Nɩ-tʋnɩsɩ tʋmɔ Sɛbɛ 28
28
A POL A MALTƖ-TẼW
1A mɩnɛ sɩ na cɩ̃ɛ baar, ba yel sɩ na a Maltɩ a tẽw ʋlɔ dɩ. 2A ʋna tẽw naa nɩbɛ maal sɩ na a vɩlaa a wa po. A mɩnɛ a saa na waara a aar ɩrɛ, ba gbɔw na vũu ƴɔ̃w sɩ a sɩ ꞌwuoro. 3A Pol vaarʼã a dali wa nɩ ƴɔnɔ a vũu pʋɔ, a dɔ̃pan be a dali pʋɔ, a vũu susuur kpɛ ʋ ʋ vilĩ a Pol nuu mar tɛɛlɛ. 4A lɛ a ʋna tẽw naa nɩbɛ na nyɛ a waab ʋ gbɛ̃ɛgbɛɛlɛ a Pol nuumɩ, ba yele na taa:
“A daba na sɩrɩ̃ na ɩ nɩ-kúrɔ. Ʋ saarɩ̃ na cɩ̃ɛ a man pʋɔ ɩ̃-cɛ a Torfʋ Sʋbɔ ma sɔw bar ʋ ʋ na baa wa.”
5Ɩ̃-cɛ a Pol mɩrʼã a waab kpar a vũu pʋɔ ɩ̃ aa ɩ ʋ bier wa. 6A nɩbɛ ꞌwuoro na cɛlɛ nɩ a Pol nuu mɔrfʋ, mɩɩ a mɩnɛ ʋ na loro kpiire a jie naan. Ɩ̃ a mɩnɛ ba na ꞌwuor kam ɩ̃ ma nyɛ a ɩ ʋ bier wa, ba lɩɛbʼã a ba tɩɛrɩ̃sɩ ɩ̃ yel á naaŋmɩn kãw ʋ ɩ.
7A ʋna tẽw naa nɩ-kpɛ̃ɛ ba na bʋɔlɔ a Pibiliisi wɩɛr pɩɛlʼã a be. Ʋ de sɩ na vɩlaa a sɩ gã a ʋ yir bibie ata. 8A Pibiliisi sãa ɩ̃gan dãa na kpor ʋ ʋ gã ɩ̃ a kʋnfʋ nyɔw ʋ, ɩ̃ a Pol kpɛ na a ʋ sɛ̃, na dɔɔl ʋ a nur ɩ̃ sʋɔr a Naaŋmɩn ƴɔ̃w ʋ ʋ kpɛmɛ. 9A mɩnɛ a ala na yi tɔ, a wʋlɩ̃sɩ deme bala na be a tẽw ʋlɔ pʋɔ mɩ wa na na nyɛ a kpɛ̃w. 10Ala-ɩ̃-sɔ ba wa nɩ na a yel-bʋrɔ bʋrɔ na puorʼɩ̃ sɩ, ɩ̃ a daar ʋlɔ sɩ na yire diere a sɔr, ba kʋ sɩ na a yele ala na dãa sɛw nɩ sɩ.
A POL NA TA A OROM-TẼW
11A lɛ a cur ata na tɔl baar, sɩ de na a gbor kpɛ̃ɛ ʋlɔ ba na bʋɔlɔ “A Naaŋmɩ̃-yɩb” na yi a Alɛsãdiri ɩ̃ dãa ɩraa a be a tẽ-bile ʋlɔ pʋɔ a sɩ̃ɛw. 12Sɩ ta na a Sɩrakisi maal bibie ata, 13ɩ̃ yi a be lara a tẽw kolo na ta a Eresio. A dɩvɩɛ bio, a tẽw parɩ̃ sɛsɛb fure na a sɩ maal bibie ayi a sɔr pʋɔ ɩ̃ ta a Pujɔl. 14Sɩ nyɛ na a yɛɛr a be a ʋna tẽw naa pʋɔ a ba sʋɔr sɩ a sɩ jɛ maal bibie anuu-nʼayi a ba sɛ̃. A lɛ sɩ maala wa ta nɩ a Orom. 15Ɩ̃ a yɛɛr na be a Orom wõ na a sɩ ƴɛrɩ̃ ɩ̃ yi tuor sɩ a Apiisi daa pʋɔ, nɩ jie ʋlɔ ba na bʋɔlɔ a Sáanba-yie-ata. A mɩnɛ a Pol na nyɛ ba, ʋ pɛwrɛ na a Naaŋmɩn ɩ̃ a ꞌlafʋ lɛ wa ʋ. 16A mɩnɛ sɩ na ta a Orom, ba kʋ na a Pol a sɔr ʋ kpɛɛrɛ ʋ yẽ, nɩ a sɔdaala ʋlɔ na gure ʋ.
