2 Makabe mɩnɛ 1
1
A sɛb-tʋɔla dãw-niwn sob bɛ na tɩr kʋ̀ a Eziptɩ tẽw Zifʋ mɩnɛ a
1«A Zerizalɛm nɩ a Zude tẽw za Zifʋ mɩnɛ puore nɩ a bɛ yɛbr Zifʋ bɛl na be a Eziptɩ tẽw a, ɛ́ yere kɛ́ ƴã-ɓaarʋ na ɩ ƴã-ɓaarʋ a be a bɛ zie.»
2«A Naaŋmɩn, ʋ cãà bãwnɩ a wõ-taa ʋ na maalɩ nɩ a Abraham, Ɩzaakɩ nɩ Zakɔb, a ʋ tõ-tõ-biir na bɛ lɛb pùor a, ɛ́ kʋ̀ nyɩ a ʋ maalʋ yaga za! 3Ʋ ƴãw nyɩ za a tɩɛrʋ kɛ́ nyɩ puore ʋ, kɛ́ nyɩ maalɛ a ʋ pʋ-tɩɛrʋ nɩ a nyɩ socir za, lãwnɩ tɩɛrʋ na vɩɛl a. 4Ʋ ɩ kɛ̀ nyɩ tʋ̃ɔ́ bãw a ʋ wulu nɩ a ʋ nɛ-ƴãwnɩ, ʋʋ kʋ̀ nyɩ a ƴã-ɓaarʋ! 5Ʋ sàw de a nyɩ puoru, ʋ dɩ a nyɩ sãwnɩ suur kʋ̀ nyɩ, ɛ́ ta zawrɩ nyɩ bɛr a kpɩɛrʋ daar ɛ! 6A puoru n'ɩ à á ŋá tɩ na puore ʋ kʋ̀rɛ nyɩ a ka, a ƴɛrɛŋa a.
7A Demetiriyisi naalʋ-dɩb daar, a yome lɩz'a ani nɩ piwaɩ (169) sob, a tɩɩm Zifʋ mɩnɛ, tɩ tɩ sɛb nyɩ nɩ à ŋá: “A lɛ a Zazɔ̃ nɩ a ʋ nɩbɛ na dɛ zawrɩ a Tẽ-Sõw yele nɩ a Naaŋmɩn, tɩ Nãà, yele bɛr a, tɩ be n kpɩɛrʋ na bɛ dɩ vuo a pʋɔ#1:7 Demetiriyisi: Demetiriyisi 2 sob'ʋ dɩ a naalʋ 145 tɩ ta 138, nɩ 129 tɩ ta 125, a Yeezu Kɩrɩta na bɛ tɩ wa sɛr a.— Yome 169: A Yeezu Kɩrɩta na bɛ tɩ wa sɛr a yome 143 nɩ 142 vuo pʋɔ na n'a. A Gɩrɛkɩ mɩnɛ naalʋ-tẽw pʋɔ a, a Selekisɩ 1 sob na dɩ a naalʋ a n'a bɛ tĩ sɔrɛ a yome, a Yeezu Kɩrɩta na bɛ tɩ wa sɛr a yome 312 sob, simie cuw pʋɔ.— Zazɔ̃: Nyɛ̃ 4.7-20.. 8Bɛ nyɩw nɩ a Ŋmɩn-yir-kpɛ̃ɛ pan-kpɛ̃ɛ bɛr, ɛ́ kʋ nɩbɛ na bɛ tɛr sãwna a. Ɛcɛ tɩ puor'ɩ a Sore, ʋ sàw a tɩ zɛlʋ. Tɩ maal'ɩ a bagɛ ɛ́ tɩr kukur de-kʋ̀b bome. Tɩ 'le n a Ŋmɩn-yir-kpɛ̃ɛ fɩ̃tɩlɩ, ɛ́ bin a dipɛ̃ bɛ na mɩ́ de kʋ̀ a Naaŋmɩn a.”
9Ƴɛrɛŋa a, tɩ sɛbr nyɩ na kɛ́ nyɩ maalɩ a Sɛwr cuw#1:9 Sɛwr cuw: A cuw ŋa mɩ́ tɩ maal'ɩ kpãcãan cuw nɩ simie cuw vuo pʋɔ. A Kisile cuw yúor na por a, a wul'a k'aa Ŋmɩn-yir-kpɛ̃ɛ maalʋ cuw n'ʋ, na mɩ́ tɩ maalɩ ũo-yi-paala cuw nɩ bʋrnyɛ̃ cuw vuo pʋɔ a., a Kisile cuw pʋɔ.
