Nɩ-tʋnɩsɩ tʋmɔ Sɛbɛ 23
23
1A Pol ꞌwuorʼã a *ƴɛr-guor-nɩ-bɛrɛ ɩ̃ yel:
“Yɛɛr, Ɩ̃ tɛrɛ na a tɩɛrʋ̃ jom cere nɩ a Naaŋmɩn nii-sɔw wa ta nɩ a dɩnaa bibirʼã.” 2Ɩ̃-cɛ a Ananɩya na ɩ a *baar-lo-nɩ-kpɛ̃ɛ yelʼã a bala na pɩɛl a Pol a ba ɓa ʋ nʋɔr pʋɔ. 3A Pol yel ʋ:
“Fʋna dacin pɩlaa na! A Naaŋmɩn ɩ̃ na ɓa fu. Fu jɛ na ka de a Mowisi ƴɛr-kpɛn guoro nɩ a ɩ̃ ƴɛrɩ̃, ɩ̃ na fu lɛ sãwna a ana ƴɛr-kpɛn na fu yel a ba ɓa ma.” 4A bala na ɩraa a be yelʼã a Pol:
“A Naaŋmɩn baar-lo-nɩ-kpɛ̃ɛ fu tʋrɔ?” 5A Pol yel ba:
“Yɛɛr! Maa dãa bɔ̃w ka ʋ ɩ na Naaŋmɩn baar-lo-nɩ-kpɛ̃ɛ wa. A-na-ɩ a yelʼã a Naaŋmɩn Sɛbɛ pʋɔ: ‘Taa ƴɛrɛ a ƴɛr-fãa ƴɔnɔ a fu nɩbɛ nɩ-kpɛ̃ɛ wa.’ ”
6A Pol bɔ̃w ka a ƴɛr-guor-nɩ-bɛrɛ ŋmɛɛ ɩ na a *Saduse nɩbɛ ɩ̃ a ŋmɛɛ ɩ a Farɩsɩ. Ala-ɩ̃-sɔ ʋ ƴɛrʼɩ̃ kpɛ̃w a ba nii-sɔw:
“Yɛɛr, Farɩsɩ nɩrɛ ɩ̃ ɩ, a *Farɩsɩ nɩbɛ na dɔw. A tɩɛrʋ̃ son ɩ̃ na tɛrɛ áa nɩbɛ na irʼã a kũu pʋɔ, ala ɩnɛ ba guoro ma.” 7A mɩnɛ ʋ na ƴɛr a lɛ, a Farɩsɩ nɩbɛ nɩ a Saduse nɩbɛ faa na taa ɩ̃ ŋma kpee kpee, 8a-na-ɩ a Saduse nɩbɛ ma yelʼã á kũusɩ ma ire a kũu pʋɔ wa, ɩ̃ ma mɩ yel áa Naaŋmɩn sɩ-tʋnɩsɩ nɩ a sɩɩr ma mɩ be be wa, ɩ̃-cɛ a Farɩsɩ nɩbɛ tɩɛrɛ na áa jaa be na be. 9A gɔ̃-pɔɔr nyɩrɩ̃ na duoro, ɩ̃ a *ƴɛr-kpɛn-bɔɔnbɔ ŋmɛɛ na ɓã a Farɩsɩ nɩbɛ irʼã ma sɔw wa, ɩ̃ yel:
“Saa nyɛ a daba na sãwfʋ jie wa. A nʋmɔ-wa-sɔw a sɩɛ bom ʋ nyɛ ʋ ƴɛrʼɩ̃ ʋ, mɩɩ a sɩ-tʋnaa ɩ̃ ƴɛrʼɩ̃ ʋ.”
10Ɩ̃ a mɩnɛ a faa-taa na nyɩrɩ̃ kpɛmɛ, dãbɩ̃ɛ nyɔw na a sɔdaalsɩ nɩ-kpɛ̃ɛ ʋ tɩɛr beeka ba na taw na a Pol ɓɛl, ala-ɩ̃-sɔ ʋ yel a sɔdaalsɩ a ba suu cen na faa a Pol a nɩ-yaw sɔ̃w wɩ nɩ a sɔdaalsɩ yir. 11A dɩvɩɛ bio tɩsɔw, a Nɩ-kpɛ̃ɛ nyɩrʼã a Pol ɩ̃ yel ʋ:
“Tɛrɛ ꞌlafʋ! A mɩnɛ fʋ na dãa ƴɛr a yel-mɩ̃ɛ ƴɛrɩ̃ a ɩ̃ ɩnɛ a ka a Jerujalɛm, a sɛw na a fʋ na mɩ ƴɛr a lɛ a Orom-tẽw pʋɔ.”
