SABURI 102
102
Kiterevo kyeeri kya ngatara
1Woi Nndumi Iruva, arannya kiterewo kyakwa!
Kiiyo kyakwa kyikuseny yewe!
2Kulashisurumi kisangu kyafo nkonu nkee ukyiveny
Shilootya kuri kyafo nkonu nkuvaangaa kushirouwe swany.
3Mashika mikonu yakwa yaira veru
Na mafua akwa akee imamika sha kyimwii kyikee yaaka.
4Ngoo yakwa yankapwa ikava sha mare, ikauma,
Ee-da shikeeirekywa ilya shoonga yakwa.
5Kimaruma kya unyanga lwa idya lyakwa,
Mwiili wakwa wamuuma pony ukasangya amwi.
6Shammba sha ndeye ya kasa nng'alo,
Shavaka sha ifururu lya saminy.
7Mmbo shikee ilala shoovi, lyingyi shavaka ndeye,
Ndeye ikee sheni mmbeeu wa mmba.
8Vakyiduva vakwa vakee ishiinyala nkonu piti.
Mmbashisuuye sheelyi mmbo vatirwa ni usukwa,
Mmbo vadengaa vesenda irina lyakwa.
9Mashika mmboshilellya.
Na isasanda misoru na mura wakwa wa ina
10Kimaruma kya unyafi lwafo na unyaasi lwafo.
Mashika mmbo kwashiipoo na isheera kwaasha.
11Suku takwa tikava sha irya lyaoloka.
Na yeny shanaa sha mare.
12Kya indi Yewe Nndumi Iruva kukee ishillya llung'anu.
Kwakumbuwa ni marika na marika.
13Kwasalala-u kumuni, kwilyillya Sioni
Mashika nkyo kyeeri kya ilyillya
Ee-da fyeeri filederyo fyamfika.
14Varundi vafo valefurya mawe a vayo lla elyi akee mavundwe
Na ilyillya kyilullyi kya vayo.
15Llony vandu va masanga vasheereya irina lya Nndumi Iruva.
Na vamangyi woose va ulaniny vereye nng'anu wafo.
16Nndumi Iruva elyi ava ammaa itana Sioni.
Kyeeri ashelollyo efo nnganuny wakwe.
17Ashearannyaa fiterewo fya nndu nkiva,
Nnyasheinyalaa fiterewo fyawo-fo.
18Irika lyikeesha llyireiya findo efyo,
Na vandu vashewonika numa vashearafumaa Nndumi Iruva.
19Mashika alolaa uka eele akwe kukee uwe
Uka iruveu Nndumi Iruva alelola uruka.
20Naaranyi idya lya nndu akee mfinge,
Narwe vafungwa vakee vareiye iwawa.
21Vandu vavambise irina lya Nndumi Iruva efo Sioni,
Na nnduma wakwe efo Yerusalemu.
22Kyeeri vandu va masanga vashekuumbya ando amwi
Ngyumangyi nato naambo tifurukannyi Nndumi Iruva.
23Nndumi Iruva ammaangura finya takwa shikee nkoo,
Amfiisa suku takwa.
24Mmbo shishaambaa,
“Woi Iruva wakwa kulashoondwe shikee nkoo-fo
Myaaka yafo Nndumi Iruva ni kupookya irika kumande irika!
25Yoo mapookyony mmbo kuleveiya uvasha lwa uruka
Na ngina ni ishora lya maako afo.
26Efi fishelyamarikaa,
indi Yewe kushekaa-u llung'anu;
Ee-da efyi fyishenkwaa sha soori,
Elyi fyivakye soori,
kushefyaalasha nato tishaalashika.
27Kya indi yewe mmbwe ulya wa llung'anu;
Na myaaka yafo nnyimandaa-fo.
28Vana va varundi vafo vakaa kipwa
Na ngyeeri tawo vasheikarwa usanguny lwafo.”
