Orom Sɛbɛ 5
5
A PƖƐNFƲ ƲLƆ SƖ NA TƐRƐ A KIRISI ƖNƐ
1Ala-ɩ̃-sɔ, a mɩnɛ sɩ na lɛ tor a Naaŋmɩn nii-sɔw a sɩ ƴɔ̃w-nyãa ɩnɛ, sɩ tɛrɛ nɩ ʋ na a pɩɛnfʋ a sɩ Nɩ-kpɛ̃ɛ *Jeeju-Kirisi ɩnɛ. 2Ɩ̃ a mɩnɛ sɩ na tɛrɛ nɩ a *Kirisi a ƴɔ̃w-nyãa, sɩ pɔw na a sɔr be a Naaŋmɩn wɩɛfʋ pʋɔ, a jie sɩ na be ɩraa a ƴɛ̃ƴɛrɩ̃. Ɩ̃ a ala na lɛ maal sɩ a sɩ cɩlɛ ɩ na a tɩɛrʋ̃ son sɩ na tɛrɛ a Naaŋmɩn na-yele pɔwfʋ ɩnɛ. 3Ɩ̃ aa ɩ lɛ tɛw ʋ wa, ɩ̃-cɛ sɩ ma mɩ cɩlɛ na a won pʋɔ sɩ na be, a-na-ɩ a won ɩnɛ sɩ ma pɔw a su-nyɔwraa, 4ɩ̃ a su-nyɔwraa tɩɩrɛ na a su-varkpara, ɩ̃ a su-varkpara mɩ tɩɩrɛ a gufʋ tɩɛrʋ̃ son. 5A ʋna gufʋ tɩɛrʋ̃ son kɔ̃ wa ƴɔ̃w sɩ vĩ wa, a-na-ɩ a Naaŋmɩn barʼã a ʋ nʋfʋ ƴɔ̃w a sɩ suur pʋɔ, a ʋ Sɩɛ ʋ na kʋ sɩ ɩnɛ.
6A lɛdaar sɩ na dãa cãa bal, a lɛ a Kirisi kpi a nɩ-bebe ɩnɛ a daar ʋlɔ ba na dãa ƴɔ̃w. 7A kpɛmɛ na a nɩrɛ na sɔw kpi a nɩ-toraa ɩnɛ. A nʋmɔ-wa-sɔw a nɩrɛ nɔɔ ꞌla na kpi a nɩ-son ɩnɛ, 8ɩ̃-cɛ a Naaŋmɩn miil sɩ na a mɩnɛ ʋ na tɩɩ nʋnɔ sɩ, a-na-ɩ a lɛdaar sɩ na dãa cãa ɩ a maal-fãa deme, a Kirisi kpi na a sɩ ɩnɛ.
9Ɩ̃ a mɩnɛ ʋ na lɩɛb sɩ a sɩ tor taa nɩ a Naaŋmɩn a ʋ jɩ̃ɩ ɩnɛ a lɛ, a lɛ sɩ mɩ sɩrɩ̃ bɔ̃w ka ʋ nɔɔ mɩ faa sɩ na a Naaŋmɩn su-tuo pʋɔ. 10Naaŋmɩn sama-deme sɩ dãa ɩ. Ɩ̃ a ʋ bie kũu ɓaalɩ̃ sɩ, wa yele nɩ a mɩnɛ ʋ na ɓaalɩ̃ sɩ baar, a Naaŋmɩn kɔ̃ lɛ tʋɔ faa sɩ a ʋ bie baafʋ pʋɔ wa? 11Ɩ̃ aa ɩ a ʋna tɩɛrʋ̃ tɛw sɩ tɛrɛ wa, ɩ̃-cɛ sɩ cɩlɛ na a Naaŋmɩn nii-sɔw a sɩ Nɩ-kpɛ̃ɛ Jeeju-Kirisi ɩnɛ, a-na-ɩ a ʋlɔ ɩ̃ ɓaalɩ̃ sɩ a ƴɛ̃ƴɛrɩ̃ a sɩ tɛrɛ a lãw-taa.
