Mateo 27
27
1Na aho wangalukaga vahozya vahanya vose na vanamhala va chalo valomaga ndaka kwigulya na Yesu, kigele vamuvulage. 2Na vamutungaga na vamufilaga na vamutavulaga ku munachalo Pontio Pilato.
3Na aho Yudasi, homwene wamugambaga, wavonaga ati watemagwa kitanga, wakondaga moyo na wazisyokaja fedha izyo makumi adatu ku vahozya vahanya na 4vanamhala, uhaya, Nene nakenagulaga aho nagagambaga magazi gakavile na musango. Navo vayombaga, Yili milimo yiswe? Yili milimo yako veve mwenekili. 5Na wagatagilaga mapesa mwisengelo, wafumaga na wajaga wakinigaja mwenekili. 6Alisi vahozya vahanya vazisolaga fedha na vayombaga, Mwiko kuzitula zyenizi mwisanduku lya kalumbilo, kwisi zili mupango gwa magazi. 7Na aho vamalaga kwitozya vakigulaga nazyo kiwanja cha muvumbi kuvazika mwenumo vageni. 8Kunguno yeniyi kiwanja cheniki kilitanwa kiwanja cha magazi kusika lelo. 9Haho gwafikilaga muhayo gwayombilwe na mufumbuzi Yeremia, homwene wayombaga,
Na vazisolaga fedha makumi adatu, mupango gwa uyo wakalagwa mupango, homwene vana vʼIsraeli 10vamukalaga mupango; na vazifumaja kukigula kiwanja cha muvumbi, kitisi Guku wandagilaga.
11Na Yesu wafilagwa hambele na munachalo, munachalo wamuvuzaja, uhaya, Veve uli mutemi wa Vayahudi? 12Yesu wamwitavuka, Veve wayombaga. Na ha mbulano zya vahozya vahanya na vanamhala akitavukile ninga muhayo gumo. 13Haho Pilato wamuwilaga, Ukavile kwigwa gose genaya venava valisangilwa 14kwigulya naʼho? Nawe akamwitavukile hangi ninga muhayo gumo; sisyo munachalo wakumaja munogwene. 15Alisi ha sikukulu munachalo wavagi na kitilwe cha kuvatungulila va chalo mutungwa umo homwene vamukovaga. 16Na itungo lyenili vavagi nawe mutungwa umo mukumuku, lina lyakwe Baraba. 17Aho venava vivilingaga Pilato wavawilaga, Mulikova namutungulile inwe nani, Baraba ninga Yesu homwene alitanwa Kristo? 18Kwisi wamanikaja ati vamufumaja kunguno ya ivuva. 19Na aho wikalaga kwisumbi lya kitanga, mukima wakwe watumizaja kuwakwe, uhaya, Uleke kuvi na mihayo kwigulya na mugololoku mwenuyo, kwisi lelo nadukaga munogwene mu kiloti kunguno yakwe. 20Na vahozya vahanya na vanamhala vavasemenganaja va mbuto ya vanhu vakove Baraba na kumuvulaga Yesu. 21Munachalo witavukaga na wavawilaga, Mulikova namutungulile nani mugati na venava vavili? 22Navo vayombaga, Baraba. Pilato alivawila, Haho namwitileki Yesu, homwene alitanwa Kristo? Vose valiyomba, Akomelwe ku musigiti! 23Na munachalo wahaya, Kavi ki mwenuyu witaga? Navo vahamukaga munogwene, Akomelwe ku musigiti! 24Alisi aho Pilato wavonaga ati wavagi akakovolile kuvezya kinhu, sumbwa ibubu lyakulaga munogwene, wasolaga minzi na wikalavaga makono hambele na vanhu na wayombaga, Nene nkavile kutondwa ku magazi ga mwenuyu mugololoku, lolagi, guli muhayo gwinwe. 25Na va chalo vose vitavukaga, vuhaya, Magazi gakwe gaveho kwigulya niswe na kwigulya na vana viswe. 26Haho wavatungulilaga Baraba; na aho wamalaga kumutulagula Yesu, wamutavulaga akomelwe ku musigiti.
