SABURI 97
97
Iruva Nyinteteri Aitorye
1Nndumi Iruva anshillya, uruka lukape ndoro!
Ngyuruka shidu tiringityo mmura tifure.
2Mmbo aringityo ni mmafishi na ireema.
Usumanu na udede mfyo nsuka wa ushilyi lwakwe.
3Muro mmbo wiiraa mbee yakwe
Nato ukarumata vakyiduva vakwe taari toose.
4Fimwii fya ngova filemikya ulana.
Uruka lukalollya lukarerema.
5Mafumbu mmbo aleeka sha muuya usanguny lwa Nndumi Iruva,
Mbee ya Nndumi Iruva wa ulana loose.
6Ngina tikee ivambisa usumanu lwakwe;
Na vandu woose valollya weele lwakwe.
7Naasany vasutwa yewo woose vendyaa mafwanu
Yewo vakurosaa kwa findo filatiri nta mbusha
Yeni maruva moose mwiindye Mmbwe
8Sioni ammiita, kafura,
Vana va kyeny va Yuda valekapa ndoro!
9Mashika Yewe, Nndumi Iruva, nyewe kukee uwe;
Uwe deny ngota uruka loose,
Kukee nganise nnu deny uwe ya maruva moose.
10Nndumi Iruva mmbo akundye yewo sweny uravi!
Mmbwe aringaa veele vakwe,
Kavakyira ngyaleny ta vandu varavi.
11Sa yammikya nndu wa usumanu,
Na ifura kwa worotu efo ngoony.
12Yeni vasumanu, fureny Nndumi Iruva,
Na yaana kya irina lyakwe!
Currently Selected:
SABURI 97: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
SABURI 97
97
Iruva Nyinteteri Aitorye
1Nndumi Iruva anshillya, uruka lukape ndoro!
Ngyuruka shidu tiringityo mmura tifure.
2Mmbo aringityo ni mmafishi na ireema.
Usumanu na udede mfyo nsuka wa ushilyi lwakwe.
3Muro mmbo wiiraa mbee yakwe
Nato ukarumata vakyiduva vakwe taari toose.
4Fimwii fya ngova filemikya ulana.
Uruka lukalollya lukarerema.
5Mafumbu mmbo aleeka sha muuya usanguny lwa Nndumi Iruva,
Mbee ya Nndumi Iruva wa ulana loose.
6Ngina tikee ivambisa usumanu lwakwe;
Na vandu woose valollya weele lwakwe.
7Naasany vasutwa yewo woose vendyaa mafwanu
Yewo vakurosaa kwa findo filatiri nta mbusha
Yeni maruva moose mwiindye Mmbwe
8Sioni ammiita, kafura,
Vana va kyeny va Yuda valekapa ndoro!
9Mashika Yewe, Nndumi Iruva, nyewe kukee uwe;
Uwe deny ngota uruka loose,
Kukee nganise nnu deny uwe ya maruva moose.
10Nndumi Iruva mmbo akundye yewo sweny uravi!
Mmbwe aringaa veele vakwe,
Kavakyira ngyaleny ta vandu varavi.
11Sa yammikya nndu wa usumanu,
Na ifura kwa worotu efo ngoony.
12Yeni vasumanu, fureny Nndumi Iruva,
Na yaana kya irina lyakwe!
The Holy Bible in Kimashami © Bible Society of Tanzania, 2016.