SABURI 78
78
Iruva na Vandu Vakwe
1Yeni vandu vakwa aranyiny kiloshyo kyakwa.
Nrweny maarwi iiranya marero a kana kyakwa.
2A shitarambwe kana kyakwa shirere kwa fyaaso.
Shirere mbony ta kasha tikee shisurumi
3mbony luleita na itimanya,
Mbony eto vamiku veru valeloongoya.
4Llushesurumaa vana veru-fo,
Lusheongoya ngyeeri tikee isha mbony ta finya ta Nndumi Iruva.
Na mashora maniini amwi na findo fya ngyende alentana.
5Aleniinga vana va Yakobo mashingo;
Israeli kaivikya mavavaso, yo alevavasya vamiku veru naambo valoshe vana vawo,
6naambo vandu va ngyeeri tishaa, amwi na vana wawo vamanyi
Nawo-da vamanyisye vana vao,
7naambo vavike nsia wao kwa Iruva,
Valasheirekywa mashora a Iruva,
Kya indi vatamballye na mavavaso a Nndumi.
8Valasheeva sha vandeye vao, vandu vatiri nriya na mbafu
Irika lletiri isingasinga; lliletiri usaari kwa Iruva.
9Vandu va Efraimu mmbo vetiri fisha mfyo ura,
Vakairaa, vakawuya numa nkonu ulya wa fira.
10Mmbaletira ivavaso lya Iruva-fo,
Vakalema ilatya sheria yakwe.
11Vakarekyo mashora akwe,
Amwi na Findo fya ngyende alevaora.
12Usanguny lwa vandeye vawo mmbo aleora findo fya ngyende,
Kulya Soani urukeny lwa Misri.
13Karauwa yeeve kavakyillisa kwakulya!
Kaseleesa mura wa yeeve ukavaka isimamba!
14Kavatetera na ifishi nsanyiny,
Na elyi kio kwa say a muro.
15Kapara iwe yuumu kulya nng'alo,
Kaavanisa na mura mwiingi sha wa yeeve.
16Ngyusoka tikauka efo iweny,
Mura ukasoka shay a mira!
17Naakwa ni indo mmbo valeengera itana ulyamari.
Nta mmbalekusirya mashora yo a ngyende-fo.
18Mmbo valeesa Iruva efo ngoony tawo,
Vevesaa shoonga eto tevasenyi.
19Mmbo valearara Iruva veshaambaa,
“Iruva mmbo ashiidimaa iluniinga shoonga kunu kasa.
20Ni kya usumanu alekapa iwe yuumu kukaukafo mura ukasoka shamira,
Indi ulalu ashindima dede iluwonisya nkate na nyama.”
21Nndumi Iruva keeta katirwa ni unyafi.
Unyaasi lwakwe lukava uwe ya vana va Yakobo.
Kiwo na kwa Vaisraeli woose,
22mashika mmbalekusirya Nndumi Iruva-fo
Nta mmbalevika nsia ukiro lwakwe-fo.
23Indi arera na mafishi nginii-u
Karwa myaango ya iruveu,
24kavaolotya mana yakwe,
Na nkate fyuuka iruveu.
25Ndu wa vandu kalya shoonga ya vasu!
Ee Iruva alevaniinga shoonga ivafye.
26Alerika uraato taari ya ngama, kwa finya yakwe
Uraato elo lukaanta ngyuraato ta taari ya sinde.
27Kaolotya vandu vakwe nyama sha kiluulyi,
Amwi na ndeye tifye sha nsanga wa mbai ya yeeve!
28Ndeye yeto tileoloka ulaleny lwawo,
wo ando wetanyi mmba tawo.
29Vandu vakalya vakavuura.
Mashika Iruvva mmbo alevaniinga efyo vekundye.
30Indi nta vandelya kufye,
Shoonga ikee kaniny kyawo,
31Unyaasi lwa Iruva lukawa uwe yawo,
Kawaa vasero va Israeli va mbwaanu.
32Naakwa ni indo mmbo valeengera itana ulyamari.
Nta mmbalekusirya mashora yo a ngyende-fo.
33Naasa Nndumi iruva kafiisa fyeeri fyawo
Na myaaka yawo kwa ngapwa ta tiny.
34Wo shaasa alevawaa, valya valesaa-u vakamwindukya,
Vakakurya vakawuiya Iruva kwa sina.
35Vakakummbwa Iruva mmbe isimamba lyawo,
Na Iruvva akee uwe ya fyoose mmbe nkira wawo.
36Indi mmbo valellemba na marero awo nsi;
Wo kindo valembia mmbo kyekee wongo.
37Ngoo tawo ntekutiri nawe-fo.