27Haho valugaluga va munachalo vamufilaga Yesu ku numba ya Serikali na vavavilingaga hamohene va mbuto yose ya valugaluga. 28Na aho vamalaga kumuzula myenda yakwe, 29vamuzwikaga mwenda gwa za, na vagovengʼhanaja ngata ya mingʼhwa na vayitulaga ku mutwe gwakwe, na vamudimikizaja isununu mu mulila gwakwe, vamusukambilaga na vamuyeyaga, vuhaya, Tulikugisya veve mutemi wa Vayahudi. 30Na vamutugilaga mate na valisolaga isununu na vamutulaga ku mutwe gwakwe. 31Na aho vamalaga kumuyeya, vamuzulaga mwenda gwenugu na vamuzwikaga myenda yakwe, na vamufilaga akakomelwe ku musigiti.
32Na aho vavagi vajile, vasangaja na munhu, muna Kirene, lina lyakwe Simoni, mwenuyu vamukungilizaja agusombe musigiti gwakwe. 33Na aho vafikaga henaho 34halitanwa Golgata, nguno yago, Hakapanga, vamupaga mvinyo yisangilizivilwe na ndulila, na aho alivunda wakanaga kunwa. 35Aho vamalaga kumukomela ku musigiti, vagavanaga myenda yakwe mugati na kwesa kavale, kigele yifikile kitisi yayombilwe na mufumbuzi,
Vagavanaga myenda yane, na kunguno ya kizwalo, chane vesaga kavale.
36Na vikalaga vamulindilile henaho. 37Na vatulaga kwigulya na mutwe gwakwe lumanyilo lwa mbulano yakwe,
MWENUYU ALI YESU, MUTEMI WA VAYAHUDI.
38Na hangi vakomelagwa hamohene nawe vasambo 39vavili, umo ha mulila na mwiye ha lumoso. Na avo valivita vamufusaga na vatinginaja mitwe yavo, vuhaya, 40Veve homwene ulilibomola isengelo na ulilizenga mu nsiku idatu, wipizye veve mwenekili! 41Ulu veve uli Mwana wa Mulungu, usoke ku musigiti. Sisyo savasava vahozya vahanya vamufusaga hamohene na vamanicha fitabu na vanamhala, vuhaya, 42Vangi wavapizaja na akakovolile kwipizya mwenekili! Ulu ali mutemi wʼIsraeli, asoke ku musigiti, niswe tukumusanizya! 43Wamusanizaja Mulungu, na lelo amupizye ulu alimufunda; kwisi wayombaga, Nene ndi Mwana wa Mulungu. 44Sisyo sisyene vasambo avo vakomelilwe hamohene nawe vamufusaga.
45Na kufuma saa sita hilavulaga ku nsi yose kusika saa kenda. 46Na bihi na saa kenda Yesu wahamukaga na muzwi muhanya, uhaya, Eli, Eli lama sabaktani, nguno yayo: Mulungu wane, Mulungu wane, kuki 47wandekaga nene? Na vamo va venavo vimile kunu vayigagwa na vayombaga, Mwenuyu alimwitana Elia. 48Na umo mugati navo wapelaga, wasolaga ibuhyo, walyokazaja na siki, walikimikaga kwisununu na wamunwisaja. 49Na vangi vayombaga, Lekagi, tuvone ulu Elia akwiza kumupizya. 50Na Yesu walilaga hangi na kilaka kihanya na wadahaja moyo. 51Na lolaga, mukingo gwʼisengelo gwatandukaga mapande avili kufuma higulya kusika hasi; 52nsi yadetemaga, matale gatandukaga, fivimbi fyalugukaga na mivili mingi ya vafu vasondo 53yahembukaga, na vafumaga ku fivimbi, na hanuma na kuhembuka kwakwe vingilaga mu kaya nsondo na vigelaga ku vingi. 54Na muteko hamohene na venavo vamulindilaga Yesu, aho vayivonaga nyamuditimya na genayo gakwilaga vakangagwa munogwene, vuhaya, 55Loleyene, mwenuyo wavagi Mwana wa Mulungu. Na vakima vingi vavagiho henaho valilolela kufuma kule, hovene vamulondaga kufuma ku Galilaya na kumutumamila. 56Mugati navo vavagi Maria Magdalena na Maria, nina wamwa Yakobo na Yosefu, na nina wa vana vamwa Zebedayo.
