1 Tesalonikɩ 2
2
A Pol na tõ a Naaŋmɩn tome a Tesalonikɩ tẽw a
1 Yɛbr i, nyɩɩm mɩŋa za bãwnɩ a na: tɩ bɛ wa a nyɩ zie zawlalɛ ɩ. 2Nyɩ mɩ̀ bãwnɩ a na a daar yɩ̃ɛ ŋa bɛ na tʋ tɩ ɛ́ dɔwrɩ tɩ a Filib tẽw a. Ɛcɛ Naaŋmɩn tɩ kʋ̀ tɩ nɩ fãw tɩ manɩ a ʋ Yel-nʋ̃ɔ̀ kʋ̀ nyɩ, a na saa tɩ ɩ mɔb yaga a. 3A kpaalʋ tɩ na kpaalɛ a nɩbɛ za a, a bɛ ɩ ziri ɛ, bɛ yi tɩɛr-faar pʋɔ ɩ, ɛ́ tɩ mɩ̀ bɛ bɛ̀lɛ nɩr za ɩ. 4Tɩ nɩ̃ɛ na mɩ́ ƴɛ̀rɛ kʋralɛ mɛ̃ a lɛ a Naaŋmɩn na bɔbr a, bʋ̃ʋ n'ʋ vɛ̃, ʋ ɩ tɩ na kaa ɛ́ de a Yel-nʋ̃ɔ̀ kʋ̀ tɩ. Nɩsaalbɛ bɛ nɛbɛ tɩ bɔbr kɛ́ tɩ ɩrɛ nʋ̃ɔ̀ kpɩɛr ɛ, Naaŋmɩn n'ʋ tɩ bɔbr kɛ́ tɩ ɩrɛ nʋ̃ɔ̀ kpɩɛr, ʋlɛ na n'ʋ mɩ́ ɩ a tɩ socie kaa bãw a ŋmɛ̃a a. 5Nyɩ mɔ̃ mɩ̀ bãwnɩ a na, tɩ bɛ dãw ƴɛ̀r nɔ-kãá a nyɩ zie ɩ, Naaŋmɩn dɩ n a tɩ dãsɩɛ. 6-7Tɩ na ɩ a Kɩrɩta nɩ-toni a ƴãw, tɩ nãá tʋ̃ɔ́ na dɩ nɩ-kpɛ̃ɛnʋ a nyɩ zu. Ɛcɛ tɩ bɛ dãw bɔ yúor nɩr za zie ɩ, a nyɩɩm zie bɩɩ nɩ-yoru zie ɩ. Tɩ nɩ̃ɛ na tɛr su-baalʋ yaga a nyɩ sɔgɔ, mɛ̃ mã na kaarɛ a ʋ bibiir zie nɩ nɔ̃wfʋ a. 8Tɩ na tɩ nɔnɛ nyɩ yaga za a n'a so, tɩ bɛ tɩ bɔbr kɛ́ tɩ manɩ a Naaŋmɩn Yel-nʋ̃ɔ̀ tɛwr kʋ̀ nyɩ ɛ, tɩ mɩ̀ tɩ bɔbr'a kɛ́ tɩ nãá lãw de nɩ tɩ tʋɔra za kʋ̀ nyɩ, nyɩ na lɩɛbɩ tɩ nɩ-nɔnɩ za a ƴãw. 9Yɛbr i, nyɩ lɛb tɩɛrɩ a tɩ kpɩɛrʋ nɩ a tɩ bàlʋ: tɩ tɩ tone nɩ mʋ̃tɔ̃w nɩ tɩ̃ɩsɔw za, ɛ́ cãà hiere a Yel-nʋ̃ɔ̀ kʋ̀rɛ nyɩ, kɛ́ nyɩ kãw za ta bàlɛ ʋ tʋɔra a tɩ ƴãw ɛ.
10Nyɩ dɩ n a tɩ dãsɩɛ, Naaŋmɩn mɩ̀ dɩ a dãsɩɛ k'aa tɩ ɩb a nyɩɩm naaŋmɩn-sàw-dierbɛ zie tɩ tu n sonu, mɩnʋ, ɛ́ bɛ tɛr sãwna bɛ yere ɩ. 11Ɛ́ nyɩ bãw na kɛ́ tɩ ɩ n a nyɩ been been zie mɛ̃ lɛ sãà na mɩ́ ɩrɛ a ʋ bibiir zie a. 12Tɩ kpaalɩ nyɩ na, tɩ yel'a kɛ́ nyɩ ƴãw fãw, tɩ zɛlɩ nyɩ nɩ yãayãa k'aa nyɩ cenu sɛw taa nɩ a Naaŋmɩn na bʋɔlɛ nyɩ kɛ́ nyɩ wa pʋɔ a ʋ naalʋ pʋɔ nɩ a ʋ yúor-vɩɛlʋ-danʋ pʋɔ a.