Nta mmbekee waarya ivavara mma yakwe-fo.
38Lyo we kimmba atiri illillya alevasarya uravi lwawo
Nta nyalevarumata-fo.
Keengyi mmbo alefweera nyashi yakwe
Nta nnalera unyafi lwakwe lusaami-fo!
39Mmbo alekummbwa wo ni vandu-da
Nsha uraato lushiira na irekya.
40Nkeengyi valemfuta kulya nng'alo
Na imweengye iswa kulya kasa.
41Mmbo valeesa Nndumi Iruva keengyi,
Vakeengye eto Mweele wa Israeli iswa.
42Mmbalekumbwa finya yakwe-fo
Nta ikummbwa nkonu ulya alevakira na vakiduva vao-fo,
43llya aletana findo fya isinga-singa kulya Misri,
Na ngyende kulya Soani.
44Mmbo aleallwa mira mmyoose ikava samu
Amwi na ngyusoka valasheina.
45Mmbo alevarikya makurubu akavamaara
Na filwa vakareta findo fiingyi.
46Nre tikalya fimu fyawo;
Na ilyamara minda yaawo.
47Kalyamara misabibu yaawo na mmbwa ya masaawe,
Na ndunda ta makuu efo nreminy tawo tikalyamarwa ni masaawe.
48Ngumbe tawo katiwaa na mmbwa ya masaawe,
Na moonri awo akawaawo ni fyimwii fya ngova.
49Unyaasi lwakwe lukavapaana
Vasu va urumato vakaveengye unyashi, iswa na ngatara.
50Kara unyaasi lwakwe lung'ani nta nnalevakyira na ufu-fo;
Indi mmbo alevarumata kwa ndwari shiroo.
51Kawaa vana vavee woose va Vamisri,
Ee, naakwa ni maa efo ulaleny lwa Hamu.
52Numa kasamisa vandu vakwe sha moonri,
Kavasongoya kulya nng'alo sha iroda lya findo fya ivikya.
53Kavasongoya kipwa, nta mmbaleiryaa-fo;
Indi yeeve ilemira vakiduva vawo.
54Kaveende urukeny lwakwe weele,
Ifumbuny alelyitira mfungwa kwa finya takwe.
55Kaumbuta vandu va uruka elo mbee yaawo;
Kaniingya ngyuruka ta vandu yewo tive masaa a Israeli,
Kavika vandu va vana va Israeli rembo efo mmbeny tawo.
56Naakwa ni indo valeesa na ilema Iruva Nnini,
Nta mbaletamballya mashingo akwe-fo.
57Indi mmbalekapa Nndumi Iruva mungo sha vandeye vawo,
Vakasinga-singa sha ura lulakee wiinive.
58Vakaengye Nndumi Iruva iswa kyuuka na ando a irasya maruva awo;
Vakanrosya ngoo kalollya kififi kya maruva awo a ipasha.
59Iruva ekyilollya indo karwayo ni unyafi,
Kalema Israeli deny.
60Nndumi Iruva kasama kulya Shilo, efo kwekee kwakwe,
Kwekaa nnagani a vandu vakwe.
61Kalotora Isanduku lya Kyaasa likaipowa;
Kaniingya nnduma wakwe kwa vakiduva.
62Kasua vandu vakwe muni,
Kavaniingya varumatwe ni usu
63Muro ukarumata vakoo vawo va kyuumi;
Vakoo vawo va vana va kyika vakatura tindi.
64Vakohani vawo vakawawaa ni usu,
Na vaka vawo va dingu mmbaiya-fo.
65Llyo nndumi Iruva kakwiipo sha nndu auka rony,
Sha nsero nkaari akaariswa ni mfinyo
66Karishisa vakiduva vakwe
Kavaishura sony ya llung'anu.
67Llyo alelema va mmba ya Yosefu;
Nta nnalesauwa vandu va mmba ya Efraimu-fo
68Indi alesauwa vandu va mmba ya Yuda,
Na ifumbu lya Sioni elyo alyikunde.
69Mmbo etana ando akwe eele sha ngyina ta uwe;
sha uruka, uruka elo aveyye llung'anu.
70Kasauwa Davidi, ndundi wakwe,
Kamuuta efo ishoreny lya iisa moonri
71Mmbo alemuuta efo ishoreny lya iisa moonri na ngurana ta vayo,
Ave na ishora lya iisa vana va Yakobo mmbo vandu wakwe amwi
Na iisa vana va Israeli vakee vandu va Iruva muni.
72Davidi kalosha vandu kwa nrima wakwe moose
Kavasongoya kwa ukaari uniini.