A POL NA ƳƐRƐ A NAAŊMƖN ƳƐRƖ̃ A OROM
17A lɛ a bibie ata na tɔl baar, a Pol bʋɔlʼã a Jufisɩ ni-dierbe a ba wɩ. A mɩnɛ ba na duo baar, ʋ yel ba na:
“Yɛɛr, maa maal fãa a sɩ nɩbɛ jie wa, maa mɩ sãw a sɩ sãa-kʋnbɔ sɔɛ wa, ɩ̃-cɛ ba nyɔw ma na a Jerujalɛm kʋ a Orom nɩbɛ, 18a ba soor ma, ɩ̃ bʋɔrɔ ba bar ma, a-na-ɩ ba nyɛ na a ɩ maa maal fãa a sɛw a ba na kú ma wa. 19Ɩ̃-cɛ a mɩnɛ a Jufisɩ na ma sɔw wa, ɩ̃ bɩlʼã faa ɩ̃ sʋɔr a ba cenʼɩ̃ ma a jaman-kpɛ̃ɛ jie, ɩ̃-cɛ aa ɩ ƴɛrɩ̃ ɩ̃ tɛrɛ ƴɔnɔ a ɩ̃ nɩbɛ wa. 20A ala ɩnɛ ɩ̃ bʋɔrɔ ɩ̃ nyɛ nyɩ, na ɩ̃ ƴɛrʼɩ̃ nyu A-na-ɩ ba lũ nɩ ma na a bɔ̃jɔrɩ̃sɩ asɩmɛ a ʋlɔ ɩnɛ a *Ɩsɩrayɛl nɩbɛ na gure a ʋ waa.” 21A ba yel ʋ:
“A Jude-tẽ-deme ma tɩɩr sɛbɛ kãw a sɩ wõ a fʋ ƴɛrɩ̃ wa. A sɩ yɛbɛ kãw ma mɩ yi a be ɩ̃ wa man sɩ a fʋ ƴɛrɩ̃, mɩɩ ƴɛr sɩ a fʋ fãa wa. 22Ɩ̃-cɛ sɩ bʋɔrɔ na fʋ man sɩ fʋ mɩ̃ɛ a ala fʋ na tɩɛrɛ, a-na-ɩ sɩ bɔ̃w na bɔ̃w ka a jiir a jaa ba ꞌlaarʼã a nɩbɛ bala pʋɔ fʋ na be.”
23Ba ƴɔ̃w na a Pol a bibir ba na lɛ waara, ɩ̃ a ʋna dayen, a nɩbɛ waa na na wɩ pɔw ʋ a jie ʋlɔ ʋ na be. Ʋ de na a Mowisi ƴɛr-kpɛn nɩ a ƴɛr-hierbe ƴɛrɩ̃sɩ mana ba miile nɩ ba a Naaŋmɩn fãw ƴɛrɩ̃, a dʋ̃ꞌwʋlɩ̃ wa ta nɩ a jaanʋɔr, bʋɔrɔ ʋ lɩɛbʼɩ̃ a ba sube a *Jeeju ɩnɛ. 24A ŋmɛɛ lɩɛbʼã sɔw a ala ʋ na ƴɛr ba, ɩ̃-cɛ a ŋmɛɛ ma sɔw wa. 25A lɛ ba na yire ɩ̃ ma tɛrɛ a nɔ-bõ-ƴen wa, a Pol ƴɛr ba na a ƴɛr-birʼã yel:
“A ƴɛrɩ̃ ala a Naaŋmɩn Sɩɛ na ƴɔ̃w a ƴɛr-hiere Ejayi ʋ yel a nyɩ sãa-kʋnbɔ ɩ na yel-mɩ̃ɛ:
26‘Cen a nɩbɛ na jie na yel ba:
Nyɩ na sɩrɩ̃ na wonaa, ɩ̃ nyaa bɔ̃wnɔ a par wa.
