RUTI 4
4
Boasi Arwaa Ruti
1Naasa Boasi keenda alya ngiriny ya muri ulya, kakaau rembo; Elyi aiyo kalollya nndu ulya akwaani na Ruti mmwasi mbwe ulya alemwaamba, keera alya. Naasa kambaanga, Nkye osho na yaate, kaa rembo yaa. Nawe keendau kakaa rembo. 2Naasa Boasi kavaangau vamiku ikumi va efo muriny, kavavia, Neeni-da keeny rembo yaa-te. Vakakaau. 3Naasa Boasi kavia nndu ulya akwaani na Ruti, “Naimi ulya alewuya ooka urukeny lwa Moabu mmbo akeekumba irema lya Elimeleki ulya alellala;” 4nneny shakunda ikuvia naambo kulyuure yewe mbee ya vakureeki yeva na mbee ya vandu vakwa. Kwakooya kulyiwouwaa nkisha, lyo kwankooya kulalyiwouwaa, kushivie shikooye imanya kimmba kulaiyo ungi asumani ilyiwouwa kuuta yewe wa mbee, na numa ni yeny. Nawe kammbia, shilyiwouwaa. 5Naasa Boasi keengera imbia, Lyo nkonu yeto kuwaryaa irema elyo maakony a Naimi, mmbo kushuuraa na Ruti-da, Mmoabu yeto mmi alefwa, naambo ufyari lwa yeto alefwa lusalale. 6Naasa nndu yeto akwaani na Ruti kaamba, Yeny shimuni nshishiidimaa ilyiwouwa-fo, kulakooye nsheretaa ding'u yakwa shimuni, kweekyo usumanu yelo lwakwa lwa iwouwa irema elyo ipoo yewe, kimmba yeny shilashiidimaa ilyiwouwa.
7Naasa elyo kasha niindo kyeekai kulya Israeli, kya iwouwa kindo ao yaalashana, ivikya kindo ukureeki, mmbo kweeshuutaa-fo kyaaru kwakiniingya ungi, niindo valevikya-n ukureeki. 8Naasa nndu ulya kavia Boasi, Ura irema elyo yewe. Koota-fo kyaaru kyakwe, kaniingya Boasi. 9Naasa Boasi kavia vamiku valya, na vandu woose valya veeiyo, Inu yeni mmbo mwava vakureeki sheelyi mmbo shikeyuura masaa moose alya a Elimeleki na fyoose fya Kilioni na fya Maloni fyuuka kwa Naimi. 10Na Ruti yeu Mmoabu ekee nka wa Maloni mmbo shamuura nave nka wakwa, naambo shiwonisye yeto alefwa irina efo ufyarin lwakwe, naambo irina lyakwe lyilawoni ireka kulu efo kwa vana va maye, neeni inu mmbo mwava vakureeki kya ekyo. 11Naasa vandu woose valya veeiyo na vamiku valya, vakairikya yee, niindo, lwammba vakureeki. Nndumi Iruva navikye nka yeu akeeyaanga kwafo mbora, navake Raheli na Lea wo vaka valya vavii vakee maye wa Israeli. Kuvikyo mbora ya Efrata kuveva nsuri kunu Betlehemu. 12Mmba yafo ivake mmba ya Peresi ulya Tamari alemwiirya Yuda, vave mbo yewo Nndumi Iruva ashekuniinga wooka kwa nka yeu.
Boasi na va mmba yakwe
13Naasa Boasi kawarya Ruti kava nka wakwe, na Nndumi Iruva kallyilya kaira mwana wa kyuumi. 14Naasa vaka va muriny ulya vakavia Naimi, “Nndumi Iruva naitikiswa, yeto nalakuraa ngwera, na irina lyakwe lying'aniswa kunu Israeli.” 15Nawe ashekuviiryaa finya neekulela yoo ukuuny lwafo, shamashika mwalyi yeu wafo akukundye indo mmbo ashevaa ifura lyafo ngota vana mfungare.
16Naimi kawarya nkoku ulya kanshukura, nawe kava mwiinllela. 17Na vaka va nnyanu vakafishya Naimi irina, veeshaambaa, Naimi ammiiryo nkoku-mwana wa kyuumi, vakamfishya irina lyakwe ni Obedi, mmbwe aleva ndeye wa Yose yeto akee ndeye wa mangyi Davidi.
18Yelu llo ufyari lwa Peresi, Peresi kaira Hesiron; 19Hesiron kaira Ramu, na Ramu kaira Aminadabu; 20Aminadabu nawe kaira Nashoni, na Nashoni kaira Salmon; 21Salmon nawe kaira Boasi, na Boasi kaira Obedi; 22Obedi nawe kaira Yose, nawe Yose kaira mangyi Davidi.
