Oze 2
2
A Sore yel'a k'aa Ɩsɩrayɛl nʋ̃ɔ̀ bibir na vɩɛ na
1Bibir kãw, a Ɩsɩrayɛl bibiir na yãwmɛ na
mɛ̃ kʋ̃ɔ-kpɛ̃ɛ nʋɔr biire
bɛ na kʋ̃ tʋ̃ɔ́ manɩ, ɛ́ kʋ̃ tʋ̃ɔ́ sɔ́r a.
Ɛ́ a be a Naaŋmɩn na tɩ yere kʋ̀rɛ bɛ:
«Nyɩ bɛ ɩ ɩ̃ nɩ-bʋʋrɛ ɩ», be n'a ʋ na bʋɔlɛ bɛ:
«Naaŋmɩn na vʋʋrɛ a bibiir.»
2A Zuda bibiir nɩ a Ɩsɩrayɛl bibiir
na lɛb'a ɓã taa ɩ been,
bɛ na kaa na ír nɩ-kpɛ̃ɛ been,
ɛ́ bɛ na so nɩ a tẽw.
Bʋ̃ʋ n'ʋ vɛ̃, a Izireyɛl bibir na ɩ n bibi-kpɛ̃ɛ.
3Nyɩ yere a nyɩ yɛbr kɛ́: «Ɩ̃ nɩ-bʋʋrɛ!»,
ɛ́ a nyɩ yeepuuli kɛ́: «Pɔw-nɔna nɔna.»
A Ɩsɩrayɛl ɩ na mɛ̃ pɔw na bɛ tu a ʋ sɩr a
4«Nyɩ dɩ n a nyɩ mã Ɩsɩrayɛl ƴɛ̀rʋ,
nyɩ dɩ n ʋ ƴɛ̀rʋ, a Sore n'ʋ yere,
bʋ̃ʋ n'ʋ vɛ̃, ʋ bɛ ɩ ɩ̃ pɔw ɛ, ɩ̃ɩ bɛ ɩ a ʋ sɩr ɛ.»
«Ʋ ír a pɔw-yɛm bãwfʋ a ʋ niwn ƴãw!
Ʋ ír a ʋ pɩ̃ɔ-yele bãwfʋ#2:4 Pɔw-yɛm bãwfʋ nɩ pɩ̃ɔ-yele bãwfʋ: A pɔw-yɛmɛ mɩ́ tɩ ƴãw nɩ bome kãw: pɩ̃ɛmɛ n'a bɩɩ cɩrʋ n'a bɩɩ, k'aa nɩbɛ tʋ̃ɔ́ bãw bɛ. bɛr a ʋ bɩrɛ ƴãw!
5Alɛ bɛ ɩ lɛ, ɩ̃ na yàa nɩ a ʋ bʋ̃-suuri
ɛ́ bɛr ʋ ƴã-gã-kpãkpol,
ɩ̃ na ɩ na ʋ ŋmɛ̃ mɛ̃ a ʋ dɔwfʋ bibir a!
Ɩ̃ na ɩ na ʋ ŋmɛ̃ taa nɩ a wɛja-kpalɛ,
ɩ̃ na ɩ na ʋ lɩɛbɩ tẽsɔw-kõw,
ɩ̃ na ɩ na ʋ kpi n kʋ̃ɔ-nyúur.»
6«Ɩ̃ kʋ̃ nɔnɛ a ʋ bibiir ɛ:
pɔw-yɛm bibiir na nɛbɛ a ƴãw.
7Sɩza n'a, a bɛ mã kʋɔr'ɩ ʋ tʋɔra,
a ʋl na dɔw bɛ a, tone nɩ vĩ tome.
Ʋ mɩ́ tɩ yel'a: Ɩ̃ na zɔrɛ na tuur a ɩ̃ sɛnbɛ,
a bɛl na kʋ̀rɛ mɛ̃ a dipɛ̃ nɩ a kʋ̃ɔ a,
a pi-kɔblʋ pɛnɛ nɩ a lɛ̃ fomie pɛnɛ a,
a kãá nɩ a divɛ̃ a.
8Lɛ so, a mãa Sore, ɩ̃ na fur'ɩ a ʋ sɔ́r nɩ gʋʋr,
ɩ̃ na de nɩ bom gàr pàw nɩ ʋ,
ɛ́ ʋ kʋ̃ lɛb nyɛ̃ a ʋ sɛ́ɛ ɩ.
9Ʋ na diwr'a bɩ́ɛrɛ a ʋ sɛnbɛ ɛ́ kʋ̃ páw bɛ ɩ,
ʋ na bɔbr bɛ na ɛ́ kʋ̃ nyɛ̃ bɛ ɩ.