Nyɩ na sɩrɩ̃ na ꞌwuoro, ɩ̃ nyaa nyɛrɛ wa.
27A-na-ɩ a bana nɩbɛ tɩɛrɩ̃sɩ lɩɛbʼã
ɩ dãbol tɩɛrɩ̃sɩ.
Ba ɓʋrʼã a ba tobo,
ɩ̃ mɩ pɔw a ba mimie, a mɩnɛ a ba tobo
kɔ̃ wa wõ bom wa, a ba mimie kɔ̃ɔ mɩ nyɛ wa,
a ba kɔ̃ mɩ bɔ̃w a par,
ɩ̃ lɩɛb wa a ɩ̃ jie ɩ̃ faa ba wa.’
28A Pol lɛ yel ba na:
“Nyɩ́ bɔ̃wnaa bɔ̃w ka a Naaŋmɩn de na a ʋ faafʋ ƴɛrɩ̃ na tɩɩr kʋ a nɩ-bʋlsɩ. A bala, ba na cɛlɛ ʋ na!”
[ 29A lɛ a Pol na ƴɛr a ʋna ƴɛrɩ̃ baar, a Jufisɩ wɛlʼã kule na ba faara taa.]
30A Pol jɛ na a ʋna yir ʋ na dãa yara maalʼɩ̃ yomo ayi. Ʋ ma de na a bala ba jaa na wɩɛrɛ a ʋ sɛ̃, 31ƴɛrɛ ba a Naaŋmɩn fãw ƴɛrɩ̃, jaana nɩ ba a Nɩ-kpɛ̃ɛ *Jeeju-Kirisi ƴɛrɩ̃ nɩ ꞌlafʋ, a mɩnɛ ʋ na ƴɔ̃w nyãa.
Currently Selected:
Nɩ-tʋnɩsɩ tʋmɔ Sɛbɛ 28: BNT93
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.
Nɩ-tʋnɩsɩ tʋmɔ Sɛbɛ 28
28
A POL A MALTƖ-TẼW
1A mɩnɛ sɩ na cɩ̃ɛ baar, ba yel sɩ na a Maltɩ a tẽw ʋlɔ dɩ. 2A ʋna tẽw naa nɩbɛ maal sɩ na a vɩlaa a wa po. A mɩnɛ a saa na waara a aar ɩrɛ, ba gbɔw na vũu ƴɔ̃w sɩ a sɩ ꞌwuoro. 3A Pol vaarʼã a dali wa nɩ ƴɔnɔ a vũu pʋɔ, a dɔ̃pan be a dali pʋɔ, a vũu susuur kpɛ ʋ ʋ vilĩ a Pol nuu mar tɛɛlɛ. 4A lɛ a ʋna tẽw naa nɩbɛ na nyɛ a waab ʋ gbɛ̃ɛgbɛɛlɛ a Pol nuumɩ, ba yele na taa:
“A daba na sɩrɩ̃ na ɩ nɩ-kúrɔ. Ʋ saarɩ̃ na cɩ̃ɛ a man pʋɔ ɩ̃-cɛ a Torfʋ Sʋbɔ ma sɔw bar ʋ ʋ na baa wa.”
5Ɩ̃-cɛ a Pol mɩrʼã a waab kpar a vũu pʋɔ ɩ̃ aa ɩ ʋ bier wa. 6A nɩbɛ ꞌwuoro na cɛlɛ nɩ a Pol nuu mɔrfʋ, mɩɩ a mɩnɛ ʋ na loro kpiire a jie naan. Ɩ̃ a mɩnɛ ba na ꞌwuor kam ɩ̃ ma nyɛ a ɩ ʋ bier wa, ba lɩɛbʼã a ba tɩɛrɩ̃sɩ ɩ̃ yel á naaŋmɩn kãw ʋ ɩ.
