SABURI 69
69
Kiiyo kya weekyi
1Woi Iruva, shakutereva kushitarame,
Mura wamfika singony.
2Shikeerekya ibwashiny yiingyi;
Shilatiri ando kweevika urende.
Shanrekya ndilyiny ya mura,
Shikeyeetwa mmatundulu.
3Shansiiywa mfinya shikapaa kiiyo;
Na uroo lwakwa lwammuma
miso akwa ansingira.
Shikwereryaa yewe Iruva wakwa.
4Vandu vashisuuye mmbo veengyi
vakailannya fii ta nrwe wakwa.
Neewo mmbo vashisuuye kuleefo kyimaruma,
Yewo vakunndye ishiwaa mmbo vatiri finya vakailannya,
Yewo vakeshifinngya findo fya wongo a mmbo shiviira kindo kilakee kyiive.
5Woi Iruva yewe mmbo kushiishi na nshushwa;
mmbo kwiishi makasha akwa moose.
6Valya vakuvikye nsia valasheesuka kyimaruma kyakwa,
Ee, Nndumi, Nndumi Iruva wa matorito;
Valya vakeekuruuya valashesuka kyimaruma kyeendwa nnyeny,
Woi Iruva wa Israeli.
7Mmbo vakeeshiipala kyeendwa ni yewe;
Shisikya kyisangu kyakwa kyimaruma kya usutu.
8Shava sha mwiny nnang'ani ya vana va-ma;
Shavaka mwiny kwa vandu va mmba yakwa.
9Ikunda lyakwa kwa mmba yafo mmbo lyanshirovya,
Fyaararo fyafo fyoose ni yeny fikeeshiwuuya.
10Llya shilekunyiisa shakootoya,
Vandu mmbo valeshikaba mungo.
11Kyeeri shileraa soori ta makunnya shikee kyiiyony,
Kwawo mmbo shileva seko.
12Shakapwa mang'ang'a ni vandu efo shia ta mbasero,
Na vanangwa vakeemba fiimbo fyeeshiipala.
13Indi, kyakwa yeny mmbo shakutereva woi Nndumi Iruva;
Kushirouwe kiterewo kyakwa kyeeri ekyo kukunndye,
Kwa isarya lyafo kushirouwe,
Yewe kukee mwiikyira wa dede.
14Yewe kukee wa usumanu mmbwe kushikiraa;
Shilashemirwa ni ibwashi!
Yewe mmbwe kushuuta efo maakony a vakiduva,
Neefony ndilyiny ya mura.
15Shiringa shileetwa ni iruva lya mura,
Ao shimirwa ni ndilyi ya mura,
Na kirori kilasheshimira.
16Shirouwa woi Nndumi Iruva,
kyimaruma kya ikunda lyafo lying'ani,
kushilole kwa isarya lyafo lyiingyi.
17Kulakusurumi ishinga lyafo shirouwa swany;
Naambo kukooye ishikira, mashika mmbo shikeesisywa!
18Osho kufi na yeny naambo kukooye ishikira;
Kushuute vakiduva vakwa eva vakee veengyi.
19Yewe mmbo kwiishi ngata shikeeyaararwa
Kwamanya findo fikasha na usutu shikeekwanannya nalo,
Kwamanya naakwa mmbakiduva vakwa woose.
20Fyaararo mmbo fyanshifisha nrima wakwa,
Kutani shoota-pa.
Sharumya mwiishifyeerisa shantura,
Naakwa mmbweshiviirya muu shantura.
21Ando eeshiniinga shoonga;
Vakashiniinga kireeyo,
Ando eeshiniinga mura wa kyaakuka vakashiniinga siki.
22Ifura lyawo lyive nreiyo efo ifureny lyawo,
Na sukukuu tawo ta firaso tive ta kiiyo.
23Miso awo nafwe valaidimi ilollya kindo,
Na kyeeri kyeekuumbya amwi kuvanyanyatye kwaasha.
24Vapusuye nyashi yafo,
Vakwaanannye na ngapo yafo.
25Mmba tawo tirewa marama
Tilatiri nndu moose asammya-fo.
26Mashika mmbo vakeesisya valya vakee vakape;
Vakavaengerya mavavywo valya valemmbaviswa.
27Vakapwa kikwaani na mitannyi yaawo mikasha,
Valemmyi-fushu isarya lyafo.
28Marina awo afuutwa-deny efo kyitabuny kya muu;
Marina awo alalollywa-deny efo kyitabuny kya vasumanu-fo.
29Lyo yeny mmbo shilwee na isiiywa mfinya,
Woi Iruva shisaleesa kwashikira.
30Mmbo shirumishaa irina lya Iruva shimwiimbyaa,
Mmbo shirumisha neemwaarafumaa.
31Nndumi Iruva mmbo asennyo mmwasi,
Ngota kiraso kya ng'umbe, ao ngoleta ya marende.
32Vafwafwa vakalollya indo mmbo vafura mmwasi,
Valya veindya Iruva mmbo vashiishwa nsupa.
33Mashika Nndumi Iruva, mmbo aarannya vaturi;
Nta nnyarekywa valya vakwe vakee kyifingyony-fo.
34Yewe ngina na ulana rumisha Iruva,
Yeeve na fyoose fitiri muu firumishe Iruva.
35Mashika Iruva mmbo ashekiraa muri wa Sioni
Neetana-se miri ya Yuda;
Mfo kundo vandu vakwe vashekaa ive yaawo.
36Mmbo kushevaa ding'u ya vana va varundi vakwe,
Na valya vankunndye mfo kushevaa kundo kwawo kwekaa.