13Lɛ so tɩ mɩ́ puore a Naaŋmɩn yãanɩ kʋralɛ. Nyɩ na tɩ wõ a Naaŋmɩn ƴɛ̀rʋ a tɩ nʋɔrɩ́ ɛ́ sàw de a, nyɩ bɛ sàw de ʋ mɛ̃ nɩsaalbɛ ƴɛ̀rʋ a ɩ, nyɩ sàw na de ʋ mɛ̃ a lɛ tɔr za ʋ na ɩ a, Naaŋmɩn ƴɛ̀rʋ na tone a nyɩɩm na sàw de a zie a. 14Sɩza, yɛbr i, nyɩ cɔwr'ɩ a Naaŋmɩn Lãw-yie na be a Zude tẽw ɛ́ sàw de a Kɩrɩta Yeezu a. Bʋ̃ʋ n'ʋ vɛ̃, a dɔwrʋ a na nyɛ̃ a Zifʋ mɩnɛ zie a, nyɩ mɩ̀ nyɛ̃ a nɩ a nyɩ tẽ-bi-taabɛ tɛɛ za zie. 15A Zifʋ mɩnɛ nɛbɛ kʋ a Sore Yeezu nɩ a naaŋmɩn-ƴɛ̀r-manbɛ, ɛ́ mɩ̀ dɔwrɩ tɩ, bɛ bɛ ɩrɛ a pɛlɛ a Naaŋmɩn pʋɔ ɩ, ɛ́ ɩ a nɩsaalbɛ za dɔ̃ dem. 16Bɛ bɛ sàwr tɩ na ƴɛ̀rɛ a Naaŋmɩn ƴɛ̀rʋ kʋ̀rɛ a nɩ-bʋʋr-yoru bɛ nyɛ̃ a faafʋ ɛ, à ŋá n'a bɛ ɩ a yel-bebe bɛ na maalɛ kʋralɛ a nʋɔr paalɩ. Ɛcɛ a Naaŋmɩn suur wa lo n a bɛ zu a baarʋ daar.
A Pol na bɔbr k'ʋʋ nãá lɛb nyɛ̃ a Tesalonikɩ tẽw dem a
17Tɩɩm ƴãw a, yɛbr i, tɩɩm nɩ nyɩɩm bʋ́r'ɩ taa blãlɛ ƴãw, a ƴã-gamɛ zãá taa ɛ́ a tɩɛrʋ bɛ zãá taa ɩ. A nyɩ nyɛ́b vʋla tɩ kpɩɛr tɩ na bɛ dɩ vuo ɩ, so tɩ lɛb tɩ bãw ƴãw fãw ɩrɛ kɛ́ tɩ tʋ̃ɔ́ nyɛ̃ nyɩ. 18Al ƴãw n'a tɩ tɩ bɔbr kɛ́ tɩ wa a nyɩ zie, ɛ́ a mãa Pol a, ɩ̃ ɩ na kaa gb'aa ŋmɩn za, ɛcɛ a Sɩtaana tɩ piw tɩ nɩ a sɔ́r. 19Bʋ̃ʋ n'ʋ vɛ̃, a nyɩɩm a, nyɩmɛ nɛbɛ ɩ a tɩ tɩɛrʋ, a tɩ nʋ̃ɔ̀, nɩ a tɩ zɛb-tʋ̃ɔ́fʋ bãwfʋ, na na ɩ a tɩ pɔ̀lʋ bom a tɩ Sore Yeezu Kɩrɩta niŋé a ʋ lɛb-waa daar a. Nyɩmɛ nɛbɛ, nɩ-yũo kãw za bɛ n'ʋ ɛ. 20Sɩza n'a, nyɩmɛ nɛbɛ zɛwr a tɩ yúor, ɛ́ ɩ a tɩ nʋ̃ɔ̀.
Currently Selected:
1 Tesalonikɩ 2: DBDC
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.