A ADÃ NƖ A KIRISI ƳƐRƖ̃
12Dab-bõ-ƴen ɩ̃ saa a maal-fãa kpɛ a tẽw pʋɔ, ɩ̃ a maal-fãa saa a kũu mɩ be. Ala-ɩ̃-sɔ a kũu pɔw na a nɩbɛ ba jaa, a-na-ɩ a ba jaa maalʼã a fãa. 13A lɛ a Mowisi ƴɛr-kpɛn na ma dãa wa sɛr wa, a maal-fãa dãa na de nĩe be ka a tẽw pʋɔ, ɩ̃-cɛ a lɛ a ƴɛr-kpɛn na ma be wa, ba maa de a ʋ ƴɛrɩ̃ ƴɔ̃w nɩrɛ wa. 14Ɩ̃-cɛ wa nyɔw nɩ a *Adã wa ta nɩ a Mowisi daar, a kũu tʋɔ na a nɩbɛ ba jaa, a ala saarɩ̃ ɩ baa dãa maal fãa wɔ̃ taa nɩ a Adã na dãa sãw a *Naaŋmɩn ƴɛr-kpɛn bar wa.
A Adã ɩ̃ dãa ɩ a *Jeeju-Kirisi ʋlɔ na dãa waara dãadiile, 15ɩ̃-cɛ a ʋ bɩɛfʋ ma wɔ̃ taa nɩ a Naaŋmɩn wɩɛfʋ bom ʋ na tɩɩr kʋ sɩ wa. A ala ɩ a nɩ-bõ-ƴen bɩɛfʋ ɩ̃ saa a nɩ-yaw kpi, a Naaŋmɩn wɩɛfʋ waa na gãw a lɛ a nɩ-yaw jie, a mɩnɛ ʋ na kʋ sɩ a ʋ wɩɛfʋ bom a nɩ-bõ-ƴen ʋlɔ na ɩ a Jeeju-Kirisi jie. 16Ɩ̃ a ala a Naaŋmɩn na kʋ sɩ ma maal wɔ̃ taa nɩ a nɩ-bõ-ƴen maal-fãa na maal wa. A-na-ɩ a nɩ-bõ-ƴen maal-fãa ɩnɛ a ƴɛrɩ̃ guorfʋ wa nɩ a yel, ɩ̃-cɛ a mɩnɛ sɩ na bɩɛ a Naaŋmɩn jie gbɛɛ yayaw baar, a Naaŋmɩn wɩɛfʋ bom lɩɛb sɩ na a sɩ tor a ʋ nii-sɔw. 17A ala ɩ a nɩ-bõ-ƴen bɩɛfʋ ɩ̃ saa a kũu tɛrɛ a tʋɔfʋ a yi a ʋna nɩ-bõ-ƴen jie, a bala na sɩrɩ̃ pɔw a Naaŋmɩn wɩɛfʋ nɩ a ʋ torfʋ ʋ na nyɩrɩ̃ kʋ sɩ, na mɩ tɛrɛ na a tʋɔfʋ a ba baafʋ pʋɔ, a mɩ yi a nɩ-bõ-ƴen ʋlɔ na ɩ a Jeeju-Kirisi jie.
18A mɩnɛ a nɩ-bõ-ƴen bɩɛfʋ na ƴɔ̃w a nɩbɛ ba jaa a kũu ƴɛrɩ̃, a lɛ ʋ mɩ a nɩ-bõ-ƴen tʋ̃-cɛcɛ na mɩ sɔ-yaa a nɩbɛ ba jaa pɔw a torfʋ ʋlɔ na kʋrɔ ba a baafʋ. 19Ɩ̃ a mɩnɛ a nɩ-bõ-ƴen to-wõwfʋ na ƴɔ̃w a nɩ-yaw a ba ɩ a maal-fãa deme, a lɛ ʋ mɩ a nɩ-bõ-ƴen to-wõfʋ na mɩ lɩɛb a nɩ-yaw a ba tor a Naaŋmɩn nii-sɔw.
20A ƴɛr-kpɛn wa na a mɩnɛ a nɩbɛ bɩɛfʋ na nyɩrɩ̃ waa dɔɔl, ɩ̃ a jie a fãa na waara dɔɔlɔ, a Naaŋmɩn wɩɛfʋ ma dɔɔlʼã gãw a lɛ. 21A-na-ɩ a mɩnɛ a maal-fãa na tɛrɛ a tʋɔfʋ ƴɔ̃w a nɩbɛ a kũu pʋɔ, a lɛ a Naaŋmɩn wɩɛfʋ mɩ tɛrɛ a tʋɔfʋ, lɩɛbʼɩ̃ a nɩbɛ a ba tor a ʋ nii-sɔw, a ba wa pɔw a baa-kɔ̃-tɛw a sɩ Nɩ-kpɛ̃ɛ Jeeju-Kirisi ɩnɛ.