A POL KUFƲ BA NA GORO
12A bio vɩɛ na, a Jufisɩ duo goro taa. Ba pɔrɔ na yele nɩ:
“Saa dɩrɛ bom wa, saa mɩ nyuure bom wa, wa tara nɩ a lɛ sɩ na kúrɔ a Pol.” 13A bala na goro taa po na nɩbɛ lɩjaayi. 14Ba cenʼã a *baar-lo-nɩ-bɛrɛ nɩ a Jufisɩ ni-dierbe jie na yel ba:
“Sɩ pɔ na ƴɔ̃w a sɩ mɩ̃ɛ a saa dɩrɛ bom wa, wa tara nɩ a lɛ sɩ na kúrɔ a Pol. 15Ala-ɩ̃-sɔ a nyɩmɩ nɩ a *ƴɛr-guor-nɩ-bɛrɛ, nyɩ́ sʋɔr a sɔdaalsɩ nɩ-kpɛ̃ɛ a ʋ taw a Pol wa nɩ a nyɩ jie, maala nɩ wɔ̃ taa nɩ nyɩ bʋɔrɔ na nyɩ ꞌlo bɔ̃w a ʋ ƴɛrɩ̃ par. Ɩ̃ a sɩmɩ, sɩ na gu ʋ na a sɔr pʋɔ na sɩ kú ʋ, ʋ kɔ̃ ta a nyɩ jie wa.”
16Ɩ̃-cɛ a Pol arbile wõ na a ʋna gorfʋ, ɩ̃ cen a sɔdaalsɩ yir na kpɛ man kʋ a Pol. 17A Pol bʋɔlʼã a sɔdaal-nɩ-kpɛ̃ɛ kãw yel ʋ:
“Taw a polbile na cenʼɩ̃ a fʋ nɩ-kpɛ̃ɛ jie, a-na-ɩ ʋ tɛrɛ na ƴɛrɩ̃ na ƴɛr ʋ.” 18A sɔdaal-nɩ-kpɛ̃ɛ ʋlɔ taw ʋ a ba lãa cen a sɔdaalsɩ nɩ-kpɛ̃ɛ sɛ̃, ʋ yel ʋ:
“A Pol sɩ na tɛrɛ a ka a kasu pʋɔ, ʋlɔ ɩ̃ bʋɔl ma yel á ɩ̃ tɛrɛ a polbile na wa nɩ a fʋ sɛ̃, a ʋ tɛrɛ na ƴɛrɩ̃ na ƴɛr fʋ.” 19A nɩ-kpɛ̃ɛ taw a polbile ʋlɔ yi nɩ ji-kpee ɩ̃ soor ʋ:
“Bõ ƴɛrɩ̃ fʋ tɛrɛ ƴɛrɛ ma?” 20Ʋ yel ʋ:
“A Jufisɩ guorʼã taa a ba na sʋɔr fʋ na a fʋ taw a Pol wɩ nɩ a bio a ƴɛr-guor-nɩ-bɛrɛ nii-sɔw, bɛlɛ nɩ fʋ a ba bʋɔrɔ na ba lɛ soor ʋ bɔ̃w a ƴɛrɩ̃ par. 21Ɩ̃-cɛ, taa sɔw wa. A-na-ɩ a ba nɩbɛ po na lɩjaayi na sɛw ba var gu ʋ. Ba pɔ na ƴɔ̃w a ba mɩ̃ɛ a baa dɩrɛ bom wa, a baa mɩ nyuure bom wa, wa tara nɩ a lɛ ba na kúrɔ ʋ. Ba gbɛɛrɩ̃ na baar a ƴɛ̃ƴɛrɩ̃ ɩ̃ cɛlɛ a fʋ sɔwfʋ.” 22A sɔdaalsɩ nɩ-kpɛ̃ɛ kpãkpan a polbile a ʋ taa wa ƴɛrɛ a ʋna ƴɛrɩ̃ ʋ na ƴɛr kʋ ʋ kʋrɔ nɩrɛ wa, ɩ̃ bar ʋ ʋ cen.