Currently Selected:
SABURI 102: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
SABURI 102
102
Kiterevo kyeeri kya ngatara
1Woi Nndumi Iruva, arannya kiterewo kyakwa!
Kiiyo kyakwa kyikuseny yewe!
2Kulashisurumi kisangu kyafo nkonu nkee ukyiveny
Shilootya kuri kyafo nkonu nkuvaangaa kushirouwe swany.
3Mashika mikonu yakwa yaira veru
Na mafua akwa akee imamika sha kyimwii kyikee yaaka.
4Ngoo yakwa yankapwa ikava sha mare, ikauma,
Ee-da shikeeirekywa ilya shoonga yakwa.
5Kimaruma kya unyanga lwa idya lyakwa,
Mwiili wakwa wamuuma pony ukasangya amwi.
6Shammba sha ndeye ya kasa nng'alo,
Shavaka sha ifururu lya saminy.
7Mmbo shikee ilala shoovi, lyingyi shavaka ndeye,
Ndeye ikee sheni mmbeeu wa mmba.
8Vakyiduva vakwa vakee ishiinyala nkonu piti.
Mmbashisuuye sheelyi mmbo vatirwa ni usukwa,
Mmbo vadengaa vesenda irina lyakwa.
9Mashika mmboshilellya.
Na isasanda misoru na mura wakwa wa ina
10Kimaruma kya unyafi lwafo na unyaasi lwafo.
Mashika mmbo kwashiipoo na isheera kwaasha.
11Suku takwa tikava sha irya lyaoloka.
Na yeny shanaa sha mare.
12Kya indi Yewe Nndumi Iruva kukee ishillya llung'anu.
Kwakumbuwa ni marika na marika.
13Kwasalala-u kumuni, kwilyillya Sioni
Mashika nkyo kyeeri kya ilyillya
Ee-da fyeeri filederyo fyamfika.
14Varundi vafo valefurya mawe a vayo lla elyi akee mavundwe
Na ilyillya kyilullyi kya vayo.
15Llony vandu va masanga vasheereya irina lya Nndumi Iruva.
Na vamangyi woose va ulaniny vereye nng'anu wafo.
16Nndumi Iruva elyi ava ammaa itana Sioni.
Kyeeri ashelollyo efo nnganuny wakwe.
17Ashearannyaa fiterewo fya nndu nkiva,
Nnyasheinyalaa fiterewo fyawo-fo.
18Irika lyikeesha llyireiya findo efyo,
Na vandu vashewonika numa vashearafumaa Nndumi Iruva.
19Mashika alolaa uka eele akwe kukee uwe
Uka iruveu Nndumi Iruva alelola uruka.
20Naaranyi idya lya nndu akee mfinge,
Narwe vafungwa vakee vareiye iwawa.
21Vandu vavambise irina lya Nndumi Iruva efo Sioni,
Na nnduma wakwe efo Yerusalemu.
22Kyeeri vandu va masanga vashekuumbya ando amwi
Ngyumangyi nato naambo tifurukannyi Nndumi Iruva.
23Nndumi Iruva ammaangura finya takwa shikee nkoo,
Amfiisa suku takwa.
24Mmbo shishaambaa,
“Woi Iruva wakwa kulashoondwe shikee nkoo-fo
Myaaka yafo Nndumi Iruva ni kupookya irika kumande irika!
25Yoo mapookyony mmbo kuleveiya uvasha lwa uruka
Na ngina ni ishora lya maako afo.
26Efi fishelyamarikaa,
indi Yewe kushekaa-u llung'anu;
Ee-da efyi fyishenkwaa sha soori,
Elyi fyivakye soori,
kushefyaalasha nato tishaalashika.
27Kya indi yewe mmbwe ulya wa llung'anu;
Na myaaka yafo nnyimandaa-fo.
28Vana va varundi vafo vakaa kipwa
Na ngyeeri tawo vasheikarwa usanguny lwafo.”
The Holy Bible in Kimashami © Bible Society of Tanzania, 2016.