Currently Selected:
SABURI 69: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
SABURI 69
69
Kiiyo kya weekyi
1Woi Iruva, shakutereva kushitarame,
Mura wamfika singony.
2Shikeerekya ibwashiny yiingyi;
Shilatiri ando kweevika urende.
Shanrekya ndilyiny ya mura,
Shikeyeetwa mmatundulu.
3Shansiiywa mfinya shikapaa kiiyo;
Na uroo lwakwa lwammuma
miso akwa ansingira.
Shikwereryaa yewe Iruva wakwa.
4Vandu vashisuuye mmbo veengyi
vakailannya fii ta nrwe wakwa.
Neewo mmbo vashisuuye kuleefo kyimaruma,
Yewo vakunndye ishiwaa mmbo vatiri finya vakailannya,
Yewo vakeshifinngya findo fya wongo a mmbo shiviira kindo kilakee kyiive.
5Woi Iruva yewe mmbo kushiishi na nshushwa;
mmbo kwiishi makasha akwa moose.
6Valya vakuvikye nsia valasheesuka kyimaruma kyakwa,
Ee, Nndumi, Nndumi Iruva wa matorito;
Valya vakeekuruuya valashesuka kyimaruma kyeendwa nnyeny,
Woi Iruva wa Israeli.
7Mmbo vakeeshiipala kyeendwa ni yewe;
Shisikya kyisangu kyakwa kyimaruma kya usutu.
8Shava sha mwiny nnang'ani ya vana va-ma;
Shavaka mwiny kwa vandu va mmba yakwa.
9Ikunda lyakwa kwa mmba yafo mmbo lyanshirovya,
Fyaararo fyafo fyoose ni yeny fikeeshiwuuya.
10Llya shilekunyiisa shakootoya,
Vandu mmbo valeshikaba mungo.
11Kyeeri shileraa soori ta makunnya shikee kyiiyony,
Kwawo mmbo shileva seko.
12Shakapwa mang'ang'a ni vandu efo shia ta mbasero,
Na vanangwa vakeemba fiimbo fyeeshiipala.
13Indi, kyakwa yeny mmbo shakutereva woi Nndumi Iruva;
Kushirouwe kiterewo kyakwa kyeeri ekyo kukunndye,
Kwa isarya lyafo kushirouwe,
Yewe kukee mwiikyira wa dede.
14Yewe kukee wa usumanu mmbwe kushikiraa;
Shilashemirwa ni ibwashi!
Yewe mmbwe kushuuta efo maakony a vakiduva,
Neefony ndilyiny ya mura.
15Shiringa shileetwa ni iruva lya mura,
Ao shimirwa ni ndilyi ya mura,
Na kirori kilasheshimira.
16Shirouwa woi Nndumi Iruva,
kyimaruma kya ikunda lyafo lying'ani,
kushilole kwa isarya lyafo lyiingyi.
17Kulakusurumi ishinga lyafo shirouwa swany;
Naambo kukooye ishikira, mashika mmbo shikeesisywa!
18Osho kufi na yeny naambo kukooye ishikira;
Kushuute vakiduva vakwa eva vakee veengyi.
19Yewe mmbo kwiishi ngata shikeeyaararwa
Kwamanya findo fikasha na usutu shikeekwanannya nalo,
Kwamanya naakwa mmbakiduva vakwa woose.
20Fyaararo mmbo fyanshifisha nrima wakwa,
Kutani shoota-pa.
Sharumya mwiishifyeerisa shantura,
Naakwa mmbweshiviirya muu shantura.
21Ando eeshiniinga shoonga;
Vakashiniinga kireeyo,
Ando eeshiniinga mura wa kyaakuka vakashiniinga siki.
22Ifura lyawo lyive nreiyo efo ifureny lyawo,
Na sukukuu tawo ta firaso tive ta kiiyo.
23Miso awo nafwe valaidimi ilollya kindo,
Na kyeeri kyeekuumbya amwi kuvanyanyatye kwaasha.
24Vapusuye nyashi yafo,
Vakwaanannye na ngapo yafo.
25Mmba tawo tirewa marama
Tilatiri nndu moose asammya-fo.
26Mashika mmbo vakeesisya valya vakee vakape;
Vakavaengerya mavavywo valya valemmbaviswa.
27Vakapwa kikwaani na mitannyi yaawo mikasha,
Valemmyi-fushu isarya lyafo.
28Marina awo afuutwa-deny efo kyitabuny kya muu;
Marina awo alalollywa-deny efo kyitabuny kya vasumanu-fo.
29Lyo yeny mmbo shilwee na isiiywa mfinya,
Woi Iruva shisaleesa kwashikira.
30Mmbo shirumishaa irina lya Iruva shimwiimbyaa,
Mmbo shirumisha neemwaarafumaa.
31Nndumi Iruva mmbo asennyo mmwasi,
Ngota kiraso kya ng'umbe, ao ngoleta ya marende.
32Vafwafwa vakalollya indo mmbo vafura mmwasi,
Valya veindya Iruva mmbo vashiishwa nsupa.
33Mashika Nndumi Iruva, mmbo aarannya vaturi;
Nta nnyarekywa valya vakwe vakee kyifingyony-fo.
34Yewe ngina na ulana rumisha Iruva,
Yeeve na fyoose fitiri muu firumishe Iruva.
35Mashika Iruva mmbo ashekiraa muri wa Sioni
Neetana-se miri ya Yuda;
Mfo kundo vandu vakwe vashekaa ive yaawo.
36Mmbo kushevaa ding'u ya vana va varundi vakwe,
Na valya vankunndye mfo kushevaa kundo kwawo kwekaa.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.