SABURI 55
55
Kiterewo kya nndu akeeyaafinywa
1Arannya kiterewo kyakwa, woi Iruva,
Kulashisurumi kisangu kyafo!
2Shaarannya, kushirouwe,
Isaukwa lyakwa lyanshirovya.
3Kyoorongye kya vakiduva vakwa, kyanshirovya,
Vakashisaveesa, neeshenngye maariso;
Kyimaruma kya nyashi neeshisua.
4Nrima wakwa wammereya.
Na fyeereso fya ufu fikashilamya.
5Sharovywa mmbweeresi na kitaku.
Shaereya nnu, na ifulukywa-deny.
6Shawuya shaamba; A nkyeema sheetiri maaru sha mbeta,
Shirumbuke sheende ando kwaasha kutiri kyiimuyo!
7Yee mmbo shesheenda kundo kwaasha
Shindekaa kasa koomu.
8Mmbo sheruuya na sina
Ando kulatiri uraato, uraato lwa fnya.
9Fuluta makusaro awo, woi Nndumi, na mirerye yaawo kwaifwalangya,
Mashika makusaro awo ni aumbafu, na myaandu nnang'ani a vandu,
10Makusaro awo kio, na nsanyiny,
Mmbo vakeekusara itana makasha
Mikaaye na myeengye yaawo ikaishwa-fo ngusanu.
11Nnang'ani yaawo kukakaa-fo;
Isisya, iwonnya vengyi na ulembi.
12Kyikooye ni nkiduva wakwa akeeshara-ra,
Shesisirya ao nndu kilasha neeny,
Nndu atiri kyiila mmbo shekaa kwaasha nawe.
13Indi ni yewe, nndu wa marika,
Ulya lulyee kimwi, nndu lukwaani-deny.
14Vandu luishivani, na irera kimwi,
Naakwa ni efo mmba ya Iruva lukeenda luryiani kimwi.
15Shatereva, ufu luvawoye;
Varekye sumbai kwa varumu veifo na muu,
Mmbashishwa eto avatiri mmbwe ashemoolotaa kifuny.
16Indi mmbo shivaanga Nndumi Iruva,
Nawe mmbwe ashevaa mwiikira wakwa.
17Ngama, nsanyiny, na nkwaany na mmbo shikulaiya, na ifuuya Nndumi
Na mmbwe asheeta unyanga lwakwa.
18Mmbwe asheshikiraa nrima wakwa,
Kuuka efo fireny eyo shikeekapana,
Mashika yewo vakeeshilaaya vammingifwa.
19Iruva ashiitaa kyiiyo kyakwa,
Nawe ashitarami, yeto ashevafweerisa vamalallye,
Nnyeli valakunndye yaalashika nta yeereya Iruva.
20Vana-va-ma, va mbee mmbo valesakya na mbuya vakwe;
Vakaimbwa kyaasa kyakwe.
21Marero akwe akamamya akailannya mafura a-ivee,
Indi yefo nriminy wakwe ni ngapanu yiishwe-fo;
Mbony ekeyaamba ikawovya sha mafura
Indi mmbo ivavisaa ikailanya usu!
22Mario moose reeya Nndumi Iruva wafo
Nawe ashekukaarisaa,
nta nawe, nnyashereyaa nsumanu wakwe avingwa-fo.
23Indi yewe Nndumi Iruva wakwa, mmbo kushevakunnya irininy sumbai kwaasha-deny
Veewoo na valembi.
Ewo mmbashefikyaa kyenga kya muu wawo-fo,
Indi yeny, ni yewe shikuvikye nsia.
Currently Selected:
SABURI 55: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
SABURI 55
55
Kiterewo kya nndu akeeyaafinywa
1Arannya kiterewo kyakwa, woi Iruva,
Kulashisurumi kisangu kyafo!
2Shaarannya, kushirouwe,
Isaukwa lyakwa lyanshirovya.
3Kyoorongye kya vakiduva vakwa, kyanshirovya,
Vakashisaveesa, neeshenngye maariso;
Kyimaruma kya nyashi neeshisua.
4Nrima wakwa wammereya.
Na fyeereso fya ufu fikashilamya.
5Sharovywa mmbweeresi na kitaku.
Shaereya nnu, na ifulukywa-deny.
6Shawuya shaamba; A nkyeema sheetiri maaru sha mbeta,
Shirumbuke sheende ando kwaasha kutiri kyiimuyo!
7Yee mmbo shesheenda kundo kwaasha
Shindekaa kasa koomu.
8Mmbo sheruuya na sina
Ando kulatiri uraato, uraato lwa fnya.
9Fuluta makusaro awo, woi Nndumi, na mirerye yaawo kwaifwalangya,
Mashika makusaro awo ni aumbafu, na myaandu nnang'ani a vandu,
10Makusaro awo kio, na nsanyiny,
Mmbo vakeekusara itana makasha
Mikaaye na myeengye yaawo ikaishwa-fo ngusanu.
11Nnang'ani yaawo kukakaa-fo;
Isisya, iwonnya vengyi na ulembi.
12Kyikooye ni nkiduva wakwa akeeshara-ra,
Shesisirya ao nndu kilasha neeny,
Nndu atiri kyiila mmbo shekaa kwaasha nawe.
13Indi ni yewe, nndu wa marika,
Ulya lulyee kimwi, nndu lukwaani-deny.
14Vandu luishivani, na irera kimwi,
Naakwa ni efo mmba ya Iruva lukeenda luryiani kimwi.
15Shatereva, ufu luvawoye;
Varekye sumbai kwa varumu veifo na muu,
Mmbashishwa eto avatiri mmbwe ashemoolotaa kifuny.
16Indi mmbo shivaanga Nndumi Iruva,
Nawe mmbwe ashevaa mwiikira wakwa.
17Ngama, nsanyiny, na nkwaany na mmbo shikulaiya, na ifuuya Nndumi
Na mmbwe asheeta unyanga lwakwa.
18Mmbwe asheshikiraa nrima wakwa,
Kuuka efo fireny eyo shikeekapana,
Mashika yewo vakeeshilaaya vammingifwa.
19Iruva ashiitaa kyiiyo kyakwa,
Nawe ashitarami, yeto ashevafweerisa vamalallye,
Nnyeli valakunndye yaalashika nta yeereya Iruva.
20Vana-va-ma, va mbee mmbo valesakya na mbuya vakwe;
Vakaimbwa kyaasa kyakwe.
21Marero akwe akamamya akailannya mafura a-ivee,
Indi yefo nriminy wakwe ni ngapanu yiishwe-fo;
Mbony ekeyaamba ikawovya sha mafura
Indi mmbo ivavisaa ikailanya usu!
22Mario moose reeya Nndumi Iruva wafo
Nawe ashekukaarisaa,
nta nawe, nnyashereyaa nsumanu wakwe avingwa-fo.
23Indi yewe Nndumi Iruva wakwa, mmbo kushevakunnya irininy sumbai kwaasha-deny
Veewoo na valembi.
Ewo mmbashefikyaa kyenga kya muu wawo-fo,
Indi yeny, ni yewe shikuvikye nsia.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.