10A yome kɔbr ayi vʋ̃ɔ lɩzɛr dɔwlɩ yome ani (188)#1:10 Yome 188 sob: A Yeezu Kɩrɩta na bɛ tɩ wa sɛr a yome 124 sob'ʋ. sob pʋɔ n'a a sɛbɛ sɛb.»
A sɛb-tʋɔlɩ ayi sob: a Zifʋ mɩnɛ puore nɩ a Sore barka a Ãtiokisi kũu pùorí
«A Zerizalɛm nɩ a Zude tẽw dem, a nɩ-kore lãwnɩ a Zuda, puore nɩ a Arɩsɩtobul, na ɩ a bàwr-maalbɛ bɛ na de kʋ̀ a Sore a bʋʋrɛ, nɩ a nãà Pitoleme yã-wule a. Tɩ mɩ̀ puore nɩ a Eziptɩ tẽw Zifʋ mɩnɛ, ɛ́ yere kɛ́ bɛ tɛr ƴã-ɓaarʋ vla#1:10 Zuda: A Zuda Makabe n'ʋ. Arɩsɩtobul: Zifʋ nɩr kãw na be a Alɛsãdiri tẽw a n'ʋ. Pitoleme: A Eziptɩ tẽw nãà Pitoleme 6 sob, bɛ na bʋɔlɛ Filometɔɔr a n'ʋ..
11A Naaŋmɩn faa tɩ nɩ yel-fa-bɛrɛ pʋɔ, alɛ so tɩ puore ʋ barka yaga za, ʋ na sõw tɩ tɩ zɛb'ɩ a nãà a. 12Yel-mɩŋa n'a, a Naaŋmɩn mɩŋa diw nɩ a bɛlɩ dem na tɩ wa wa zɛbr'ɩ a tẽ-kpɛ̃ɛ-sõw a. 13Bʋ̃ʋ n'ʋ vɛ̃, a nãà Ãtiokisi na tɩ cen a Pɛrsɩ tẽw a, a ʋ zɛbr-nɩbɛ tɩ sãá na mɛ̃ nɩr kʋ̃ tʋ̃ɔ́ bɛ a. Ɛcɛ bɛ tɩ kʋ n bɛ za a ŋmɩn-pɔw Naneya#1:13 Naneya: Babɩlɔn tẽw ŋmɩn-pɔw kãw, a Gɩrɛkɩ mɩnɛ na bʋɔlɛ Efɛɛzɩ tẽw Artemisɩ a n'ʋ. yir pʋɔ, a yã a ʋ bàwr-maalbɛ na tɩ maalɩ a ƴãw. 14A Ãtiokisi tɩ cen nɩ a zi-sõw ŋa pʋɔ, ʋlɛ nɩ a ʋ bárɩ, ɛ́ yel kɛ́ ʋlɛ nɩ a ŋmɩn-pɔw kul-taa ƴãw n'a. Ɛcɛ alɛ ɩrɛ mɛ̃ bom'ʋ a, a ŋmɩn-yir na-bʋ̃-yaga yaga na na ɩ a kul-taa bom a n'a ʋ tɩ bɔbr. 15A Naneya bàwr-maalbɛ tɩ de a na yi n bin, ɛ́ a Ãtiokisi nɩ a ʋ pùor dem bɛ mɩnɛ kpɛ a zi-sõw pʋɔ. Ɛcɛ a nãà na dɛ tɩ kpɩɛr wa báarɛ a, a bàwr-maalbɛ nyɔw nɩ a yir pamɛ pàw. 16Bɛ tɩ yuo nɩ vʋɔr na sɔwlɩ a gàrʋ́ a, ɛ́ àr a be, ɛ́ lɔb lɔb a Ãtiokisi nɩ a ʋ nɩbɛ nɩ kʋsɛbɛ kʋ. Al pùorí bɛ ŋma a bɛ gbɛ́ɛ nɩ a nuru nɩ a zuru, ɛ́ lɔb a zuru kʋ̀ a bɛlɩ dem na tɩ be a yẽw a. 17A tɩ Naaŋmɩn so danʋ a yele za pʋɔ, ʋl na bɛr a bɛlɩ dem na ɩrɛ ʋ laar a kʋ̀ a kũu a.»