Currently Selected:
RUTI 4: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
RUTI 4
4
Boasi Arwaa Ruti
1Naasa Boasi keenda alya ngiriny ya muri ulya, kakaau rembo; Elyi aiyo kalollya nndu ulya akwaani na Ruti mmwasi mbwe ulya alemwaamba, keera alya. Naasa kambaanga, Nkye osho na yaate, kaa rembo yaa. Nawe keendau kakaa rembo. 2Naasa Boasi kavaangau vamiku ikumi va efo muriny, kavavia, Neeni-da keeny rembo yaa-te. Vakakaau. 3Naasa Boasi kavia nndu ulya akwaani na Ruti, “Naimi ulya alewuya ooka urukeny lwa Moabu mmbo akeekumba irema lya Elimeleki ulya alellala;” 4nneny shakunda ikuvia naambo kulyuure yewe mbee ya vakureeki yeva na mbee ya vandu vakwa. Kwakooya kulyiwouwaa nkisha, lyo kwankooya kulalyiwouwaa, kushivie shikooye imanya kimmba kulaiyo ungi asumani ilyiwouwa kuuta yewe wa mbee, na numa ni yeny. Nawe kammbia, shilyiwouwaa. 5Naasa Boasi keengera imbia, Lyo nkonu yeto kuwaryaa irema elyo maakony a Naimi, mmbo kushuuraa na Ruti-da, Mmoabu yeto mmi alefwa, naambo ufyari lwa yeto alefwa lusalale. 6Naasa nndu yeto akwaani na Ruti kaamba, Yeny shimuni nshishiidimaa ilyiwouwa-fo, kulakooye nsheretaa ding'u yakwa shimuni, kweekyo usumanu yelo lwakwa lwa iwouwa irema elyo ipoo yewe, kimmba yeny shilashiidimaa ilyiwouwa.
7Naasa elyo kasha niindo kyeekai kulya Israeli, kya iwouwa kindo ao yaalashana, ivikya kindo ukureeki, mmbo kweeshuutaa-fo kyaaru kwakiniingya ungi, niindo valevikya-n ukureeki. 8Naasa nndu ulya kavia Boasi, Ura irema elyo yewe. Koota-fo kyaaru kyakwe, kaniingya Boasi. 9Naasa Boasi kavia vamiku valya, na vandu woose valya veeiyo, Inu yeni mmbo mwava vakureeki sheelyi mmbo shikeyuura masaa moose alya a Elimeleki na fyoose fya Kilioni na fya Maloni fyuuka kwa Naimi. 10Na Ruti yeu Mmoabu ekee nka wa Maloni mmbo shamuura nave nka wakwa, naambo shiwonisye yeto alefwa irina efo ufyarin lwakwe, naambo irina lyakwe lyilawoni ireka kulu efo kwa vana va maye, neeni inu mmbo mwava vakureeki kya ekyo. 11Naasa vandu woose valya veeiyo na vamiku valya, vakairikya yee, niindo, lwammba vakureeki. Nndumi Iruva navikye nka yeu akeeyaanga kwafo mbora, navake Raheli na Lea wo vaka valya vavii vakee maye wa Israeli. Kuvikyo mbora ya Efrata kuveva nsuri kunu Betlehemu. 12Mmba yafo ivake mmba ya Peresi ulya Tamari alemwiirya Yuda, vave mbo yewo Nndumi Iruva ashekuniinga wooka kwa nka yeu.
Boasi na va mmba yakwe
13Naasa Boasi kawarya Ruti kava nka wakwe, na Nndumi Iruva kallyilya kaira mwana wa kyuumi. 14Naasa vaka va muriny ulya vakavia Naimi, “Nndumi Iruva naitikiswa, yeto nalakuraa ngwera, na irina lyakwe lying'aniswa kunu Israeli.” 15Nawe ashekuviiryaa finya neekulela yoo ukuuny lwafo, shamashika mwalyi yeu wafo akukundye indo mmbo ashevaa ifura lyafo ngota vana mfungare.
16Naimi kawarya nkoku ulya kanshukura, nawe kava mwiinllela. 17Na vaka va nnyanu vakafishya Naimi irina, veeshaambaa, Naimi ammiiryo nkoku-mwana wa kyuumi, vakamfishya irina lyakwe ni Obedi, mmbwe aleva ndeye wa Yose yeto akee ndeye wa mangyi Davidi.
18Yelu llo ufyari lwa Peresi, Peresi kaira Hesiron; 19Hesiron kaira Ramu, na Ramu kaira Aminadabu; 20Aminadabu nawe kaira Nashoni, na Nashoni kaira Salmon; 21Salmon nawe kaira Boasi, na Boasi kaira Obedi; 22Obedi nawe kaira Yose, nawe Yose kaira mangyi Davidi.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.