Barua ya Vaefeso 2
2
1Kusaṛeń kyanu ini mwikee ufuń kiimba kya makasha anu na mareko anu, 2akee wwo mwalatia kuuka mbele mwisoṛaa mifurie ya isanga li na iitikwa mmuyafinya ulya wa ringewu. Yye mumuyo ulya akee iṛunda mashoṛa kwa vandu valea Iṛuva. 3Ifo kari kawo tindeṛua neese ti woose mbele tiikee na malanga a mivili yeru tiiawutiaa mifurie ya mivili yeru na ya makusaṛo eru, tikava vandu vasumani na uumisio lwa Iṛuva sha iwo vengi. 4Kake fulya Iṛuva akee wa ililia iingi, kava na ikunda inini lya itikunda 5na akwaa nkyeeri ikyo tiikee vafu kiimba kya mareko eru. Katiwiiṛa muuń andu emwi na Kristo — amu kindo kindemukiṛa ni uwoo lwa Iṛuva. 6Katiṛuta na itikaarisa andu emwi nae umangiń lua lutakee lwa isanga li. 7Katana kuro, amu mikonu yo ishaa aoruse ililia lyamwi sheeli likee iingi litavaa yelelia ili atililia nalyo ise tilungani na Kristo Yesu. 8Amu mundekiṛwa ni uwoo lwa Iṛuva kwa shia ya inkusura. Na ikiṛwa li nkwanu lyukie ndi, wwavi lwa Iṛuva muni. 9Ana nta mmashoṛa anu ndi, kaaṛa nndu atakushombe. 10Fulya ise tindetanwa yye tikatanio̱ Kristo Yesu, amu tiṛunde mitanie yeru misha, ni ilya Iṛuva andetisongosia kuuka mbele tiilatie.
11Kiimba kya iki kumbueń: Ilyo mbele mwikee vayavaṛumu, nsheeli mivili yanu ikai, mukabiṛwa vvalya varine vakee imuvaanga vandu vatakee varine, fulya mivili yawo yeenrinwaa mmaako a vandu. 12Kumbueń sheeli: Kyeeri kilya mwiworee Kristo ndi, lingi mwikee valakanise na ufwari lwa Isiraeli mukava vandu veeni vateeshi firekio filya. Mukava vandu vatawore kindo vaverie ana vatawore Iṛuva kunu isangeń. 13Kake alli fulya mukee va Kristo Yesu ini mwikee kwaasha nae ilyo mbele, mwawa va kufui kiimba kya usao lwa Kristo. 14Amu yye muteendee unambwe, nae yye andesanda feenga ifi fivili — mfo Vayuda na vayavaṛumu — eeburuaa usuṛumate lua lwifirauee lukannde ukituva. 15Kaniingia vvili wamwi ufuń aute nato uvavaso lua luwore milimu na miṛuumwa. Kikava kuro, amu asande iwo va feenga fi fivili na ivaaṛua vave vvili umwi, nto wamwi ye muni eevaniingaa unambwe. Nawo vali vavili vakuware na mikae miiya ya muu wawo. 16Kavaitanisa na Iṛuva. Nkyo kikangio kakukabio̱ nsalabeń. Nafo mfo andewaya ukituva lua. 17Kwa shia ii kasha kashekwanisa nrumi yo shisha ya unambwe kwanu ini mwikee kwaasha na akwaa nkwa valya vakee kufui. 18Amu kwa kiimba kyamwi ise tikee va feenga fi fivili tankooya shia ya ifikia Vaava tikuwore na Mumuyo uu umwi. 19Kyasia alli mukikee vandu veeni na vandu vairaa ndi, kake ini mukee veni numba andu emwi na vasongori na va kyeń kwa Iṛuva. 20Fulya mwa-ntanio̱ kwa ule ya mfulo wa numba nto varumi na vaauya fisuku, na Yesu Kristo muni ni iwe inini lya numba. 21Nae yye alunganisa numba yoose kisha ikaṅina kumande ivaa numba shisongori iilisio̱ Nndumi. 22Neeni mutanio̱o̱ yye ifo muve kirembo kya Iṛuva mwikuwaraa na Mumuyo.
Currently Selected:
Barua ya Vaefeso 2: RWK72
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.