A bàwr-maal-kuur vũu na bɛ kpiiri a
18«A Kisile cuw bibie lɩzɛr'ɩ anũu sob, tɩ na maal'ɩ a Ŋmɩn-yir-kpɛ̃ɛ dɛwr ír-bɛrʋ cuw. Tɩ jiel'a nyɛ̃ a ɩ fɛrʋ kɛ́ tɩ ɩ nyɩ bãwnɩ a, mɩ̀ tʋ̃ɔ́ maalɩ a cuw mɛ̃ a lɛ a Sɛwr cuw na mɩ́ maalɩ a. A lɛ pʋɔ a, nyɩ na lɛb'a bãwnɩ a vũu na tɩ sãá a lɛn daar a Neemi na tɩ lɛb mɛ a Ŋmɩn-yir-kpɛ̃ɛ nɩ a bàwr-maal-kuur baarɩ, ɛ́ maalɩ bagɛ a. 19Bʋ̃ʋ n'ʋ vɛ̃, a lɛ bɛ na tɩ diw#1:19 Diw...cen nɩ Pɛrsɩ tẽw a: A nɩbɛ bɛ na diw cen nɩ a Babɩlɔn tẽw a n'a bɛ yere. a tɩ sãàkʋm-kore cen nɩ a Pɛrsɩ tẽw a, a ʋlɩ daar nɛ bàwr-maalbɛ bɛl na bɛ lɛb pùor a, tɩ sɔwl'a mʋ̃ɔ a bàwr-maal-kuur zu vũu tɩ sɔwlɩ bul-kõw pʋɔ. Bɛ tɩ sɔwl'ʋ nɩ vla za, nɩr za bɛ tʋ̃ɔ́ nyɛ̃ ʋ ɛ. 20A na wa pɛlɩ a Naaŋmɩn pʋɔ yome yaga pùorí a, a Pɛrsɩ tẽw nãà tɩ tõ n Neemi a Zerizalɛm. A Neemi tɩ ƴãw na a bàwr-maalbɛ bɛl na tɩ sɔwlɩ a vũu a bʋʋrɛ bɔ a vũu. 21Bɛ na tɩ yel kɛ́ bɛ bɛ nyɛ̃ vũu, ɛ́ nyɛ̃ bʋ̃-kʋ̃ɔ mawtaga kãw a, a Neemi tɩ yel a kɛ́ bɛ 'wɔ̃w a wa n. Bɛ na tɩ cɔbrɩ bom za baarɩ a bàwr ƴãw a, a Neemi tɩ yel'ɩ a bàwr-maalbɛ kɛ́ bɛ cir a bʋ̃-kʋ̃ɔ á ŋá ƴãw a dàar zu, nɩ a bàwr-maal-bome na dɔwlɩ a zu a. 22Bɛ tɩ ɩ n a lɛ. Blã na wa pʋɔ a, a mʋ̃tɔ̃w zũzuge na tɩ pàw a tɩ yi na, ɛ́ vũu-kpɛ̃ɛ nyɔw a bàwr-maal-kuur za dɩrɛ, a ɩ nɔ-ɓãan a nɩbɛ za zie. 23A bàwr-maal-bome na tɩ dɩrɛ a, a bàwr-maalbɛ nɩ a bɛlɩ dem za na tɩ be be a tɩ puore na. A Zonatã mɩ́ tɩ tĩ na, ɛ́ a bɛl na cɛ a sɔwr, lãwnɩ a Neemi. 24A puoru ʋl tɩ n'ɩ ŋa:
