SABURI 139
139
Shaasa Iruva eshi fyoose kamaa
1Mmbo kwasheesa na ishimanya
Woi Nndumi Iruva
2Kwavemanya kwakooya shikee rembo ao sheenda.
Kwavemanya makusaro akwa kwiikee kwaasha.
3Mmbo kwasalallya ikuboo lyakwa na ilala lyakwa
Kwavemanya na mikaaye yakwa myoose.
4Mashika nkwiifo nta irero lyimwi ulumyi lwakwa
Kulalyiishi-fo Nndumi Iruva.
5Mmbo kushiringitye mbee-na numa.
Kwashivikyau woko lwafo.
6Ekyo kyoose kwashitannya urango lwakwa mmbo lwalemwa imanya,
Mfivaa yeesa-fo, nta nshififikyaa-fo!
7A sheende kwi shire shilekwaanannya neewe!
Sheende kwi shire shilakulollya!
8Kwe sheesamaa iruveeu, Yewe mfo kukai;
Shaamba niisamya si kwa vafu, Yewe mfo kukai.
9Kwe sheekuboo ngama shirumbuke fika mbai deny ya nruva
10Naako ni efo woko lwafo mmbo lweeshikooyaa-fo,
Nalo woko lwafo usha mmbo lushitiraa.
11Naakwa shaamba, Ireema lyisheshisikyaa
Na kukooue sa yeevaa ireema lya kio,
12Ate naako ni ireema llyikusurumaa kindo-fo.
Mashika kwafo yewe kio nkimwi sha nsanyiny.
Ireema na sa kwafo yewe nkimwi nsi.
13Mashika ni yewe kuleshuumba kwashaambika malungo moose
Kwashaambika malungo moose nta kulaore shilendeirwa mma
14Mmbo nshekwaanaa elyi shileumbwa indo!
Na shia ya wende yeeresye.
Mashora afo mmaniini, Neeny shamanya na nshushwa.
15Nta maffwa akwa nnyakusurumyi kwafo-fo,
Na kyeeri shekeeyuumbwa yewe mbo kweiishi deny.
16Shilandeuke-fo kindo miso mmbo afo mmbo eeshilollye.
Na kyakwa kikareiyo efo kitamuny kyafo
Nta mikonu ya yiirwa lyakwa ilandeambawa.
17Makusaro afo atiri itumbe kwakwa, woi Iruva wakwa!
Shaasa ang'ani nnu!
18Sheekena makusaro afo mmbo ailanyi nsanga;
Shikwiiboo mmbo shikeekusara kyafo tupu!
19Kwee kweemamita varavi, woi Nndumi Iruva!
Yeni veewaa, ukeny kwakwa!
20Vakiduva vafo mmbo vekusenda ruu vakakulyamarya.
21A Nndumi Iruva kivaa kure kulasua yewo vakusuuye?
22Yeny mmbo shivasuuye nnu deny,
Vakava vakiduva vakwa.
23Woi Iruva mbee, sheesa kumanyi nrima wakwa;
Shisununda kumanyi makusaro akwa.
24Kulole kwakooya kwiifo shia isheendee ikurya nnang'ani yakwa,
Kushiteterye shieny ya llung'anu.
Currently Selected:
SABURI 139: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
SABURI 139
139
Shaasa Iruva eshi fyoose kamaa
1Mmbo kwasheesa na ishimanya
Woi Nndumi Iruva
2Kwavemanya kwakooya shikee rembo ao sheenda.
Kwavemanya makusaro akwa kwiikee kwaasha.
3Mmbo kwasalallya ikuboo lyakwa na ilala lyakwa
Kwavemanya na mikaaye yakwa myoose.
4Mashika nkwiifo nta irero lyimwi ulumyi lwakwa
Kulalyiishi-fo Nndumi Iruva.
5Mmbo kushiringitye mbee-na numa.
Kwashivikyau woko lwafo.
6Ekyo kyoose kwashitannya urango lwakwa mmbo lwalemwa imanya,
Mfivaa yeesa-fo, nta nshififikyaa-fo!
7A sheende kwi shire shilekwaanannya neewe!
Sheende kwi shire shilakulollya!
8Kwe sheesamaa iruveeu, Yewe mfo kukai;
Shaamba niisamya si kwa vafu, Yewe mfo kukai.
9Kwe sheekuboo ngama shirumbuke fika mbai deny ya nruva
10Naako ni efo woko lwafo mmbo lweeshikooyaa-fo,
Nalo woko lwafo usha mmbo lushitiraa.
11Naakwa shaamba, Ireema lyisheshisikyaa
Na kukooue sa yeevaa ireema lya kio,
12Ate naako ni ireema llyikusurumaa kindo-fo.
Mashika kwafo yewe kio nkimwi sha nsanyiny.
Ireema na sa kwafo yewe nkimwi nsi.
13Mashika ni yewe kuleshuumba kwashaambika malungo moose
Kwashaambika malungo moose nta kulaore shilendeirwa mma
14Mmbo nshekwaanaa elyi shileumbwa indo!
Na shia ya wende yeeresye.
Mashora afo mmaniini, Neeny shamanya na nshushwa.
15Nta maffwa akwa nnyakusurumyi kwafo-fo,
Na kyeeri shekeeyuumbwa yewe mbo kweiishi deny.
16Shilandeuke-fo kindo miso mmbo afo mmbo eeshilollye.
Na kyakwa kikareiyo efo kitamuny kyafo
Nta mikonu ya yiirwa lyakwa ilandeambawa.
17Makusaro afo atiri itumbe kwakwa, woi Iruva wakwa!
Shaasa ang'ani nnu!
18Sheekena makusaro afo mmbo ailanyi nsanga;
Shikwiiboo mmbo shikeekusara kyafo tupu!
19Kwee kweemamita varavi, woi Nndumi Iruva!
Yeni veewaa, ukeny kwakwa!
20Vakiduva vafo mmbo vekusenda ruu vakakulyamarya.
21A Nndumi Iruva kivaa kure kulasua yewo vakusuuye?
22Yeny mmbo shivasuuye nnu deny,
Vakava vakiduva vakwa.
23Woi Iruva mbee, sheesa kumanyi nrima wakwa;
Shisununda kumanyi makusaro akwa.
24Kulole kwakooya kwiifo shia isheendee ikurya nnang'ani yakwa,
Kushiteterye shieny ya llung'anu.
The Holy Bible in Kimashami © Bible Society of Tanzania, 2016.