Lɛ n'a ʋ na yel: “Ɩ̃ na lɛb'a cen
a ɩ̃ sɩr-dãw-niwn sob zie.
Bʋ̃ʋ n'ʋ vɛ̃, ɩ̃ tɩ wone nɩ nʋ̃ɔ̀
a ʋ zie a lɛn daar zuo a ƴɛrɛŋa!”
10Ɛcɛ, ʋ bɛ tɩ bãw kɛ́ mãa n'ʋ tɩ kʋ̀rɛ ʋ a ble,
a divɛ̃-paala nɩ a kãá-paala a ɩ.
Ɩ̃ kʋ̀ ʋ nɩ salm-zɩɛ nɩ salm-pla sãsaralɛ,
ʋ de a tõ n kʋ̀ Báàl.
11Alɛ so, ɩ̃ na lɛb'a de a ɩ̃ ble a ble cɛb daar,
nɩ a divɛ̃-paala a divɛ̃ daar.
Ɩ̃ na faa nɩ a ɩ̃ pi-kɔblʋ pɛnɛ nɩ a ɩ̃ lɛ̃ pɛnɛ
na tɩ pàw a ʋ faalʋ a.
12Ƴɛrɛŋa ʋl a, ɩ̃ na wul'ɩ a ʋ faalʋ a ʋ sɛnbɛ.
Nɩr kʋ̃ piw mɛ̃ sɔ́r a lɛ ƴãw ɛ.
13Ɩ̃ na ɩ n a ʋ nʋ̃ɔ̀ za baarɩ,
a ʋ cuwr, a ʋ cuw-paalɛ,
nɩ a ʋ pɩ̃ɛnʋ-bibie, nɩ a ʋ cuw-bɛrɛ za.
14Ɩ̃ na sãw nɩ a ʋ divɛ̃ tɩɩr púo nɩ a ʋ kãkã-tɩɩr bɛr,
al ʋ na tɩ tɛr yere nɩ:
“A sã-ya n'ɩ à á ŋá a ɩ̃ sɛnbɛ na kʋ̀ m a.”
Ɩ̃ na ɩ na a lɩɛbɩ tuwr, a na lɩɛb'ɩ wɛ-dʋn bʋ̃-dɩrɩ.
15A bibie al ʋ na zɔ tu a Báàl mɩnɛ pùor a,
ɩ̃ na ɩ na ʋ ya a za.
Ʋ mɩ́ tɩ maal'ɩ bàwr kʋ̀ a.
Ʋ mɩ́ tɩ ƴãw nɩ a ʋ bamɛ nɩ a ʋ pɩ̃ɛmɛ
zɔrɛ tuur'ɩ a ʋ sɛnbɛ,
ɛ́ mɩ́ tɩ yiiri mɛ̃ bɛr, a Sore n'ʋ yere.
16Mãa n'ʋ na bɔ ʋ,
ɩ̃ na lɛb'a tɛr ʋ kpɛ n a wɛja-kpalɛ pʋɔ tɩ ƴɛ̀r'ɩ ʋ.
17Be n'a ɩ̃ na tɩ lɛb kʋ̀ ʋ a ʋ divɛ̃ tɩɩr póru,
ɛ́ ɩ a Akɔɔr bà-fʋɔla#2:17 Akɔɔr bà-fʋɔla: Nyɛ̃ Zoz 7.24 nɩ a manʋ. lɩɛbɩ faafʋ tɩɛrʋ dɩ̃dɔr.
Ɛ́ a be a, ʋ na tu m'a,
mɛ̃ a ʋ pɔ̀lʋ daar ʋ na mɩ́ tɩ tu m'a,
a bibir ʋl ʋ na yi a Eziptɩ tẽw a.»
A lɛb-kpɛ-taa bibir
18«A ʋlɩ bibir nɛ a, a Sore n'ʋ yere,
ʋ na bʋɔlɛ mɛ̃ nɩ: “Ɩ̃ sɩr”,
ʋ kʋ̃ cãà bʋɔlɛ mɛ̃: “Ɩ̃ Báàl, ɩ̃ zu-sob ɛ.”
19Ɩ̃ na ɩ n a Báàl mɩnɛ yée bɔr a ʋ nʋɔrɩ́,
ɛ́ bɛ kʋ̃ cãà pore a yée á ŋá yúor mɩ̀ ɛ.