“Sore e, Sore Naaŋmɩn i, fʋ̃ʋ n'ʋ ír a bome za. Fʋ bɛ tɛr dɩ̃ɛnʋ ɛ, fʋ tɛr'ɩ kpɛnʋ, fʋ ɩ n nɩ-mɩŋa ɛ́ ɩ nɔ̃wfʋ tɛwr. Fʋ̃ʋ yõ n'ʋ ɩ nãà, fʋ̃ʋ yõ n'ʋ ɩ nɩ-vla, 25fʋ tɩrɛ na bɛ zʋmnɛ nɩ ɛ, ɛ́ ɩ nɩ-mɩŋa, kpɛnʋ-za-sob, ɛ́ be kʋralɛ. Fʋ kaa na ír a tɩ sãàkʋm-kore, fʋ maalɩ bɛ na bɛ be a fʋ tome tob ƴãw, ɛ́ fʋ faarɛ a Ɩsɩrayɛl yel-faa za ƴãw. 26Pãa sàw de a bàwr ŋa a fʋ nɩ-bʋʋrɛ za ƴãw, a Ɩsɩrayɛl. Gùre bɛ, fʋ̃ʋ na so bɛ a, ɛ́ ɩ kɛ̀ bɛ sɛwnɩ a fʋ tome tob. 27A tɩ nɩbɛ na ɩ a gbãgbaar be a ziir a nɩ-bʋʋr-yoru sɔgɔ a, ír bɛ a gbãgbaalʋ pʋɔ bɛ lɛb so bɛ tʋɔra. Lɛb bʋɔlɩ bɛ a ten za pʋɔ wa ɓã taa. Jɩ́r a bɛlɩ dem bɛ na bɛ nɔnɛ ɛ́ ɩrɛ laar a kaa, a nɩ-bʋʋr-yoru bãw kɛ́ fʋ ɩ n a tɩ Naaŋmɩn. 28Dɔwrɩ a bɛlɩ dem na ɩrɛ tɩ a kpɩɛr, ɛ́ ɩrɛ pɔ̀l-ɩb tʋʋr'ɩ tɩ a. 29Lɛb ƴãw a fʋ nɩ-bʋʋrɛ a fʋ tẽw fʋ na so a pʋɔ, mɛ̃ a lɛ a Moyiir na yel a.”
30Al pùorí, a bàwr-maalbɛ tɩ nyɔw nɩ danʋ yielu. 31A bàwr-maal-bome na tɩ dɩ a vũu baar'a, a Neemi tɩ yel'a kɛ́ bɛ cir a bʋ̃-kʋ̃ɔ al na cɛ a ƴãw kʋsɛ-bɛrɛ kãw zu. 32Bɛ na dɛ tɩ ɩ a lɛ wa baarɩ a, vũu 'le na, ɛcɛ a vũu na tɩ dɩrɛ a bàwr-maal-kuur zu a cãà tɩ vɔl'ɩ a ʋ cãà.
33A yel ŋa tɩ yi na. À ŋá n'a bɛ tɩ cen tɩ manɩ kʋ̀ a Pɛrsɩ mɩnɛ nãà, kɛ́ bɛ nyɛ̃ nɩ bʋ̃-kʋ̃ɔ kãw a be a bàwr-maalbɛ na tɩ sɔwlɩ a vũu, ɛ́ bɛ bãw diw bɛ cen nɩ a Babɩlɔn a, nɩ k'aa bʋ̃-kʋ̃ɔ á ŋá n'a a Neemi nɩ a ʋ taabɛ nyɩw nɩ a bàwr-maal-bome. 34A nãà na tɩ bɩɛrɩ a yele nyɛ̃ a ɩ sɩza a, ʋ ƴãw na bɛ maalɩ dàbáw viiri koli a zie ʋl, ɛ́ yel kɛ́ zi-sõw n'ʋ. 35Ʋ tɩ páwr'ɩ libie yaga a ʋ pʋɔ, íre kʋ̀rɛ a ʋ nɩ-nɔnɩ.
36A Neemi nɩ a ʋ taabɛ tɩ bʋɔl'ɩ a bʋ̃-kʋ̃ɔ á ŋá kɛ́ “nɛfɩtaar”, a pɛr lɛ kɛ́ “dɛwr ír-bɛrʋ”, ɛcɛ a nɩbɛ yaga zie tɩ bʋɔlɛ a nɩ “Nafite#1:36 Nafite: A karasɩ̃ bɩɩ petʋrɔl'a bɛ yere. Karasɩ̃ ɩ n ãgelsɩ ƴɛ̀r-bir, ɛ́ petʋrɔl ɩ farsɩ ƴɛ̀r-bir.”»
