FYAASO 28
28
1Varavi mmbo varishaa kulaore vakeerishwa ni nndu,
Indi vasaari vakee vakaari sha miiso.
2Isanga lya imatuka llivikaa vashilyi veengyi;
Indi kwa nshilyi umwi atiri urango na waarya uruka llutiraa finya.
3Nndu nsuri alamyaa ngwera
Mmbo avakkye mmbwa niini ilyamaraa myooro.
4Vandu veimmbwa mavavaso mmbo vaitikisaa varavi;
Indi veevalya na mavavaso mbavakyanaa nawo-fo.
5Varavi mmbeeshi usumanu nkyoki-fo,
Indi veindya wo weeshi deny.
6Nngwaana ngwera akaa na usumaanu
Ngota isimba likaa na urekwa.
7Mwana atira mavavaso mmbo atiri urango usha;
Indi mbuya ya vaafu mmbo asutaa ndeye.
8Mwiengera masaa akwe na ntambo
Mmbo akesangirya ungyi yeto alillya ngwera
9Mwilema iaranya mavavaso
Yeto naakwa nkiterewo kyakwe nkyisenya Iruva-fo.
10Nndu mwiivika nndu nsaari nrwe natani mbony shikasha,
Mmbo awaa irininy we muni.
Vandu valatiri mbese wo vakee vadesye mesha.
11Nndu isimba mmbo akulollya we muni sheelyi atiri urango usha,
Indi ngwera itiri urango mmbo ishemfunaa.
12Vandu vasaari vakavona ushilyi uruka mmbo luvee lwa mbora,
Indi varavi vakanshilya vandu mmbo vakusurumaa.
13Mwisuruma ulyamari lwakwe nnyawonisaa mbora-fo,
Indi mwipara ulyamari kakurya na irumbuya mmbo ashesaryoo.
14Ngoma nndu mwiinndya Nndumi Iruva mikonu simu,
Indi nndu wa nrima muumu mmbo ashewaa rengeny.
15Nshilyi nravi ashilyaa ngwera,
Nkyimwi sha miiso idinaa ao nyamandu iratuaratuaa.
16Nshilyi nalakee na urango mmbo akee mweesi na nriiti,
Indi mwisua masaa a ulembi asheshilyaa kyeeri kyaasha,
17nndu akee nrovye ni ulyamari lwa iwaa nndu
Mmbo ashevaa mwiraraa kutani afika kifuny.
Kulave nndu akundaa insiika!
18Mwikaa na usumanu ashekirwaa,
Indi nlembi ashewaa deny.
19Mwirema nnda wakwe awonisaa shoonga shiingyi;
Indi mwisora findo filavaa awonisaa ungwera lumfye.
20Nndu nsaari awonisaa mbora shiingi.
Indi nndu wa usau lwa iva isimba nnyakuutaa ngapo-fo.
21Nshi kindo kisha ikundya nndu-fo;
Vandu mmbo vatanaa ukasha naakwa n kimaruma kya kiperusha kya nkate kyeni.
22Nndu n nyuku mmbo arishyaa masaa,
Nta n neeshi sheelyi uturi lukenssheya-fo.
23Mwiikimba urooye ashewonisaa mesha m mwasi,
ngota ulya mwilelemba na marero arolaa.
24Mwiiva masaa a ndeye ao maaye ashaambaa, “Nshi kikasha?”
Nnyatiri kilasha na manyinyi engyi-fo.
25Nndu nnyuku mmbo aayaa mwaandu
Indi mwiinndya Nndumi Iruva ashevesyoo.
26Mwikusirya urango lwakwe muni ni nrung'ani
Indi mwisora urango usha ashekaa na ufoo.
27Nndu aniingaa ngwera findo nnyashaanguywaa-fo,
Indi mwilema ivaekkyo ashedengwaa nnu deny,
28varavi vakashilya vandu mmbo vakusurumaa,
Indi vakansarumya, vasaari mmbo vaengerekaa.
