FYAASO 14
14
1Nka atiri urango usha mmbo asaleesa ummba lwakwe;
Indi nrung'ani kawuundwa na maako akwe muni.
2Nndu nsaari mmbo eendyaa Nndumi Iruva;
Indi nreti kainyala Iruva.
3Nrung'ani mmbo akukapaa muni na irera lyakwe ree,
Indi nndu atiri urango usha mmbo aringwaa ni marero akwe.
4Nndu nalatiri ng'umbe ta irema mbeshe yakwe nyiishwaa shoonga-fo
Fimu fyiingyi nfiwonikaa kwa nndu atiri ng'umbe ta irema.
5Nkurekyi nsaari mmbo areraa dede;
Indi nndu nalakee nsaari mmbo apuswaa wongo.
6Nndu wa kiila nnyaruuya urango usha kya ruu,
Indi nndu ntele we kawonisa umanyo.
7Uka ando nndu nrung'ani akai,
Mashika yoo akai nkwiiyo irero lya urango usha-fo.
8Urango usha mmbo looraa nndu nrango shia yakwe,
Indi urung'ani lwa varung'ani lukavalemba veni.
9Varung'ani mmbo vafuryaa ulyamari,
Indi vasaari vakawonisa isaryo ni Iruva.
10Ngoo mmbo imanyaa ivavywa lya vayo sheni,
Nta nndu muny nnyashiidimaa isanga ifureny lya vayo-fo.
11Mmba ya nndu nravi nyiwunduwaa,
Indi itengo lya mworotu litumariswaa.
12Shia kukusarye sheelyi nshisha,
Ufishyony lwavayo imanyaa ikurwaa ufuny.
13Ting'wa imanyaa isurumwa ni seko;
Numa ya ifura nkishee kiiyo.
14Nndu nrekwa mmbo akooya ndunda ta myeengye yakwe,
Nawe nndu nsaari awonisaa isina lya mashora akwe.
15Nndu nrung'ani nnyairikyaa wo kindo aviywaa,
Indi nndu ntele kasoongya.
16Nndu atiri urango usha akee mwarya kakkya uravi,
indi nrung'ani n nyakwiima-fo nta nnyatiri waarya-fo.
17Mwiroywa ni unyafi swany mmbo atanaa fya urung'ani,
Indi nndu ntele atiri isisiryo.
18Matondo mmbo awaryaa ding'u ya urung'ani,
Indi vandu vatele wo vakasimbwa ureto lwa umanyo.
19Varavi vashefiryaa vandu vasaari ndi,
Vandu vakasha mbee ya mwaango wa vesha.
20Nndu ngwera mmbo asuwoo naakwani vandu vakwe va nnyanu,
Indi nndu isimba atiri,
“Mbuya veengyi.”
21Nndu ashiinyalaa nndu wakwe wa nnyanu mmbo akee llyamari;
Indi atiri ngoma yeto akee nsaari kwa vangwera.
22Mwidesya maravi dede akee nrekwa!
Vedesya itana mesha vo vavikywaa mbora.
23Ikutakura irunda wo ishora mmbo kweende mbusha;
Indi marero a ruu mmbo engyee nndu ungwera!
24Masaa ni ureto lwa itumbe lwa vandu vatiri urango usha;
Indi utondo ni fivaro fya varung'ani.
25Nkureekyi wa dede mmbo akira muu,
Indi mwiamba wongo ni nriingyi.
26Mwiindya Nndumi Iruva mmbo atiri nsia deny;
Na vana vakwe vawonaa ikaa na ufoo.
27Inndya Nndumi Iruva n sha usoka lwa muu;
Mmbo kukiraa muu na mireiyo ya ufu.
28Utore lwa mangyi ni wiingi lwa vandu vakwe,
Mangyi nalatiri vandu mmbo avingwaa fireny.
29Nndu nalakee mwaangu wa unyafi mmbo atiri urango usha,
Indi mwiroywa nngoo mmbo akee nrung'ani.
30Unapwe nriminy lluningaa nndu finya;
Indi lango mmbo liporisaa mafua.
31Mwilamya ngwera mmbo akee yarara muumbi wakwe,
Indi mwilillya nturi mmbo akee iitikisa Iruva.
32Nravi mmbo amamitwaa ni mitanyi yakwe ya uravi,
Indi nndu nsaari kawona ufoo kyeendwa ni worotu lwakwe.
33Urango usha mmbo lukee ngoony ya nndu ntele;
Llukoywaa tusu ngoon ya nrung'ani-fo.
34Usaari llutumarisaa uruka,
Indi ulyamari nrenga ya uruka loose.
35Mangyi mmbo asimbaa ishinga lyirundaa na urango usha,
Indi unyafi lwakwe lukawoya veetana fya uravi.