Currently Selected:
2 Makabe mɩnɛ 1: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
2 Makabe mɩnɛ 1
1
A sɛb-tʋɔla dãw-niwn sob bɛ na tɩr kʋ̀ a Eziptɩ tẽw Zifʋ mɩnɛ a
1«A Zerizalɛm nɩ a Zude tẽw za Zifʋ mɩnɛ puore nɩ a bɛ yɛbr Zifʋ bɛl na be a Eziptɩ tẽw a, ɛ́ yere kɛ́ ƴã-ɓaarʋ na ɩ ƴã-ɓaarʋ a be a bɛ zie.»
2«A Naaŋmɩn, ʋ cãà bãwnɩ a wõ-taa ʋ na maalɩ nɩ a Abraham, Ɩzaakɩ nɩ Zakɔb, a ʋ tõ-tõ-biir na bɛ lɛb pùor a, ɛ́ kʋ̀ nyɩ a ʋ maalʋ yaga za! 3Ʋ ƴãw nyɩ za a tɩɛrʋ kɛ́ nyɩ puore ʋ, kɛ́ nyɩ maalɛ a ʋ pʋ-tɩɛrʋ nɩ a nyɩ socir za, lãwnɩ tɩɛrʋ na vɩɛl a. 4Ʋ ɩ kɛ̀ nyɩ tʋ̃ɔ́ bãw a ʋ wulu nɩ a ʋ nɛ-ƴãwnɩ, ʋʋ kʋ̀ nyɩ a ƴã-ɓaarʋ! 5Ʋ sàw de a nyɩ puoru, ʋ dɩ a nyɩ sãwnɩ suur kʋ̀ nyɩ, ɛ́ ta zawrɩ nyɩ bɛr a kpɩɛrʋ daar ɛ! 6A puoru n'ɩ à á ŋá tɩ na puore ʋ kʋ̀rɛ nyɩ a ka, a ƴɛrɛŋa a.
7A Demetiriyisi naalʋ-dɩb daar, a yome lɩz'a ani nɩ piwaɩ (169) sob, a tɩɩm Zifʋ mɩnɛ, tɩ tɩ sɛb nyɩ nɩ à ŋá: “A lɛ a Zazɔ̃ nɩ a ʋ nɩbɛ na dɛ zawrɩ a Tẽ-Sõw yele nɩ a Naaŋmɩn, tɩ Nãà, yele bɛr a, tɩ be n kpɩɛrʋ na bɛ dɩ vuo a pʋɔ#1:7 Demetiriyisi: Demetiriyisi 2 sob'ʋ dɩ a naalʋ 145 tɩ ta 138, nɩ 129 tɩ ta 125, a Yeezu Kɩrɩta na bɛ tɩ wa sɛr a.— Yome 169: A Yeezu Kɩrɩta na bɛ tɩ wa sɛr a yome 143 nɩ 142 vuo pʋɔ na n'a. A Gɩrɛkɩ mɩnɛ naalʋ-tẽw pʋɔ a, a Selekisɩ 1 sob na dɩ a naalʋ a n'a bɛ tĩ sɔrɛ a yome, a Yeezu Kɩrɩta na bɛ tɩ wa sɛr a yome 312 sob, simie cuw pʋɔ.— Zazɔ̃: Nyɛ̃ 4.7-20.. 8Bɛ nyɩw nɩ a Ŋmɩn-yir-kpɛ̃ɛ pan-kpɛ̃ɛ bɛr, ɛ́ kʋ nɩbɛ na bɛ tɛr sãwna a. Ɛcɛ tɩ puor'ɩ a Sore, ʋ sàw a tɩ zɛlʋ. Tɩ maal'ɩ a bagɛ ɛ́ tɩr kukur de-kʋ̀b bome. Tɩ 'le n a Ŋmɩn-yir-kpɛ̃ɛ fɩ̃tɩlɩ, ɛ́ bin a dipɛ̃ bɛ na mɩ́ de kʋ̀ a Naaŋmɩn a.”
