Barua ya Varome 2
2
1Kwa ikyo iwe nndu na kwava i kuwore nta kindo kya ikuuta ndi, ili kukee yumisia ungi. Amu filya kukee yumisia nndu ungi kwankuumisia iwe ku muni. Amu filya kwaumisia kukee ifitana fo feni. 2Neese tiishi sheeli uumisio lwa Iṛuva llwa dede kwa valya vakee itana ifo. 3Iwe nndu, kukee yumisia valya vakee itana ifo, nawe ku muni kwatana ifo feni, naare iwe kukusaṛie sheeli kukuiwutaa uumisio lwa Iṛuva? 4Ana kukee iila wiingi lwa usha lwamwi na isisiria lyamwi na ulalamboo lwamwi, iwe kutakee imanya sheeli usha lwa Iṛuva lukee ikwomua kukooye ikurra? 5Kake iwe kuwore uumu na ngoo shuumu kwalea iilashika, kukee ikwengeṛia ituṛuka ku muni likushee nkonu ulya wa uumisio na irambuka lya uumisio lwa usumani lwa Iṛuva. 6Llyo ataiyaa nndu woose kilya kisumani na mitanie yamwi. 7Iwo vatakee yaraa itana fisha veeṛuyaa unini na tikisi na ikaa kitaare vakashaa iwo avaniingaa muu utasiaa. 8Kake vayauṛiingi valea iirikia filya fikee fa dede, fulya wo vasenywaa mfa ureti, iwo vakooyaa ituṛuka na uumisio. 9Mavaviso na isisiṛwa fisheaa nrima wa nndu woose ulya akee itana fikasha, wa mbele mMuyuda na Ngiriki da nae. 10Kake ulya akee itana fisha aavio̱o̱ unini na tikisi na unambwe, wa mbele mMuyuda na Ngiriki da nae. 11Amu Iṛuva kwamwi awore wa mungo ana wa kivari ndi.
12Amu woose vanderekwa vatawore mavavaso varekaa ateefo mavavaso. Na valya woose vanderekwa vawore mavavaso vaumisio̱o̱ mmavavaso. 13Amu valya vamiita mavavaso vakee vasumani mbele ya Iṛuva ndi, kita valya vaindiaa mavavaso a Iṛuva wwo vataalio̱ sheeli vvasumani. 14Amu vandu va vayavaṛumu vatawore mavavaso ili vakee itana kwa mikae yawo filya fikee kari ka mavavaso, kyasia iwo vatawore mavavaso vawa mavavaso kwa mimanyie yawo veni. 15Iwo vakee yorusa ishoṛa lya ivavaso likee itisiṛe ngooń tawo, mimanyie yawo ikee ivarambuya na makusaṛo awo meni kwa meni eevauṛaa ana ivakabania. 16Ifi Amanyikaa nkonu ulya ili Iṛuva aniingaa Yesu Kristo irambua fiṛisi fifisio̱ wandu. Ii yyo nrumi shisha nndeniingio̱.
17Kake iwe eeba kukee ikusenda Muyuda wa dede na mukusura mavavaso na ikwitikisa sheeli kukee wa Iṛuva. 18Kwamanya mifurie yamwi na iirikia filya fikee fisha, nawe kukee lloshe mavavaso. 19Kwakusura kwafo deń sheeli iwe ku muni kukee ndongori wa midoń, kukee langa ya iwo vakee llemiń. 20Kukee llosha wa variṅani, kukee llosha wa vana vannya, kukee muni mikae ya waṛia na ya dede fuukie mavavasoń. 21Kyasia iwe mulosha ungi a le kukuloshaa ku muni se? Iwe kukwanisaa sheeli nndu ataive, nawe kwaiva ku muni? 22Iwe kunumbuaa sheeli nndu ataaike, nawe kwaaikaa ku muni? Iwe kusuaa fifu, nawe kureyaa maranga? 23Iwe kukwitikisaa na mavavaso, nawe kufukiyaa Iṛuva tikisi kwikasheesaa mavavaso amwi? 24Amu “Irina lya Iṛuva likee iteendwa ifo kwa vayavaṛumu kiimba kyanu”, sheeli kikee kitisiṛe.
25Amu irinwa nkisha, kwakooya kukee mu wara mavavaso. Kake kwakooya kukee mfaringa mavavaso, irinwa lyafo lyawa sheeli kutakee nrine. 26Kyasia kwakooya ito atakee nrine awaraa filya fikee fivavase mmavavaso, a le ilea irinwa lyamwi litaalwaa se sheeli ni nrini? 27Na ito aawutiaa mavavaso atakee nrine kwa kimia a le akuumisiaa se iwe kuwore urini kwakasheesa mavavaso? 28Amu ye mMuyuda ndi akee Muyuda kwa wooṛo da ana urini llo lua lwa wooṛo wiliń ndi. 29Kake ye mMuyuda wa dede akee Muyuda ifo nrimiń na urini llwa ngooń yamiiliswa mMumuyo liteefo ivavaso. Tikisi ya Muyuda uu yukie kwa vandu ndi kita nkwa Iṛuva muni.
