Barua ya Yakobo 1
1
1Niń Yakobo nkee iketi lya Iṛuva na lya Nndumi Yesu Kristo. Neesana ngyufwari tilya ikumi na ivili tikee shinyanyate kari ka vayavaṛumu.
2Vanavama, kwakooya mwawoywa mmireyo ya mikae miingi, fureń nnu 3mwimanyaa sheeli yelelio̱ lya ikusura lyanu linnde ikuumisa. 4Kake ikuumisa kyawara limarisie mashoṛa ayo, amu mwawutie ishia na isumanika mutarewa numa kya ifi na ifi. 5Kake kwakooya umwi wanu atuṛa uṛango, atereve Iṛuva aniinga woose na uwoo atakiuṛaa nndu numa, nae aniingwaa. 6Kake antereve na inkusura atanunue nrwe. Fulya ulya akee inunua nrwe avakani na ivia lya nruveń likee ivivitwa mmburaato na yeeṛwaeeṛwa ifo na ifo. 7Nndu ulya atakusaṛe sheeli aniingwaa kindo ni Nndumi. 8Amu ulya awore mirwe ivili aseṛeesaa shia tamwi ndi.
9Kake mwanamae akee ntele akuṅinisie unini lwamwi. 10Na muyamasaa akuṅinisie utele lwamwi, amu asiaa sha kivaṛo kya maṛe. 11Amu saa ikankwimboo na ivaa na uvave yumisaa maṛe na fivaṛo fayo finaa na unuru lwayo lwa isenya miso lumamiaa. Mfo kuro da na muyamasaa asiaa shień tamwi. 12Wwa ngoma nndu asisiriaa mireyoń. Amu kammaa ivinga aniingwa muu utakisiaa uve uvingo lwamwi lua Iṛuva anrekia valya vankundaa.
13Nndu katevetwa kantana kikasha manya atanumbue: Ni Iṛuva anshiteveta. Amu Iṛuva amakii itevetwa nngyukasha ndi ana ye atevetaa nndu ndi. 14Kake nndu woose atevetwa na yomulwa ni ilanga lyamwi ye muni. 15Numa ilanga likaṅṅina likee iira mareko. Na mareko akawiṛa akee iira ufu. 16Mutakulembe, vanavamae vakwa vakunde! 17Kindo kyoose kikee kinuru na kindo kyoose kikee kisongori tubu nkyo kyukaa ule kwa Nde wa langa atawore miilashie ya langa na ya llema. 18Kwa mifurie yamwi antiira lya kavili na kirero kyamwi kya dede tive vasaue kari ka findo filya fantanwa yye.
19Iki mukiishi, vanavama vakunde. Kyasia nndu woose ave mwaangu wa iita na mwemeri wa irera na mwemeri wa ituṛuka. 20Amu ituṛuka lya nndu litanaa fisenye Iṛuva ndi. 21Kwa ikyo kuuteń ukwe loose na ukasha lua lukimuwore. Na kirero kyo kyanroongwa kwanu kiwarień na uwoo kimakii ikiṛa mirima yanu. 22Veń vaṛundi va kirero, manya mutave vaaranya da, amu kuro mukee ikulemba mu veni. 23Amu nndu akee mwita wa kirero atakee na muṛunda nndu wa mikae ii avakani na nndu akulla kisangu kyamwi na kilola. 24Kammaa ikulla kaenda karekio̱ ree sheeli eekaii. 25Kake ulya amaa imanya mavavaso a Iṛuva afingie nrumi shisha na ikaa nawo na nrima wamwi woose atakee murekio̱ wa filya amiita, kake kava muṛunda mashoṛa, uu avaa wa ngoma uṛundiń lwamwi. 26Kwakooya nndu akumanya ye muni sheeli ni ndundia Iṛuva, nae atamakii ivinga ulumi lwamwi, kake akee ilemba nrima wamwi muni, ito uṛundi lwamwi llwa ruu. 27Uṛundi lusenye lutawore ilomi kisanguń kya Iṛuva Nde llo ilu: Ni isengera vana va ngwera vandefiywa wasuṛi vawo na isengera vaka misiketi ngyukiveń tawo na ikuringa findo fa isanga fikee iṛindisa nrima.