20A ʋlɩ bibir nɛ a, mãa nɩ a wɛ-dʋn,
a saa-zu lili nɩ a tẽsɔw bʋ̃-vuri
na maal'ɩ wõ-taa a ɩ̃ nɩ-bʋʋrɛ ƴãw.
Ɩ̃ na kár'ɩ a tam nɩ a zɛbr-sɔ-kpɛ̃ɛ bɛr,
ɛ́ sãw a za bɛr, a kʋ̃ cãà a tẽw pʋɔ ɩ,
ɩ̃ɩ na sàw na k'aa ɩ̃ nɩbɛ mɩ́ ɓãá ƴãw gúre.
21Ɩsɩrayɛl ɩ, ɩ̃ na ƴãw nɩ fʋ nɩ yúor
na bɛ tɛr lɩɛb-bɛrʋ a.
Mɩnʋ nɩ yel-na-tu-sɔr-a pʋɔ n'a,
ɩ̃ na ƴãw nɩ fʋ a yúor.
Nɔ̃wfʋ nɩ su-ɓaarʋ pʋɔ n'a,
ɩ̃ na ƴãw nɩ fʋ a yúor.
22Pùor-bɛ-lɛbrʋ pʋɔ n'a ɩ̃ na ƴãw nɩ fʋ a yúor.
Lɛ n'a fʋ na bãw a Sore.
23A ʋlɩ bibir nɛ a, a Sore n'ʋ yere,
ɩ̃ na maal'ɩ a salom pʋ-tɩɛrʋ,
ɛ́ a salom maalɩ a tẽsɔw pʋ-tɩɛrʋ.
24 Ble nɩ divɛ̃-paala nɩ kãá-paala n'a
na maalɩ a tẽsɔw pʋ-tɩɛrʋ,
ɛ́ à á ŋá za na maal'ɩ a Izireyɛl pʋ-tɩɛrʋ.
25Ɩ̃ na bʋ̀r'ɩ a Izireyɛl a tẽw pʋɔ a mãa ƴãw,
ɩ̃ na nɔnɛ nɩ a Lo-Uruhama,
ɩ̃ na yel'ɩ a Lo-Ami: “Fʋ ɩ n a ɩ̃ nɩ-bʋʋrɛ”,
ɛ́ ʋ na sɔw mɛ̃ na: “Ɩ̃ Naaŋmɩn.”»
Currently Selected:
Oze 2: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Oze 2
2
A Sore yel'a k'aa Ɩsɩrayɛl nʋ̃ɔ̀ bibir na vɩɛ na
1Bibir kãw, a Ɩsɩrayɛl bibiir na yãwmɛ na
mɛ̃ kʋ̃ɔ-kpɛ̃ɛ nʋɔr biire
bɛ na kʋ̃ tʋ̃ɔ́ manɩ, ɛ́ kʋ̃ tʋ̃ɔ́ sɔ́r a.
Ɛ́ a be a Naaŋmɩn na tɩ yere kʋ̀rɛ bɛ:
«Nyɩ bɛ ɩ ɩ̃ nɩ-bʋʋrɛ ɩ», be n'a ʋ na bʋɔlɛ bɛ:
«Naaŋmɩn na vʋʋrɛ a bibiir.»
2A Zuda bibiir nɩ a Ɩsɩrayɛl bibiir
na lɛb'a ɓã taa ɩ been,
bɛ na kaa na ír nɩ-kpɛ̃ɛ been,
ɛ́ bɛ na so nɩ a tẽw.
Bʋ̃ʋ n'ʋ vɛ̃, a Izireyɛl bibir na ɩ n bibi-kpɛ̃ɛ.
3Nyɩ yere a nyɩ yɛbr kɛ́: «Ɩ̃ nɩ-bʋʋrɛ!»,
ɛ́ a nyɩ yeepuuli kɛ́: «Pɔw-nɔna nɔna.»
A Ɩsɩrayɛl ɩ na mɛ̃ pɔw na bɛ tu a ʋ sɩr a
4«Nyɩ dɩ n a nyɩ mã Ɩsɩrayɛl ƴɛ̀rʋ,
nyɩ dɩ n ʋ ƴɛ̀rʋ, a Sore n'ʋ yere,
bʋ̃ʋ n'ʋ vɛ̃, ʋ bɛ ɩ ɩ̃ pɔw ɛ, ɩ̃ɩ bɛ ɩ a ʋ sɩr ɛ.»
«Ʋ ír a pɔw-yɛm bãwfʋ a ʋ niwn ƴãw!