Currently Selected:
SABURI 78: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
SABURI 78
78
Iruva na Vandu Vakwe
1Yeni vandu vakwa aranyiny kiloshyo kyakwa.
Nrweny maarwi iiranya marero a kana kyakwa.
2A shitarambwe kana kyakwa shirere kwa fyaaso.
Shirere mbony ta kasha tikee shisurumi
3mbony luleita na itimanya,
Mbony eto vamiku veru valeloongoya.
4Llushesurumaa vana veru-fo,
Lusheongoya ngyeeri tikee isha mbony ta finya ta Nndumi Iruva.
Na mashora maniini amwi na findo fya ngyende alentana.
5Aleniinga vana va Yakobo mashingo;
Israeli kaivikya mavavaso, yo alevavasya vamiku veru naambo valoshe vana vawo,
6naambo vandu va ngyeeri tishaa, amwi na vana wawo vamanyi
Nawo-da vamanyisye vana vao,
7naambo vavike nsia wao kwa Iruva,
Valasheirekywa mashora a Iruva,
Kya indi vatamballye na mavavaso a Nndumi.
8Valasheeva sha vandeye vao, vandu vatiri nriya na mbafu
Irika lletiri isingasinga; lliletiri usaari kwa Iruva.
9Vandu va Efraimu mmbo vetiri fisha mfyo ura,
Vakairaa, vakawuya numa nkonu ulya wa fira.
10Mmbaletira ivavaso lya Iruva-fo,
Vakalema ilatya sheria yakwe.
11Vakarekyo mashora akwe,
Amwi na Findo fya ngyende alevaora.
12Usanguny lwa vandeye vawo mmbo aleora findo fya ngyende,
Kulya Soani urukeny lwa Misri.
13Karauwa yeeve kavakyillisa kwakulya!
Kaseleesa mura wa yeeve ukavaka isimamba!
14Kavatetera na ifishi nsanyiny,
Na elyi kio kwa say a muro.
15Kapara iwe yuumu kulya nng'alo,
Kaavanisa na mura mwiingi sha wa yeeve.
16Ngyusoka tikauka efo iweny,
Mura ukasoka shay a mira!
17Naakwa ni indo mmbo valeengera itana ulyamari.
Nta mmbalekusirya mashora yo a ngyende-fo.
18Mmbo valeesa Iruva efo ngoony tawo,
Vevesaa shoonga eto tevasenyi.
19Mmbo valearara Iruva veshaambaa,
“Iruva mmbo ashiidimaa iluniinga shoonga kunu kasa.
20Ni kya usumanu alekapa iwe yuumu kukaukafo mura ukasoka shamira,
Indi ulalu ashindima dede iluwonisya nkate na nyama.”
21Nndumi Iruva keeta katirwa ni unyafi.
Unyaasi lwakwe lukava uwe ya vana va Yakobo.
Kiwo na kwa Vaisraeli woose,
22mashika mmbalekusirya Nndumi Iruva-fo
Nta mmbalevika nsia ukiro lwakwe-fo.
23Indi arera na mafishi nginii-u
Karwa myaango ya iruveu,
24kavaolotya mana yakwe,
Na nkate fyuuka iruveu.
25Ndu wa vandu kalya shoonga ya vasu!
Ee Iruva alevaniinga shoonga ivafye.
26Alerika uraato taari ya ngama, kwa finya yakwe
Uraato elo lukaanta ngyuraato ta taari ya sinde.
27Kaolotya vandu vakwe nyama sha kiluulyi,
Amwi na ndeye tifye sha nsanga wa mbai ya yeeve!
28Ndeye yeto tileoloka ulaleny lwawo,
wo ando wetanyi mmba tawo.
29Vandu vakalya vakavuura.
Mashika Iruvva mmbo alevaniinga efyo vekundye.
30Indi nta vandelya kufye,
Shoonga ikee kaniny kyawo,
31Unyaasi lwa Iruva lukawa uwe yawo,
Kawaa vasero va Israeli va mbwaanu.
32Naakwa ni indo mmbo valeengera itana ulyamari.
Nta mmbalekusirya mashora yo a ngyende-fo.
33Naasa Nndumi iruva kafiisa fyeeri fyawo
Na myaaka yawo kwa ngapwa ta tiny.
34Wo shaasa alevawaa, valya valesaa-u vakamwindukya,
Vakakurya vakawuiya Iruva kwa sina.
35Vakakummbwa Iruva mmbe isimamba lyawo,
Na Iruvva akee uwe ya fyoose mmbe nkira wawo.
36Indi mmbo valellemba na marero awo nsi;
Wo kindo valembia mmbo kyekee wongo.
