Nɩ-tʋnɩsɩ tʋmɔ Sɛbɛ 14
14
A POL NƖ A BANABASƖ A ƖKƆNƖYƆ̃-TẼW
1A be a Ɩkɔnɩyɔ̃, a lɛ a Pol nɩ a Banabasɩ mɩ kpɛ a Jufisɩ *puorfʋ yir, ɩ̃ ƴɛr a ƴɛrɩ̃ a maal a nɩ-yaw, a Jufisɩ nɩ a nɩ-bʋlsɩ, a ba sɔw de a *Jeeju. 2Ɩ̃-cɛ a Jufisɩ bala na jaar tɔrɔ na a nɩ-bʋlsɩ ƴɔnɔ a yɛɛr, maalʼɩ̃ ba a ba tɩɛrɛ a tɩɛrɩ̃-faar ƴɔnɔ ba. 3A Pol nɩ a Banabasɩ jɛ na a be a Ɩkɔnɩyɔ̃ kam, ɩ̃ bar nyãa ƴɛrɛ nɩ a ƴɛrɩ̃sɩ a Nɩ-kpɛ̃ɛ ɩnɛ. A Nɩ-kpɛ̃ɛ miilʼã a ʋ wɩɛfʋ ƴɛrɩ̃ ba na ƴɛrɛ a ɩ sɩrɛ, a mɩnɛ ʋ na kʋ ba a fãw a ba maala nɩ a nɔ-kofʋ tʋmɔ na miile a ʋ kpɛ̃w. 4A tẽw ʋlɔ nɩbɛ ŋma na ayi. A ŋmɛɛ sɔw na a Jufisɩ ƴɛrɩ̃, ɩ̃ a ŋmɛɛ sɔw a *nɩ-tʋnɩsɩ ƴɛrɩ̃.
5A Jufisɩ nɩ a nɩ-bʋlsɩ nɩ a ba nɩ-bɛrɛ jaa bʋɔrɔ na ba maal a Pol nɩ a Banabasɩ fãa a ba lɔbʼɩ̃ ba a kubie kú. 6Ɩ̃-cɛ a Pol nɩ a Banabasɩ bɔ̃wnaa na ɩ̃ jɔ cen a Lɩsɩtɩ nɩ a Dɛrbɩ na be a Lɩkawnɩ wɩɛr, wa cen na ta nɩ a ana ten na tiw kolĩ ba. 7Be ba nyɔw ɩ̃ ƴɛrɛ a Naaŋmɩn ƴɛr-son.
A POL NƖ A BANABASƖ A LƖSƖTƖ-TẼW
8Daba be na be a Lɩsɩtɩ ma jɛ a-na-ɩ ʋ gbɛrʼã. Wa nyɔw nɩ a ʋ bibile daar ʋ maa tʋɔ cen fɩ̃ɩ wa. 9Ʋ cɛlɛ na a ala a Pol na ƴɛrɛ, a Pol ꞌwuor ʋ kir-kir-kir ɩ̃ nyɛ ʋ ʋ tɛrɛ a ƴɔ̃w-nyãa sɛw na kpɛmɛ. 10Ala-ɩ̃-sɔ ʋ yel a daba nɩ kpɛ̃w:
“Ir ɩraa dẽdẽ!” ʋ ka ir cere. 11A lɛ a nɩbɛ na nyɛ a ala a Pol na maal, ba wuure na nɩ a Lɩkawnɩ-tẽw ƴɛrɩ̃ yele nɩ:
“A naaŋmɩnsɩ lɩɛbʼã wɔ̃ a nɩbɛ kaarɩ̃ suu a sɩ sɛ̃!” 12Ba de na a Jesi#14.12 Jesi: A Gɩrɛkɩ nɩbɛ Naaŋmɩn kpɛ̃ɛ ʋ (Ntt 14.12-13). na ɩ a ba naaŋmɩn kãw yuor bʋɔlɔ nɩ a Banabasɩ, ɩ̃ mɩ de a ba naaŋmɩn Ɛrmɛsɩ#14.12 Ɛrmɛsɩ: A Gɩrɛkɩ nɩbɛ naaŋmɩn kãw yɛyɛrɛ ʋ. yuor bʋɔlɔ nɩ a Pol, a-na-ɩ ʋlɔ ɩ̃ ɩ a ƴɛƴɛrɛ. 