A POL BA NA CENʼƖ̃ A TẼ-ꞌWUORO FELISI SƐ̃
23A sɔdaalsɩ nɩ-kpɛ̃ɛ bʋɔlʼã a ʋ sɔdaal-nɩ-bɛrɛ ayi ɩ̃ yel ba:
“Nyɩ́ gbɛɛrɩ̃ sɔdaalsɩ kɔɔr ayi a Sejare cenfʋ ɩnɛ, nɩ a wibe deme lɩjaata nɩ pie, nɩ a kãpime deme kɔɔr ayi, a nyɩ cen a tɩsɔw. 24Nyɩ́ mɩ de a wibe a Pol ɩnɛ ʋ na do a nyɩ cenʼɩ̃ ʋ vɩlaa a tẽ-ꞌwuoro Felisi#23.24 Felisi: Ʋ dãa na ɩ a Orom nɩrɛ ba na yɔw ʋ ꞌwuoro a Jude wɩɛr. sɛ̃.”
25Ɩ̃ ʋ sɛbʼã a sɛbɛ na tɩɩr: 26“A maa Kilodi Lɩsɩyasɩ ɩ̃ tɩɩr a sɛbɛ na kʋ a fʋ̃ʋ Felisi na ɩ a tẽ-ꞌwuoro. Ɩ̃ puor fʋ na vɩlaa. 27A Jufisɩ dãa na nyɔw a daba na bʋɔrɔ ba kú ʋ. Ɩ̃-cɛ a lɛ ɩ̃ na wõ ʋ ɩ a Orom nɩrɛ, ɩ̃ de na a ɩ̃ sɔdaalsɩ cenʼɩ̃ faa nɩ ʋ. 28Ɩ̃ a mɩnɛ ɩ̃ na bʋɔrɔ ɩ̃ bɔ̃w a bom na ɩnɛ a Jufisɩ na ƴɔnɔ ʋ a ƴɛrɩ̃sɩ, ɩ̃ taw ʋ na cenʼɩ̃ a ba *ƴɛr-guor-nɩ-bɛrɛ nii-sɔw, 29na ɩ̃ nyɛ bɔ̃w ka a ba ƴɛr-kpɛn ɩnɛ ba ƴɔnɔ ʋ a ƴɛrɩ̃; ɩ̃-cɛ saa nyɛ sãwfʋ a ʋ jie na ƴɔnɔ ʋ a kũu pʋɔ mɩɩ a kasu pʋɔ wa. 30Ɩ̃ a lɛ ɩ̃ na wõ a Jufisɩ goro a daba na, ɩ̃ ƴɔ̃w na a ba taw ʋ wɩ nɩ a fʋ sɛ̃ a jie naan. Ɩ̃ mɩ yelʼã a ʋ ƴɛr-ƴɔnbɔ a ba mɩ wɩ na ƴɛr a ba ƴɛrɩ̃ a fʋ mɩ wonaa.”
31A sɔdaalsɩ de na a Pol a tɩsɔw cenʼɩ̃ a Ãtɩpatɩrɩ, a mɩnɛ ba na yel ba. 32A bio vɩɛ na, a sɔdaalsɩ bala na cere nɩ a gbɛɛ lɩɛb kule ɩ̃ bar a wibe deme a ba cere nɩ a Pol. 33A lɛ ba na ta a Sejare, ba de na a sɛbɛ kʋ a tẽ-ꞌwuoro ɩ̃ mɩ de a Pol ƴɔ̃w a ʋ nuumɩ. 34A lɛ a tẽ-ꞌwuoro na ꞌwuor a sɛbɛ baar, v soorʼã a Pol a tẽ-buor v yi, v yel v a Sɩlɩsɩ wɩɛr v yi. 35A tẽ-ꞌwuoro yel ʋ:
“A fu ƴɛr-ƴɔnbɔ ɩ̃ wa ta, ala ɩ̃ na guor a fu ƴɛrɩ̃,” ɩ̃ na v ƴɔ̃w a ba gu a Pol a yir kpɛ̃ɛ ʋlɔ pʋɔ a jamana *Ɛrɔdɩ na dãa mɛ.
Currently Selected:
Nɩ-tʋnɩsɩ tʋmɔ Sɛbɛ 23: BNT93
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.
