Amɔsɩ 3
3
A Naaŋmɩn nɩ-bʋʋrɛ na manɩ nɩ a bɛ ɩ-ɩrɩ pɛr kʋ̀ a Naaŋmɩn
1Ɩsɩrayɛl nɩbɛ ɛ, nyɩ bɛr wõ a ƴɛ̀rʋ ŋa a Sore na ƴɛ̀rɛ cáarɛ nɩ nyɩ a, nyɩɩm na ɩ a yir ʋl ʋ na tɛr yi n a Eziptɩ tẽw pʋɔ a:
2«A tẽ-daa zu yie za pʋɔ a,
nyɩɩm tɛwr zie n'a ɩ̃ kaa.
Alɛ so ɩ̃ na ƴãw nyɩ manɩ
a nyɩ ɩ-faar za pɛr.»
A Naaŋmɩn ƴɛ̀rɛ na, a ʋ ƴɛ̀r-manɛ na ɩ n ŋmɩn ɩ gbili?
3Nɩbɛ ayi dãw na lãw lo sɔ́r
ɛ́ bɛ de niwn wõ taa ɩ?
4Gbẽw dãw na ùori tuw pʋɔ ɛ́ bɛ nyɛ̃ bom ɛ?
Gbẽw-bile bɛ nyɔw bom a
bɛ na wõ n a ʋ kɔkɔr kõ yi a ʋ sɔwlʋ zie e?
5Bʋ̃-bɛ̀rá bɛ ka bɛra zu a,
lile na sàw na siw tẽw bɛra nyɔw ʋ?
Bɛra dãw na ƴaw ìr ɛ́ bɛ nyɔw bom ɛ?
6Ɩɩl pɛblɛ nɩ tẽw pʋɔ ɛ́ nɩbɛ bɛ zɔ ŋmɛ taa ɩ?
A yel-faa na mɩ́ wa ta a tẽw pʋɔ a,
a Sore bɛ n'ʋ mɩ́ maalɩ ʋ ɛ?
7Yel-mɩŋa, a Sore Naaŋmɩn bɛ ɩrɛ bom za
ɛ́ bɛ yere a ʋ pʋ-tɩɛrʋ kʋ̀rɛ
a ʋ ƴɛ̀r-manbɛ na ɩ a ʋ tõ-tõ-biir a ɩ.
8Gbẽw ùor'a, ãa n'ʋ kʋ̃ zɔ dɛ̃bɩ̃ɛ?
A Sore Naaŋmɩn ƴɛ̀r'a,
ãa n'ʋ na vɛ̃ a ʋ ƴɛ̀rʋ manʋ?
A ƴɛ̀rʋ na ƴɛ̀r càar'ɩ a Samaari tẽw dem a
9Nyɩ do a Asɩdɔdɩ tẽw yir-vɩɛlɩ garɛ zu,
nɩ a Eziptɩ tẽw yir-vɩɛlɩ vɩɛlɩ garɛ zu lɔb cɛl yel:
«Nyɩ ɓã taa a Samaari#3:9 Samaari: A Ɩsɩrayɛl naalʋ-tẽw tẽ-kpɛ̃ɛ n'ʋ. Asɩdɔdɩ: Nyɛ̃ 1.8 nɩ a manʋ. tan zu,
ɛ́ nyɛ̃ yel-fa-bʋʋrɛ nɛ na be a ʋ pʋɔ a,
ɛ́ nyɛ̃ lɛ nɩbɛ na dɔwrɛ taa a be a!»
10A Sore yere na:
«A Samaari tẽw dem bɛ bãw
bʋ̃ʋ n'ɩ a yel na tori a ɩ.
Bɛ gbone nɩ a bɛ yir-vɩɛlɩ pʋɔ
a bome nɛ a bɛ po-to-fãw-ɩb
nɩ a bɛ nyãnyuwlu na ɩrɛ bɛ páwr a.»
11Alɛ n'a so a Sore Naaŋmɩn
yere kʋ̀rɛ a Samaari tẽw à ŋá:
«A dɔ̃ sob na jil'a koli a tẽw,
ʋ na tʋ̃ɔ́ nɩ a fʋ kpɛnʋ,
kpɛ fa a fʋ yir-vɩɛlɩ vɩɛlɩ pʋɔ bome.»