13A Jesi ʋlɔ *puorfʋ yir be na a tẽw nʋɔr, ɩ̃ a ʋ baar-loro de na a nadɛɛ ba na yarɩ̃ a tɩ-pube, wɩ nɩ be a dɔ̃dɔr nʋɔr, bʋɔrɔ a ʋlɔ nɩ a tẽw nɩbɛ ba lo a baar kʋ a Banabasɩ nɩ a Pol. 14Ɩ̃-cɛ a lɛ a Banabasɩ nɩ a Pol na wonaa, ba ɓerʼã a ba cẽcene ɩ̃ jɔ kpɛ a nɩbɛ sɔ̃w ɩ̃ wuure 15yele nɩ:
“Sɩ badɛɛ, bõ ɩnɛ nyɩ maala a lɛ? A nɩbɛ sɩ mɩ ɩ a nyɩ kaarɩ̃. Sɩ wa nɩ na a Naaŋmɩn ƴɛr-son kʋrɔ nyɩ yele nɩ nyɩ á nyɩ bar a ana yel-pɔrsɩ ɩ̃ lɩɛb puoro a Naaŋmɩn-mimir ʋlɔ na maal a saꞌlon nɩ a tene nɩ a man kpɛ̃ɛ nɩ a yele a jaa na be a ba pʋɔ. 16A korĩ-cɛ ʋ dãa na bar a nɩbɛ ba jaa a ba tuure a ba mɩ̃ɛ sɔɛ, 17ɩ̃-cɛ a daar a jaa ʋ ma maala na a ʋ tʋ̃-vɛlɛ miile nɩ a nɩbɛ a mɩnɛ ʋ na wɔ̃. Ʋ ma barʼã a saa ʋ yi a saꞌlon ɩ̃ wa a sɩ ɩnɛ, a tẽw ƴɔ a sɩ pɔw a yele. Ʋ ma kʋ sɩ na a bõ-dɩraa nɩ a nʋ̃ɔ a ƴala sɩ.” 18A Pol nɩ a Banabasɩ na saarɩ̃ ƴɛr a lɛ ɩ̃-cɛ a cãa na kpɛmɛ ɩ̃ a ba pãa tʋɔ pɩɛrɩ̃ a nɩbɛ bar a baa lo a baar kʋ ba wa.
19A Jufisɩ yi na a Ãtɩyɔsɩ na be a Pisidi wɩɛr nɩ a Ɩkɔnɩyɔ̃ ɩ̃ wa na lɩɛb a nɩbɛ tɩɛrɩ̃sɩ a ba lɔbɔ a Pol nɩ a kʋsɩɛ bʋɔrɔ ba kú ʋ. Ɩ̃ ba vu ʋ na yi nɩ a tẽw cɛ̃cɛ̃w na bar, a-na-ɩ ba tɩɛrʼã beeka ʋ kpi na. 20Ɩ̃-cɛ a lɛ a popuorbo na tiw kolĩ ʋ, ʋ irʼã lɛ kpɛ a tẽw pʋɔ ɩ̃ a lɛ a bio na vɩɛ, a ʋlɔ nɩ a Banabasɩ yi na cere a Dɛrbɩ-tẽw.
A POL NƖ A BANABASƖ NA LƖƐB CEN A ÃTƖYƆSƖ
21A Pol nɩ a Banabasɩ ƴɛrʼã a Naaŋmɩn ƴɛr-son a Dɛrbɩ-tẽw maalʼɩ̃ a nɩ-yaw a ba lɩɛb ɩ a *Jeeju *par-tuurbe. A ala ɩ̃ baar, ba lɛ lɩɛbʼã cen a Lɩsɩtɩ nɩ a Ɩkɔnɩyɔ̃ nɩ a Ãtɩyɔsɩ. 22Ba maalʼã a popuorbo a ba nyɩrɛ cere nii-sɔw yele nɩ ba á ba bɔ̃w ɩraa a puorfʋ sɔr pʋɔ. Ba lɛ yel ba na áa sɛw na a sɩ na nyɛ won yaw ɩ̃ pãa kpɛ a Naaŋmɩn fãw pʋɔ.