7A ʋna tẽw naa nɩ-kpɛ̃ɛ ba na bʋɔlɔ a Pibiliisi wɩɛr pɩɛlʼã a be. Ʋ de sɩ na vɩlaa a sɩ gã a ʋ yir bibie ata. 8A Pibiliisi sãa ɩ̃gan dãa na kpor ʋ ʋ gã ɩ̃ a kʋnfʋ nyɔw ʋ, ɩ̃ a Pol kpɛ na a ʋ sɛ̃, na dɔɔl ʋ a nur ɩ̃ sʋɔr a Naaŋmɩn ƴɔ̃w ʋ ʋ kpɛmɛ. 9A mɩnɛ a ala na yi tɔ, a wʋlɩ̃sɩ deme bala na be a tẽw ʋlɔ pʋɔ mɩ wa na na nyɛ a kpɛ̃w. 10Ala-ɩ̃-sɔ ba wa nɩ na a yel-bʋrɔ bʋrɔ na puorʼɩ̃ sɩ, ɩ̃ a daar ʋlɔ sɩ na yire diere a sɔr, ba kʋ sɩ na a yele ala na dãa sɛw nɩ sɩ.
A POL NA TA A OROM-TẼW
11A lɛ a cur ata na tɔl baar, sɩ de na a gbor kpɛ̃ɛ ʋlɔ ba na bʋɔlɔ “A Naaŋmɩ̃-yɩb” na yi a Alɛsãdiri ɩ̃ dãa ɩraa a be a tẽ-bile ʋlɔ pʋɔ a sɩ̃ɛw. 12Sɩ ta na a Sɩrakisi maal bibie ata, 13ɩ̃ yi a be lara a tẽw kolo na ta a Eresio. A dɩvɩɛ bio, a tẽw parɩ̃ sɛsɛb fure na a sɩ maal bibie ayi a sɔr pʋɔ ɩ̃ ta a Pujɔl. 14Sɩ nyɛ na a yɛɛr a be a ʋna tẽw naa pʋɔ a ba sʋɔr sɩ a sɩ jɛ maal bibie anuu-nʼayi a ba sɛ̃. A lɛ sɩ maala wa ta nɩ a Orom. 15Ɩ̃ a yɛɛr na be a Orom wõ na a sɩ ƴɛrɩ̃ ɩ̃ yi tuor sɩ a Apiisi daa pʋɔ, nɩ jie ʋlɔ ba na bʋɔlɔ a Sáanba-yie-ata. A mɩnɛ a Pol na nyɛ ba, ʋ pɛwrɛ na a Naaŋmɩn ɩ̃ a ꞌlafʋ lɛ wa ʋ. 16A mɩnɛ sɩ na ta a Orom, ba kʋ na a Pol a sɔr ʋ kpɛɛrɛ ʋ yẽ, nɩ a sɔdaala ʋlɔ na gure ʋ.
A POL NA ƳƐRƐ A NAAŊMƖN ƳƐRƖ̃ A OROM
17A lɛ a bibie ata na tɔl baar, a Pol bʋɔlʼã a Jufisɩ ni-dierbe a ba wɩ. A mɩnɛ ba na duo baar, ʋ yel ba na:
“Yɛɛr, maa maal fãa a sɩ nɩbɛ jie wa, maa mɩ sãw a sɩ sãa-kʋnbɔ sɔɛ wa, ɩ̃-cɛ ba nyɔw ma na a Jerujalɛm kʋ a Orom nɩbɛ, 18a ba soor ma, ɩ̃ bʋɔrɔ ba bar ma, a-na-ɩ ba nyɛ na a ɩ maa maal fãa a sɛw a ba na kú ma wa. 19Ɩ̃-cɛ a mɩnɛ a Jufisɩ na ma sɔw wa, ɩ̃ bɩlʼã faa ɩ̃ sʋɔr a ba cenʼɩ̃ ma a jaman-kpɛ̃ɛ jie, ɩ̃-cɛ aa ɩ ƴɛrɩ̃ ɩ̃ tɛrɛ ƴɔnɔ a ɩ̃ nɩbɛ wa. 20A ala ɩnɛ ɩ̃ bʋɔrɔ ɩ̃ nyɛ nyɩ, na ɩ̃ ƴɛrʼɩ̃ nyu A-na-ɩ ba lũ nɩ ma na a bɔ̃jɔrɩ̃sɩ asɩmɛ a ʋlɔ ɩnɛ a *Ɩsɩrayɛl nɩbɛ na gure a ʋ waa.” 21A ba yel ʋ:
“A Jude-tẽ-deme ma tɩɩr sɛbɛ kãw a sɩ wõ a fʋ ƴɛrɩ̃ wa. A sɩ yɛbɛ kãw ma mɩ yi a be ɩ̃ wa man sɩ a fʋ ƴɛrɩ̃, mɩɩ ƴɛr sɩ a fʋ fãa wa. 22Ɩ̃-cɛ sɩ bʋɔrɔ na fʋ man sɩ fʋ mɩ̃ɛ a ala fʋ na tɩɛrɛ, a-na-ɩ sɩ bɔ̃w na bɔ̃w ka a jiir a jaa ba ꞌlaarʼã a nɩbɛ bala pʋɔ fʋ na be.”
