FYAASO 10
10
Fyaaso fya Solomon
1Yefi ni fyaaso fya Solomon:
Mwana atiri urango usha ni ifura kwa ndeye;
Indi mwana nrung'ani ni tingwa kwa maaye.
2Masaa awonika kwa shia ya ulembi nnyamaa kindo-fo,
Indi usaari llukiraa nndu na ufu.
3Nndumi Iruva nnyaree vandu vasaari vawoyo ni shaa-fo
Indi mmbo akingyaa lango ta veesi.
4Uroko lluendee ungwera;
Indi woko lwa nndu arundaa mashora lukaende usimba.
5Nndu ntele mmbo aumbyaa kyeeri kya fimu;
Ilala kyeeri kya iilula ni sony.
6Nndu nsaari mmbo akweengye mbora we muni;
Indi kana ka nravi nkiishwe uriiti.
7Ikummbwa vandu vasaari nkyalweengye mbora,
Indi varavi mmbarekyekaa deny.
8Nndu atiri urrango usha ngoony yakwe mmbo aindyaa mavavaso,
Indi nrung'ani areraa ree asarumyaa.
9Nndu wa ngaa shisha mmbo akaa kippwa,
Nlembi muu wakwe awarwaa.
10Asinnyaa na ntambo nkasha mmbo eendee ukyiva,
Indi yeto aikimbaa na ukaari mmbo eendee unapwe.
11Kana kya nndu nsaari ni usoka lwa muu;
Indi kana kya nndu nravi nkiishwe uriiti.
12Kiduva mmbo kyeendee mwaandu,
Indi ukundi llusikyaa maravi moose.
13Kaniny ka nndu atiri umanyo nkwiifo urango usha,
Indi vandu valatiri urango vakapwaa mbiiri ta mungo.
14Vandu vatiri urango usha mmbo vatiri umanyo,
Indi verera ree kwa urung'ani mmbo veendee urumato uviny.
15Masaa a isimba nnyo turuve yakwe;
Ungwera lwa ngwera llumwengyee urumato
16Kindo kya pya kya nndu nsaari ni muu,
Indi nravi nyeelula ulyamari.
17Yeto ashiirikyaa wikimbi mmbo akeenda muuny,
Indi mwilema wikimbi mmbo arekye,
18nndu asuuye ungyi kirika ni nkunang'ari,
Afingyaa ungyi wongo ni nrung'ani.
19Ando akee marero meengyi nkuwiikaa-u renga-fo,
Indi mwishillya ulumi lwakwe ni nndu ntele.
20Marero a nndu nsaari avakye fesa shisha,
Indi urango lwa nndu nravi llutiri nta mbusha-fo.
21Marero a nndu nsaari nnyaviiya veengyi usha,
Varung'ani mmbo vafwee vatura urango
22Mbora ta iruva Llimbi nto teende iviiri na nso,
Itawullya lya nndu wa vandu llyengeraa-u nta kindo-fo.
23Kwa nrung'ani itana uravi ni sha kitavanu;
Indi vandu vatele mmbo vasennywaa ni urango usha.
24Kindo nndu nravi aereiye nkyo kinkooyaa,
Indi kindo nndu nsaari alangye nkyo awonisaa.
25Kitita si mmbo kiira na nravi nnyasarumyaa,
Indi nndu nsaari mmbo atumariswaa.
26Shaasa kikee kivawo kaninyy ao nsu misony.
Ni indo akee nndu nroko kwa nndumi wakwe.
27Iindya Nndumi Iruva mmbo lyengeryaa muu wa nndu,
Indi myaaka ya nravi ikaangwa.
28Ivika nsia lya nndu nsaari llisiiya ifureny,
Indi lango ya nravi llifwee ruu.
29Nndumi Iruva n turuve ya woorotu,
Indi vetana uravi vasarumyaa.
30Vandu vasaari mmbo vatiri uringyi;
Indi varavi mbakaa urukeny-fo.
31Kana ka nndu nsaari mmbo kareraa marero a urango usha,
Indi ulumi lwa nndu nkasha lurumbuywaa kwaasha.
32Kana ka vandu vasaari mmbo keeshi findo fishiirikkywa
Indi kana ka varavi nkareraa maravi.