57Na limi lya mhindi wizaga munhu musavi, muna Arimatia, lina lyakwe Yosefu, nawe wavagi muhemba wamwa Yesu. 58Mwenuyu wajaga kumwa Pilato na walombaga muvili gwamwa Yesu. Haho Pilato walagilaga gutavulwe kuwakwe. 59Na Yosefu wagusolaga muvili na waguvimbilaga mu mwenda musoga gwa pe, 60na wagutulaga mu kivimbi chakwe kipya hochene waliwakidula hʼitale, na walipilingitizaja iwe ihanya ha 61muzigo gwa kivimbi, na wajaga. Na vavagiho henaho Maria Magdalena na Maria uyo ungi valikala ha welekela wa kivimbi.
62Alisi hawangaluke, lusiku hanuma na lusiku lwa kwivezelezya, vahozya vahanya na Vafarisayo vivilingaga hamwa Pilato, 63vuhaya, Guku, tulizukila ati mupuvya mwenuyo wayombage aho wavage mupanga, Nene nkuhembuka hanuma na nsiku idatu. 64Haho ulagile kivimbi kilindilwe kusika lusiku lwa vudatu, kwigela ngʼo vahemba vakwe vize kumwiva na kuvawila vanhu ati wahembukaga ku lufu, na vupuvya wa mhelo vukuvi vuvi kukila wa mbele. 65Pilato wavawilaga, Henaha muli na valindilizi, jagi, mukalindile kitisi mumanikizye inwe venekili. 66Navo vajaga na valitungaga iwe na lumanyilo, na vavatulaga valindilizi vakilindile kivimbi.
Currently Selected:
Mateo 27: Nym51
Highlight
Share
Copy
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.
Mateo 27
27
1Na aho wangalukaga vahozya vahanya vose na vanamhala va chalo valomaga ndaka kwigulya na Yesu, kigele vamuvulage. 2Na vamutungaga na vamufilaga na vamutavulaga ku munachalo Pontio Pilato.
3Na aho Yudasi, homwene wamugambaga, wavonaga ati watemagwa kitanga, wakondaga moyo na wazisyokaja fedha izyo makumi adatu ku vahozya vahanya na 4vanamhala, uhaya, Nene nakenagulaga aho nagagambaga magazi gakavile na musango. Navo vayombaga, Yili milimo yiswe? Yili milimo yako veve mwenekili. 5Na wagatagilaga mapesa mwisengelo, wafumaga na wajaga wakinigaja mwenekili. 6Alisi vahozya vahanya vazisolaga fedha na vayombaga, Mwiko kuzitula zyenizi mwisanduku lya kalumbilo, kwisi zili mupango gwa magazi. 7Na aho vamalaga kwitozya vakigulaga nazyo kiwanja cha muvumbi kuvazika mwenumo vageni. 8Kunguno yeniyi kiwanja cheniki kilitanwa kiwanja cha magazi kusika lelo. 9Haho gwafikilaga muhayo gwayombilwe na mufumbuzi Yeremia, homwene wayombaga,
Na vazisolaga fedha makumi adatu, mupango gwa uyo wakalagwa mupango, homwene vana vʼIsraeli 10vamukalaga mupango; na vazifumaja kukigula kiwanja cha muvumbi, kitisi Guku wandagilaga.