Barua ya Vaefeso 2
2
1Kusaṛeń kyanu ini mwikee ufuń kiimba kya makasha anu na mareko anu, 2akee wwo mwalatia kuuka mbele mwisoṛaa mifurie ya isanga li na iitikwa mmuyafinya ulya wa ringewu. Yye mumuyo ulya akee iṛunda mashoṛa kwa vandu valea Iṛuva. 3Ifo kari kawo tindeṛua neese ti woose mbele tiikee na malanga a mivili yeru tiiawutiaa mifurie ya mivili yeru na ya makusaṛo eru, tikava vandu vasumani na uumisio lwa Iṛuva sha iwo vengi. 4Kake fulya Iṛuva akee wa ililia iingi, kava na ikunda inini lya itikunda 5na akwaa nkyeeri ikyo tiikee vafu kiimba kya mareko eru. Katiwiiṛa muuń andu emwi na Kristo — amu kindo kindemukiṛa ni uwoo lwa Iṛuva. 6Katiṛuta na itikaarisa andu emwi nae umangiń lua lutakee lwa isanga li. 7Katana kuro, amu mikonu yo ishaa aoruse ililia lyamwi sheeli likee iingi litavaa yelelia ili atililia nalyo ise tilungani na Kristo Yesu. 8Amu mundekiṛwa ni uwoo lwa Iṛuva kwa shia ya inkusura. Na ikiṛwa li nkwanu lyukie ndi, wwavi lwa Iṛuva muni. 9Ana nta mmashoṛa anu ndi, kaaṛa nndu atakushombe. 10Fulya ise tindetanwa yye tikatanio̱ Kristo Yesu, amu tiṛunde mitanie yeru misha, ni ilya Iṛuva andetisongosia kuuka mbele tiilatie.
11Kiimba kya iki kumbueń: Ilyo mbele mwikee vayavaṛumu, nsheeli mivili yanu ikai, mukabiṛwa vvalya varine vakee imuvaanga vandu vatakee varine, fulya mivili yawo yeenrinwaa mmaako a vandu. 12Kumbueń sheeli: Kyeeri kilya mwiworee Kristo ndi, lingi mwikee valakanise na ufwari lwa Isiraeli mukava vandu veeni vateeshi firekio filya. Mukava vandu vatawore kindo vaverie ana vatawore Iṛuva kunu isangeń. 13Kake alli fulya mukee va Kristo Yesu ini mwikee kwaasha nae ilyo mbele, mwawa va kufui kiimba kya usao lwa Kristo. 14Amu yye muteendee unambwe, nae yye andesanda feenga ifi fivili — mfo Vayuda na vayavaṛumu — eeburuaa usuṛumate lua lwifirauee lukannde ukituva. 15Kaniingia vvili wamwi ufuń aute nato uvavaso lua luwore milimu na miṛuumwa. Kikava kuro, amu asande iwo va feenga fi fivili na ivaaṛua vave vvili umwi, nto wamwi ye muni eevaniingaa unambwe. Nawo vali vavili vakuware na mikae miiya ya muu wawo. 16Kavaitanisa na Iṛuva. Nkyo kikangio kakukabio̱ nsalabeń. Nafo mfo andewaya ukituva lua. 17Kwa shia ii kasha kashekwanisa nrumi yo shisha ya unambwe kwanu ini mwikee kwaasha na akwaa nkwa valya vakee kufui. 18Amu kwa kiimba kyamwi ise tikee va feenga fi fivili tankooya shia ya ifikia Vaava tikuwore na Mumuyo uu umwi. 19Kyasia alli mukikee vandu veeni na vandu vairaa ndi, kake ini mukee veni numba andu emwi na vasongori na va kyeń kwa Iṛuva. 20Fulya mwa-ntanio̱ kwa ule ya mfulo wa numba nto varumi na vaauya fisuku, na Yesu Kristo muni ni iwe inini lya numba. 21Nae yye alunganisa numba yoose kisha ikaṅina kumande ivaa numba shisongori iilisio̱ Nndumi. 22Neeni mutanio̱o̱ yye ifo muve kirembo kya Iṛuva mwikuwaraa na Mumuyo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
New Testament in Kimeru-Tanzania © British and Foreign Bible Society and Bible Society of Tanzania, 1954,1967,1972.