SABURI 94
94
Iruva Nyilleti va Voose
1Woi Nndumi Iruva mwitaiya kyiduva,
Iruva mwitaiya kyiduva kukoore!
2Mwiutya uruka uvingo, kukurose.
Kuniinge vandu va kyinyala fikwaani nao.
3Nndumi Iruva kufike indii?
Kufike indii vandu valatiri usumanu vefuraa?
4Vetana meesi woose vashuuta marero!
Na irera fya itanya fya kyinyala!
5Ee, Nndumi Iruva mmbo vakee irumta vandu vafo,
Mmbo vakee ifota dingu yafo.
6Mmbo vakee iwaa nka wa dingu na nndu mwiny
Mmbo vakee iwaa vana va ngwera.
7Wo mmbo vaamba, “Nndumi Iruva nnyalollye-fo
Iruva wa Yakobo nnyakusaraa-fo.”
8Yeni varungani mukee nnang'ani a vandu kusareny!
Yeni matondo, ni indii muwonisa urango?
9Yeto mwitana yaarwi, ashiidimaa-se iityaa?
Yeto aleumba iriso, ashiidimaa-se
10Yeu mwishilya vandu va masanga, ashiidima-se yorota?
Llori wa vandu, atiri-se umanyo?
11Nndumi Iruva eeshi makusaro a nndu wa vandu,
Sheelyi nnyaruu parany!
12Ee-da Nndumi Iruva, ngoma nndu kulemulosha wiindi,
Na illosha kwa mavavasyo afo.
13Naambo kumfurise mikonu ya ukyiva
Kutani nndu nalakee nsumanu asumyo irineny.
14Mashika Nndumi Iruva nnyasheera sakyeny vandu vakwe-fo;
nta nnyariiya-u dingu yakwe-fo.
15Mashika udede luviira-u usumanu,
Na woose vakee worotu efo miriminy vashefilatyaa.
16A mmbi alesheekya shikapanaa na varavi wakwa?
A mmbi alesalala taari yakwa shivakyana na vandu vakasha?
17Kukooye Nndumi Iruva alekee veekyi lwakwa,
Mmbo kwekooya shilemma yeenda kwa vafu.
18Kyeeri shileamba, “Urende lwakwa lukeeirendeya.”
Ee-da, Nndumi Iruva ilyillya lyafo lyileshisalesa.
19Efo makusarony meengyi a ngoony yakwa,
Yewe kushiviirya muu na ishifurisa.
20A kitima kya yaafinya nkishaakana amwi na yewe
Ekyo kyivikaa-u mavavaso a wongo?
21Mmbo akapannyaa muu va nndu wa usumanu
Na yuutya uvingo samu ilatiri mbese.
22Indi Iruva wakwa aleva turuve yakwa;
Na Iruva wakwa kava mbanga yakwa yeerishya.
23Nawe mmbo avaviryaa uravi lwawo,
avarumatyaa efo ukasheny lwawo,
Ee-da, Nndumi Iruva, Iruva mmbo avarumataa.
Currently Selected:
SABURI 94: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
SABURI 94
94
Iruva Nyilleti va Voose
1Woi Nndumi Iruva mwitaiya kyiduva,
Iruva mwitaiya kyiduva kukoore!
2Mwiutya uruka uvingo, kukurose.
Kuniinge vandu va kyinyala fikwaani nao.
3Nndumi Iruva kufike indii?
Kufike indii vandu valatiri usumanu vefuraa?
4Vetana meesi woose vashuuta marero!
Na irera fya itanya fya kyinyala!
5Ee, Nndumi Iruva mmbo vakee irumta vandu vafo,
Mmbo vakee ifota dingu yafo.
6Mmbo vakee iwaa nka wa dingu na nndu mwiny
Mmbo vakee iwaa vana va ngwera.
7Wo mmbo vaamba, “Nndumi Iruva nnyalollye-fo
Iruva wa Yakobo nnyakusaraa-fo.”
8Yeni varungani mukee nnang'ani a vandu kusareny!
Yeni matondo, ni indii muwonisa urango?
9Yeto mwitana yaarwi, ashiidimaa-se iityaa?
Yeto aleumba iriso, ashiidimaa-se
10Yeu mwishilya vandu va masanga, ashiidima-se yorota?
Llori wa vandu, atiri-se umanyo?
11Nndumi Iruva eeshi makusaro a nndu wa vandu,
Sheelyi nnyaruu parany!
12Ee-da Nndumi Iruva, ngoma nndu kulemulosha wiindi,
Na illosha kwa mavavasyo afo.
13Naambo kumfurise mikonu ya ukyiva
Kutani nndu nalakee nsumanu asumyo irineny.
14Mashika Nndumi Iruva nnyasheera sakyeny vandu vakwe-fo;
nta nnyariiya-u dingu yakwe-fo.
15Mashika udede luviira-u usumanu,
Na woose vakee worotu efo miriminy vashefilatyaa.
16A mmbi alesheekya shikapanaa na varavi wakwa?
A mmbi alesalala taari yakwa shivakyana na vandu vakasha?
17Kukooye Nndumi Iruva alekee veekyi lwakwa,
Mmbo kwekooya shilemma yeenda kwa vafu.
18Kyeeri shileamba, “Urende lwakwa lukeeirendeya.”
Ee-da, Nndumi Iruva ilyillya lyafo lyileshisalesa.
19Efo makusarony meengyi a ngoony yakwa,
Yewe kushiviirya muu na ishifurisa.
20A kitima kya yaafinya nkishaakana amwi na yewe
Ekyo kyivikaa-u mavavaso a wongo?
21Mmbo akapannyaa muu va nndu wa usumanu
Na yuutya uvingo samu ilatiri mbese.
22Indi Iruva wakwa aleva turuve yakwa;
Na Iruva wakwa kava mbanga yakwa yeerishya.
23Nawe mmbo avaviryaa uravi lwawo,
avarumatyaa efo ukasheny lwawo,
Ee-da, Nndumi Iruva, Iruva mmbo avarumataa.
The Holy Bible in Kimashami © Bible Society of Tanzania, 2016.