11Na Yesu wafilagwa hambele na munachalo, munachalo wamuvuzaja, uhaya, Veve uli mutemi wa Vayahudi? 12Yesu wamwitavuka, Veve wayombaga. Na ha mbulano zya vahozya vahanya na vanamhala akitavukile ninga muhayo gumo. 13Haho Pilato wamuwilaga, Ukavile kwigwa gose genaya venava valisangilwa 14kwigulya naʼho? Nawe akamwitavukile hangi ninga muhayo gumo; sisyo munachalo wakumaja munogwene. 15Alisi ha sikukulu munachalo wavagi na kitilwe cha kuvatungulila va chalo mutungwa umo homwene vamukovaga. 16Na itungo lyenili vavagi nawe mutungwa umo mukumuku, lina lyakwe Baraba. 17Aho venava vivilingaga Pilato wavawilaga, Mulikova namutungulile inwe nani, Baraba ninga Yesu homwene alitanwa Kristo? 18Kwisi wamanikaja ati vamufumaja kunguno ya ivuva. 19Na aho wikalaga kwisumbi lya kitanga, mukima wakwe watumizaja kuwakwe, uhaya, Uleke kuvi na mihayo kwigulya na mugololoku mwenuyo, kwisi lelo nadukaga munogwene mu kiloti kunguno yakwe. 20Na vahozya vahanya na vanamhala vavasemenganaja va mbuto ya vanhu vakove Baraba na kumuvulaga Yesu. 21Munachalo witavukaga na wavawilaga, Mulikova namutungulile nani mugati na venava vavili? 22Navo vayombaga, Baraba. Pilato alivawila, Haho namwitileki Yesu, homwene alitanwa Kristo? Vose valiyomba, Akomelwe ku musigiti! 23Na munachalo wahaya, Kavi ki mwenuyu witaga? Navo vahamukaga munogwene, Akomelwe ku musigiti! 24Alisi aho Pilato wavonaga ati wavagi akakovolile kuvezya kinhu, sumbwa ibubu lyakulaga munogwene, wasolaga minzi na wikalavaga makono hambele na vanhu na wayombaga, Nene nkavile kutondwa ku magazi ga mwenuyu mugololoku, lolagi, guli muhayo gwinwe. 25Na va chalo vose vitavukaga, vuhaya, Magazi gakwe gaveho kwigulya niswe na kwigulya na vana viswe. 26Haho wavatungulilaga Baraba; na aho wamalaga kumutulagula Yesu, wamutavulaga akomelwe ku musigiti.
27Haho valugaluga va munachalo vamufilaga Yesu ku numba ya Serikali na vavavilingaga hamohene va mbuto yose ya valugaluga. 28Na aho vamalaga kumuzula myenda yakwe, 29vamuzwikaga mwenda gwa za, na vagovengʼhanaja ngata ya mingʼhwa na vayitulaga ku mutwe gwakwe, na vamudimikizaja isununu mu mulila gwakwe, vamusukambilaga na vamuyeyaga, vuhaya, Tulikugisya veve mutemi wa Vayahudi. 30Na vamutugilaga mate na valisolaga isununu na vamutulaga ku mutwe gwakwe. 31Na aho vamalaga kumuyeya, vamuzulaga mwenda gwenugu na vamuzwikaga myenda yakwe, na vamufilaga akakomelwe ku musigiti.
32Na aho vavagi vajile, vasangaja na munhu, muna Kirene, lina lyakwe Simoni, mwenuyu vamukungilizaja agusombe musigiti gwakwe. 33Na aho vafikaga henaho 34halitanwa Golgata, nguno yago, Hakapanga, vamupaga mvinyo yisangilizivilwe na ndulila, na aho alivunda wakanaga kunwa. 35Aho vamalaga kumukomela ku musigiti, vagavanaga myenda yakwe mugati na kwesa kavale, kigele yifikile kitisi yayombilwe na mufumbuzi,
Vagavanaga myenda yane, na kunguno ya kizwalo, chane vesaga kavale.
36Na vikalaga vamulindilile henaho. 37Na vatulaga kwigulya na mutwe gwakwe lumanyilo lwa mbulano yakwe,
MWENUYU ALI YESU, MUTEMI WA VAYAHUDI.
