SABURI 73
73
Kyitabu Kya Kararu Saburi 73-89
Usumanu lwa Iruva
1Kyadede, Iruva ni mwaarya kwa vandu yewo varilalyi,
Ni mwaarya kwa yewo vatiri nrima mwaa.
2Mmbo shekee kufii, shaalashe makusaro!
Shafikya kufii shuute-pa.
3Shavatirya kififi vandu vakee mbafu
Elyi vakeewona nsupa efo mashoreny awo.
4Mashika wo, mmbakeeviniswa-fo;
Miili yaawo ikamamya na itira finya.
5Mmbakeetirwa ni maariso a kivandu-fo
Nta mmbakeekwanannya na maariso sha vandu vengyi-fo.
6Vakaallwa kiila sha nse efo singony yaawo,
Myaandu kwawo, vakayaallwa sha soori yeekusikya.
7Makasha akalollywa efo misony awo ngata a fummbye,
Efo miriminy yaawo kukeeshwa-fo makusaro a itana weesi.
8Vakasekya vengyi nkyere-kyere na ivarerya makasha,
Vakakushoba, neevika kyama kyeyaafinya vengyi.
9Na kana kyawo vakatatala Iruva efo iruveeu,
Na kana kyawo vakarumana mbee ya vandu kunu ulaniny.
10Naakwa ni vandu va Iruva vakavalatya,
Nta valaidimi ilollya ukasha lwawo na yiirikya wo kindo vakeyaamba.
11Vakaamba, “A niinda Iruva ashiidimaa imanya?”
“Iruva yeto wa uwe mmbo ashiidimaa imanya?”
12Niindo indo vandu veesi vakai
Mmbo vatiri wo kindo na umasi lwawo lukeengereka.
13A-nkonu wakwa mmbo ulefwa-ki
Shileinndya indo mavavaso shilatani ulyamari?
14Mmbo shilewonisa ngapo nkonu piti;
Na ilyiswa ukiva wo nkonu ngama.
15Kukooye shevera shawo,
Mmbo shevaa nkumbi shawo nnang'ani ya vandu vafo.
16Shekusara deny, kya mbony yei;
Indi-lyo ikaengera iva shiroo mmwasi.
17Kutani, llya shaanga kweele kwafo;
Llyo shemmanya kindo valyamari vashetannywa.
18Kya dede ni yewe kulevavika ando kurendeiye,
Ni yewe kuleveengye vakawasi vakasia-deny.
19Vakamamitwa nalyimwi,
Na ivivywa kwaasha kwa weeresi.
20Vakavaka yoorya, kyeeri nndu akwiipo ngama nnyikerekyeka
Ni kyeeri kushooryaa na ngama kwakwiipo.
21Kyeeri makusaro akwa ekeevava
Na ngoo yakwa ikadoshwa;
22mmbo shekee nrung'ani, na itondo,
Shawaka ifisi lya ngoroshony mbee yafo.
23Naakwa ni indo, mmbo shikee na yewe kyeeri kyoose;
Kushitire woko lwakwa usha.
24Ni yewe kusheshitetera songosiny,
Na mafurumyony kusheshiwarya efo itumbeny.
25A mmbi ungyi shitiri efo iruveeu kuuta yewe?
Na kunu ulaniny nkwiifo kindo shikilangye kyikuilannyi yew-fo.
26Naakwa shatura finya ya mwiili na nrima,
Yewe Iruva, mmbwe turuve yakwa;
ya nrima wakwa na muu wakwa.
27Yeto akee kilasha na yewe kya dede mmbo asherumakaa,
Neeto akukapaa mungo mmbo kushemmamitaa,
28indi, kyakwa yeny ni ikaa kufii na Iruva!
Yewe Nndumi, Nndumi Iruva mmbwe mbanga yakwa,
Mmbo shirumishaa mashora afo moose kutannyi.