Currently Selected:
FYAASO 14: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
FYAASO 14
14
1Nka atiri urango usha mmbo asaleesa ummba lwakwe;
Indi nrung'ani kawuundwa na maako akwe muni.
2Nndu nsaari mmbo eendyaa Nndumi Iruva;
Indi nreti kainyala Iruva.
3Nrung'ani mmbo akukapaa muni na irera lyakwe ree,
Indi nndu atiri urango usha mmbo aringwaa ni marero akwe.
4Nndu nalatiri ng'umbe ta irema mbeshe yakwe nyiishwaa shoonga-fo
Fimu fyiingyi nfiwonikaa kwa nndu atiri ng'umbe ta irema.
5Nkurekyi nsaari mmbo areraa dede;
Indi nndu nalakee nsaari mmbo apuswaa wongo.
6Nndu wa kiila nnyaruuya urango usha kya ruu,
Indi nndu ntele we kawonisa umanyo.
7Uka ando nndu nrung'ani akai,
Mashika yoo akai nkwiiyo irero lya urango usha-fo.
8Urango usha mmbo looraa nndu nrango shia yakwe,
Indi urung'ani lwa varung'ani lukavalemba veni.
9Varung'ani mmbo vafuryaa ulyamari,
Indi vasaari vakawonisa isaryo ni Iruva.
10Ngoo mmbo imanyaa ivavywa lya vayo sheni,
Nta nndu muny nnyashiidimaa isanga ifureny lya vayo-fo.
11Mmba ya nndu nravi nyiwunduwaa,
Indi itengo lya mworotu litumariswaa.
12Shia kukusarye sheelyi nshisha,
Ufishyony lwavayo imanyaa ikurwaa ufuny.
13Ting'wa imanyaa isurumwa ni seko;
Numa ya ifura nkishee kiiyo.
14Nndu nrekwa mmbo akooya ndunda ta myeengye yakwe,
Nawe nndu nsaari awonisaa isina lya mashora akwe.
15Nndu nrung'ani nnyairikyaa wo kindo aviywaa,
Indi nndu ntele kasoongya.
16Nndu atiri urango usha akee mwarya kakkya uravi,
indi nrung'ani n nyakwiima-fo nta nnyatiri waarya-fo.
17Mwiroywa ni unyafi swany mmbo atanaa fya urung'ani,
Indi nndu ntele atiri isisiryo.
18Matondo mmbo awaryaa ding'u ya urung'ani,
Indi vandu vatele wo vakasimbwa ureto lwa umanyo.
19Varavi vashefiryaa vandu vasaari ndi,
Vandu vakasha mbee ya mwaango wa vesha.
20Nndu ngwera mmbo asuwoo naakwani vandu vakwe va nnyanu,
Indi nndu isimba atiri,
“Mbuya veengyi.”
21Nndu ashiinyalaa nndu wakwe wa nnyanu mmbo akee llyamari;
Indi atiri ngoma yeto akee nsaari kwa vangwera.
22Mwidesya maravi dede akee nrekwa!
Vedesya itana mesha vo vavikywaa mbora.
23Ikutakura irunda wo ishora mmbo kweende mbusha;
Indi marero a ruu mmbo engyee nndu ungwera!
24Masaa ni ureto lwa itumbe lwa vandu vatiri urango usha;
Indi utondo ni fivaro fya varung'ani.
25Nkureekyi wa dede mmbo akira muu,
Indi mwiamba wongo ni nriingyi.
26Mwiindya Nndumi Iruva mmbo atiri nsia deny;
Na vana vakwe vawonaa ikaa na ufoo.
27Inndya Nndumi Iruva n sha usoka lwa muu;
Mmbo kukiraa muu na mireiyo ya ufu.
28Utore lwa mangyi ni wiingi lwa vandu vakwe,
Mangyi nalatiri vandu mmbo avingwaa fireny.
29Nndu nalakee mwaangu wa unyafi mmbo atiri urango usha,
Indi mwiroywa nngoo mmbo akee nrung'ani.
30Unapwe nriminy lluningaa nndu finya;
Indi lango mmbo liporisaa mafua.
31Mwilamya ngwera mmbo akee yarara muumbi wakwe,
Indi mwilillya nturi mmbo akee iitikisa Iruva.
32Nravi mmbo amamitwaa ni mitanyi yakwe ya uravi,
Indi nndu nsaari kawona ufoo kyeendwa ni worotu lwakwe.
33Urango usha mmbo lukee ngoony ya nndu ntele;
Llukoywaa tusu ngoon ya nrung'ani-fo.
34Usaari llutumarisaa uruka,
Indi ulyamari nrenga ya uruka loose.
35Mangyi mmbo asimbaa ishinga lyirundaa na urango usha,
Indi unyafi lwakwe lukawoya veetana fya uravi.
The Holy Bible in Kimashami © Bible Society of Tanzania, 2016.