Ʋ ír a ʋ pɩ̃ɔ-yele bãwfʋ#2:4 Pɔw-yɛm bãwfʋ nɩ pɩ̃ɔ-yele bãwfʋ: A pɔw-yɛmɛ mɩ́ tɩ ƴãw nɩ bome kãw: pɩ̃ɛmɛ n'a bɩɩ cɩrʋ n'a bɩɩ, k'aa nɩbɛ tʋ̃ɔ́ bãw bɛ. bɛr a ʋ bɩrɛ ƴãw!
5Alɛ bɛ ɩ lɛ, ɩ̃ na yàa nɩ a ʋ bʋ̃-suuri
ɛ́ bɛr ʋ ƴã-gã-kpãkpol,
ɩ̃ na ɩ na ʋ ŋmɛ̃ mɛ̃ a ʋ dɔwfʋ bibir a!
Ɩ̃ na ɩ na ʋ ŋmɛ̃ taa nɩ a wɛja-kpalɛ,
ɩ̃ na ɩ na ʋ lɩɛbɩ tẽsɔw-kõw,
ɩ̃ na ɩ na ʋ kpi n kʋ̃ɔ-nyúur.»
6«Ɩ̃ kʋ̃ nɔnɛ a ʋ bibiir ɛ:
pɔw-yɛm bibiir na nɛbɛ a ƴãw.
7Sɩza n'a, a bɛ mã kʋɔr'ɩ ʋ tʋɔra,
a ʋl na dɔw bɛ a, tone nɩ vĩ tome.
Ʋ mɩ́ tɩ yel'a: Ɩ̃ na zɔrɛ na tuur a ɩ̃ sɛnbɛ,
a bɛl na kʋ̀rɛ mɛ̃ a dipɛ̃ nɩ a kʋ̃ɔ a,
a pi-kɔblʋ pɛnɛ nɩ a lɛ̃ fomie pɛnɛ a,
a kãá nɩ a divɛ̃ a.
8Lɛ so, a mãa Sore, ɩ̃ na fur'ɩ a ʋ sɔ́r nɩ gʋʋr,
ɩ̃ na de nɩ bom gàr pàw nɩ ʋ,
ɛ́ ʋ kʋ̃ lɛb nyɛ̃ a ʋ sɛ́ɛ ɩ.
9Ʋ na diwr'a bɩ́ɛrɛ a ʋ sɛnbɛ ɛ́ kʋ̃ páw bɛ ɩ,
ʋ na bɔbr bɛ na ɛ́ kʋ̃ nyɛ̃ bɛ ɩ.
Lɛ n'a ʋ na yel: “Ɩ̃ na lɛb'a cen
a ɩ̃ sɩr-dãw-niwn sob zie.
Bʋ̃ʋ n'ʋ vɛ̃, ɩ̃ tɩ wone nɩ nʋ̃ɔ̀
a ʋ zie a lɛn daar zuo a ƴɛrɛŋa!”
10Ɛcɛ, ʋ bɛ tɩ bãw kɛ́ mãa n'ʋ tɩ kʋ̀rɛ ʋ a ble,
a divɛ̃-paala nɩ a kãá-paala a ɩ.
Ɩ̃ kʋ̀ ʋ nɩ salm-zɩɛ nɩ salm-pla sãsaralɛ,
ʋ de a tõ n kʋ̀ Báàl.
11Alɛ so, ɩ̃ na lɛb'a de a ɩ̃ ble a ble cɛb daar,
nɩ a divɛ̃-paala a divɛ̃ daar.
Ɩ̃ na faa nɩ a ɩ̃ pi-kɔblʋ pɛnɛ nɩ a ɩ̃ lɛ̃ pɛnɛ
na tɩ pàw a ʋ faalʋ a.
12Ƴɛrɛŋa ʋl a, ɩ̃ na wul'ɩ a ʋ faalʋ a ʋ sɛnbɛ.
Nɩr kʋ̃ piw mɛ̃ sɔ́r a lɛ ƴãw ɛ.
13Ɩ̃ na ɩ n a ʋ nʋ̃ɔ̀ za baarɩ,
a ʋ cuwr, a ʋ cuw-paalɛ,
nɩ a ʋ pɩ̃ɛnʋ-bibie, nɩ a ʋ cuw-bɛrɛ za.
14Ɩ̃ na sãw nɩ a ʋ divɛ̃ tɩɩr púo nɩ a ʋ kãkã-tɩɩr bɛr,
al ʋ na tɩ tɛr yere nɩ:
“A sã-ya n'ɩ à á ŋá a ɩ̃ sɛnbɛ na kʋ̀ m a.”