23A jiir a jaa, ba vɛlʼã ir ni-dierbe a *duo-puorbo sɔ̃w biin a ba ɩnɛ, ɩ̃ a lɛ ba na lũ a nʋɔr ɩ̃ sʋɔr a Naaŋmɩn baar, ba de ba na ƴɔ̃w a Nɩ-kpɛ̃ɛ ʋlɔ ba na sɔw de nuumɩ. 24A Pol nɩ a Banabasɩ lɛ tɔlʼã yi a Pisidi wɩɛr ɩ̃ ta a Pãfɩlɩ. 25Ba ƴɛrʼã a Naaŋmɩn ƴɛrɩ̃ a Pɛrjɩ-tẽw ɩ̃ cen a Atalɩ. 26A be, gbor ba kpɛ cen a Ãtɩyɔsɩ na ɩ a tẽw ʋlɔ a duo-puorbo na dãa de ba ƴɔ̃w a Naaŋmɩn nuumɩ ʋ sũo ba a tʋn ʋlɔ pʋɔ ba na maal baar a ƴɛ̃ƴɛrɩ̃.
27A lɛ ba na ta a Ãtɩyɔsɩ, ba bʋɔlʼã a duo-puorbo tiw ɩ̃ man ba a ala a jaa a Naaŋmɩn na de ba maalʼɩ̃, nɩ a mɩnɛ ʋ na yuo a sɔr kʋ a nɩ-bʋlsɩ a ba na mɩ tʋɔ sɔw de a Jeeju. 28Ba jɛ na be kam a popuorbo sɛ̃.
Currently Selected:
Nɩ-tʋnɩsɩ tʋmɔ Sɛbɛ 14: BNT93
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.
Nɩ-tʋnɩsɩ tʋmɔ Sɛbɛ 14
14
A POL NƖ A BANABASƖ A ƖKƆNƖYƆ̃-TẼW
1A be a Ɩkɔnɩyɔ̃, a lɛ a Pol nɩ a Banabasɩ mɩ kpɛ a Jufisɩ *puorfʋ yir, ɩ̃ ƴɛr a ƴɛrɩ̃ a maal a nɩ-yaw, a Jufisɩ nɩ a nɩ-bʋlsɩ, a ba sɔw de a *Jeeju. 2Ɩ̃-cɛ a Jufisɩ bala na jaar tɔrɔ na a nɩ-bʋlsɩ ƴɔnɔ a yɛɛr, maalʼɩ̃ ba a ba tɩɛrɛ a tɩɛrɩ̃-faar ƴɔnɔ ba. 3A Pol nɩ a Banabasɩ jɛ na a be a Ɩkɔnɩyɔ̃ kam, ɩ̃ bar nyãa ƴɛrɛ nɩ a ƴɛrɩ̃sɩ a Nɩ-kpɛ̃ɛ ɩnɛ. A Nɩ-kpɛ̃ɛ miilʼã a ʋ wɩɛfʋ ƴɛrɩ̃ ba na ƴɛrɛ a ɩ sɩrɛ, a mɩnɛ ʋ na kʋ ba a fãw a ba maala nɩ a nɔ-kofʋ tʋmɔ na miile a ʋ kpɛ̃w. 4A tẽw ʋlɔ nɩbɛ ŋma na ayi. A ŋmɛɛ sɔw na a Jufisɩ ƴɛrɩ̃, ɩ̃ a ŋmɛɛ sɔw a *nɩ-tʋnɩsɩ ƴɛrɩ̃.
