Mariko 2
2
1Neeli indesia mikonu myaangu, kafika lingi Kaperinaumu. Vandu vakaita sheeli akee kyeń. 2Lia eni vakakusandia-wo vandu veengi nta ilolika mwaanya kumande io mwaangoń. Nae kavaongoya firero fa Iṛuva. 3Vakasha vandu vakamwendee nndu atoṛokombye meengo ariwa vvandu vaani. 4Neeli vandelemwa imfita io akai kiimba kya wiingi lwa vandu, vakatota kai ka numba na alya eekee nawo. Neeli vandemaa itota vakaolota na-wo kiraa kilya kileeyo̱ ni nndu ulya atoṛokombye. 5Ili Yesu andelolia ikusura lyawo, kaia nndu ulya atoṛokombye meengo: Mwanakwa kwammaa itio̱ mareko afo. 6Na vaaṛia valya va mitisiṛie kiindi veeyoo rembo vakakusaṛa mirimiń yawo: 7Nki ili uu arera kuri? Anruma Iṛuva. Ni i amakii yuta nndu mareko kitaare ni Iṛuva muni? 8Lia eni Yesu kamanya ngooń yamwi sheeli vakee ikusaṛa kuro ifo mirimiń yawo kavaia: Naamu ki ili mukee ikusaṛa kuro ifo mirimiń yanu? 9Nkingaki kyaangu naań? Ni iia uu atoṛokombye meengo: Kwammaa yutwa mareko afo ana ni inumbua: Kwimboo kurike kiraa kyafo kwende? 10Kake manyiń Mwana wa nndu awore finya kunu isangeń ya yuta vandu mareko. Llyo aia nndu ulya atoṛokombye meengo: 11Nakwia: Kwimboo kukurike kiraa kyafo kwende kyeń kwafo! 12Lia eni kakwimboo kakurika kiraa kyamwi kasomuka-fo mbele yawo woose. Na woose vakaṛiika koṛoń. Vakaitikisa Iṛuva veenumbuaa: Tallolia kindo sha iki kutu ndi.
13Nae kakwimboo lingi kaenda mbaai ya nruva ilya. Isyamu lyoose likanshea, nae kavalosha. 14Kaira na mbele kalolia Levi mwana wa Alufayo akee rembo numba ya isaṅiṛia kyaalo. Kamwia: Shilatia! Nae kakwimboo kansoṛa. 15Neeli eekee shoongeń numba kwa nndu ulya, llyo vasaṅiṛia kyaalo na varekwa veengi vandekaa shoongeń andu emwi na Yesu na vanalosho vamwi. Amu vveengi vandelatia. 16Vaaṛia va mitisiṛie veekee vaaroe va Vafarisayo ili vandelolia eelyaa shoonga na vasaṅiṛia kyaalo valya na varekwa, vakaia vanalosho vamwi: Nkiki ili akee ilya shoonga na inwa andu emwi na vasaṅiṛia kyaalo wo na varekwa? 17Na Yesu kaita kavaia: Valya vatalole vaṛuyaa mwaanga ndi kita valya valole. Nansha ivaanga iwo vasumani ndi kita iwo varekwa.
18Vanalosho va Yohane na valya va Vafarisayo veekootoyaa. Vakasha vakamwia: Naamu ki ili vanalosho va Yohane na va Vafarisayo vakootoyaa, kake vanalosho vafo vatakootoyaa-wo? 19Yesu kavaia: A valya vaaṛie nrumi ya wali vamakii ikootoya are neekai nndumi wa wali akee andu emwi nawo? Kyeeri kyoose vakee na nndumi wa wali vamakii ikootoya ndi. 20Kake mikonu ishaa ili valakaniswaa na nndumi wa wali, nkonu to llyo vakootoyaa. 21Nta eefo nndu afumiaa kirami kya nseto mwiya nsetoń nkuu ndi. Kwakooya adonyaa-wo kilya kiiya kyarawa-wo kikasheesa isaṛa lia ikuu. Na alya anderanduka eendeaa kita. 22Ana nta nndu akundaa yengia mfinyo mbolokoń shikuu. Amu kaengia-fo mfinyo, urandaa mboloko. Na mfinyo wirikaa na mboloko tikashaa. Kake mfinyo mwiya wengio̱o̱ mbolokoń shiiya. 23Ili eekee iira manremiń a ngano nkonu wa Sabato, vanalosho vamwi vakabooka ifukya fyaa, ili veendaa na shia. 24Vafarisayo vakamwia: Lla te, naamu ki ili vakee itana kindo kitaare muumu nkonu wa Sabato? 25Nae kavaia: A nta mwansoma se, sheeli Davidi andetana lia andekooya antuṛa kindo kya ilya kawarwa nsoto andu emwi na valya eerianii nawo? 26Sheeli andeaka neefo numba ya Iṛuva kyeeri kya nkohani ulya nnini Abiatari kalya mikate ilya ya kyorusyo. Nayo itawore muumu wa iliwa ni nndu kita vakohani veni. Nae kaavia na valya ariani nawo. 27Nae kavaia: Nkonu wa Sabato underawa-fo kiimba kya nndu, ni nndu anderawa-fo kiimba kya nkonu wa Sabato ndi. 28Kyasia Mwana wa nndu yye Nndumi na wa nkonu wa Sabato.