Currently Selected:
SABURI 73: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
SABURI 73
73
Kyitabu Kya Kararu Saburi 73-89
Usumanu lwa Iruva
1Kyadede, Iruva ni mwaarya kwa vandu yewo varilalyi,
Ni mwaarya kwa yewo vatiri nrima mwaa.
2Mmbo shekee kufii, shaalashe makusaro!
Shafikya kufii shuute-pa.
3Shavatirya kififi vandu vakee mbafu
Elyi vakeewona nsupa efo mashoreny awo.
4Mashika wo, mmbakeeviniswa-fo;
Miili yaawo ikamamya na itira finya.
5Mmbakeetirwa ni maariso a kivandu-fo
Nta mmbakeekwanannya na maariso sha vandu vengyi-fo.
6Vakaallwa kiila sha nse efo singony yaawo,
Myaandu kwawo, vakayaallwa sha soori yeekusikya.
7Makasha akalollywa efo misony awo ngata a fummbye,
Efo miriminy yaawo kukeeshwa-fo makusaro a itana weesi.
8Vakasekya vengyi nkyere-kyere na ivarerya makasha,
Vakakushoba, neevika kyama kyeyaafinya vengyi.
9Na kana kyawo vakatatala Iruva efo iruveeu,
Na kana kyawo vakarumana mbee ya vandu kunu ulaniny.
10Naakwa ni vandu va Iruva vakavalatya,
Nta valaidimi ilollya ukasha lwawo na yiirikya wo kindo vakeyaamba.
11Vakaamba, “A niinda Iruva ashiidimaa imanya?”
“Iruva yeto wa uwe mmbo ashiidimaa imanya?”
12Niindo indo vandu veesi vakai
Mmbo vatiri wo kindo na umasi lwawo lukeengereka.
13A-nkonu wakwa mmbo ulefwa-ki
Shileinndya indo mavavaso shilatani ulyamari?
14Mmbo shilewonisa ngapo nkonu piti;
Na ilyiswa ukiva wo nkonu ngama.
15Kukooye shevera shawo,
Mmbo shevaa nkumbi shawo nnang'ani ya vandu vafo.
16Shekusara deny, kya mbony yei;
Indi-lyo ikaengera iva shiroo mmwasi.
17Kutani, llya shaanga kweele kwafo;
Llyo shemmanya kindo valyamari vashetannywa.
18Kya dede ni yewe kulevavika ando kurendeiye,
Ni yewe kuleveengye vakawasi vakasia-deny.
19Vakamamitwa nalyimwi,
Na ivivywa kwaasha kwa weeresi.
20Vakavaka yoorya, kyeeri nndu akwiipo ngama nnyikerekyeka
Ni kyeeri kushooryaa na ngama kwakwiipo.
21Kyeeri makusaro akwa ekeevava
Na ngoo yakwa ikadoshwa;
22mmbo shekee nrung'ani, na itondo,
Shawaka ifisi lya ngoroshony mbee yafo.
23Naakwa ni indo, mmbo shikee na yewe kyeeri kyoose;
Kushitire woko lwakwa usha.
24Ni yewe kusheshitetera songosiny,
Na mafurumyony kusheshiwarya efo itumbeny.
25A mmbi ungyi shitiri efo iruveeu kuuta yewe?
Na kunu ulaniny nkwiifo kindo shikilangye kyikuilannyi yew-fo.
26Naakwa shatura finya ya mwiili na nrima,
Yewe Iruva, mmbwe turuve yakwa;
ya nrima wakwa na muu wakwa.
27Yeto akee kilasha na yewe kya dede mmbo asherumakaa,
Neeto akukapaa mungo mmbo kushemmamitaa,
28indi, kyakwa yeny ni ikaa kufii na Iruva!
Yewe Nndumi, Nndumi Iruva mmbwe mbanga yakwa,
Mmbo shirumishaa mashora afo moose kutannyi.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.