FYAASO 4
4
Mbusha ya urango
1Vanakwa, aranyiny ufundo lwa vande vaany.
Looteny kuri mukooye urango,
2Mashika m mavavaso mesha shikeemuninga.
Mulalemi ufundo lwakwa.
3Neeny da, shekee mwana shetiri nde,
Shekee mfoo nnu shakundwa mma.
4Ndeye akwa kashilosha indi,
“Wara marero akwa na nrima moose
Tira mavavaso akwa neewe kukaa na muu.
5Wonisa urango usha, wonisa imanya.
Kularekyo nta kulainyale marero akwa.
6Kulalekeye urango usha nawe akulelaa.
Nkunde nawe akuringaa.
7Kindo kya mbusha ni iwonisa urango usha!
Ningya fyoose kutiri kuwonise urango.
8Kunda nnu urango usha, nawe ashekurumishaa.
Kwamutira tapu ashekuniingaa nnduma.
9Ashekuvikaa ureto nrweny wafo;
Akuniinge ureto lwa itumbe.”
10Mwanakwa, aranya na itira marero akwa,
Naambo kuvonise mikonu mifumbutu, yekaa na muu.
11Shankulosha shia ya urango usha
Shakuteterya shieny shorotu.
12Kweenda nayo nkukapaa urende
Nta kwarisha nkuwaa-fo.
13Worya ufundo lwa urango usha; kulanlekeye akure,
Lutire tapu, mashika mmbwe muu wafo.
14Kulalatye shia ya uravi
Nta myeengye wa vandu vakasha.
15Ira kwaasha na shia yaawo.
Kwiise nawo ira kwaasha.
16Vandu varavi mmbalalaa kuloore vatana fya uravi-fo,
Mmbalalaa rwe kuloore vatuula nndu-fo.
17Mashika uravi nnyo shoonga yaawo
Uriiti nkyo kyeena kyawo!
18Shia ya vandu vasaari ivakye ngesa ya nraasi,
Shaasa imikyaa ikamika kutani nsanyiny wafika.
19Indi shia ya varavi ni ireema yuu piti
Mmbeeshi kindo kivatevaa vawe-fo.
20Mwanakwa, arannya nnu marero akwa,
Lootya kuri ufundo lwakwa.
21Kulalotore au misony afo-fo
Atire ngoony yafo,
22Mashika mmbo akee muu kwa nndu aatiri,
Ni nri nyaminy takwe.
23Ringa nrima wafo na ngeta,
Mashika mfo soka ta muu tuukaa.
24Isityou ngaa na marero meesi;
Nta kana kafo kalarere marero maravi-fo.
25Lola mbee na ukaari
Nta kulave nndu wa ngula.
26Kusare shia kusoraa;
Na myeenngye yafo usongovaa.
27Kulaende taari ya woko usha nta umuso;
Kwiise na ukasha lwa wo ngata.
Currently Selected:
FYAASO 4: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
FYAASO 4
4
Mbusha ya urango
1Vanakwa, aranyiny ufundo lwa vande vaany.
Looteny kuri mukooye urango,
2Mashika m mavavaso mesha shikeemuninga.
Mulalemi ufundo lwakwa.
3Neeny da, shekee mwana shetiri nde,
Shekee mfoo nnu shakundwa mma.
4Ndeye akwa kashilosha indi,
“Wara marero akwa na nrima moose
Tira mavavaso akwa neewe kukaa na muu.
5Wonisa urango usha, wonisa imanya.
Kularekyo nta kulainyale marero akwa.
6Kulalekeye urango usha nawe akulelaa.
Nkunde nawe akuringaa.
7Kindo kya mbusha ni iwonisa urango usha!
Ningya fyoose kutiri kuwonise urango.
8Kunda nnu urango usha, nawe ashekurumishaa.
Kwamutira tapu ashekuniingaa nnduma.
9Ashekuvikaa ureto nrweny wafo;
Akuniinge ureto lwa itumbe.”
10Mwanakwa, aranya na itira marero akwa,
Naambo kuvonise mikonu mifumbutu, yekaa na muu.
11Shankulosha shia ya urango usha
Shakuteterya shieny shorotu.
12Kweenda nayo nkukapaa urende
Nta kwarisha nkuwaa-fo.
13Worya ufundo lwa urango usha; kulanlekeye akure,
Lutire tapu, mashika mmbwe muu wafo.
14Kulalatye shia ya uravi
Nta myeengye wa vandu vakasha.
15Ira kwaasha na shia yaawo.
Kwiise nawo ira kwaasha.
16Vandu varavi mmbalalaa kuloore vatana fya uravi-fo,
Mmbalalaa rwe kuloore vatuula nndu-fo.
17Mashika uravi nnyo shoonga yaawo
Uriiti nkyo kyeena kyawo!
18Shia ya vandu vasaari ivakye ngesa ya nraasi,
Shaasa imikyaa ikamika kutani nsanyiny wafika.
19Indi shia ya varavi ni ireema yuu piti
Mmbeeshi kindo kivatevaa vawe-fo.
20Mwanakwa, arannya nnu marero akwa,
Lootya kuri ufundo lwakwa.
21Kulalotore au misony afo-fo
Atire ngoony yafo,
22Mashika mmbo akee muu kwa nndu aatiri,
Ni nri nyaminy takwe.
23Ringa nrima wafo na ngeta,
Mashika mfo soka ta muu tuukaa.
24Isityou ngaa na marero meesi;
Nta kana kafo kalarere marero maravi-fo.
25Lola mbee na ukaari
Nta kulave nndu wa ngula.
26Kusare shia kusoraa;
Na myeenngye yafo usongovaa.
27Kulaende taari ya woko usha nta umuso;
Kwiise na ukasha lwa wo ngata.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.