Currently Selected:
FYAASO 10: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
FYAASO 10
10
Fyaaso fya Solomon
1Yefi ni fyaaso fya Solomon:
Mwana atiri urango usha ni ifura kwa ndeye;
Indi mwana nrung'ani ni tingwa kwa maaye.
2Masaa awonika kwa shia ya ulembi nnyamaa kindo-fo,
Indi usaari llukiraa nndu na ufu.
3Nndumi Iruva nnyaree vandu vasaari vawoyo ni shaa-fo
Indi mmbo akingyaa lango ta veesi.
4Uroko lluendee ungwera;
Indi woko lwa nndu arundaa mashora lukaende usimba.
5Nndu ntele mmbo aumbyaa kyeeri kya fimu;
Ilala kyeeri kya iilula ni sony.
6Nndu nsaari mmbo akweengye mbora we muni;
Indi kana ka nravi nkiishwe uriiti.
7Ikummbwa vandu vasaari nkyalweengye mbora,
Indi varavi mmbarekyekaa deny.
8Nndu atiri urrango usha ngoony yakwe mmbo aindyaa mavavaso,
Indi nrung'ani areraa ree asarumyaa.
9Nndu wa ngaa shisha mmbo akaa kippwa,
Nlembi muu wakwe awarwaa.
10Asinnyaa na ntambo nkasha mmbo eendee ukyiva,
Indi yeto aikimbaa na ukaari mmbo eendee unapwe.
11Kana kya nndu nsaari ni usoka lwa muu;
Indi kana kya nndu nravi nkiishwe uriiti.
12Kiduva mmbo kyeendee mwaandu,
Indi ukundi llusikyaa maravi moose.
13Kaniny ka nndu atiri umanyo nkwiifo urango usha,
Indi vandu valatiri urango vakapwaa mbiiri ta mungo.
14Vandu vatiri urango usha mmbo vatiri umanyo,
Indi verera ree kwa urung'ani mmbo veendee urumato uviny.
15Masaa a isimba nnyo turuve yakwe;
Ungwera lwa ngwera llumwengyee urumato
16Kindo kya pya kya nndu nsaari ni muu,
Indi nravi nyeelula ulyamari.
17Yeto ashiirikyaa wikimbi mmbo akeenda muuny,
Indi mwilema wikimbi mmbo arekye,
18nndu asuuye ungyi kirika ni nkunang'ari,
Afingyaa ungyi wongo ni nrung'ani.
19Ando akee marero meengyi nkuwiikaa-u renga-fo,
Indi mwishillya ulumi lwakwe ni nndu ntele.
20Marero a nndu nsaari avakye fesa shisha,
Indi urango lwa nndu nravi llutiri nta mbusha-fo.
21Marero a nndu nsaari nnyaviiya veengyi usha,
Varung'ani mmbo vafwee vatura urango
22Mbora ta iruva Llimbi nto teende iviiri na nso,
Itawullya lya nndu wa vandu llyengeraa-u nta kindo-fo.
23Kwa nrung'ani itana uravi ni sha kitavanu;
Indi vandu vatele mmbo vasennywaa ni urango usha.
24Kindo nndu nravi aereiye nkyo kinkooyaa,
Indi kindo nndu nsaari alangye nkyo awonisaa.
25Kitita si mmbo kiira na nravi nnyasarumyaa,
Indi nndu nsaari mmbo atumariswaa.
26Shaasa kikee kivawo kaninyy ao nsu misony.
Ni indo akee nndu nroko kwa nndumi wakwe.
27Iindya Nndumi Iruva mmbo lyengeryaa muu wa nndu,
Indi myaaka ya nravi ikaangwa.
28Ivika nsia lya nndu nsaari llisiiya ifureny,
Indi lango ya nravi llifwee ruu.
29Nndumi Iruva n turuve ya woorotu,
Indi vetana uravi vasarumyaa.
30Vandu vasaari mmbo vatiri uringyi;
Indi varavi mbakaa urukeny-fo.
31Kana ka nndu nsaari mmbo kareraa marero a urango usha,
Indi ulumi lwa nndu nkasha lurumbuywaa kwaasha.
32Kana ka vandu vasaari mmbo keeshi findo fishiirikkywa
Indi kana ka varavi nkareraa maravi.
The Holy Bible in Kimashami © Bible Society of Tanzania, 2016.