5A Jufisɩ nɩ a nɩ-bʋlsɩ nɩ a ba nɩ-bɛrɛ jaa bʋɔrɔ na ba maal a Pol nɩ a Banabasɩ fãa a ba lɔbʼɩ̃ ba a kubie kú. 6Ɩ̃-cɛ a Pol nɩ a Banabasɩ bɔ̃wnaa na ɩ̃ jɔ cen a Lɩsɩtɩ nɩ a Dɛrbɩ na be a Lɩkawnɩ wɩɛr, wa cen na ta nɩ a ana ten na tiw kolĩ ba. 7Be ba nyɔw ɩ̃ ƴɛrɛ a Naaŋmɩn ƴɛr-son.
A POL NƖ A BANABASƖ A LƖSƖTƖ-TẼW
8Daba be na be a Lɩsɩtɩ ma jɛ a-na-ɩ ʋ gbɛrʼã. Wa nyɔw nɩ a ʋ bibile daar ʋ maa tʋɔ cen fɩ̃ɩ wa. 9Ʋ cɛlɛ na a ala a Pol na ƴɛrɛ, a Pol ꞌwuor ʋ kir-kir-kir ɩ̃ nyɛ ʋ ʋ tɛrɛ a ƴɔ̃w-nyãa sɛw na kpɛmɛ. 10Ala-ɩ̃-sɔ ʋ yel a daba nɩ kpɛ̃w:
“Ir ɩraa dẽdẽ!” ʋ ka ir cere. 11A lɛ a nɩbɛ na nyɛ a ala a Pol na maal, ba wuure na nɩ a Lɩkawnɩ-tẽw ƴɛrɩ̃ yele nɩ:
“A naaŋmɩnsɩ lɩɛbʼã wɔ̃ a nɩbɛ kaarɩ̃ suu a sɩ sɛ̃!” 12Ba de na a Jesi#14.12 Jesi: A Gɩrɛkɩ nɩbɛ Naaŋmɩn kpɛ̃ɛ ʋ (Ntt 14.12-13). na ɩ a ba naaŋmɩn kãw yuor bʋɔlɔ nɩ a Banabasɩ, ɩ̃ mɩ de a ba naaŋmɩn Ɛrmɛsɩ#14.12 Ɛrmɛsɩ: A Gɩrɛkɩ nɩbɛ naaŋmɩn kãw yɛyɛrɛ ʋ. yuor bʋɔlɔ nɩ a Pol, a-na-ɩ ʋlɔ ɩ̃ ɩ a ƴɛƴɛrɛ. 13A Jesi ʋlɔ *puorfʋ yir be na a tẽw nʋɔr, ɩ̃ a ʋ baar-loro de na a nadɛɛ ba na yarɩ̃ a tɩ-pube, wɩ nɩ be a dɔ̃dɔr nʋɔr, bʋɔrɔ a ʋlɔ nɩ a tẽw nɩbɛ ba lo a baar kʋ a Banabasɩ nɩ a Pol. 14Ɩ̃-cɛ a lɛ a Banabasɩ nɩ a Pol na wonaa, ba ɓerʼã a ba cẽcene ɩ̃ jɔ kpɛ a nɩbɛ sɔ̃w ɩ̃ wuure 15yele nɩ:
“Sɩ badɛɛ, bõ ɩnɛ nyɩ maala a lɛ? A nɩbɛ sɩ mɩ ɩ a nyɩ kaarɩ̃. Sɩ wa nɩ na a Naaŋmɩn ƴɛr-son kʋrɔ nyɩ yele nɩ nyɩ á nyɩ bar a ana yel-pɔrsɩ ɩ̃ lɩɛb puoro a Naaŋmɩn-mimir ʋlɔ na maal a saꞌlon nɩ a tene nɩ a man kpɛ̃ɛ nɩ a yele a jaa na be a ba pʋɔ. 16A korĩ-cɛ ʋ dãa na bar a nɩbɛ ba jaa a ba tuure a ba mɩ̃ɛ sɔɛ, 17ɩ̃-cɛ a daar a jaa ʋ ma maala na a ʋ tʋ̃-vɛlɛ miile nɩ a nɩbɛ a mɩnɛ ʋ na wɔ̃. Ʋ ma barʼã a saa ʋ yi a saꞌlon ɩ̃ wa a sɩ ɩnɛ, a tẽw ƴɔ a sɩ pɔw a yele. Ʋ ma kʋ sɩ na a bõ-dɩraa nɩ a nʋ̃ɔ a ƴala sɩ.” 18A Pol nɩ a Banabasɩ na saarɩ̃ ƴɛr a lɛ ɩ̃-cɛ a cãa na kpɛmɛ ɩ̃ a ba pãa tʋɔ pɩɛrɩ̃ a nɩbɛ bar a baa lo a baar kʋ ba wa.