Nɩ-tʋnɩsɩ tʋmɔ Sɛbɛ 23
23
1A Pol ꞌwuorʼã a *ƴɛr-guor-nɩ-bɛrɛ ɩ̃ yel:
“Yɛɛr, Ɩ̃ tɛrɛ na a tɩɛrʋ̃ jom cere nɩ a Naaŋmɩn nii-sɔw wa ta nɩ a dɩnaa bibirʼã.” 2Ɩ̃-cɛ a Ananɩya na ɩ a *baar-lo-nɩ-kpɛ̃ɛ yelʼã a bala na pɩɛl a Pol a ba ɓa ʋ nʋɔr pʋɔ. 3A Pol yel ʋ:
“Fʋna dacin pɩlaa na! A Naaŋmɩn ɩ̃ na ɓa fu. Fu jɛ na ka de a Mowisi ƴɛr-kpɛn guoro nɩ a ɩ̃ ƴɛrɩ̃, ɩ̃ na fu lɛ sãwna a ana ƴɛr-kpɛn na fu yel a ba ɓa ma.” 4A bala na ɩraa a be yelʼã a Pol:
“A Naaŋmɩn baar-lo-nɩ-kpɛ̃ɛ fu tʋrɔ?” 5A Pol yel ba:
“Yɛɛr! Maa dãa bɔ̃w ka ʋ ɩ na Naaŋmɩn baar-lo-nɩ-kpɛ̃ɛ wa. A-na-ɩ a yelʼã a Naaŋmɩn Sɛbɛ pʋɔ: ‘Taa ƴɛrɛ a ƴɛr-fãa ƴɔnɔ a fu nɩbɛ nɩ-kpɛ̃ɛ wa.’ ”
6A Pol bɔ̃w ka a ƴɛr-guor-nɩ-bɛrɛ ŋmɛɛ ɩ na a *Saduse nɩbɛ ɩ̃ a ŋmɛɛ ɩ a Farɩsɩ. Ala-ɩ̃-sɔ ʋ ƴɛrʼɩ̃ kpɛ̃w a ba nii-sɔw:
“Yɛɛr, Farɩsɩ nɩrɛ ɩ̃ ɩ, a *Farɩsɩ nɩbɛ na dɔw. A tɩɛrʋ̃ son ɩ̃ na tɛrɛ áa nɩbɛ na irʼã a kũu pʋɔ, ala ɩnɛ ba guoro ma.” 7A mɩnɛ ʋ na ƴɛr a lɛ, a Farɩsɩ nɩbɛ nɩ a Saduse nɩbɛ faa na taa ɩ̃ ŋma kpee kpee, 8a-na-ɩ a Saduse nɩbɛ ma yelʼã á kũusɩ ma ire a kũu pʋɔ wa, ɩ̃ ma mɩ yel áa Naaŋmɩn sɩ-tʋnɩsɩ nɩ a sɩɩr ma mɩ be be wa, ɩ̃-cɛ a Farɩsɩ nɩbɛ tɩɛrɛ na áa jaa be na be. 9A gɔ̃-pɔɔr nyɩrɩ̃ na duoro, ɩ̃ a *ƴɛr-kpɛn-bɔɔnbɔ ŋmɛɛ na ɓã a Farɩsɩ nɩbɛ irʼã ma sɔw wa, ɩ̃ yel:
“Saa nyɛ a daba na sãwfʋ jie wa. A nʋmɔ-wa-sɔw a sɩɛ bom ʋ nyɛ ʋ ƴɛrʼɩ̃ ʋ, mɩɩ a sɩ-tʋnaa ɩ̃ ƴɛrʼɩ̃ ʋ.”
10Ɩ̃ a mɩnɛ a faa-taa na nyɩrɩ̃ kpɛmɛ, dãbɩ̃ɛ nyɔw na a sɔdaalsɩ nɩ-kpɛ̃ɛ ʋ tɩɛr beeka ba na taw na a Pol ɓɛl, ala-ɩ̃-sɔ ʋ yel a sɔdaalsɩ a ba suu cen na faa a Pol a nɩ-yaw sɔ̃w wɩ nɩ a sɔdaalsɩ yir. 11A dɩvɩɛ bio tɩsɔw, a Nɩ-kpɛ̃ɛ nyɩrʼã a Pol ɩ̃ yel ʋ:
“Tɛrɛ ꞌlafʋ! A mɩnɛ fʋ na dãa ƴɛr a yel-mɩ̃ɛ ƴɛrɩ̃ a ɩ̃ ɩnɛ a ka a Jerujalɛm, a sɛw na a fʋ na mɩ ƴɛr a lɛ a Orom-tẽw pʋɔ.”