Currently Selected:
Orom Sɛbɛ 5: BNT93
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.
Orom Sɛbɛ 5
5
A PƖƐNFƲ ƲLƆ SƖ NA TƐRƐ A KIRISI ƖNƐ
1Ala-ɩ̃-sɔ, a mɩnɛ sɩ na lɛ tor a Naaŋmɩn nii-sɔw a sɩ ƴɔ̃w-nyãa ɩnɛ, sɩ tɛrɛ nɩ ʋ na a pɩɛnfʋ a sɩ Nɩ-kpɛ̃ɛ *Jeeju-Kirisi ɩnɛ. 2Ɩ̃ a mɩnɛ sɩ na tɛrɛ nɩ a *Kirisi a ƴɔ̃w-nyãa, sɩ pɔw na a sɔr be a Naaŋmɩn wɩɛfʋ pʋɔ, a jie sɩ na be ɩraa a ƴɛ̃ƴɛrɩ̃. Ɩ̃ a ala na lɛ maal sɩ a sɩ cɩlɛ ɩ na a tɩɛrʋ̃ son sɩ na tɛrɛ a Naaŋmɩn na-yele pɔwfʋ ɩnɛ. 3Ɩ̃ aa ɩ lɛ tɛw ʋ wa, ɩ̃-cɛ sɩ ma mɩ cɩlɛ na a won pʋɔ sɩ na be, a-na-ɩ a won ɩnɛ sɩ ma pɔw a su-nyɔwraa, 4ɩ̃ a su-nyɔwraa tɩɩrɛ na a su-varkpara, ɩ̃ a su-varkpara mɩ tɩɩrɛ a gufʋ tɩɛrʋ̃ son. 5A ʋna gufʋ tɩɛrʋ̃ son kɔ̃ wa ƴɔ̃w sɩ vĩ wa, a-na-ɩ a Naaŋmɩn barʼã a ʋ nʋfʋ ƴɔ̃w a sɩ suur pʋɔ, a ʋ Sɩɛ ʋ na kʋ sɩ ɩnɛ.
6A lɛdaar sɩ na dãa cãa bal, a lɛ a Kirisi kpi a nɩ-bebe ɩnɛ a daar ʋlɔ ba na dãa ƴɔ̃w. 7A kpɛmɛ na a nɩrɛ na sɔw kpi a nɩ-toraa ɩnɛ. A nʋmɔ-wa-sɔw a nɩrɛ nɔɔ ꞌla na kpi a nɩ-son ɩnɛ, 8ɩ̃-cɛ a Naaŋmɩn miil sɩ na a mɩnɛ ʋ na tɩɩ nʋnɔ sɩ, a-na-ɩ a lɛdaar sɩ na dãa cãa ɩ a maal-fãa deme, a Kirisi kpi na a sɩ ɩnɛ.
9Ɩ̃ a mɩnɛ ʋ na lɩɛb sɩ a sɩ tor taa nɩ a Naaŋmɩn a ʋ jɩ̃ɩ ɩnɛ a lɛ, a lɛ sɩ mɩ sɩrɩ̃ bɔ̃w ka ʋ nɔɔ mɩ faa sɩ na a Naaŋmɩn su-tuo pʋɔ. 10Naaŋmɩn sama-deme sɩ dãa ɩ. Ɩ̃ a ʋ bie kũu ɓaalɩ̃ sɩ, wa yele nɩ a mɩnɛ ʋ na ɓaalɩ̃ sɩ baar, a Naaŋmɩn kɔ̃ lɛ tʋɔ faa sɩ a ʋ bie baafʋ pʋɔ wa? 11Ɩ̃ aa ɩ a ʋna tɩɛrʋ̃ tɛw sɩ tɛrɛ wa, ɩ̃-cɛ sɩ cɩlɛ na a Naaŋmɩn nii-sɔw a sɩ Nɩ-kpɛ̃ɛ Jeeju-Kirisi ɩnɛ, a-na-ɩ a ʋlɔ ɩ̃ ɓaalɩ̃ sɩ a ƴɛ̃ƴɛrɩ̃ a sɩ tɛrɛ a lãw-taa.