19A Jufisɩ yi na a Ãtɩyɔsɩ na be a Pisidi wɩɛr nɩ a Ɩkɔnɩyɔ̃ ɩ̃ wa na lɩɛb a nɩbɛ tɩɛrɩ̃sɩ a ba lɔbɔ a Pol nɩ a kʋsɩɛ bʋɔrɔ ba kú ʋ. Ɩ̃ ba vu ʋ na yi nɩ a tẽw cɛ̃cɛ̃w na bar, a-na-ɩ ba tɩɛrʼã beeka ʋ kpi na. 20Ɩ̃-cɛ a lɛ a popuorbo na tiw kolĩ ʋ, ʋ irʼã lɛ kpɛ a tẽw pʋɔ ɩ̃ a lɛ a bio na vɩɛ, a ʋlɔ nɩ a Banabasɩ yi na cere a Dɛrbɩ-tẽw.
A POL NƖ A BANABASƖ NA LƖƐB CEN A ÃTƖYƆSƖ
21A Pol nɩ a Banabasɩ ƴɛrʼã a Naaŋmɩn ƴɛr-son a Dɛrbɩ-tẽw maalʼɩ̃ a nɩ-yaw a ba lɩɛb ɩ a *Jeeju *par-tuurbe. A ala ɩ̃ baar, ba lɛ lɩɛbʼã cen a Lɩsɩtɩ nɩ a Ɩkɔnɩyɔ̃ nɩ a Ãtɩyɔsɩ. 22Ba maalʼã a popuorbo a ba nyɩrɛ cere nii-sɔw yele nɩ ba á ba bɔ̃w ɩraa a puorfʋ sɔr pʋɔ. Ba lɛ yel ba na áa sɛw na a sɩ na nyɛ won yaw ɩ̃ pãa kpɛ a Naaŋmɩn fãw pʋɔ.
23A jiir a jaa, ba vɛlʼã ir ni-dierbe a *duo-puorbo sɔ̃w biin a ba ɩnɛ, ɩ̃ a lɛ ba na lũ a nʋɔr ɩ̃ sʋɔr a Naaŋmɩn baar, ba de ba na ƴɔ̃w a Nɩ-kpɛ̃ɛ ʋlɔ ba na sɔw de nuumɩ. 24A Pol nɩ a Banabasɩ lɛ tɔlʼã yi a Pisidi wɩɛr ɩ̃ ta a Pãfɩlɩ. 25Ba ƴɛrʼã a Naaŋmɩn ƴɛrɩ̃ a Pɛrjɩ-tẽw ɩ̃ cen a Atalɩ. 26A be, gbor ba kpɛ cen a Ãtɩyɔsɩ na ɩ a tẽw ʋlɔ a duo-puorbo na dãa de ba ƴɔ̃w a Naaŋmɩn nuumɩ ʋ sũo ba a tʋn ʋlɔ pʋɔ ba na maal baar a ƴɛ̃ƴɛrɩ̃.
27A lɛ ba na ta a Ãtɩyɔsɩ, ba bʋɔlʼã a duo-puorbo tiw ɩ̃ man ba a ala a jaa a Naaŋmɩn na de ba maalʼɩ̃, nɩ a mɩnɛ ʋ na yuo a sɔr kʋ a nɩ-bʋlsɩ a ba na mɩ tʋɔ sɔw de a Jeeju. 28Ba jɛ na be kam a popuorbo sɛ̃.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Le Nouveau Testament en langue birifor © Alliance Biblique au Burkina Faso, 1993.