Currently Selected:
FYAASO 28: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
FYAASO 28
28
1Varavi mmbo varishaa kulaore vakeerishwa ni nndu,
Indi vasaari vakee vakaari sha miiso.
2Isanga lya imatuka llivikaa vashilyi veengyi;
Indi kwa nshilyi umwi atiri urango na waarya uruka llutiraa finya.
3Nndu nsuri alamyaa ngwera
Mmbo avakkye mmbwa niini ilyamaraa myooro.
4Vandu veimmbwa mavavaso mmbo vaitikisaa varavi;
Indi veevalya na mavavaso mbavakyanaa nawo-fo.
5Varavi mmbeeshi usumanu nkyoki-fo,
Indi veindya wo weeshi deny.
6Nngwaana ngwera akaa na usumaanu
Ngota isimba likaa na urekwa.
7Mwana atira mavavaso mmbo atiri urango usha;
Indi mbuya ya vaafu mmbo asutaa ndeye.
8Mwiengera masaa akwe na ntambo
Mmbo akesangirya ungyi yeto alillya ngwera
9Mwilema iaranya mavavaso
Yeto naakwa nkiterewo kyakwe nkyisenya Iruva-fo.
10Nndu mwiivika nndu nsaari nrwe natani mbony shikasha,
Mmbo awaa irininy we muni.
Vandu valatiri mbese wo vakee vadesye mesha.
11Nndu isimba mmbo akulollya we muni sheelyi atiri urango usha,
Indi ngwera itiri urango mmbo ishemfunaa.
12Vandu vasaari vakavona ushilyi uruka mmbo luvee lwa mbora,
Indi varavi vakanshilya vandu mmbo vakusurumaa.
13Mwisuruma ulyamari lwakwe nnyawonisaa mbora-fo,
Indi mwipara ulyamari kakurya na irumbuya mmbo ashesaryoo.
14Ngoma nndu mwiinndya Nndumi Iruva mikonu simu,
Indi nndu wa nrima muumu mmbo ashewaa rengeny.
15Nshilyi nravi ashilyaa ngwera,
Nkyimwi sha miiso idinaa ao nyamandu iratuaratuaa.
16Nshilyi nalakee na urango mmbo akee mweesi na nriiti,
Indi mwisua masaa a ulembi asheshilyaa kyeeri kyaasha,
17nndu akee nrovye ni ulyamari lwa iwaa nndu
Mmbo ashevaa mwiraraa kutani afika kifuny.
Kulave nndu akundaa insiika!
18Mwikaa na usumanu ashekirwaa,
Indi nlembi ashewaa deny.
19Mwirema nnda wakwe awonisaa shoonga shiingyi;
Indi mwisora findo filavaa awonisaa ungwera lumfye.
20Nndu nsaari awonisaa mbora shiingi.
Indi nndu wa usau lwa iva isimba nnyakuutaa ngapo-fo.
21Nshi kindo kisha ikundya nndu-fo;
Vandu mmbo vatanaa ukasha naakwa n kimaruma kya kiperusha kya nkate kyeni.
22Nndu n nyuku mmbo arishyaa masaa,
Nta n neeshi sheelyi uturi lukenssheya-fo.
23Mwiikimba urooye ashewonisaa mesha m mwasi,
ngota ulya mwilelemba na marero arolaa.
24Mwiiva masaa a ndeye ao maaye ashaambaa, “Nshi kikasha?”
Nnyatiri kilasha na manyinyi engyi-fo.
25Nndu nnyuku mmbo aayaa mwaandu
Indi mwiinndya Nndumi Iruva ashevesyoo.
26Mwikusirya urango lwakwe muni ni nrung'ani
Indi mwisora urango usha ashekaa na ufoo.
27Nndu aniingaa ngwera findo nnyashaanguywaa-fo,
Indi mwilema ivaekkyo ashedengwaa nnu deny,
28varavi vakashilya vandu mmbo vakusurumaa,
Indi vakansarumya, vasaari mmbo vaengerekaa.
The Holy Bible in Kimashami © Bible Society of Tanzania, 2016.