Currently Selected:
Barua ya Yakobo 1: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
Barua ya Yakobo 1
1
1Niń Yakobo nkee iketi lya Iṛuva na lya Nndumi Yesu Kristo. Neesana ngyufwari tilya ikumi na ivili tikee shinyanyate kari ka vayavaṛumu.
2Vanavama, kwakooya mwawoywa mmireyo ya mikae miingi, fureń nnu 3mwimanyaa sheeli yelelio̱ lya ikusura lyanu linnde ikuumisa. 4Kake ikuumisa kyawara limarisie mashoṛa ayo, amu mwawutie ishia na isumanika mutarewa numa kya ifi na ifi. 5Kake kwakooya umwi wanu atuṛa uṛango, atereve Iṛuva aniinga woose na uwoo atakiuṛaa nndu numa, nae aniingwaa. 6Kake antereve na inkusura atanunue nrwe. Fulya ulya akee inunua nrwe avakani na ivia lya nruveń likee ivivitwa mmburaato na yeeṛwaeeṛwa ifo na ifo. 7Nndu ulya atakusaṛe sheeli aniingwaa kindo ni Nndumi. 8Amu ulya awore mirwe ivili aseṛeesaa shia tamwi ndi.
9Kake mwanamae akee ntele akuṅinisie unini lwamwi. 10Na muyamasaa akuṅinisie utele lwamwi, amu asiaa sha kivaṛo kya maṛe. 11Amu saa ikankwimboo na ivaa na uvave yumisaa maṛe na fivaṛo fayo finaa na unuru lwayo lwa isenya miso lumamiaa. Mfo kuro da na muyamasaa asiaa shień tamwi. 12Wwa ngoma nndu asisiriaa mireyoń. Amu kammaa ivinga aniingwa muu utakisiaa uve uvingo lwamwi lua Iṛuva anrekia valya vankundaa.
13Nndu katevetwa kantana kikasha manya atanumbue: Ni Iṛuva anshiteveta. Amu Iṛuva amakii itevetwa nngyukasha ndi ana ye atevetaa nndu ndi. 14Kake nndu woose atevetwa na yomulwa ni ilanga lyamwi ye muni. 15Numa ilanga likaṅṅina likee iira mareko. Na mareko akawiṛa akee iira ufu. 16Mutakulembe, vanavamae vakwa vakunde! 17Kindo kyoose kikee kinuru na kindo kyoose kikee kisongori tubu nkyo kyukaa ule kwa Nde wa langa atawore miilashie ya langa na ya llema. 18Kwa mifurie yamwi antiira lya kavili na kirero kyamwi kya dede tive vasaue kari ka findo filya fantanwa yye.
19Iki mukiishi, vanavama vakunde. Kyasia nndu woose ave mwaangu wa iita na mwemeri wa irera na mwemeri wa ituṛuka. 20Amu ituṛuka lya nndu litanaa fisenye Iṛuva ndi. 21Kwa ikyo kuuteń ukwe loose na ukasha lua lukimuwore. Na kirero kyo kyanroongwa kwanu kiwarień na uwoo kimakii ikiṛa mirima yanu. 22Veń vaṛundi va kirero, manya mutave vaaranya da, amu kuro mukee ikulemba mu veni. 23Amu nndu akee mwita wa kirero atakee na muṛunda nndu wa mikae ii avakani na nndu akulla kisangu kyamwi na kilola. 24Kammaa ikulla kaenda karekio̱ ree sheeli eekaii. 25Kake ulya amaa imanya mavavaso a Iṛuva afingie nrumi shisha na ikaa nawo na nrima wamwi woose atakee murekio̱ wa filya amiita, kake kava muṛunda mashoṛa, uu avaa wa ngoma uṛundiń lwamwi. 26Kwakooya nndu akumanya ye muni sheeli ni ndundia Iṛuva, nae atamakii ivinga ulumi lwamwi, kake akee ilemba nrima wamwi muni, ito uṛundi lwamwi llwa ruu. 27Uṛundi lusenye lutawore ilomi kisanguń kya Iṛuva Nde llo ilu: Ni isengera vana va ngwera vandefiywa wasuṛi vawo na isengera vaka misiketi ngyukiveń tawo na ikuringa findo fa isanga fikee iṛindisa nrima.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.