9Ƴɛrɛŋa a, tɩ sɛbr nyɩ na kɛ́ nyɩ maalɩ a Sɛwr cuw#1:9 Sɛwr cuw: A cuw ŋa mɩ́ tɩ maal'ɩ kpãcãan cuw nɩ simie cuw vuo pʋɔ. A Kisile cuw yúor na por a, a wul'a k'aa Ŋmɩn-yir-kpɛ̃ɛ maalʋ cuw n'ʋ, na mɩ́ tɩ maalɩ ũo-yi-paala cuw nɩ bʋrnyɛ̃ cuw vuo pʋɔ a., a Kisile cuw pʋɔ.
10A yome kɔbr ayi vʋ̃ɔ lɩzɛr dɔwlɩ yome ani (188)#1:10 Yome 188 sob: A Yeezu Kɩrɩta na bɛ tɩ wa sɛr a yome 124 sob'ʋ. sob pʋɔ n'a a sɛbɛ sɛb.»
A sɛb-tʋɔlɩ ayi sob: a Zifʋ mɩnɛ puore nɩ a Sore barka a Ãtiokisi kũu pùorí
«A Zerizalɛm nɩ a Zude tẽw dem, a nɩ-kore lãwnɩ a Zuda, puore nɩ a Arɩsɩtobul, na ɩ a bàwr-maalbɛ bɛ na de kʋ̀ a Sore a bʋʋrɛ, nɩ a nãà Pitoleme yã-wule a. Tɩ mɩ̀ puore nɩ a Eziptɩ tẽw Zifʋ mɩnɛ, ɛ́ yere kɛ́ bɛ tɛr ƴã-ɓaarʋ vla#1:10 Zuda: A Zuda Makabe n'ʋ. Arɩsɩtobul: Zifʋ nɩr kãw na be a Alɛsãdiri tẽw a n'ʋ. Pitoleme: A Eziptɩ tẽw nãà Pitoleme 6 sob, bɛ na bʋɔlɛ Filometɔɔr a n'ʋ..
11A Naaŋmɩn faa tɩ nɩ yel-fa-bɛrɛ pʋɔ, alɛ so tɩ puore ʋ barka yaga za, ʋ na sõw tɩ tɩ zɛb'ɩ a nãà a. 12Yel-mɩŋa n'a, a Naaŋmɩn mɩŋa diw nɩ a bɛlɩ dem na tɩ wa wa zɛbr'ɩ a tẽ-kpɛ̃ɛ-sõw a. 13Bʋ̃ʋ n'ʋ vɛ̃, a nãà Ãtiokisi na tɩ cen a Pɛrsɩ tẽw a, a ʋ zɛbr-nɩbɛ tɩ sãá na mɛ̃ nɩr kʋ̃ tʋ̃ɔ́ bɛ a. Ɛcɛ bɛ tɩ kʋ n bɛ za a ŋmɩn-pɔw Naneya#1:13 Naneya: Babɩlɔn tẽw ŋmɩn-pɔw kãw, a Gɩrɛkɩ mɩnɛ na bʋɔlɛ Efɛɛzɩ tẽw Artemisɩ a n'ʋ. yir pʋɔ, a yã a ʋ bàwr-maalbɛ na tɩ maalɩ a ƴãw. 14A Ãtiokisi tɩ cen nɩ a zi-sõw ŋa pʋɔ, ʋlɛ nɩ a ʋ bárɩ, ɛ́ yel kɛ́ ʋlɛ nɩ a ŋmɩn-pɔw kul-taa ƴãw n'a. Ɛcɛ alɛ ɩrɛ mɛ̃ bom'ʋ a, a ŋmɩn-yir na-bʋ̃-yaga yaga na na ɩ a kul-taa bom a n'a ʋ tɩ bɔbr. 15A Naneya bàwr-maalbɛ tɩ de a na yi n bin, ɛ́ a Ãtiokisi nɩ a ʋ pùor dem bɛ mɩnɛ kpɛ a zi-sõw pʋɔ. Ɛcɛ a nãà na dɛ tɩ kpɩɛr wa báarɛ a, a bàwr-maalbɛ nyɔw nɩ a yir pamɛ pàw. 16Bɛ tɩ yuo nɩ vʋɔr na sɔwlɩ a gàrʋ́ a, ɛ́ àr a be, ɛ́ lɔb lɔb a Ãtiokisi nɩ a ʋ nɩbɛ nɩ kʋsɛbɛ kʋ. Al pùorí bɛ ŋma a bɛ gbɛ́ɛ nɩ a nuru nɩ a zuru, ɛ́ lɔb a zuru kʋ̀ a bɛlɩ dem na tɩ be a yẽw a. 17A tɩ Naaŋmɩn so danʋ a yele za pʋɔ, ʋl na bɛr a bɛlɩ dem na ɩrɛ ʋ laar a kʋ̀ a kũu a.»