Currently Selected:
Barua ya Varome 2: RWK72
Highlight
Share
Compare
Copy
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
Barua ya Varome 2
2
1Kwa ikyo iwe nndu na kwava i kuwore nta kindo kya ikuuta ndi, ili kukee yumisia ungi. Amu filya kukee yumisia nndu ungi kwankuumisia iwe ku muni. Amu filya kwaumisia kukee ifitana fo feni. 2Neese tiishi sheeli uumisio lwa Iṛuva llwa dede kwa valya vakee itana ifo. 3Iwe nndu, kukee yumisia valya vakee itana ifo, nawe ku muni kwatana ifo feni, naare iwe kukusaṛie sheeli kukuiwutaa uumisio lwa Iṛuva? 4Ana kukee iila wiingi lwa usha lwamwi na isisiria lyamwi na ulalamboo lwamwi, iwe kutakee imanya sheeli usha lwa Iṛuva lukee ikwomua kukooye ikurra? 5Kake iwe kuwore uumu na ngoo shuumu kwalea iilashika, kukee ikwengeṛia ituṛuka ku muni likushee nkonu ulya wa uumisio na irambuka lya uumisio lwa usumani lwa Iṛuva. 6Llyo ataiyaa nndu woose kilya kisumani na mitanie yamwi. 7Iwo vatakee yaraa itana fisha veeṛuyaa unini na tikisi na ikaa kitaare vakashaa iwo avaniingaa muu utasiaa. 8Kake vayauṛiingi valea iirikia filya fikee fa dede, fulya wo vasenywaa mfa ureti, iwo vakooyaa ituṛuka na uumisio. 9Mavaviso na isisiṛwa fisheaa nrima wa nndu woose ulya akee itana fikasha, wa mbele mMuyuda na Ngiriki da nae. 10Kake ulya akee itana fisha aavio̱o̱ unini na tikisi na unambwe, wa mbele mMuyuda na Ngiriki da nae. 11Amu Iṛuva kwamwi awore wa mungo ana wa kivari ndi.
12Amu woose vanderekwa vatawore mavavaso varekaa ateefo mavavaso. Na valya woose vanderekwa vawore mavavaso vaumisio̱o̱ mmavavaso. 13Amu valya vamiita mavavaso vakee vasumani mbele ya Iṛuva ndi, kita valya vaindiaa mavavaso a Iṛuva wwo vataalio̱ sheeli vvasumani. 14Amu vandu va vayavaṛumu vatawore mavavaso ili vakee itana kwa mikae yawo filya fikee kari ka mavavaso, kyasia iwo vatawore mavavaso vawa mavavaso kwa mimanyie yawo veni. 15Iwo vakee yorusa ishoṛa lya ivavaso likee itisiṛe ngooń tawo, mimanyie yawo ikee ivarambuya na makusaṛo awo meni kwa meni eevauṛaa ana ivakabania. 16Ifi Amanyikaa nkonu ulya ili Iṛuva aniingaa Yesu Kristo irambua fiṛisi fifisio̱ wandu. Ii yyo nrumi shisha nndeniingio̱.
17Kake iwe eeba kukee ikusenda Muyuda wa dede na mukusura mavavaso na ikwitikisa sheeli kukee wa Iṛuva. 18Kwamanya mifurie yamwi na iirikia filya fikee fisha, nawe kukee lloshe mavavaso. 19Kwakusura kwafo deń sheeli iwe ku muni kukee ndongori wa midoń, kukee langa ya iwo vakee llemiń. 20Kukee llosha wa variṅani, kukee llosha wa vana vannya, kukee muni mikae ya waṛia na ya dede fuukie mavavasoń. 21Kyasia iwe mulosha ungi a le kukuloshaa ku muni se? Iwe kukwanisaa sheeli nndu ataive, nawe kwaiva ku muni? 22Iwe kunumbuaa sheeli nndu ataaike, nawe kwaaikaa ku muni? Iwe kusuaa fifu, nawe kureyaa maranga? 23Iwe kukwitikisaa na mavavaso, nawe kufukiyaa Iṛuva tikisi kwikasheesaa mavavaso amwi? 24Amu “Irina lya Iṛuva likee iteendwa ifo kwa vayavaṛumu kiimba kyanu”, sheeli kikee kitisiṛe.
25Amu irinwa nkisha, kwakooya kukee mu wara mavavaso. Kake kwakooya kukee mfaringa mavavaso, irinwa lyafo lyawa sheeli kutakee nrine. 26Kyasia kwakooya ito atakee nrine awaraa filya fikee fivavase mmavavaso, a le ilea irinwa lyamwi litaalwaa se sheeli ni nrini? 27Na ito aawutiaa mavavaso atakee nrine kwa kimia a le akuumisiaa se iwe kuwore urini kwakasheesa mavavaso? 28Amu ye mMuyuda ndi akee Muyuda kwa wooṛo da ana urini llo lua lwa wooṛo wiliń ndi. 29Kake ye mMuyuda wa dede akee Muyuda ifo nrimiń na urini llwa ngooń yamiiliswa mMumuyo liteefo ivavaso. Tikisi ya Muyuda uu yukie kwa vandu ndi kita nkwa Iṛuva muni.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.