Barua ya Vagalatia 2
2
1Kyasia numa ya myaka ikumi na iini narwa lingi neenda Yerusalemu nriani na Barinaba nakurika na Tito andu emwi nań. 2Nań naimboo kyaaṛo kilya, fulya neemiitikwaa mmyorusie ya Iṛuva. Navaongoya nrumi ilya ya ifura sheeli noongoyaa vayavaṛumu, na mmwasi naongoya valya vawore tikisi kari ka siṛi, kitave eeba nkee irisha kya ruu ana filya nkee ifirishia mfa ruu. 3Kake Tito ulya eerianii nań, nae akee Ngiriki, nta andekabiṛio̱ irinwa ndi. 4Kake na vanavamae va wongo veeifoo vandekwata iwo vandeaka kwa kiṛisi, amu vaovie yotoṛwa lyeru tikee nalyo kari ka Kristo Yesu, amu vatiwiiṛe uketiń lwa uvavaso. 5Neese nta tindevingwa wwo tikaa kwa si yawo ndi, amu udede lwa nrumi shisha lukaa andu emwi neeni. 6Kake valya vakee ikusaṛio̱ sheeli vawore tikisi — kasa veekai kwa foose nkimwi da kwakwa. Iṛuva awariaa kisangu kya nndu ndi—nkee irera: iwo vawore tikisi veeworee kindo kya isheengeṛia ndi. 7Kake valolia dede, sheeli niń linderambikio̱ nrumi shisha neende nayo kwa iwo vatakee varine, sheeli na Petiro kwa iwo vakee varine. 8Amu ulya andeniinga Petiro finya ya iva nrumi kwa iwo vakee varine yye ito andeshiniinga nań finya ya yenda kwa vayavaṛumu. 9Lingi ili vafidemaa imanya ililia lia lya Iṛuva nndeniingwa, nawo ni Yakobo na Keta na Yohane valya vawore tikisi sheeli nngo, vakatiniinga uko usha lwa siṛi ise na Barinaba, amu ise teende kwa vayavaṛumu, nawo veende kwa vandu vakee va urini. 10Kake kirero kimwi tubu veetivavasiee, tikumbue vakiva vawo. Nań kirero ikyo nndetania utomari ikiawutia.
11Kake kyeeri kya numa ili Kefa andefika Antiokia, nndevingana nae kisangu kwa kisangu, amu kyeewwaraa akooye uumisio. 12Amu ili kitaare veenshaa vandu vaukie kwa Yakobo eekee ilyana na vakristo vaukie kwa vayavaṛumu. Kake ili wo vandesha, kakufukya kwawo kakwava eeṛeaa iwo vakee varine. 13Na vakristo valya vengi vaukie kwa Vayuda vakakwilasha andu emwi nae. Na akwaa mBarinaba kakurikwa ni ukavili lwawo.
14Nań ili nndelolia sheeli shia yawo itasumani na udede lua lwa nrumi shisha, naia Kefa mbele ya woose: Kwakooya iwe kukee Muyuda kukee ilatia mikae ya vayavaṛumu itakee ya Vayuda, naare kumakii ikabiṛia vayavaṛumu ilatia mikae ya kiyuda? 15Ise tikee Vayuda kuuka kimia, nta tikee varekwa vamilie kwa vayavaṛumu ndi. 16Kake ili tiishi sheeli nndu ataalio̱ usumani na mitanie ya mavavaso ndi kita ili akusurie Kristo Yesu, nkyo neese tindekuwara na Kristo Yesu na inkusura, amu titaalio̱ usumani, nta nkiimba kya mitanie ya mavavaso ndi, amu eefo nndu nta umwi ataalio̱o̱ usumani kiimba kya mitanie ya mavavaso ndi. 17Kake kwakooya ise ti veni talolika sheeli tikee varekwa, lla kasa tikee ikutomarisa itaalio̱ usumani luukie kwa Kristo, a Kristo andeva iketi lya mareko? Wode! 18Amu kwakooya nasongosia lingi filya nndeburua, nkee ikumanyisa sheeli niń shi muni nkee nrekwa. 19Kake niń ilyo wingwa mmavavaso, llyo mfiya mavavaso, amu nkaa na muu niiṛundiaa Iṛuva. Amu nankabio̱ nsalabeń andu emwi na Kristo. 20Lingi nniń ndi nkee na muu, kake ulya akee na muu kari kakwa nKristo. Amu muu uu wa vvili nkikee nato nuuwore niikusuranaa na Mwana wa Iṛuva uu andeshikunda kakuniingia kiimba kyakwa. 21Nakumba uwoo lwa Iṛuva ndi. Amu kifo usumani lwiutwaa mavavasoń, kifo Kristo eefwaa kya ruu.
