FYAASO 25
25
Fyaaso Fya M mwasi Fya Solomoni
1Efi nafyo mfyaaso fya mangyi Solomoni vandu va Mangyi Esekia wa Yuda vefireiya.
2Iruva mmbo arumishwaa kwa isuruma mbony
Indi mangyi mmbo arumishwaa kwa filya ashoongoyaa.
3Shaasa tikee kwaasha ngina na waasha lwa yeenda si lwa ulana,
Ni indo urango lwa mangyi lukai lulavaa isavaiya.
4Uta findo feesi feseny yafo,
Na mfuru akukapyaa fisha.
5Uta vandu varavi mbee ya mangyi,
Na umangyi lwakwe lusongovaa luve lwa usumanu.
6Kulakuite-ite kwa mangyi,
Nta kulakwaalwe nndu nniini-fo.
7Mashika ni kyeni ivio, osho kunu mbee,
Ngota isutwa mbee ya vandu vaniini!
Findo kulelollya na miso afo,
8kularishye irwaa ikwaanuny;
Mashika kushetanaa inda nkureekyi
Ungyi kashealashaa efyo kwaamba.
9Reryaniny na uroo muveni mukakusongosia kwakooya musakkye,
Nta nndu ungyi nalamanyi.
10Vandu valashemanya sheelyi kwiifo kirisi,
valetefuse irina lyafo.
11Irero lirerwaa kyeeri kisumani
mmbo livakkye ureto lwa saabu uwe ya mawe a fesa.
12Wikimbi lwa nndu atiri urango usha kwa nndu ashaarannyaa
Ni kindo kisha ngota rashi ao kyiiya kisha kya saabu.
13Nrumi nsaari mmbo akurikye ifura lya mwinruma,
Sha mura urelelaa kyeeri kya mwi na nrikye elyi vandu vakeeiluula.
14Sha elyi mafishi akuumbya kulaifo mmbwa,
Niindo akee nndu mwikuitikisaa ininngywa kindo kya pya nalaniingye.
15Na usisiryo nshilyi eedimaailelembwa,
Ulumi usha llufishaa iffua.
16Kwa kooya ukyi lya lwa murina wafo,
Kulashe ibelwa kuiraake.
17Kulasheenda kwa nndu wafo wa nnyanu wo kyeeri,
Kulasheimwarisa nawe nakuswe.
18Nndu mwiuta ukureekyi lwa wongo kafingya uroe,
Ni nkasha ngota rungu, usu ao mfe nnyaasi.
19Ikusirya nndu alavaa kyeeri kya ukiva,
Nkyimwi sha iyoo lyiloe ao urende lweerukkye.
20Iimbya nndu akee nroovye nriminy,
Nkyimwi na ikwaammbwa soori kyeeri kya mbeo ao ivika mmbala kyaasheny,
21Nkiduva wafo etirwa nshaa, n niinge kyeelya;
Atirwa n nyura, n niinge kyeena
22Indo llyo kushekooyaa insuta na kamwi
Sha makaa a muro nrweny wakwe
Nawe Nndumi Iruva akung'anisaa.
23Uraato lwa sinde lluendee mmbwa,
Ni indo da irera vandu llyendee myaandu!
24Ni kyeni ikaa mbai uwe ya kai
Ngota ikaa kyeny ando amwi na nka va kiberera.
25Nsha mura urelelaa kwa nndu atirwa n nyura,
Nnaakiwo mbony shisha yauka kwaasha.
26Nndu nsaari ashiirikyaa isora mbony ta nndu nravi,
Nkyimwi sha usoka lutefure ao ruva shifolongye.
27Nshi kindo kisha ilya ukyi lwiingyi nnu-fo;
Nta nshikisha ikwita-ita mbee nnu-fo
28Nndu nalashiidimaa ifweera ngoo yakwe,
mmbo avakkye muri ulatiri uringyi uwoywaa ni vakiduva.