1 Tesalonikɩ 2
2
A Pol na tõ a Naaŋmɩn tome a Tesalonikɩ tẽw a
1 Yɛbr i, nyɩɩm mɩŋa za bãwnɩ a na: tɩ bɛ wa a nyɩ zie zawlalɛ ɩ. 2Nyɩ mɩ̀ bãwnɩ a na a daar yɩ̃ɛ ŋa bɛ na tʋ tɩ ɛ́ dɔwrɩ tɩ a Filib tẽw a. Ɛcɛ Naaŋmɩn tɩ kʋ̀ tɩ nɩ fãw tɩ manɩ a ʋ Yel-nʋ̃ɔ̀ kʋ̀ nyɩ, a na saa tɩ ɩ mɔb yaga a. 3A kpaalʋ tɩ na kpaalɛ a nɩbɛ za a, a bɛ ɩ ziri ɛ, bɛ yi tɩɛr-faar pʋɔ ɩ, ɛ́ tɩ mɩ̀ bɛ bɛ̀lɛ nɩr za ɩ. 4Tɩ nɩ̃ɛ na mɩ́ ƴɛ̀rɛ kʋralɛ mɛ̃ a lɛ a Naaŋmɩn na bɔbr a, bʋ̃ʋ n'ʋ vɛ̃, ʋ ɩ tɩ na kaa ɛ́ de a Yel-nʋ̃ɔ̀ kʋ̀ tɩ. Nɩsaalbɛ bɛ nɛbɛ tɩ bɔbr kɛ́ tɩ ɩrɛ nʋ̃ɔ̀ kpɩɛr ɛ, Naaŋmɩn n'ʋ tɩ bɔbr kɛ́ tɩ ɩrɛ nʋ̃ɔ̀ kpɩɛr, ʋlɛ na n'ʋ mɩ́ ɩ a tɩ socie kaa bãw a ŋmɛ̃a a. 5Nyɩ mɔ̃ mɩ̀ bãwnɩ a na, tɩ bɛ dãw ƴɛ̀r nɔ-kãá a nyɩ zie ɩ, Naaŋmɩn dɩ n a tɩ dãsɩɛ. 6-7Tɩ na ɩ a Kɩrɩta nɩ-toni a ƴãw, tɩ nãá tʋ̃ɔ́ na dɩ nɩ-kpɛ̃ɛnʋ a nyɩ zu. Ɛcɛ tɩ bɛ dãw bɔ yúor nɩr za zie ɩ, a nyɩɩm zie bɩɩ nɩ-yoru zie ɩ. Tɩ nɩ̃ɛ na tɛr su-baalʋ yaga a nyɩ sɔgɔ, mɛ̃ mã na kaarɛ a ʋ bibiir zie nɩ nɔ̃wfʋ a. 8Tɩ na tɩ nɔnɛ nyɩ yaga za a n'a so, tɩ bɛ tɩ bɔbr kɛ́ tɩ manɩ a Naaŋmɩn Yel-nʋ̃ɔ̀ tɛwr kʋ̀ nyɩ ɛ, tɩ mɩ̀ tɩ bɔbr'a kɛ́ tɩ nãá lãw de nɩ tɩ tʋɔra za kʋ̀ nyɩ, nyɩ na lɩɛbɩ tɩ nɩ-nɔnɩ za a ƴãw. 9Yɛbr i, nyɩ lɛb tɩɛrɩ a tɩ kpɩɛrʋ nɩ a tɩ bàlʋ: tɩ tɩ tone nɩ mʋ̃tɔ̃w nɩ tɩ̃ɩsɔw za, ɛ́ cãà hiere a Yel-nʋ̃ɔ̀ kʋ̀rɛ nyɩ, kɛ́ nyɩ kãw za ta bàlɛ ʋ tʋɔra a tɩ ƴãw ɛ.
10Nyɩ dɩ n a tɩ dãsɩɛ, Naaŋmɩn mɩ̀ dɩ a dãsɩɛ k'aa tɩ ɩb a nyɩɩm naaŋmɩn-sàw-dierbɛ zie tɩ tu n sonu, mɩnʋ, ɛ́ bɛ tɛr sãwna bɛ yere ɩ. 11Ɛ́ nyɩ bãw na kɛ́ tɩ ɩ n a nyɩ been been zie mɛ̃ lɛ sãà na mɩ́ ɩrɛ a ʋ bibiir zie a. 12Tɩ kpaalɩ nyɩ na, tɩ yel'a kɛ́ nyɩ ƴãw fãw, tɩ zɛlɩ nyɩ nɩ yãayãa k'aa nyɩ cenu sɛw taa nɩ a Naaŋmɩn na bʋɔlɛ nyɩ kɛ́ nyɩ wa pʋɔ a ʋ naalʋ pʋɔ nɩ a ʋ yúor-vɩɛlʋ-danʋ pʋɔ a.