Faafʋ na ŋmɛ̃ a
12À ŋá n'a a Sore yere: «Mɛ̃ a lɛ a dʋ̃-cɩ̃ɩnɛ
na mɩ́ faa a dʋ̃w gbɛ́ɛ ayi
bɩɩ a dʋ̃w to-ŋmãa a gbẽw nʋɔrɩ́ a,
lɛ n'a bɛ mɩ́ na faa a Ɩsɩrayɛl bibiir
na kpɩɛr a Samaari a,
bɛl na gã dà-kɔw-vɩɛlɩ pʋɔ
nɩ gado-nʋmnʋm zu a.»
Nyɩ gù vla
13À ŋá n'a a Sore Naaŋmɩn,
a Naaŋmɩn kpɛnʋ-za-sob yere:
«Nyɩ bɛrɛ wone ɛ́ lʋɔrɛ kʋ̀rɛ
a Zakɔb bʋʋrɛ kɛ́ bɛ gù vla.
14A ʋlɩ bibir ɩ̃ nãà wa ìr
a Ɩsɩrayɛl nɩbɛ ƴãw a bɛ ɩ-faar zũú a,
ɩ̃ na ìr'ɩ a Betɛl#3:14 Betɛl: Zi-sõw na be a Zerizalɛm saa-pɛrɩ́-gʋba-lowr ɛ́ zãá nɩ ʋ mɛ̃ kilo pie nɩ anũu a n'ʋ. A nãà Zerobowam tɩ maal'ɩ puoru zie a be. Nyɛ̃ 1Na 12.27-29. tẽw bàwr-maal-kube ƴãw.
bɛ na kár'ɩ a bàwr-maal-kube ɩ́lɛ́ bɛr a lo gã tẽw.
15Ɩ̃ na ŋmɛr'ɩ a tʋlʋ daar yie nɩ a ƴawr daar yie bɛr.
A yir-vɩɛlɩ vɩɛlɩ al bɛ na ƴãw wɔb nyɩmɛ pɩ̃ɛmɛ a kʋ̃ cãà ɩ.
A yir-bɛrɛ bɛrɛ na lo na.» A Sore n'ʋ yel.
Currently Selected:
Amɔsɩ 3: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
Amɔsɩ 3
3
A Naaŋmɩn nɩ-bʋʋrɛ na manɩ nɩ a bɛ ɩ-ɩrɩ pɛr kʋ̀ a Naaŋmɩn
1Ɩsɩrayɛl nɩbɛ ɛ, nyɩ bɛr wõ a ƴɛ̀rʋ ŋa a Sore na ƴɛ̀rɛ cáarɛ nɩ nyɩ a, nyɩɩm na ɩ a yir ʋl ʋ na tɛr yi n a Eziptɩ tẽw pʋɔ a:
2«A tẽ-daa zu yie za pʋɔ a,
nyɩɩm tɛwr zie n'a ɩ̃ kaa.
Alɛ so ɩ̃ na ƴãw nyɩ manɩ
a nyɩ ɩ-faar za pɛr.»
A Naaŋmɩn ƴɛ̀rɛ na, a ʋ ƴɛ̀r-manɛ na ɩ n ŋmɩn ɩ gbili?
3Nɩbɛ ayi dãw na lãw lo sɔ́r
ɛ́ bɛ de niwn wõ taa ɩ?
4Gbẽw dãw na ùori tuw pʋɔ ɛ́ bɛ nyɛ̃ bom ɛ?
Gbẽw-bile bɛ nyɔw bom a
bɛ na wõ n a ʋ kɔkɔr kõ yi a ʋ sɔwlʋ zie e?
5Bʋ̃-bɛ̀rá bɛ ka bɛra zu a,
lile na sàw na siw tẽw bɛra nyɔw ʋ?
Bɛra dãw na ƴaw ìr ɛ́ bɛ nyɔw bom ɛ?
6Ɩɩl pɛblɛ nɩ tẽw pʋɔ ɛ́ nɩbɛ bɛ zɔ ŋmɛ taa ɩ?
A yel-faa na mɩ́ wa ta a tẽw pʋɔ a,
a Sore bɛ n'ʋ mɩ́ maalɩ ʋ ɛ?
