SABURI 35
35
Kiterewo Kya Weekyi
1Woi Nndumi Iruva ima ewo vakeshirishya.
Kapana na ewo veefo vashikapaa.
2Kwiipoo ngao yafo na ifumu.
Naambo kusheshitarama.
3Ipoo ifumu na usu lwafo
Kunde kwanannya na ewo vakeshilatya.
Kushivie sheelyi, “Kusheshikiraa.”
4Valollye usutu na isuka ewo vekeleveya muu wakwa;
Vaviirwa numa vesukaa ewo vekeshifingya fya wongo.
5Vave sha muulu ukevivitwa ni uraato
Elyi vefo varishiswa ni vasu va Nndumi Iruva.
6Shia yaawo itire ireema na kitirika,
Elyi verishiswaa ni vasu va Nndumi Iruva.
7Mashika valeshireiya misoori kuleifo kimaruma,
Vakashiremmya kirori kuleefo kiteve.
8Vawoywa tiny ni urumato!
Nreiyo wawo uvatire wo veni!
Vafukukye efo kiroriny kyawo veni.
9Nalyo yeny shifuraa kimaruma kya Nndumi Iruva;
Shinrumishe, mashika mmbwe ashikira.
10Na nrima wakwa moose mmbo shivia Nndumi Iruva,
“Ewe Nndumi Iruva, nkwiifo ungyi sha yewe-fo
Yewe mmbo kwakira va fwafwa wooka efo ngyaleny ta ewo vatiri finya
Vaturi naakwa ni ngwera tuuka efo kwa vasokyi.”
11Vandu vakasha mmbo vashifingya wongo.
Vakasheekyerya mbony shilatiishi.
12Vakashitaa makasha kwa mitannyi misha,
Vakashira shiike ukiveny.
13Indi kyeeri valetirwa nndwari,
Yeny shileraa makunnya shasokywa mfoova.
Shakulyisa ukiva na ikwiima shoonga,
Shainyika nrwe shivaterevyaa,
14Sha nndu akeiiya mbuya ao mwanamaye,
Sharua-rua efo na efo shisokywa mfoova sha nndu afiyyo mmaye.
15Indi kyeeri shekee ngatareny,
Wo mmbo valekuumbya andu amwi vesekaa na ishimina.
Vandu shilaveeshi vakashikapa,
Vakashikapa kulaifo kiimuyo.
16Vakavaka nndu amina kitongororo,
Vakashilola na irafunnya mayoo.
17A Nndumi Iruva, mmbo kushisalallya kufike-kwi?
Shuuta ngapo eto.
Kukyire muu wakwa kushuute miiso eto!
18Llyo nshekwaana efo ikwaanuny lya vandu vafo.
Nshekurumishaa, nnang'ani yaawo woose.
19Kulalekeye vakiduva ewo vakasha, vashiteende
Ewo vashisuuye kuleefo kiteve.
Vafure kimaruma kya mavavyo akwa.
20Mirerye yaawo nnya kififi;
Na yaamba fya ureere nnang'ani ya vandu.
21Vakeshikapya kyoorongye,
Na ishiriingya fya wongo.
22Indi yewe Nndumi Iruva, kuvelollye kindo ekyo.
Kulamalallye woi Nndumi Iruva,
Kulashekaa kwaasha na yeny.
23Shikapannya woi Nndumi!
Kwipoo woi Iruva wakwa kulle ukiva lwakwa.
24Woi Nndumi Iruva, Iruva wakwa,
Yewe ni wa usumanu,
Nta kulalekeye vakiduva vakwa vashiteende.
25Kulavalekeye vaambe, “Lwammwidima!
Lukamwiidima ndesa lweekundye!”
26Vare yewo vefuryaa makiva akwa
Woose valemwa na ilollya usutu.
Yewo woose vakulollye mbasumanu ngota yeny
Valollye usutu na isuka.
27Indi yewo vakefura kyakwa yeny,
Wo vafure nnu vaambe, “Lyingyi na lyingyi mmbi sha Nndumi Iruva
We kasennywa kya mirunndye ya ishinga lyakwe.”
28Na yeny llyo nshambaa usha lwafo,
Shiishambaa mesha afo nkonu piti.
