Imbombo zya Vapositili 6
6
Ukusavulwa kwa vasano navavili vala
1Ilelo mumanda gugo lwe vaṿulʼavasundikwa pʼavaHelenisiti vahumana navaHebuli shʼavazishe vavo vahapotwagʼiṿintu ṿwe vahavagavanyagʼamanda gonti. 2Pʼavishumi navavili vahavitʼimpuga ya vasundikwa, vahati: Tutahondeyʼukuleha izwi lya Mulungu inga tukuvagavanyʼiṿwa kulya. 3Ukwo lelo mwe vamwitu, simusevʼavamwinyu avanaṿuli vasano navavili ve vakumusilʼuvwinza, ve vizuyʼuMupepʼuMufinjile ninjele, ve tuvavishe pambombo yinino. 4Pʼiswe tukwumishizyʼukuputa nukuyangʼizwi. 5Pe vonti mwe vavaliye izwi lihavahola, pe vahamusavula uSitefani umuntʼumwizula lwitiho nuMupepʼuMufinjile nuFilipu nuPulokeli nuNikonoli nuTimoni nuPalimena nuNikolayi umwinjizilwa wa mw-Antiyokiya, 6ve vahavatwala kuvapositili. Pʼavene vahaputa vahavavihʼinyove.
7Pe ninongwa zya Mulungu zihasavalila, vope navasundikwa vahonjezya ukuṿula nkani mu-Yelusalemu, vope navashiputʼimpuga zihavaholʼizya lwitiho.
USitefani akusambushilwa
8UwenʼuSitefani nyene wʼayizuye nuvwila namaha ahapela namamfindango namayelʼamapiti lwe vakwenyʼavantu. 9Ilelo vahafuma vamo avamusinagogi lye vahatinji lya vaLibelitini nilya vaKileni nilya vaAlekizandeliya nilya vuvo ve vafumile mu-Kilikiya namw-Asiya vahadalinkana nuSitefani. 10Nkandi vahapotwʼukupotana ninjele nuMupepo wʼahayangaga navo. 11Pe vahavapʼinkamʼavantu ve vatili: Twiṿuyʼiswe lwʼakuvasamulʼumusamu nuMose nuMulungu. 12Vahavahalambihʼavantu vonti navasongo navamanyakalata, pe vahamukupushila vahamusompola vahamutwala kuluhomano lwa vahombe. 13Vahaleta navahombʼavalumilenga, ve vahati: Umuntʼuno akulindilila shima akuyanga nizya kusamula pavufinjilʼipa nizya nkomelezyo. 14She twiṿuye lwʼakuti: UYesu wa mu-Nazaleti uno alipamongolanya pavufinjilʼipa nukwandulanyʼamiho gʼuMose atupiye. 15Ilelo pe lwe vamutontomeye vonti ve vatendime muluhomano lwa vahombe umu, vahaga isheni shakwe shiholine nisha havizya.
Currently Selected:
Imbombo zya Vapositili 6: NYi1965
Highlight
Share
Compare
Copy
Want to have your highlights saved across all your devices? Sign up or sign in
Nyiha New Testament © British and Foreign Bible Society, 1965.