Currently Selected:
Barua ya Vagalatia 2: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
Barua ya Vagalatia 2
2
1Kyasia numa ya myaka ikumi na iini narwa lingi neenda Yerusalemu nriani na Barinaba nakurika na Tito andu emwi nań. 2Nań naimboo kyaaṛo kilya, fulya neemiitikwaa mmyorusie ya Iṛuva. Navaongoya nrumi ilya ya ifura sheeli noongoyaa vayavaṛumu, na mmwasi naongoya valya vawore tikisi kari ka siṛi, kitave eeba nkee irisha kya ruu ana filya nkee ifirishia mfa ruu. 3Kake Tito ulya eerianii nań, nae akee Ngiriki, nta andekabiṛio̱ irinwa ndi. 4Kake na vanavamae va wongo veeifoo vandekwata iwo vandeaka kwa kiṛisi, amu vaovie yotoṛwa lyeru tikee nalyo kari ka Kristo Yesu, amu vatiwiiṛe uketiń lwa uvavaso. 5Neese nta tindevingwa wwo tikaa kwa si yawo ndi, amu udede lwa nrumi shisha lukaa andu emwi neeni. 6Kake valya vakee ikusaṛio̱ sheeli vawore tikisi — kasa veekai kwa foose nkimwi da kwakwa. Iṛuva awariaa kisangu kya nndu ndi—nkee irera: iwo vawore tikisi veeworee kindo kya isheengeṛia ndi. 7Kake valolia dede, sheeli niń linderambikio̱ nrumi shisha neende nayo kwa iwo vatakee varine, sheeli na Petiro kwa iwo vakee varine. 8Amu ulya andeniinga Petiro finya ya iva nrumi kwa iwo vakee varine yye ito andeshiniinga nań finya ya yenda kwa vayavaṛumu. 9Lingi ili vafidemaa imanya ililia lia lya Iṛuva nndeniingwa, nawo ni Yakobo na Keta na Yohane valya vawore tikisi sheeli nngo, vakatiniinga uko usha lwa siṛi ise na Barinaba, amu ise teende kwa vayavaṛumu, nawo veende kwa vandu vakee va urini. 10Kake kirero kimwi tubu veetivavasiee, tikumbue vakiva vawo. Nań kirero ikyo nndetania utomari ikiawutia.
11Kake kyeeri kya numa ili Kefa andefika Antiokia, nndevingana nae kisangu kwa kisangu, amu kyeewwaraa akooye uumisio. 12Amu ili kitaare veenshaa vandu vaukie kwa Yakobo eekee ilyana na vakristo vaukie kwa vayavaṛumu. Kake ili wo vandesha, kakufukya kwawo kakwava eeṛeaa iwo vakee varine. 13Na vakristo valya vengi vaukie kwa Vayuda vakakwilasha andu emwi nae. Na akwaa mBarinaba kakurikwa ni ukavili lwawo.
14Nań ili nndelolia sheeli shia yawo itasumani na udede lua lwa nrumi shisha, naia Kefa mbele ya woose: Kwakooya iwe kukee Muyuda kukee ilatia mikae ya vayavaṛumu itakee ya Vayuda, naare kumakii ikabiṛia vayavaṛumu ilatia mikae ya kiyuda? 15Ise tikee Vayuda kuuka kimia, nta tikee varekwa vamilie kwa vayavaṛumu ndi. 16Kake ili tiishi sheeli nndu ataalio̱ usumani na mitanie ya mavavaso ndi kita ili akusurie Kristo Yesu, nkyo neese tindekuwara na Kristo Yesu na inkusura, amu titaalio̱ usumani, nta nkiimba kya mitanie ya mavavaso ndi, amu eefo nndu nta umwi ataalio̱o̱ usumani kiimba kya mitanie ya mavavaso ndi. 17Kake kwakooya ise ti veni talolika sheeli tikee varekwa, lla kasa tikee ikutomarisa itaalio̱ usumani luukie kwa Kristo, a Kristo andeva iketi lya mareko? Wode! 18Amu kwakooya nasongosia lingi filya nndeburua, nkee ikumanyisa sheeli niń shi muni nkee nrekwa. 19Kake niń ilyo wingwa mmavavaso, llyo mfiya mavavaso, amu nkaa na muu niiṛundiaa Iṛuva. Amu nankabio̱ nsalabeń andu emwi na Kristo. 20Lingi nniń ndi nkee na muu, kake ulya akee na muu kari kakwa nKristo. Amu muu uu wa vvili nkikee nato nuuwore niikusuranaa na Mwana wa Iṛuva uu andeshikunda kakuniingia kiimba kyakwa. 21Nakumba uwoo lwa Iṛuva ndi. Amu kifo usumani lwiutwaa mavavasoń, kifo Kristo eefwaa kya ruu.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.