SABURI 50
50
Mwiindye wa Toki
1Nndumi Iruva, Iruva muni finya, arera kavaanga ulana loose;
Kupookya taari ya ngama kafurumya na taari ya nkwaany!
2Uka Sioni, nsha nnu muri,
Iruva mmbo eefo amikaa.
3Iruva weeru asheshaa nta nshi kwakirika-fo.
Mbee yakwe muro ushemamitaa,
Na uraato uniini nnu lusheiraa lushenringityaa taari toose.
4Ashevaanga ngina efo uuwe amwi na ulana valollye,
Erumbuyaa vandu vakwe myaandu yaawo:
5Eshambaa, “Umbyeny vandu vakwa,
Valya valellya mma na yeny.”
6Na ngina tishekureekya udede lwakwe,
Mashika Iruva mmbwe mwileta mwaandu.
7“Iteny eni vandu vakwa na yeny shireraa,
Yeny shikukureekya Israeli;
Yeny mmbwe Iruva shikee Iruva, Iruva wafo!
8Shikusakira kimaruma kya ulyamari lwafo-fo
Firaso fyafo mmbo fikee mbee yakwa fyeeri fyoose.
9Nshiwarya ng'umbe yuuka mmba kwafo-fo,
Nta ndafu yuuka usirony lwafo-fo.
10Mashika mafisi a ngoroshyony moose ni akwa,
Na ng'umbe shoose uwe ya mafumbu kyiku.
11Ndeye ta nginii-u shoose shitiishi
Na mafisi moose a mareminy ni akwa.
12Kwakooya shetirwa nshaa, nshekuviaa-fo,
Mashika ulana na fyoose fiifo ni fyakwa.
13Ndesa shalya nyama ya ngoleta,
Ao shana samu ya ndafu?
14Niinga Iruva kiraso kya imwarafuma,
Niingya kweendya kyaasa kilya kulevika.
15Shivaanga kyeeri kya ukyiva,
Shikukiraa, na yewe kushirumishaa.”
16Indi nndu alakee wa usumanu, Iruva ambyaa:
“Mmbo kutiri usumanu-kyi lwerera usuri lwakwa,
Ao lwekummbwa mma yakwa kaniny kyafo.
17Mashika yewe kusuuye wikimbi,
Na marero akwa kweera na numa.
18Kwalollya inyinyi kwatira mbuya nalyo,
Kwalya na veetusa.
19Kana kyafo kakarera makasha,
Na ulumi lwafo lukalasya fya ntambo.
20Kwakaa rembo kwiireraa mwanamau,
Na infingya findo fya wongo.
21Ni indo kuletana na yeny shamalallya,
Kwakusara yeny mmbo shikee sha yewe,
Indi ulaalu shikuikimbaa,
Shikoore na yewe kulollya paa.
22Manyiny ndesa shamuvia eni mulakumbuye Iruva,
Shilashemurandwa-randwa
Mulalollya nndu wa imukira.
23Yeto ashaana na kyaanu kyakwe we mmbwe ashiindya,
Nndu moose asalala efo usumanuny lwakwa yeto mmbwe shishenkiraa.”
Currently Selected:
SABURI 50: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
SABURI 50
50
Mwiindye wa Toki
1Nndumi Iruva, Iruva muni finya, arera kavaanga ulana loose;
Kupookya taari ya ngama kafurumya na taari ya nkwaany!
2Uka Sioni, nsha nnu muri,
Iruva mmbo eefo amikaa.
3Iruva weeru asheshaa nta nshi kwakirika-fo.
Mbee yakwe muro ushemamitaa,
Na uraato uniini nnu lusheiraa lushenringityaa taari toose.
4Ashevaanga ngina efo uuwe amwi na ulana valollye,
Erumbuyaa vandu vakwe myaandu yaawo:
5Eshambaa, “Umbyeny vandu vakwa,
Valya valellya mma na yeny.”
6Na ngina tishekureekya udede lwakwe,
Mashika Iruva mmbwe mwileta mwaandu.
7“Iteny eni vandu vakwa na yeny shireraa,
Yeny shikukureekya Israeli;
Yeny mmbwe Iruva shikee Iruva, Iruva wafo!
8Shikusakira kimaruma kya ulyamari lwafo-fo
Firaso fyafo mmbo fikee mbee yakwa fyeeri fyoose.
9Nshiwarya ng'umbe yuuka mmba kwafo-fo,
Nta ndafu yuuka usirony lwafo-fo.
10Mashika mafisi a ngoroshyony moose ni akwa,
Na ng'umbe shoose uwe ya mafumbu kyiku.
11Ndeye ta nginii-u shoose shitiishi
Na mafisi moose a mareminy ni akwa.
12Kwakooya shetirwa nshaa, nshekuviaa-fo,
Mashika ulana na fyoose fiifo ni fyakwa.
13Ndesa shalya nyama ya ngoleta,
Ao shana samu ya ndafu?
14Niinga Iruva kiraso kya imwarafuma,
Niingya kweendya kyaasa kilya kulevika.
15Shivaanga kyeeri kya ukyiva,
Shikukiraa, na yewe kushirumishaa.”
16Indi nndu alakee wa usumanu, Iruva ambyaa:
“Mmbo kutiri usumanu-kyi lwerera usuri lwakwa,
Ao lwekummbwa mma yakwa kaniny kyafo.
17Mashika yewe kusuuye wikimbi,
Na marero akwa kweera na numa.
18Kwalollya inyinyi kwatira mbuya nalyo,
Kwalya na veetusa.
19Kana kyafo kakarera makasha,
Na ulumi lwafo lukalasya fya ntambo.
20Kwakaa rembo kwiireraa mwanamau,
Na infingya findo fya wongo.
21Ni indo kuletana na yeny shamalallya,
Kwakusara yeny mmbo shikee sha yewe,
Indi ulaalu shikuikimbaa,
Shikoore na yewe kulollya paa.
22Manyiny ndesa shamuvia eni mulakumbuye Iruva,
Shilashemurandwa-randwa
Mulalollya nndu wa imukira.
23Yeto ashaana na kyaanu kyakwe we mmbwe ashiindya,
Nndu moose asalala efo usumanuny lwakwa yeto mmbwe shishenkiraa.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.