SABURI 147
147
Irumisha Iruva muni matorito
1Haleluya!
Ng'aniseny Nndumi Iruva,
Mashika mmbo kisenyi yiimbya Iruva weeru!
Mashika mmbo kisenyi, inganisa nkisha nnu!
2Nndumi Iruva mmbwe atiryeu Yerusalemu
Koombya vana va Israeli yewo vanyanyakye,
3Kashiisa yewo vakunyiisye nriminy,
Kashiisa fishavere fyawo.
4We mmbo aishi yeekyena lya nyinyiri toose
kavetiniinga marina
5Nndumi Iruva ni nniini, mmuni finya toose!
Nta urango lwakwe llutiri nnyanu-fo!
6Yewo vakee vafoo Nndumi Iruva mmbo avasaleesa,
Neewo va kiila kavatuula si.
7Imbyeny Iruva fiimbo fyeemwaana;
Imbyeny Iruva weeru na kinanda kya ura.
8Mashika mmbo asikya ngina na mafishi,
Keengye uruka mmbwa, kavemiisa mooro efo mafumbuu,
9Ekyo kitiri muu kakiwonisya shoonga ya vayo,
Naako ni makukuru.
10Nnyasenywa mfinya ta frasi-fo;
Nta finya ta vasikari va marende-fo;
11indi Nndumi Iruva mmbo asennyo ni yewo veemwiindya,
Vakavereya isarya lyakwe.
12Rumisha Nndumi Iruva, Ewe Yerusalemu!
Neewe Sayuni, Rumisha Iruva wafo!
13Mmbo avangisa myaango yafo
Kavikya vana vafo mbora.
14Mbweeto eende ufoo urukeny lwafo
Kakuwuutisa na mbora ya nganu.
15Mmbo avika ivavaso lyakwe urukeny
Na irero lyakwe lyikakwaana!
16Mmbwe yeto eende laura ya kyaamwi;
Na laura ya kyamwi kaipuswa sha ifu.
17Na mmbwa yakwe kaipuswa.
Na mbyoo yakwe mmbovi aisisiryaa?
18Irero lyakwe mmbo alyiruma fyoose fikeeka.
Keenede uraato lwakwe na mira ukeeka.
19Kaongoya Yakobo irero lyakwe
Na Israeli kanniinga mavavaso akwe,
20Nkwiifoo vengi valentannyo findo sha efyo-fo;
Nta vengi mmbalemanya kya mavavasyo akwe-fo. Haleluya!
Currently Selected:
SABURI 147: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
SABURI 147
147
Irumisha Iruva muni matorito
1Haleluya!
Ng'aniseny Nndumi Iruva,
Mashika mmbo kisenyi yiimbya Iruva weeru!
Mashika mmbo kisenyi, inganisa nkisha nnu!
2Nndumi Iruva mmbwe atiryeu Yerusalemu
Koombya vana va Israeli yewo vanyanyakye,
3Kashiisa yewo vakunyiisye nriminy,
Kashiisa fishavere fyawo.
4We mmbo aishi yeekyena lya nyinyiri toose
kavetiniinga marina
5Nndumi Iruva ni nniini, mmuni finya toose!
Nta urango lwakwe llutiri nnyanu-fo!
6Yewo vakee vafoo Nndumi Iruva mmbo avasaleesa,
Neewo va kiila kavatuula si.
7Imbyeny Iruva fiimbo fyeemwaana;
Imbyeny Iruva weeru na kinanda kya ura.
8Mashika mmbo asikya ngina na mafishi,
Keengye uruka mmbwa, kavemiisa mooro efo mafumbuu,
9Ekyo kitiri muu kakiwonisya shoonga ya vayo,
Naako ni makukuru.
10Nnyasenywa mfinya ta frasi-fo;
Nta finya ta vasikari va marende-fo;
11indi Nndumi Iruva mmbo asennyo ni yewo veemwiindya,
Vakavereya isarya lyakwe.
12Rumisha Nndumi Iruva, Ewe Yerusalemu!
Neewe Sayuni, Rumisha Iruva wafo!
13Mmbo avangisa myaango yafo
Kavikya vana vafo mbora.
14Mbweeto eende ufoo urukeny lwafo
Kakuwuutisa na mbora ya nganu.
15Mmbo avika ivavaso lyakwe urukeny
Na irero lyakwe lyikakwaana!
16Mmbwe yeto eende laura ya kyaamwi;
Na laura ya kyamwi kaipuswa sha ifu.
17Na mmbwa yakwe kaipuswa.
Na mbyoo yakwe mmbovi aisisiryaa?
18Irero lyakwe mmbo alyiruma fyoose fikeeka.
Keenede uraato lwakwe na mira ukeeka.
19Kaongoya Yakobo irero lyakwe
Na Israeli kanniinga mavavaso akwe,
20Nkwiifoo vengi valentannyo findo sha efyo-fo;
Nta vengi mmbalemanya kya mavavasyo akwe-fo. Haleluya!
The Holy Bible in Kimashami © Bible Society of Tanzania, 2016.