23Ba ƴɔ̃w na a Pol a bibir ba na lɛ waara, ɩ̃ a ʋna dayen, a nɩbɛ waa na na wɩ pɔw ʋ a jie ʋlɔ ʋ na be. Ʋ de na a Mowisi ƴɛr-kpɛn nɩ a ƴɛr-hierbe ƴɛrɩ̃sɩ mana ba miile nɩ ba a Naaŋmɩn fãw ƴɛrɩ̃, a dʋ̃ꞌwʋlɩ̃ wa ta nɩ a jaanʋɔr, bʋɔrɔ ʋ lɩɛbʼɩ̃ a ba sube a *Jeeju ɩnɛ. 24A ŋmɛɛ lɩɛbʼã sɔw a ala ʋ na ƴɛr ba, ɩ̃-cɛ a ŋmɛɛ ma sɔw wa. 25A lɛ ba na yire ɩ̃ ma tɛrɛ a nɔ-bõ-ƴen wa, a Pol ƴɛr ba na a ƴɛr-birʼã yel:
“A ƴɛrɩ̃ ala a Naaŋmɩn Sɩɛ na ƴɔ̃w a ƴɛr-hiere Ejayi ʋ yel a nyɩ sãa-kʋnbɔ ɩ na yel-mɩ̃ɛ:
26‘Cen a nɩbɛ na jie na yel ba:
Nyɩ na sɩrɩ̃ na wonaa, ɩ̃ nyaa bɔ̃wnɔ a par wa.
Nyɩ na sɩrɩ̃ na ꞌwuoro, ɩ̃ nyaa nyɛrɛ wa.
27A-na-ɩ a bana nɩbɛ tɩɛrɩ̃sɩ lɩɛbʼã
ɩ dãbol tɩɛrɩ̃sɩ.
Ba ɓʋrʼã a ba tobo,
ɩ̃ mɩ pɔw a ba mimie, a mɩnɛ a ba tobo
kɔ̃ wa wõ bom wa, a ba mimie kɔ̃ɔ mɩ nyɛ wa,
a ba kɔ̃ mɩ bɔ̃w a par,
ɩ̃ lɩɛb wa a ɩ̃ jie ɩ̃ faa ba wa.’
28A Pol lɛ yel ba na:
“Nyɩ́ bɔ̃wnaa bɔ̃w ka a Naaŋmɩn de na a ʋ faafʋ ƴɛrɩ̃ na tɩɩr kʋ a nɩ-bʋlsɩ. A bala, ba na cɛlɛ ʋ na!”
[ 29A lɛ a Pol na ƴɛr a ʋna ƴɛrɩ̃ baar, a Jufisɩ wɛlʼã kule na ba faara taa.]
30A Pol jɛ na a ʋna yir ʋ na dãa yara maalʼɩ̃ yomo ayi. Ʋ ma de na a bala ba jaa na wɩɛrɛ a ʋ sɛ̃, 31ƴɛrɛ ba a Naaŋmɩn fãw ƴɛrɩ̃, jaana nɩ ba a Nɩ-kpɛ̃ɛ *Jeeju-Kirisi ƴɛrɩ̃ nɩ ꞌlafʋ, a mɩnɛ ʋ na ƴɔ̃w nyãa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.