Ɩ̃ na ɩ na a lɩɛbɩ tuwr, a na lɩɛb'ɩ wɛ-dʋn bʋ̃-dɩrɩ.
15A bibie al ʋ na zɔ tu a Báàl mɩnɛ pùor a,
ɩ̃ na ɩ na ʋ ya a za.
Ʋ mɩ́ tɩ maal'ɩ bàwr kʋ̀ a.
Ʋ mɩ́ tɩ ƴãw nɩ a ʋ bamɛ nɩ a ʋ pɩ̃ɛmɛ
zɔrɛ tuur'ɩ a ʋ sɛnbɛ,
ɛ́ mɩ́ tɩ yiiri mɛ̃ bɛr, a Sore n'ʋ yere.
16Mãa n'ʋ na bɔ ʋ,
ɩ̃ na lɛb'a tɛr ʋ kpɛ n a wɛja-kpalɛ pʋɔ tɩ ƴɛ̀r'ɩ ʋ.
17Be n'a ɩ̃ na tɩ lɛb kʋ̀ ʋ a ʋ divɛ̃ tɩɩr póru,
ɛ́ ɩ a Akɔɔr bà-fʋɔla#2:17 Akɔɔr bà-fʋɔla: Nyɛ̃ Zoz 7.24 nɩ a manʋ. lɩɛbɩ faafʋ tɩɛrʋ dɩ̃dɔr.
Ɛ́ a be a, ʋ na tu m'a,
mɛ̃ a ʋ pɔ̀lʋ daar ʋ na mɩ́ tɩ tu m'a,
a bibir ʋl ʋ na yi a Eziptɩ tẽw a.»
A lɛb-kpɛ-taa bibir
18«A ʋlɩ bibir nɛ a, a Sore n'ʋ yere,
ʋ na bʋɔlɛ mɛ̃ nɩ: “Ɩ̃ sɩr”,
ʋ kʋ̃ cãà bʋɔlɛ mɛ̃: “Ɩ̃ Báàl, ɩ̃ zu-sob ɛ.”
19Ɩ̃ na ɩ n a Báàl mɩnɛ yée bɔr a ʋ nʋɔrɩ́,
ɛ́ bɛ kʋ̃ cãà pore a yée á ŋá yúor mɩ̀ ɛ.
20A ʋlɩ bibir nɛ a, mãa nɩ a wɛ-dʋn,
a saa-zu lili nɩ a tẽsɔw bʋ̃-vuri
na maal'ɩ wõ-taa a ɩ̃ nɩ-bʋʋrɛ ƴãw.
Ɩ̃ na kár'ɩ a tam nɩ a zɛbr-sɔ-kpɛ̃ɛ bɛr,
ɛ́ sãw a za bɛr, a kʋ̃ cãà a tẽw pʋɔ ɩ,
ɩ̃ɩ na sàw na k'aa ɩ̃ nɩbɛ mɩ́ ɓãá ƴãw gúre.
21Ɩsɩrayɛl ɩ, ɩ̃ na ƴãw nɩ fʋ nɩ yúor
na bɛ tɛr lɩɛb-bɛrʋ a.
Mɩnʋ nɩ yel-na-tu-sɔr-a pʋɔ n'a,
ɩ̃ na ƴãw nɩ fʋ a yúor.
Nɔ̃wfʋ nɩ su-ɓaarʋ pʋɔ n'a,
ɩ̃ na ƴãw nɩ fʋ a yúor.
22Pùor-bɛ-lɛbrʋ pʋɔ n'a ɩ̃ na ƴãw nɩ fʋ a yúor.
Lɛ n'a fʋ na bãw a Sore.
23A ʋlɩ bibir nɛ a, a Sore n'ʋ yere,
ɩ̃ na maal'ɩ a salom pʋ-tɩɛrʋ,
ɛ́ a salom maalɩ a tẽsɔw pʋ-tɩɛrʋ.
24 Ble nɩ divɛ̃-paala nɩ kãá-paala n'a
na maalɩ a tẽsɔw pʋ-tɩɛrʋ,
ɛ́ à á ŋá za na maal'ɩ a Izireyɛl pʋ-tɩɛrʋ.
25Ɩ̃ na bʋ̀r'ɩ a Izireyɛl a tẽw pʋɔ a mãa ƴãw,
ɩ̃ na nɔnɛ nɩ a Lo-Uruhama,
ɩ̃ na yel'ɩ a Lo-Ami: “Fʋ ɩ n a ɩ̃ nɩ-bʋʋrɛ”,
ɛ́ ʋ na sɔw mɛ̃ na: “Ɩ̃ Naaŋmɩn.”»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.