Currently Selected:
SABURI 35: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
SABURI 35
35
Kiterewo Kya Weekyi
1Woi Nndumi Iruva ima ewo vakeshirishya.
Kapana na ewo veefo vashikapaa.
2Kwiipoo ngao yafo na ifumu.
Naambo kusheshitarama.
3Ipoo ifumu na usu lwafo
Kunde kwanannya na ewo vakeshilatya.
Kushivie sheelyi, “Kusheshikiraa.”
4Valollye usutu na isuka ewo vekeleveya muu wakwa;
Vaviirwa numa vesukaa ewo vekeshifingya fya wongo.
5Vave sha muulu ukevivitwa ni uraato
Elyi vefo varishiswa ni vasu va Nndumi Iruva.
6Shia yaawo itire ireema na kitirika,
Elyi verishiswaa ni vasu va Nndumi Iruva.
7Mashika valeshireiya misoori kuleifo kimaruma,
Vakashiremmya kirori kuleefo kiteve.
8Vawoywa tiny ni urumato!
Nreiyo wawo uvatire wo veni!
Vafukukye efo kiroriny kyawo veni.
9Nalyo yeny shifuraa kimaruma kya Nndumi Iruva;
Shinrumishe, mashika mmbwe ashikira.
10Na nrima wakwa moose mmbo shivia Nndumi Iruva,
“Ewe Nndumi Iruva, nkwiifo ungyi sha yewe-fo
Yewe mmbo kwakira va fwafwa wooka efo ngyaleny ta ewo vatiri finya
Vaturi naakwa ni ngwera tuuka efo kwa vasokyi.”
11Vandu vakasha mmbo vashifingya wongo.
Vakasheekyerya mbony shilatiishi.
12Vakashitaa makasha kwa mitannyi misha,
Vakashira shiike ukiveny.
13Indi kyeeri valetirwa nndwari,
Yeny shileraa makunnya shasokywa mfoova.
Shakulyisa ukiva na ikwiima shoonga,
Shainyika nrwe shivaterevyaa,
14Sha nndu akeiiya mbuya ao mwanamaye,
Sharua-rua efo na efo shisokywa mfoova sha nndu afiyyo mmaye.
15Indi kyeeri shekee ngatareny,
Wo mmbo valekuumbya andu amwi vesekaa na ishimina.
Vandu shilaveeshi vakashikapa,
Vakashikapa kulaifo kiimuyo.
16Vakavaka nndu amina kitongororo,
Vakashilola na irafunnya mayoo.
17A Nndumi Iruva, mmbo kushisalallya kufike-kwi?
Shuuta ngapo eto.
Kukyire muu wakwa kushuute miiso eto!
18Llyo nshekwaana efo ikwaanuny lya vandu vafo.
Nshekurumishaa, nnang'ani yaawo woose.
19Kulalekeye vakiduva ewo vakasha, vashiteende
Ewo vashisuuye kuleefo kiteve.
Vafure kimaruma kya mavavyo akwa.
20Mirerye yaawo nnya kififi;
Na yaamba fya ureere nnang'ani ya vandu.
21Vakeshikapya kyoorongye,
Na ishiriingya fya wongo.
22Indi yewe Nndumi Iruva, kuvelollye kindo ekyo.
Kulamalallye woi Nndumi Iruva,
Kulashekaa kwaasha na yeny.
23Shikapannya woi Nndumi!
Kwipoo woi Iruva wakwa kulle ukiva lwakwa.
24Woi Nndumi Iruva, Iruva wakwa,
Yewe ni wa usumanu,
Nta kulalekeye vakiduva vakwa vashiteende.
25Kulavalekeye vaambe, “Lwammwidima!
Lukamwiidima ndesa lweekundye!”
26Vare yewo vefuryaa makiva akwa
Woose valemwa na ilollya usutu.
Yewo woose vakulollye mbasumanu ngota yeny
Valollye usutu na isuka.
27Indi yewo vakefura kyakwa yeny,
Wo vafure nnu vaambe, “Lyingyi na lyingyi mmbi sha Nndumi Iruva
We kasennywa kya mirunndye ya ishinga lyakwe.”
28Na yeny llyo nshambaa usha lwafo,
Shiishambaa mesha afo nkonu piti.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.