Currently Selected:
Mariko 2: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
Mariko 2
2
1Neeli indesia mikonu myaangu, kafika lingi Kaperinaumu. Vandu vakaita sheeli akee kyeń. 2Lia eni vakakusandia-wo vandu veengi nta ilolika mwaanya kumande io mwaangoń. Nae kavaongoya firero fa Iṛuva. 3Vakasha vandu vakamwendee nndu atoṛokombye meengo ariwa vvandu vaani. 4Neeli vandelemwa imfita io akai kiimba kya wiingi lwa vandu, vakatota kai ka numba na alya eekee nawo. Neeli vandemaa itota vakaolota na-wo kiraa kilya kileeyo̱ ni nndu ulya atoṛokombye. 5Ili Yesu andelolia ikusura lyawo, kaia nndu ulya atoṛokombye meengo: Mwanakwa kwammaa itio̱ mareko afo. 6Na vaaṛia valya va mitisiṛie kiindi veeyoo rembo vakakusaṛa mirimiń yawo: 7Nki ili uu arera kuri? Anruma Iṛuva. Ni i amakii yuta nndu mareko kitaare ni Iṛuva muni? 8Lia eni Yesu kamanya ngooń yamwi sheeli vakee ikusaṛa kuro ifo mirimiń yawo kavaia: Naamu ki ili mukee ikusaṛa kuro ifo mirimiń yanu? 9Nkingaki kyaangu naań? Ni iia uu atoṛokombye meengo: Kwammaa yutwa mareko afo ana ni inumbua: Kwimboo kurike kiraa kyafo kwende? 10Kake manyiń Mwana wa nndu awore finya kunu isangeń ya yuta vandu mareko. Llyo aia nndu ulya atoṛokombye meengo: 11Nakwia: Kwimboo kukurike kiraa kyafo kwende kyeń kwafo! 12Lia eni kakwimboo kakurika kiraa kyamwi kasomuka-fo mbele yawo woose. Na woose vakaṛiika koṛoń. Vakaitikisa Iṛuva veenumbuaa: Tallolia kindo sha iki kutu ndi.
13Nae kakwimboo lingi kaenda mbaai ya nruva ilya. Isyamu lyoose likanshea, nae kavalosha. 14Kaira na mbele kalolia Levi mwana wa Alufayo akee rembo numba ya isaṅiṛia kyaalo. Kamwia: Shilatia! Nae kakwimboo kansoṛa. 15Neeli eekee shoongeń numba kwa nndu ulya, llyo vasaṅiṛia kyaalo na varekwa veengi vandekaa shoongeń andu emwi na Yesu na vanalosho vamwi. Amu vveengi vandelatia. 16Vaaṛia va mitisiṛie veekee vaaroe va Vafarisayo ili vandelolia eelyaa shoonga na vasaṅiṛia kyaalo valya na varekwa, vakaia vanalosho vamwi: Nkiki ili akee ilya shoonga na inwa andu emwi na vasaṅiṛia kyaalo wo na varekwa? 17Na Yesu kaita kavaia: Valya vatalole vaṛuyaa mwaanga ndi kita valya valole. Nansha ivaanga iwo vasumani ndi kita iwo varekwa.
18Vanalosho va Yohane na valya va Vafarisayo veekootoyaa. Vakasha vakamwia: Naamu ki ili vanalosho va Yohane na va Vafarisayo vakootoyaa, kake vanalosho vafo vatakootoyaa-wo? 19Yesu kavaia: A valya vaaṛie nrumi ya wali vamakii ikootoya are neekai nndumi wa wali akee andu emwi nawo? Kyeeri kyoose vakee na nndumi wa wali vamakii ikootoya ndi. 20Kake mikonu ishaa ili valakaniswaa na nndumi wa wali, nkonu to llyo vakootoyaa. 21Nta eefo nndu afumiaa kirami kya nseto mwiya nsetoń nkuu ndi. Kwakooya adonyaa-wo kilya kiiya kyarawa-wo kikasheesa isaṛa lia ikuu. Na alya anderanduka eendeaa kita. 22Ana nta nndu akundaa yengia mfinyo mbolokoń shikuu. Amu kaengia-fo mfinyo, urandaa mboloko. Na mfinyo wirikaa na mboloko tikashaa. Kake mfinyo mwiya wengio̱o̱ mbolokoń shiiya. 23Ili eekee iira manremiń a ngano nkonu wa Sabato, vanalosho vamwi vakabooka ifukya fyaa, ili veendaa na shia. 24Vafarisayo vakamwia: Lla te, naamu ki ili vakee itana kindo kitaare muumu nkonu wa Sabato? 25Nae kavaia: A nta mwansoma se, sheeli Davidi andetana lia andekooya antuṛa kindo kya ilya kawarwa nsoto andu emwi na valya eerianii nawo? 26Sheeli andeaka neefo numba ya Iṛuva kyeeri kya nkohani ulya nnini Abiatari kalya mikate ilya ya kyorusyo. Nayo itawore muumu wa iliwa ni nndu kita vakohani veni. Nae kaavia na valya ariani nawo. 27Nae kavaia: Nkonu wa Sabato underawa-fo kiimba kya nndu, ni nndu anderawa-fo kiimba kya nkonu wa Sabato ndi. 28Kyasia Mwana wa nndu yye Nndumi na wa nkonu wa Sabato.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.