7Yel-mɩŋa, a Sore Naaŋmɩn bɛ ɩrɛ bom za
ɛ́ bɛ yere a ʋ pʋ-tɩɛrʋ kʋ̀rɛ
a ʋ ƴɛ̀r-manbɛ na ɩ a ʋ tõ-tõ-biir a ɩ.
8Gbẽw ùor'a, ãa n'ʋ kʋ̃ zɔ dɛ̃bɩ̃ɛ?
A Sore Naaŋmɩn ƴɛ̀r'a,
ãa n'ʋ na vɛ̃ a ʋ ƴɛ̀rʋ manʋ?
A ƴɛ̀rʋ na ƴɛ̀r càar'ɩ a Samaari tẽw dem a
9Nyɩ do a Asɩdɔdɩ tẽw yir-vɩɛlɩ garɛ zu,
nɩ a Eziptɩ tẽw yir-vɩɛlɩ vɩɛlɩ garɛ zu lɔb cɛl yel:
«Nyɩ ɓã taa a Samaari#3:9 Samaari: A Ɩsɩrayɛl naalʋ-tẽw tẽ-kpɛ̃ɛ n'ʋ. Asɩdɔdɩ: Nyɛ̃ 1.8 nɩ a manʋ. tan zu,
ɛ́ nyɛ̃ yel-fa-bʋʋrɛ nɛ na be a ʋ pʋɔ a,
ɛ́ nyɛ̃ lɛ nɩbɛ na dɔwrɛ taa a be a!»
10A Sore yere na:
«A Samaari tẽw dem bɛ bãw
bʋ̃ʋ n'ɩ a yel na tori a ɩ.
Bɛ gbone nɩ a bɛ yir-vɩɛlɩ pʋɔ
a bome nɛ a bɛ po-to-fãw-ɩb
nɩ a bɛ nyãnyuwlu na ɩrɛ bɛ páwr a.»
11Alɛ n'a so a Sore Naaŋmɩn
yere kʋ̀rɛ a Samaari tẽw à ŋá:
«A dɔ̃ sob na jil'a koli a tẽw,
ʋ na tʋ̃ɔ́ nɩ a fʋ kpɛnʋ,
kpɛ fa a fʋ yir-vɩɛlɩ vɩɛlɩ pʋɔ bome.»
Faafʋ na ŋmɛ̃ a
12À ŋá n'a a Sore yere: «Mɛ̃ a lɛ a dʋ̃-cɩ̃ɩnɛ
na mɩ́ faa a dʋ̃w gbɛ́ɛ ayi
bɩɩ a dʋ̃w to-ŋmãa a gbẽw nʋɔrɩ́ a,
lɛ n'a bɛ mɩ́ na faa a Ɩsɩrayɛl bibiir
na kpɩɛr a Samaari a,
bɛl na gã dà-kɔw-vɩɛlɩ pʋɔ
nɩ gado-nʋmnʋm zu a.»
Nyɩ gù vla
13À ŋá n'a a Sore Naaŋmɩn,
a Naaŋmɩn kpɛnʋ-za-sob yere:
«Nyɩ bɛrɛ wone ɛ́ lʋɔrɛ kʋ̀rɛ
a Zakɔb bʋʋrɛ kɛ́ bɛ gù vla.
14A ʋlɩ bibir ɩ̃ nãà wa ìr
a Ɩsɩrayɛl nɩbɛ ƴãw a bɛ ɩ-faar zũú a,
ɩ̃ na ìr'ɩ a Betɛl#3:14 Betɛl: Zi-sõw na be a Zerizalɛm saa-pɛrɩ́-gʋba-lowr ɛ́ zãá nɩ ʋ mɛ̃ kilo pie nɩ anũu a n'ʋ. A nãà Zerobowam tɩ maal'ɩ puoru zie a be. Nyɛ̃ 1Na 12.27-29. tẽw bàwr-maal-kube ƴãw.
bɛ na kár'ɩ a bàwr-maal-kube ɩ́lɛ́ bɛr a lo gã tẽw.
15Ɩ̃ na ŋmɛr'ɩ a tʋlʋ daar yie nɩ a ƴawr daar yie bɛr.
A yir-vɩɛlɩ vɩɛlɩ al bɛ na ƴãw wɔb nyɩmɛ pɩ̃ɛmɛ a kʋ̃ cãà ɩ.
A yir-bɛrɛ bɛrɛ na lo na.» A Sore n'ʋ yel.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.