38Na hangi vakomelagwa hamohene nawe vasambo 39vavili, umo ha mulila na mwiye ha lumoso. Na avo valivita vamufusaga na vatinginaja mitwe yavo, vuhaya, 40Veve homwene ulilibomola isengelo na ulilizenga mu nsiku idatu, wipizye veve mwenekili! 41Ulu veve uli Mwana wa Mulungu, usoke ku musigiti. Sisyo savasava vahozya vahanya vamufusaga hamohene na vamanicha fitabu na vanamhala, vuhaya, 42Vangi wavapizaja na akakovolile kwipizya mwenekili! Ulu ali mutemi wʼIsraeli, asoke ku musigiti, niswe tukumusanizya! 43Wamusanizaja Mulungu, na lelo amupizye ulu alimufunda; kwisi wayombaga, Nene ndi Mwana wa Mulungu. 44Sisyo sisyene vasambo avo vakomelilwe hamohene nawe vamufusaga.
45Na kufuma saa sita hilavulaga ku nsi yose kusika saa kenda. 46Na bihi na saa kenda Yesu wahamukaga na muzwi muhanya, uhaya, Eli, Eli lama sabaktani, nguno yayo: Mulungu wane, Mulungu wane, kuki 47wandekaga nene? Na vamo va venavo vimile kunu vayigagwa na vayombaga, Mwenuyu alimwitana Elia. 48Na umo mugati navo wapelaga, wasolaga ibuhyo, walyokazaja na siki, walikimikaga kwisununu na wamunwisaja. 49Na vangi vayombaga, Lekagi, tuvone ulu Elia akwiza kumupizya. 50Na Yesu walilaga hangi na kilaka kihanya na wadahaja moyo. 51Na lolaga, mukingo gwʼisengelo gwatandukaga mapande avili kufuma higulya kusika hasi; 52nsi yadetemaga, matale gatandukaga, fivimbi fyalugukaga na mivili mingi ya vafu vasondo 53yahembukaga, na vafumaga ku fivimbi, na hanuma na kuhembuka kwakwe vingilaga mu kaya nsondo na vigelaga ku vingi. 54Na muteko hamohene na venavo vamulindilaga Yesu, aho vayivonaga nyamuditimya na genayo gakwilaga vakangagwa munogwene, vuhaya, 55Loleyene, mwenuyo wavagi Mwana wa Mulungu. Na vakima vingi vavagiho henaho valilolela kufuma kule, hovene vamulondaga kufuma ku Galilaya na kumutumamila. 56Mugati navo vavagi Maria Magdalena na Maria, nina wamwa Yakobo na Yosefu, na nina wa vana vamwa Zebedayo.
57Na limi lya mhindi wizaga munhu musavi, muna Arimatia, lina lyakwe Yosefu, nawe wavagi muhemba wamwa Yesu. 58Mwenuyu wajaga kumwa Pilato na walombaga muvili gwamwa Yesu. Haho Pilato walagilaga gutavulwe kuwakwe. 59Na Yosefu wagusolaga muvili na waguvimbilaga mu mwenda musoga gwa pe, 60na wagutulaga mu kivimbi chakwe kipya hochene waliwakidula hʼitale, na walipilingitizaja iwe ihanya ha 61muzigo gwa kivimbi, na wajaga. Na vavagiho henaho Maria Magdalena na Maria uyo ungi valikala ha welekela wa kivimbi.
62Alisi hawangaluke, lusiku hanuma na lusiku lwa kwivezelezya, vahozya vahanya na Vafarisayo vivilingaga hamwa Pilato, 63vuhaya, Guku, tulizukila ati mupuvya mwenuyo wayombage aho wavage mupanga, Nene nkuhembuka hanuma na nsiku idatu. 64Haho ulagile kivimbi kilindilwe kusika lusiku lwa vudatu, kwigela ngʼo vahemba vakwe vize kumwiva na kuvawila vanhu ati wahembukaga ku lufu, na vupuvya wa mhelo vukuvi vuvi kukila wa mbele. 65Pilato wavawilaga, Henaha muli na valindilizi, jagi, mukalindile kitisi mumanikizye inwe venekili. 66Navo vajaga na valitungaga iwe na lumanyilo, na vavatulaga valindilizi vakilindile kivimbi.
Currently Selected:
:
Highlight
Share
Copy
Want to have your highlights saved across all your devices? Sign up or sign in
Nyamwezi New Testament © Bible Society of Tanzania, 1951.