A POL KUFƲ BA NA GORO
12A bio vɩɛ na, a Jufisɩ duo goro taa. Ba pɔrɔ na yele nɩ:
“Saa dɩrɛ bom wa, saa mɩ nyuure bom wa, wa tara nɩ a lɛ sɩ na kúrɔ a Pol.” 13A bala na goro taa po na nɩbɛ lɩjaayi. 14Ba cenʼã a *baar-lo-nɩ-bɛrɛ nɩ a Jufisɩ ni-dierbe jie na yel ba:
“Sɩ pɔ na ƴɔ̃w a sɩ mɩ̃ɛ a saa dɩrɛ bom wa, wa tara nɩ a lɛ sɩ na kúrɔ a Pol. 15Ala-ɩ̃-sɔ a nyɩmɩ nɩ a *ƴɛr-guor-nɩ-bɛrɛ, nyɩ́ sʋɔr a sɔdaalsɩ nɩ-kpɛ̃ɛ a ʋ taw a Pol wa nɩ a nyɩ jie, maala nɩ wɔ̃ taa nɩ nyɩ bʋɔrɔ na nyɩ ꞌlo bɔ̃w a ʋ ƴɛrɩ̃ par. Ɩ̃ a sɩmɩ, sɩ na gu ʋ na a sɔr pʋɔ na sɩ kú ʋ, ʋ kɔ̃ ta a nyɩ jie wa.”
16Ɩ̃-cɛ a Pol arbile wõ na a ʋna gorfʋ, ɩ̃ cen a sɔdaalsɩ yir na kpɛ man kʋ a Pol. 17A Pol bʋɔlʼã a sɔdaal-nɩ-kpɛ̃ɛ kãw yel ʋ:
“Taw a polbile na cenʼɩ̃ a fʋ nɩ-kpɛ̃ɛ jie, a-na-ɩ ʋ tɛrɛ na ƴɛrɩ̃ na ƴɛr ʋ.” 18A sɔdaal-nɩ-kpɛ̃ɛ ʋlɔ taw ʋ a ba lãa cen a sɔdaalsɩ nɩ-kpɛ̃ɛ sɛ̃, ʋ yel ʋ:
“A Pol sɩ na tɛrɛ a ka a kasu pʋɔ, ʋlɔ ɩ̃ bʋɔl ma yel á ɩ̃ tɛrɛ a polbile na wa nɩ a fʋ sɛ̃, a ʋ tɛrɛ na ƴɛrɩ̃ na ƴɛr fʋ.” 19A nɩ-kpɛ̃ɛ taw a polbile ʋlɔ yi nɩ ji-kpee ɩ̃ soor ʋ:
“Bõ ƴɛrɩ̃ fʋ tɛrɛ ƴɛrɛ ma?” 20Ʋ yel ʋ:
“A Jufisɩ guorʼã taa a ba na sʋɔr fʋ na a fʋ taw a Pol wɩ nɩ a bio a ƴɛr-guor-nɩ-bɛrɛ nii-sɔw, bɛlɛ nɩ fʋ a ba bʋɔrɔ na ba lɛ soor ʋ bɔ̃w a ƴɛrɩ̃ par. 21Ɩ̃-cɛ, taa sɔw wa. A-na-ɩ a ba nɩbɛ po na lɩjaayi na sɛw ba var gu ʋ. Ba pɔ na ƴɔ̃w a ba mɩ̃ɛ a baa dɩrɛ bom wa, a baa mɩ nyuure bom wa, wa tara nɩ a lɛ ba na kúrɔ ʋ. Ba gbɛɛrɩ̃ na baar a ƴɛ̃ƴɛrɩ̃ ɩ̃ cɛlɛ a fʋ sɔwfʋ.” 22A sɔdaalsɩ nɩ-kpɛ̃ɛ kpãkpan a polbile a ʋ taa wa ƴɛrɛ a ʋna ƴɛrɩ̃ ʋ na ƴɛr kʋ ʋ kʋrɔ nɩrɛ wa, ɩ̃ bar ʋ ʋ cen.