Currently Selected:
FYAASO 25: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
FYAASO 25
25
Fyaaso Fya M mwasi Fya Solomoni
1Efi nafyo mfyaaso fya mangyi Solomoni vandu va Mangyi Esekia wa Yuda vefireiya.
2Iruva mmbo arumishwaa kwa isuruma mbony
Indi mangyi mmbo arumishwaa kwa filya ashoongoyaa.
3Shaasa tikee kwaasha ngina na waasha lwa yeenda si lwa ulana,
Ni indo urango lwa mangyi lukai lulavaa isavaiya.
4Uta findo feesi feseny yafo,
Na mfuru akukapyaa fisha.
5Uta vandu varavi mbee ya mangyi,
Na umangyi lwakwe lusongovaa luve lwa usumanu.
6Kulakuite-ite kwa mangyi,
Nta kulakwaalwe nndu nniini-fo.
7Mashika ni kyeni ivio, osho kunu mbee,
Ngota isutwa mbee ya vandu vaniini!
Findo kulelollya na miso afo,
8kularishye irwaa ikwaanuny;
Mashika kushetanaa inda nkureekyi
Ungyi kashealashaa efyo kwaamba.
9Reryaniny na uroo muveni mukakusongosia kwakooya musakkye,
Nta nndu ungyi nalamanyi.
10Vandu valashemanya sheelyi kwiifo kirisi,
valetefuse irina lyafo.
11Irero lirerwaa kyeeri kisumani
mmbo livakkye ureto lwa saabu uwe ya mawe a fesa.
12Wikimbi lwa nndu atiri urango usha kwa nndu ashaarannyaa
Ni kindo kisha ngota rashi ao kyiiya kisha kya saabu.
13Nrumi nsaari mmbo akurikye ifura lya mwinruma,
Sha mura urelelaa kyeeri kya mwi na nrikye elyi vandu vakeeiluula.
14Sha elyi mafishi akuumbya kulaifo mmbwa,
Niindo akee nndu mwikuitikisaa ininngywa kindo kya pya nalaniingye.
15Na usisiryo nshilyi eedimaailelembwa,
Ulumi usha llufishaa iffua.
16Kwa kooya ukyi lya lwa murina wafo,
Kulashe ibelwa kuiraake.
17Kulasheenda kwa nndu wafo wa nnyanu wo kyeeri,
Kulasheimwarisa nawe nakuswe.
18Nndu mwiuta ukureekyi lwa wongo kafingya uroe,
Ni nkasha ngota rungu, usu ao mfe nnyaasi.
19Ikusirya nndu alavaa kyeeri kya ukiva,
Nkyimwi sha iyoo lyiloe ao urende lweerukkye.
20Iimbya nndu akee nroovye nriminy,
Nkyimwi na ikwaammbwa soori kyeeri kya mbeo ao ivika mmbala kyaasheny,
21Nkiduva wafo etirwa nshaa, n niinge kyeelya;
Atirwa n nyura, n niinge kyeena
22Indo llyo kushekooyaa insuta na kamwi
Sha makaa a muro nrweny wakwe
Nawe Nndumi Iruva akung'anisaa.
23Uraato lwa sinde lluendee mmbwa,
Ni indo da irera vandu llyendee myaandu!
24Ni kyeni ikaa mbai uwe ya kai
Ngota ikaa kyeny ando amwi na nka va kiberera.
25Nsha mura urelelaa kwa nndu atirwa n nyura,
Nnaakiwo mbony shisha yauka kwaasha.
26Nndu nsaari ashiirikyaa isora mbony ta nndu nravi,
Nkyimwi sha usoka lutefure ao ruva shifolongye.
27Nshi kindo kisha ilya ukyi lwiingyi nnu-fo;
Nta nshikisha ikwita-ita mbee nnu-fo
28Nndu nalashiidimaa ifweera ngoo yakwe,
mmbo avakkye muri ulatiri uringyi uwoywaa ni vakiduva.
The Holy Bible in Kimashami © Bible Society of Tanzania, 2016.