13Lɛ so tɩ mɩ́ puore a Naaŋmɩn yãanɩ kʋralɛ. Nyɩ na tɩ wõ a Naaŋmɩn ƴɛ̀rʋ a tɩ nʋɔrɩ́ ɛ́ sàw de a, nyɩ bɛ sàw de ʋ mɛ̃ nɩsaalbɛ ƴɛ̀rʋ a ɩ, nyɩ sàw na de ʋ mɛ̃ a lɛ tɔr za ʋ na ɩ a, Naaŋmɩn ƴɛ̀rʋ na tone a nyɩɩm na sàw de a zie a. 14Sɩza, yɛbr i, nyɩ cɔwr'ɩ a Naaŋmɩn Lãw-yie na be a Zude tẽw ɛ́ sàw de a Kɩrɩta Yeezu a. Bʋ̃ʋ n'ʋ vɛ̃, a dɔwrʋ a na nyɛ̃ a Zifʋ mɩnɛ zie a, nyɩ mɩ̀ nyɛ̃ a nɩ a nyɩ tẽ-bi-taabɛ tɛɛ za zie. 15A Zifʋ mɩnɛ nɛbɛ kʋ a Sore Yeezu nɩ a naaŋmɩn-ƴɛ̀r-manbɛ, ɛ́ mɩ̀ dɔwrɩ tɩ, bɛ bɛ ɩrɛ a pɛlɛ a Naaŋmɩn pʋɔ ɩ, ɛ́ ɩ a nɩsaalbɛ za dɔ̃ dem. 16Bɛ bɛ sàwr tɩ na ƴɛ̀rɛ a Naaŋmɩn ƴɛ̀rʋ kʋ̀rɛ a nɩ-bʋʋr-yoru bɛ nyɛ̃ a faafʋ ɛ, à ŋá n'a bɛ ɩ a yel-bebe bɛ na maalɛ kʋralɛ a nʋɔr paalɩ. Ɛcɛ a Naaŋmɩn suur wa lo n a bɛ zu a baarʋ daar.
A Pol na bɔbr k'ʋʋ nãá lɛb nyɛ̃ a Tesalonikɩ tẽw dem a
17Tɩɩm ƴãw a, yɛbr i, tɩɩm nɩ nyɩɩm bʋ́r'ɩ taa blãlɛ ƴãw, a ƴã-gamɛ zãá taa ɛ́ a tɩɛrʋ bɛ zãá taa ɩ. A nyɩ nyɛ́b vʋla tɩ kpɩɛr tɩ na bɛ dɩ vuo ɩ, so tɩ lɛb tɩ bãw ƴãw fãw ɩrɛ kɛ́ tɩ tʋ̃ɔ́ nyɛ̃ nyɩ. 18Al ƴãw n'a tɩ tɩ bɔbr kɛ́ tɩ wa a nyɩ zie, ɛ́ a mãa Pol a, ɩ̃ ɩ na kaa gb'aa ŋmɩn za, ɛcɛ a Sɩtaana tɩ piw tɩ nɩ a sɔ́r. 19Bʋ̃ʋ n'ʋ vɛ̃, a nyɩɩm a, nyɩmɛ nɛbɛ ɩ a tɩ tɩɛrʋ, a tɩ nʋ̃ɔ̀, nɩ a tɩ zɛb-tʋ̃ɔ́fʋ bãwfʋ, na na ɩ a tɩ pɔ̀lʋ bom a tɩ Sore Yeezu Kɩrɩta niŋé a ʋ lɛb-waa daar a. Nyɩmɛ nɛbɛ, nɩ-yũo kãw za bɛ n'ʋ ɛ. 20Sɩza n'a, nyɩmɛ nɛbɛ zɛwr a tɩ yúor, ɛ́ ɩ a tɩ nʋ̃ɔ̀.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
La Bible en Dagara © Alliance Biblique du Burkina Faso, 2013.