A POL BA NA CENʼƖ̃ A TẼ-ꞌWUORO FELISI SƐ̃
23A sɔdaalsɩ nɩ-kpɛ̃ɛ bʋɔlʼã a ʋ sɔdaal-nɩ-bɛrɛ ayi ɩ̃ yel ba:
“Nyɩ́ gbɛɛrɩ̃ sɔdaalsɩ kɔɔr ayi a Sejare cenfʋ ɩnɛ, nɩ a wibe deme lɩjaata nɩ pie, nɩ a kãpime deme kɔɔr ayi, a nyɩ cen a tɩsɔw. 24Nyɩ́ mɩ de a wibe a Pol ɩnɛ ʋ na do a nyɩ cenʼɩ̃ ʋ vɩlaa a tẽ-ꞌwuoro Felisi#23.24 Felisi: Ʋ dãa na ɩ a Orom nɩrɛ ba na yɔw ʋ ꞌwuoro a Jude wɩɛr. sɛ̃.”
25Ɩ̃ ʋ sɛbʼã a sɛbɛ na tɩɩr: 26“A maa Kilodi Lɩsɩyasɩ ɩ̃ tɩɩr a sɛbɛ na kʋ a fʋ̃ʋ Felisi na ɩ a tẽ-ꞌwuoro. Ɩ̃ puor fʋ na vɩlaa. 27A Jufisɩ dãa na nyɔw a daba na bʋɔrɔ ba kú ʋ. Ɩ̃-cɛ a lɛ ɩ̃ na wõ ʋ ɩ a Orom nɩrɛ, ɩ̃ de na a ɩ̃ sɔdaalsɩ cenʼɩ̃ faa nɩ ʋ. 28Ɩ̃ a mɩnɛ ɩ̃ na bʋɔrɔ ɩ̃ bɔ̃w a bom na ɩnɛ a Jufisɩ na ƴɔnɔ ʋ a ƴɛrɩ̃sɩ, ɩ̃ taw ʋ na cenʼɩ̃ a ba *ƴɛr-guor-nɩ-bɛrɛ nii-sɔw, 29na ɩ̃ nyɛ bɔ̃w ka a ba ƴɛr-kpɛn ɩnɛ ba ƴɔnɔ ʋ a ƴɛrɩ̃; ɩ̃-cɛ saa nyɛ sãwfʋ a ʋ jie na ƴɔnɔ ʋ a kũu pʋɔ mɩɩ a kasu pʋɔ wa. 30Ɩ̃ a lɛ ɩ̃ na wõ a Jufisɩ goro a daba na, ɩ̃ ƴɔ̃w na a ba taw ʋ wɩ nɩ a fʋ sɛ̃ a jie naan. Ɩ̃ mɩ yelʼã a ʋ ƴɛr-ƴɔnbɔ a ba mɩ wɩ na ƴɛr a ba ƴɛrɩ̃ a fʋ mɩ wonaa.”
31A sɔdaalsɩ de na a Pol a tɩsɔw cenʼɩ̃ a Ãtɩpatɩrɩ, a mɩnɛ ba na yel ba. 32A bio vɩɛ na, a sɔdaalsɩ bala na cere nɩ a gbɛɛ lɩɛb kule ɩ̃ bar a wibe deme a ba cere nɩ a Pol. 33A lɛ ba na ta a Sejare, ba de na a sɛbɛ kʋ a tẽ-ꞌwuoro ɩ̃ mɩ de a Pol ƴɔ̃w a ʋ nuumɩ. 34A lɛ a tẽ-ꞌwuoro na ꞌwuor a sɛbɛ baar, v soorʼã a Pol a tẽ-buor v yi, v yel v a Sɩlɩsɩ wɩɛr v yi. 35A tẽ-ꞌwuoro yel ʋ:
“A fu ƴɛr-ƴɔnbɔ ɩ̃ wa ta, ala ɩ̃ na guor a fu ƴɛrɩ̃,” ɩ̃ na v ƴɔ̃w a ba gu a Pol a yir kpɛ̃ɛ ʋlɔ pʋɔ a jamana *Ɛrɔdɩ na dãa mɛ.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.