɔ́ yi a be a,
ʋ na kpɛ n a bɛra pʋɔ.
A salom tokori vɛɛ#24:18 Salom tokori vɛɛ: Vɛɛ na be a salom zu a n'a. Be n'a a sa-bie mɩ́ tuur yire lore a tẽw zu. A koro za Saa-pɛrɩ́ tẽw nɩbɛ zie a, à ŋá n'a a tẽ-daa tɩ ŋmɛ̃: a tẽw ɩ n vilovilo ɓãgala, ɛ́ kʋ̃ɔ viiri koli ʋ a ziir za. A salom ɩ na mɛ̃ gàr-kpɛ̃w na be a tẽw zu-sɔw piw ʋ tɛr a saa-zu kʋ̃ɔnɩ ƴãw a. Kʋ̃ɔ-kpɛ̃ɛ tɩ be n a tẽw pile, ɛ́ a kʋ̃ɔ á ŋá pʋɔ n'a a kpule na tɩɛ a tẽw tɛr a tɩ bà. yuo nɩ 'he'hee lɛ,
a tẽsɔw pɛr damnɛ na.
19A tẽsɔw pùr'a, ʋ pùr'a yaarɩ,
ʋ dam'ɩ faa faa.
20Ʋ dẽdere na mɛ̃ dã-kuole a,
ʋ damnɛ na mɛ̃ sɛw sɛsɛb na fure damnɛ a.
A ʋ yel-bier tɩbrɛ nɩ a ʋ zu,
ʋ lo ɛ kʋ̃ lɛb tʋ̃ɔ́ ìr ɛ.
A na-mɩnɛ naalʋ baarʋ nɩ a Naaŋmɩn naalʋ tib
21A ʋlɩ bibir nɛ a, a Sore na ìr'ɩ a salom zu bʋ̃-nyɩwrɩ ƴãw a saa-zu, nɩ a tẽw na-mɩnɛ ƴãw a pile ka. 22Bɛ na ɓã n bɛ za taa mɛ̃ nɩ-pàwrɩ a a bɔw-zulu pʋɔ, bɛ na pàw bɛ nɩ gaso pʋɔ. A na tɩ cɛlɩ na, ɛ́ bɛ wa nyɛ̃ dɔwrʋ.
23Vĩ na ɩrɛ nɩ a cuw,
a mʋ̃tɔ̃w na nyɛ̃ nɩ vĩ.
Bʋ̃ʋ n'ʋ vɛ̃, a Sore, a kpɛnʋ-za-sob,
na dɩrɛ nɩ naalʋ a Zerizalɛm
nɩ a Sɩyɔ̃ tãw zu.
A ʋ yúor-vɩɛlʋ-danʋ
na nyɩwrɛ nɩ a nɩ-kore niŋé.
La Bible en Dagara © Alliance Biblique du Burkina Faso, 2013.