A bàwr-maal-kuur vũu na bɛ kpiiri a
18«A Kisile cuw bibie lɩzɛr'ɩ anũu sob, tɩ na maal'ɩ a Ŋmɩn-yir-kpɛ̃ɛ dɛwr ír-bɛrʋ cuw. Tɩ jiel'a nyɛ̃ a ɩ fɛrʋ kɛ́ tɩ ɩ nyɩ bãwnɩ a, mɩ̀ tʋ̃ɔ́ maalɩ a cuw mɛ̃ a lɛ a Sɛwr cuw na mɩ́ maalɩ a. A lɛ pʋɔ a, nyɩ na lɛb'a bãwnɩ a vũu na tɩ sãá a lɛn daar a Neemi na tɩ lɛb mɛ a Ŋmɩn-yir-kpɛ̃ɛ nɩ a bàwr-maal-kuur baarɩ, ɛ́ maalɩ bagɛ a. 19Bʋ̃ʋ n'ʋ vɛ̃, a lɛ bɛ na tɩ diw#1:19 Diw...cen nɩ Pɛrsɩ tẽw a: A nɩbɛ bɛ na diw cen nɩ a Babɩlɔn tẽw a n'a bɛ yere. a tɩ sãàkʋm-kore cen nɩ a Pɛrsɩ tẽw a, a ʋlɩ daar nɛ bàwr-maalbɛ bɛl na bɛ lɛb pùor a, tɩ sɔwl'a mʋ̃ɔ a bàwr-maal-kuur zu vũu tɩ sɔwlɩ bul-kõw pʋɔ. Bɛ tɩ sɔwl'ʋ nɩ vla za, nɩr za bɛ tʋ̃ɔ́ nyɛ̃ ʋ ɛ. 20A na wa pɛlɩ a Naaŋmɩn pʋɔ yome yaga pùorí a, a Pɛrsɩ tẽw nãà tɩ tõ n Neemi a Zerizalɛm. A Neemi tɩ ƴãw na a bàwr-maalbɛ bɛl na tɩ sɔwlɩ a vũu a bʋʋrɛ bɔ a vũu. 21Bɛ na tɩ yel kɛ́ bɛ bɛ nyɛ̃ vũu, ɛ́ nyɛ̃ bʋ̃-kʋ̃ɔ mawtaga kãw a, a Neemi tɩ yel a kɛ́ bɛ 'wɔ̃w a wa n. Bɛ na tɩ cɔbrɩ bom za baarɩ a bàwr ƴãw a, a Neemi tɩ yel'ɩ a bàwr-maalbɛ kɛ́ bɛ cir a bʋ̃-kʋ̃ɔ á ŋá ƴãw a dàar zu, nɩ a bàwr-maal-bome na dɔwlɩ a zu a. 22Bɛ tɩ ɩ n a lɛ. Blã na wa pʋɔ a, a mʋ̃tɔ̃w zũzuge na tɩ pàw a tɩ yi na, ɛ́ vũu-kpɛ̃ɛ nyɔw a bàwr-maal-kuur za dɩrɛ, a ɩ nɔ-ɓãan a nɩbɛ za zie. 23A bàwr-maal-bome na tɩ dɩrɛ a, a bàwr-maalbɛ nɩ a bɛlɩ dem za na tɩ be be a tɩ puore na. A Zonatã mɩ́ tɩ tĩ na, ɛ́ a bɛl na cɛ a sɔwr, lãwnɩ a Neemi. 24A puoru ʋl tɩ n'ɩ ŋa:
