FYAASO 12
12
1Nndu akunda wiikyimbi mmbo awonisa urango,
indi nalakundye iikimbwa ni nrung'ani.
2Nndu nsaari mmbo alillywa ni Nndumi Iruva;
Indi nndu atiri makusaro meesi mmbo adengwa ni Iruva.
3Nndu nnyasumanaa kya itana uravi-fo
Indi nkwiifo kindo kitulaa nndu nsaari-fo.
4Nka nsaari ni ureto lwa utore lwa mmi wakwe,
Nka asutaa mmi wakwe mmbo avakkye itiinga mafueny akwe.
5Makusaro a nndu nsaari nnya usumanu,
Mirumbuye ya nravi nnya ulembi.
6Marero a varavi nnya lango ya iwaa,
Indi marero a vandu vasaari mmbo akiraa veereswa marosho.
7Varavi mmbo vamamitwaa na isarumya deny,
Indi ngyeeri ya vandu vasaari mmbo itumariswaa.
8Nndu mmbo eetikiswaa kiinani na urango lwakwe usha.
Indi nndu wa makusaro maravi mmbo ainyalwaa.
9Ni kyeni nndu munnyo akwiidimye muni,
Ngota nndu mwikwiita mbee neekukundya uniini aturaa kyeelya.
10Nndu nsaari mmbo akusaraa kya findo fyakwe fyevikya,
Indi kililika kya nravi ni uriiti.
11Nndu nremi nalakee nroko mmbo atiri shoonga shapu;
Indi mwisora mbony tilavaa nnyatiri urango-fo.
12Varavi mmbo valangaa ivesyo lyilakee lya usumanu,
Indi nndu nsaari mmbo asalalaa na ukaari.
13Nndu nravi mmbo awaawaa mmbongo lwakwe muni,
Indi nndu nsaari mmbo ashaashukaa ngatareny.
14Nndu mmbo avesyo kyuuka na marero akwe muni,
Sheelyi avesywa ni mashora a maako akwe.
15Nndu nrung'ani mmbo alollyaa sheelyi shia yakwe nyiorokye,
Indi nndu atiri urango usha mmbo aarannyaa kindo avioo.
16Ukasha lwa nrung'ani llumanyikaa uviny,
Indi nndu eeshi seu mmbo ainyalaa firumu.
17Mwirera dede mmbo avikaa ukureekyi lwa dede,
Indi nkureekyi wa wongo mmbo aamba fya ulembi.
18Marero a mweelu mmbo avyaa sha kyaandu,
Indi kindo areraa nndu atiri urango usha mmbo kishiisaa itiinga.
19Dede mmbo ikaa llung'anu;
Indi wongo llwa kirambo-da.
20Vekusara maravi mmbo veishwe ulembi ngoony tawo;
Indi veelanga mesha mmbo vakooya ifura!
21Vasaari mmbakooywaa ni kindo kivishwa-fo,
Indi varavi mmbo veeshywe ukiva
22Kana karera wongo Nndumi Iruva akisuuye,
Indi vandu vasaari ni ifura lwakwe.
23Nndu ntele mmbo eeshwe urango usha,
Indi varung'ani mmbo vakapaa weele kya urung'ani lwawo.
24Irunda na nrikye nkuniingaa nndu mwaanya nsha;
Indi uroko llwaalwaa nndu ishinga.
25Werei nriminy lluimaa nndu ifura;
Indi irero lyaantu mmbo liniinga nndu waantu.
26Nndu nsaari mmbo arishaa uravi;
indi shia ya varavi mmbo ivaretaa veni.
27Nndu nroko nnyawonisaa kindo-fo,
Indi nndu nalakee nroko mmbo awonisaa.
28Usaari ni shia ya muu;
Indi uravi mmbo lurwaa nndu ufuny.
Currently Selected:
FYAASO 12: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
FYAASO 12
12
1Nndu akunda wiikyimbi mmbo awonisa urango,
indi nalakundye iikimbwa ni nrung'ani.
2Nndu nsaari mmbo alillywa ni Nndumi Iruva;
Indi nndu atiri makusaro meesi mmbo adengwa ni Iruva.
3Nndu nnyasumanaa kya itana uravi-fo
Indi nkwiifo kindo kitulaa nndu nsaari-fo.
4Nka nsaari ni ureto lwa utore lwa mmi wakwe,
Nka asutaa mmi wakwe mmbo avakkye itiinga mafueny akwe.
5Makusaro a nndu nsaari nnya usumanu,
Mirumbuye ya nravi nnya ulembi.
6Marero a varavi nnya lango ya iwaa,
Indi marero a vandu vasaari mmbo akiraa veereswa marosho.
7Varavi mmbo vamamitwaa na isarumya deny,
Indi ngyeeri ya vandu vasaari mmbo itumariswaa.
8Nndu mmbo eetikiswaa kiinani na urango lwakwe usha.
Indi nndu wa makusaro maravi mmbo ainyalwaa.
9Ni kyeni nndu munnyo akwiidimye muni,
Ngota nndu mwikwiita mbee neekukundya uniini aturaa kyeelya.
10Nndu nsaari mmbo akusaraa kya findo fyakwe fyevikya,
Indi kililika kya nravi ni uriiti.
11Nndu nremi nalakee nroko mmbo atiri shoonga shapu;
Indi mwisora mbony tilavaa nnyatiri urango-fo.
12Varavi mmbo valangaa ivesyo lyilakee lya usumanu,
Indi nndu nsaari mmbo asalalaa na ukaari.
13Nndu nravi mmbo awaawaa mmbongo lwakwe muni,
Indi nndu nsaari mmbo ashaashukaa ngatareny.
14Nndu mmbo avesyo kyuuka na marero akwe muni,
Sheelyi avesywa ni mashora a maako akwe.
15Nndu nrung'ani mmbo alollyaa sheelyi shia yakwe nyiorokye,
Indi nndu atiri urango usha mmbo aarannyaa kindo avioo.
16Ukasha lwa nrung'ani llumanyikaa uviny,
Indi nndu eeshi seu mmbo ainyalaa firumu.
17Mwirera dede mmbo avikaa ukureekyi lwa dede,
Indi nkureekyi wa wongo mmbo aamba fya ulembi.
18Marero a mweelu mmbo avyaa sha kyaandu,
Indi kindo areraa nndu atiri urango usha mmbo kishiisaa itiinga.
19Dede mmbo ikaa llung'anu;
Indi wongo llwa kirambo-da.
20Vekusara maravi mmbo veishwe ulembi ngoony tawo;
Indi veelanga mesha mmbo vakooya ifura!
21Vasaari mmbakooywaa ni kindo kivishwa-fo,
Indi varavi mmbo veeshywe ukiva
22Kana karera wongo Nndumi Iruva akisuuye,
Indi vandu vasaari ni ifura lwakwe.
23Nndu ntele mmbo eeshwe urango usha,
Indi varung'ani mmbo vakapaa weele kya urung'ani lwawo.
24Irunda na nrikye nkuniingaa nndu mwaanya nsha;
Indi uroko llwaalwaa nndu ishinga.
25Werei nriminy lluimaa nndu ifura;
Indi irero lyaantu mmbo liniinga nndu waantu.
26Nndu nsaari mmbo arishaa uravi;
indi shia ya varavi mmbo ivaretaa veni.
27Nndu nroko nnyawonisaa kindo-fo,
Indi nndu nalakee nroko mmbo awonisaa.
28Usaari ni shia ya muu;
Indi uravi mmbo lurwaa nndu ufuny.
The Holy Bible in Kimashami © Bible Society of Tanzania, 2016.