37Ngoo tawo ntekutiri nawe-fo.
Nta mmbekee waarya ivavara mma yakwe-fo.
38Lyo we kimmba atiri illillya alevasarya uravi lwawo
Nta nyalevarumata-fo.
Keengyi mmbo alefweera nyashi yakwe
Nta nnalera unyafi lwakwe lusaami-fo!
39Mmbo alekummbwa wo ni vandu-da
Nsha uraato lushiira na irekya.
40Nkeengyi valemfuta kulya nng'alo
Na imweengye iswa kulya kasa.
41Mmbo valeesa Nndumi Iruva keengyi,
Vakeengye eto Mweele wa Israeli iswa.
42Mmbalekumbwa finya yakwe-fo
Nta ikummbwa nkonu ulya alevakira na vakiduva vao-fo,
43llya aletana findo fya isinga-singa kulya Misri,
Na ngyende kulya Soani.
44Mmbo aleallwa mira mmyoose ikava samu
Amwi na ngyusoka valasheina.
45Mmbo alevarikya makurubu akavamaara
Na filwa vakareta findo fiingyi.
46Nre tikalya fimu fyawo;
Na ilyamara minda yaawo.
47Kalyamara misabibu yaawo na mmbwa ya masaawe,
Na ndunda ta makuu efo nreminy tawo tikalyamarwa ni masaawe.
48Ngumbe tawo katiwaa na mmbwa ya masaawe,
Na moonri awo akawaawo ni fyimwii fya ngova.
49Unyaasi lwakwe lukavapaana
Vasu va urumato vakaveengye unyashi, iswa na ngatara.
50Kara unyaasi lwakwe lung'ani nta nnalevakyira na ufu-fo;
Indi mmbo alevarumata kwa ndwari shiroo.
51Kawaa vana vavee woose va Vamisri,
Ee, naakwa ni maa efo ulaleny lwa Hamu.
52Numa kasamisa vandu vakwe sha moonri,
Kavasongoya kulya nng'alo sha iroda lya findo fya ivikya.
53Kavasongoya kipwa, nta mmbaleiryaa-fo;
Indi yeeve ilemira vakiduva vawo.
54Kaveende urukeny lwakwe weele,
Ifumbuny alelyitira mfungwa kwa finya takwe.
55Kaumbuta vandu va uruka elo mbee yaawo;
Kaniingya ngyuruka ta vandu yewo tive masaa a Israeli,
Kavika vandu va vana va Israeli rembo efo mmbeny tawo.
56Naakwa ni indo valeesa na ilema Iruva Nnini,
Nta mbaletamballya mashingo akwe-fo.
57Indi mmbalekapa Nndumi Iruva mungo sha vandeye vawo,
Vakasinga-singa sha ura lulakee wiinive.
58Vakaengye Nndumi Iruva iswa kyuuka na ando a irasya maruva awo;
Vakanrosya ngoo kalollya kififi kya maruva awo a ipasha.
59Iruva ekyilollya indo karwayo ni unyafi,
Kalema Israeli deny.
60Nndumi Iruva kasama kulya Shilo, efo kwekee kwakwe,
Kwekaa nnagani a vandu vakwe.
61Kalotora Isanduku lya Kyaasa likaipowa;
Kaniingya nnduma wakwe kwa vakiduva.
62Kasua vandu vakwe muni,
Kavaniingya varumatwe ni usu
63Muro ukarumata vakoo vawo va kyuumi;
Vakoo vawo va vana va kyika vakatura tindi.
64Vakohani vawo vakawawaa ni usu,
Na vaka vawo va dingu mmbaiya-fo.
65Llyo nndumi Iruva kakwiipo sha nndu auka rony,
Sha nsero nkaari akaariswa ni mfinyo
66Karishisa vakiduva vakwe
Kavaishura sony ya llung'anu.
67Llyo alelema va mmba ya Yosefu;
Nta nnalesauwa vandu va mmba ya Efraimu-fo
68Indi alesauwa vandu va mmba ya Yuda,
Na ifumbu lya Sioni elyo alyikunde.
69Mmbo etana ando akwe eele sha ngyina ta uwe;
sha uruka, uruka elo aveyye llung'anu.
70Kasauwa Davidi, ndundi wakwe,
Kamuuta efo ishoreny lya iisa moonri
71Mmbo alemuuta efo ishoreny lya iisa moonri na ngurana ta vayo,
Ave na ishora lya iisa vana va Yakobo mmbo vandu wakwe amwi
Na iisa vana va Israeli vakee vandu va Iruva muni.
72Davidi kalosha vandu kwa nrima wakwe moose
Kavasongoya kwa ukaari uniini.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.