SABURI 44
44
Itereva Uringyi kwa Iruva
(Vana va Kora)
1Ee Iruva, lwammiita na maarwi eru,
Vamiku veru veluvia
Mitannye kuletana fyeeri fyawo,
Mikonu miingyi ilemmira:
2Yewe kumuni na woko lwafo
Mmbo kwaanta vandu va masanga;
Ando kwawo kwavika-fo vandu vafo kwakapa vandu va masanga engyi,
Na vandu vafo kwavaidimisya.
3Vandu vafo nshiwo valevinga-fo;
Nta nshi finya tawo veni tilevaidimisya-fo.
Indi ni yewe kulevakira na woko lwafo;
Kwa vaidimisya kimmba elyi kuvakunndye.
4Ewe mmbwe mangyi na Iruva wakwa.
Kuleidimisya vandu vafo vakavinga.
5Kwa finya yafo luvavingaa,
Kwa irina lyafo luvavavaraa.
6Mashika ura lwakwa nshiluvikye nsia-fo
Nta upanga lwakwa llushikiraa-fo.
7Indi yewe mmbwe kulelukira vetuuro veru;
Na valya valusuuye kwavasuta.
8Lukarumisha Iruva weeru nkonu piti
Na irina lyafo lyisheindyo llung'anu.
9Indi ulaalu kwanlura lukakapwa.
Nta nkukyikee kufii na matorito yeeru-fo.
10Lukakapwa mmbakiduva veru
Vakakurika mifungwa masaa eru.
11Kwalura lukashishwa sha moonri;
Kwalunyanyata nnang'ani a masanga.
12Kwakumba vandu vafo kwa wuuru udu.
Kulawone-fo nta mbusha shidu.
13Efyo kulelutannya fikalollyo mmbandu.
Nawo vakalumina na iluseka.
14Lukateendwa ni masanga kyeendwa ni yewe;
Vakarunguta mirwe yaawo vakalwiila.
15Shasuka nkonu piti;
Na ilollya usutu mbee ya vandu.
16Kwa firumu na kiila.
Kya vakiduva ewo vashisuuye.
17Efi fyoose fileutika kweru.
Lyo nta nlulekurekyo-fo,
Nta ifisha mma yeeru nay ewe-fo.
18Nlulekura nta yaalashika-fo.
Nta nlulekumina ao ikura-fo.
19Naakwa ni elyi kulelura nnang'ani a mafisi.
Kwalura efo ireeminy lya makimima.
20Kukooye lulenra ikwiinndya yewe Iruva weeru
Lukaindya maruva engyi a wongo,
21Ni kya dede nkuti kwemanyaa,
Mashika makusaro moose a kirika mmbo kuaishi.
22Kimaruma kyafo yewe mmbo lukewaawa;
Lukatannyo sha moonri akeendeshishwa.
23Kwiipo Nndumi Iruva nkikyi elyi kwalala?
Salala kulashelura deny-fo.
24Nkikyi elyi kwalusuruma usangu lwafo?
Kwarekyo mavavyo na makiva eru?
25Mmbo lukevakape kikailannya,
Lukawa-si lulashiidima isalala.
26Kwipoo kwalweekya!
Kimaruma kya elyi kulukunndye.
Currently Selected:
SABURI 44: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
SABURI 44
44
Itereva Uringyi kwa Iruva
(Vana va Kora)
1Ee Iruva, lwammiita na maarwi eru,
Vamiku veru veluvia
Mitannye kuletana fyeeri fyawo,
Mikonu miingyi ilemmira:
2Yewe kumuni na woko lwafo
Mmbo kwaanta vandu va masanga;
Ando kwawo kwavika-fo vandu vafo kwakapa vandu va masanga engyi,
Na vandu vafo kwavaidimisya.
3Vandu vafo nshiwo valevinga-fo;
Nta nshi finya tawo veni tilevaidimisya-fo.
Indi ni yewe kulevakira na woko lwafo;
Kwa vaidimisya kimmba elyi kuvakunndye.
4Ewe mmbwe mangyi na Iruva wakwa.
Kuleidimisya vandu vafo vakavinga.
5Kwa finya yafo luvavingaa,
Kwa irina lyafo luvavavaraa.
6Mashika ura lwakwa nshiluvikye nsia-fo
Nta upanga lwakwa llushikiraa-fo.
7Indi yewe mmbwe kulelukira vetuuro veru;
Na valya valusuuye kwavasuta.
8Lukarumisha Iruva weeru nkonu piti
Na irina lyafo lyisheindyo llung'anu.
9Indi ulaalu kwanlura lukakapwa.
Nta nkukyikee kufii na matorito yeeru-fo.
10Lukakapwa mmbakiduva veru
Vakakurika mifungwa masaa eru.
11Kwalura lukashishwa sha moonri;
Kwalunyanyata nnang'ani a masanga.
12Kwakumba vandu vafo kwa wuuru udu.
Kulawone-fo nta mbusha shidu.
13Efyo kulelutannya fikalollyo mmbandu.
Nawo vakalumina na iluseka.
14Lukateendwa ni masanga kyeendwa ni yewe;
Vakarunguta mirwe yaawo vakalwiila.
15Shasuka nkonu piti;
Na ilollya usutu mbee ya vandu.
16Kwa firumu na kiila.
Kya vakiduva ewo vashisuuye.
17Efi fyoose fileutika kweru.
Lyo nta nlulekurekyo-fo,
Nta ifisha mma yeeru nay ewe-fo.
18Nlulekura nta yaalashika-fo.
Nta nlulekumina ao ikura-fo.
19Naakwa ni elyi kulelura nnang'ani a mafisi.
Kwalura efo ireeminy lya makimima.
20Kukooye lulenra ikwiinndya yewe Iruva weeru
Lukaindya maruva engyi a wongo,
21Ni kya dede nkuti kwemanyaa,
Mashika makusaro moose a kirika mmbo kuaishi.
22Kimaruma kyafo yewe mmbo lukewaawa;
Lukatannyo sha moonri akeendeshishwa.
23Kwiipo Nndumi Iruva nkikyi elyi kwalala?
Salala kulashelura deny-fo.
24Nkikyi elyi kwalusuruma usangu lwafo?
Kwarekyo mavavyo na makiva eru?
25Mmbo lukevakape kikailannya,
Lukawa-si lulashiidima isalala.
26Kwipoo kwalweekya!
Kimaruma kya elyi kulukunndye.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.