A ADÃ NƖ A KIRISI ƳƐRƖ̃
12Dab-bõ-ƴen ɩ̃ saa a maal-fãa kpɛ a tẽw pʋɔ, ɩ̃ a maal-fãa saa a kũu mɩ be. Ala-ɩ̃-sɔ a kũu pɔw na a nɩbɛ ba jaa, a-na-ɩ a ba jaa maalʼã a fãa. 13A lɛ a Mowisi ƴɛr-kpɛn na ma dãa wa sɛr wa, a maal-fãa dãa na de nĩe be ka a tẽw pʋɔ, ɩ̃-cɛ a lɛ a ƴɛr-kpɛn na ma be wa, ba maa de a ʋ ƴɛrɩ̃ ƴɔ̃w nɩrɛ wa. 14Ɩ̃-cɛ wa nyɔw nɩ a *Adã wa ta nɩ a Mowisi daar, a kũu tʋɔ na a nɩbɛ ba jaa, a ala saarɩ̃ ɩ baa dãa maal fãa wɔ̃ taa nɩ a Adã na dãa sãw a *Naaŋmɩn ƴɛr-kpɛn bar wa.
A Adã ɩ̃ dãa ɩ a *Jeeju-Kirisi ʋlɔ na dãa waara dãadiile, 15ɩ̃-cɛ a ʋ bɩɛfʋ ma wɔ̃ taa nɩ a Naaŋmɩn wɩɛfʋ bom ʋ na tɩɩr kʋ sɩ wa. A ala ɩ a nɩ-bõ-ƴen bɩɛfʋ ɩ̃ saa a nɩ-yaw kpi, a Naaŋmɩn wɩɛfʋ waa na gãw a lɛ a nɩ-yaw jie, a mɩnɛ ʋ na kʋ sɩ a ʋ wɩɛfʋ bom a nɩ-bõ-ƴen ʋlɔ na ɩ a Jeeju-Kirisi jie. 16Ɩ̃ a ala a Naaŋmɩn na kʋ sɩ ma maal wɔ̃ taa nɩ a nɩ-bõ-ƴen maal-fãa na maal wa. A-na-ɩ a nɩ-bõ-ƴen maal-fãa ɩnɛ a ƴɛrɩ̃ guorfʋ wa nɩ a yel, ɩ̃-cɛ a mɩnɛ sɩ na bɩɛ a Naaŋmɩn jie gbɛɛ yayaw baar, a Naaŋmɩn wɩɛfʋ bom lɩɛb sɩ na a sɩ tor a ʋ nii-sɔw. 17A ala ɩ a nɩ-bõ-ƴen bɩɛfʋ ɩ̃ saa a kũu tɛrɛ a tʋɔfʋ a yi a ʋna nɩ-bõ-ƴen jie, a bala na sɩrɩ̃ pɔw a Naaŋmɩn wɩɛfʋ nɩ a ʋ torfʋ ʋ na nyɩrɩ̃ kʋ sɩ, na mɩ tɛrɛ na a tʋɔfʋ a ba baafʋ pʋɔ, a mɩ yi a nɩ-bõ-ƴen ʋlɔ na ɩ a Jeeju-Kirisi jie.
18A mɩnɛ a nɩ-bõ-ƴen bɩɛfʋ na ƴɔ̃w a nɩbɛ ba jaa a kũu ƴɛrɩ̃, a lɛ ʋ mɩ a nɩ-bõ-ƴen tʋ̃-cɛcɛ na mɩ sɔ-yaa a nɩbɛ ba jaa pɔw a torfʋ ʋlɔ na kʋrɔ ba a baafʋ. 19Ɩ̃ a mɩnɛ a nɩ-bõ-ƴen to-wõwfʋ na ƴɔ̃w a nɩ-yaw a ba ɩ a maal-fãa deme, a lɛ ʋ mɩ a nɩ-bõ-ƴen to-wõfʋ na mɩ lɩɛb a nɩ-yaw a ba tor a Naaŋmɩn nii-sɔw.
20A ƴɛr-kpɛn wa na a mɩnɛ a nɩbɛ bɩɛfʋ na nyɩrɩ̃ waa dɔɔl, ɩ̃ a jie a fãa na waara dɔɔlɔ, a Naaŋmɩn wɩɛfʋ ma dɔɔlʼã gãw a lɛ. 21A-na-ɩ a mɩnɛ a maal-fãa na tɛrɛ a tʋɔfʋ ƴɔ̃w a nɩbɛ a kũu pʋɔ, a lɛ a Naaŋmɩn wɩɛfʋ mɩ tɛrɛ a tʋɔfʋ, lɩɛbʼɩ̃ a nɩbɛ a ba tor a ʋ nii-sɔw, a ba wa pɔw a baa-kɔ̃-tɛw a sɩ Nɩ-kpɛ̃ɛ Jeeju-Kirisi ɩnɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.