“Sore e, Sore Naaŋmɩn i, fʋ̃ʋ n'ʋ ír a bome za. Fʋ bɛ tɛr dɩ̃ɛnʋ ɛ, fʋ tɛr'ɩ kpɛnʋ, fʋ ɩ n nɩ-mɩŋa ɛ́ ɩ nɔ̃wfʋ tɛwr. Fʋ̃ʋ yõ n'ʋ ɩ nãà, fʋ̃ʋ yõ n'ʋ ɩ nɩ-vla, 25fʋ tɩrɛ na bɛ zʋmnɛ nɩ ɛ, ɛ́ ɩ nɩ-mɩŋa, kpɛnʋ-za-sob, ɛ́ be kʋralɛ. Fʋ kaa na ír a tɩ sãàkʋm-kore, fʋ maalɩ bɛ na bɛ be a fʋ tome tob ƴãw, ɛ́ fʋ faarɛ a Ɩsɩrayɛl yel-faa za ƴãw. 26Pãa sàw de a bàwr ŋa a fʋ nɩ-bʋʋrɛ za ƴãw, a Ɩsɩrayɛl. Gùre bɛ, fʋ̃ʋ na so bɛ a, ɛ́ ɩ kɛ̀ bɛ sɛwnɩ a fʋ tome tob. 27A tɩ nɩbɛ na ɩ a gbãgbaar be a ziir a nɩ-bʋʋr-yoru sɔgɔ a, ír bɛ a gbãgbaalʋ pʋɔ bɛ lɛb so bɛ tʋɔra. Lɛb bʋɔlɩ bɛ a ten za pʋɔ wa ɓã taa. Jɩ́r a bɛlɩ dem bɛ na bɛ nɔnɛ ɛ́ ɩrɛ laar a kaa, a nɩ-bʋʋr-yoru bãw kɛ́ fʋ ɩ n a tɩ Naaŋmɩn. 28Dɔwrɩ a bɛlɩ dem na ɩrɛ tɩ a kpɩɛr, ɛ́ ɩrɛ pɔ̀l-ɩb tʋʋr'ɩ tɩ a. 29Lɛb ƴãw a fʋ nɩ-bʋʋrɛ a fʋ tẽw fʋ na so a pʋɔ, mɛ̃ a lɛ a Moyiir na yel a.”
30Al pùorí, a bàwr-maalbɛ tɩ nyɔw nɩ danʋ yielu. 31A bàwr-maal-bome na tɩ dɩ a vũu baar'a, a Neemi tɩ yel'a kɛ́ bɛ cir a bʋ̃-kʋ̃ɔ al na cɛ a ƴãw kʋsɛ-bɛrɛ kãw zu. 32Bɛ na dɛ tɩ ɩ a lɛ wa baarɩ a, vũu 'le na, ɛcɛ a vũu na tɩ dɩrɛ a bàwr-maal-kuur zu a cãà tɩ vɔl'ɩ a ʋ cãà.
33A yel ŋa tɩ yi na. À ŋá n'a bɛ tɩ cen tɩ manɩ kʋ̀ a Pɛrsɩ mɩnɛ nãà, kɛ́ bɛ nyɛ̃ nɩ bʋ̃-kʋ̃ɔ kãw a be a bàwr-maalbɛ na tɩ sɔwlɩ a vũu, ɛ́ bɛ bãw diw bɛ cen nɩ a Babɩlɔn a, nɩ k'aa bʋ̃-kʋ̃ɔ á ŋá n'a a Neemi nɩ a ʋ taabɛ nyɩw nɩ a bàwr-maal-bome. 34A nãà na tɩ bɩɛrɩ a yele nyɛ̃ a ɩ sɩza a, ʋ ƴãw na bɛ maalɩ dàbáw viiri koli a zie ʋl, ɛ́ yel kɛ́ zi-sõw n'ʋ. 35Ʋ tɩ páwr'ɩ libie yaga a ʋ pʋɔ, íre kʋ̀rɛ a ʋ nɩ-nɔnɩ.
36A Neemi nɩ a ʋ taabɛ tɩ bʋɔl'ɩ a bʋ̃-kʋ̃ɔ á ŋá kɛ́ “nɛfɩtaar”, a pɛr lɛ kɛ́ “dɛwr ír-bɛrʋ”, ɛcɛ a nɩbɛ yaga zie tɩ bʋɔlɛ a nɩ “Nafite#1:36 Nafite: A karasɩ̃ bɩɩ petʋrɔl'a bɛ yere. Karasɩ̃ ɩ n ãgelsɩ ƴɛ̀r-bir, ɛ́ petʋrɔl ɩ farsɩ ƴɛ̀r-bir.”»
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.