Valevi 5
5
Firaso Fya Yuuta Ulyamari
1Kwakooya nndu akundikye yuuta ukureekyi kya mbony aleeta ao ilollya nawe kalema itana indo mmbo ashuutywa uvingo; 2ao kwakooya nndu apaana kindo kikee kitefusu, sha nnying'a wa kindo kya ngoroshony ukee ntefusu, ao nnying'a wa kindo kya mmba kikee kitefusu, ao kya ikuru lyikee itefusu, na kindo ekyo kyikava kirike kwakwe, lyo we kava ntefusu, llyo ashekurikaa ulyamari lwa vayo; 3ao kwakooya mmbo apaana kindo ekyo kitefusu, ao kya nndu wa vandu, na findo efyo fitefusu fikava mfyo fyatefusa nndu eto, nawe nta nallamanye, kyeeri ashemanyaa llyo amanyaa sheelyi mmbo akee ntefusu; 4ao se, kwakooya nndu akulyisa mboo we muni elyi aangusya we muni isenda kaniny kyakwe nawe karenga ao katana mesha, kindo kyoose ekyo ashesendaa elyaa mmbo kulore ankusara nisha nakyo kiva kindo kirike kwakwe; llyo kyeeri ashemanyaa kuti namanyi sheelyi mmbo akee uvingony, 5llyo elyi akee uvingony lwa vayo, nkuti nakurye kya ekyo alelyamara; 6nawe neengye Nndumi Iruva kiraso kya yuutwa ulyamari elo lwakwe alelutana, llo uruvi ao suven, afyuuta efo wiisirony lwakwe, kive ni kiraso kya ulyamari nawe nkohani nashembikya usandi kya ulyamari lwakwe.
7Kyeendi kwakooya nalaonisaa uruvi, llyo asheengyee Nndumi Iruva mbeta ivii, ao mabore avii a mbuku, kive kiraso kya ekyo alelyamara, ndeye imwi ya eto ni kiraso kya ulyamari, na yeyo ya kavii ni kiraso kyeekora na muro.
8Nawe mmbo ashe teendee kwa nkohani nasheserisyaau ilya ya kiraso kya ulyamari, nawe nayootwe nria, lyo nalaipare kavii-fo; 9numa samu ya vayo kyenga mmbo asheishoshotya efo mbai ya kitara kyeesya, na samu yeyo yeesaa-u ishoshotyo efo kwasi ya kitara ekyo nkiraso kya ulyamari. 10Numa ndeye yeyo ya kavii mmbo asheiserisyaa-u ive kiraso kyeekora na muro, kiinani na ivavaso; na nkohani mmbo ashembikyaa usandi kya ulyamari elo alelutana, llyo ashefwaaywa.
11Lyo kanra nalaona mbeta ivii ao maana a mbuku, kive kiraso kyakwe kyeyuuta ulyamari aletana ashiidimaa yeende nswa mmamiri kilo kyimwi lyo nalavike-fo mafura nta ubani-fo mashika ni kiraso kya ulyamari. 12Nawe mmbo ashengyee nkohani, na nkohani mmbo ashuutaau nswa na ng'unde yakwe uve kindo kyeekumbwa, naumamite yoo kitareny kyeerasya, yoo uwe ya firaso yefyo fyaserisyo Nndumi Iruva na muro, nkyo kiraso kya ulyamari. 13Na nkohani yeto mmbo ashembikyaa usandi kya ulyamari llwa aletana, nawe mmbo afwaayo; na nswa yeto wasaau mmbo uvaa wa nkohani, shaasa kiraso ekyo kya nswa kikai.
Kiraso kya Itaa Sye
14Naasa Nndumi Iruva karera na Mose kammbia, 15“Kwakooya nndu alyang'aa katana ulyamari lyo nalakusarye, kya findo feele fya Nndumi Iruva, llyo neengye Nndumi Iruva kiraso kyakwe kyeerenga, mburu ya suva ilatiri ivara, kiinani na wuuru lwa vayo ashereiyoo lwa fesa, fesa ya ando eele, kive kiraso kya irenga, 16nkyo ashetaa kimaruma kya kindo ekyo alerenga kya efyo fyeele, nasheengerya-u na kyenga kya karaanu, naniingye nkohani, nawe nkohani navike usandi kimaruma kyakwe na suva yeyo ya kiraso kya irenga, nawe nawaayo.” 17Na kwakooya nndu atana ulyamari katanau kimwi kya efyo Nndumi Iruva aleima filatano, naakwa aletana indo nalaishi, lyo mmbo allyamara, nkuti neebo uravi lwakwe. 18We mmbo asheendee suva yuuka wiisirony lwakwe, shisha, shaasa avavasyoo, ive kiraso kya ulyamari, naserisye nkohani, nawe nkohani nambikye usandi kimaruma kya kindo ekyo alerenga, nalakusarye, nawe llyo ashefwaayoo. 19Nkiraso kya ulyamari, mashika ni kya dede mwiirenga yoo kwa Nndumi Iruva.
Currently Selected:
Valevi 5: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
Valevi 5
5
Firaso Fya Yuuta Ulyamari
1Kwakooya nndu akundikye yuuta ukureekyi kya mbony aleeta ao ilollya nawe kalema itana indo mmbo ashuutywa uvingo; 2ao kwakooya nndu apaana kindo kikee kitefusu, sha nnying'a wa kindo kya ngoroshony ukee ntefusu, ao nnying'a wa kindo kya mmba kikee kitefusu, ao kya ikuru lyikee itefusu, na kindo ekyo kyikava kirike kwakwe, lyo we kava ntefusu, llyo ashekurikaa ulyamari lwa vayo; 3ao kwakooya mmbo apaana kindo ekyo kitefusu, ao kya nndu wa vandu, na findo efyo fitefusu fikava mfyo fyatefusa nndu eto, nawe nta nallamanye, kyeeri ashemanyaa llyo amanyaa sheelyi mmbo akee ntefusu; 4ao se, kwakooya nndu akulyisa mboo we muni elyi aangusya we muni isenda kaniny kyakwe nawe karenga ao katana mesha, kindo kyoose ekyo ashesendaa elyaa mmbo kulore ankusara nisha nakyo kiva kindo kirike kwakwe; llyo kyeeri ashemanyaa kuti namanyi sheelyi mmbo akee uvingony, 5llyo elyi akee uvingony lwa vayo, nkuti nakurye kya ekyo alelyamara; 6nawe neengye Nndumi Iruva kiraso kya yuutwa ulyamari elo lwakwe alelutana, llo uruvi ao suven, afyuuta efo wiisirony lwakwe, kive ni kiraso kya ulyamari nawe nkohani nashembikya usandi kya ulyamari lwakwe.
7Kyeendi kwakooya nalaonisaa uruvi, llyo asheengyee Nndumi Iruva mbeta ivii, ao mabore avii a mbuku, kive kiraso kya ekyo alelyamara, ndeye imwi ya eto ni kiraso kya ulyamari, na yeyo ya kavii ni kiraso kyeekora na muro.
8Nawe mmbo ashe teendee kwa nkohani nasheserisyaau ilya ya kiraso kya ulyamari, nawe nayootwe nria, lyo nalaipare kavii-fo; 9numa samu ya vayo kyenga mmbo asheishoshotya efo mbai ya kitara kyeesya, na samu yeyo yeesaa-u ishoshotyo efo kwasi ya kitara ekyo nkiraso kya ulyamari. 10Numa ndeye yeyo ya kavii mmbo asheiserisyaa-u ive kiraso kyeekora na muro, kiinani na ivavaso; na nkohani mmbo ashembikyaa usandi kya ulyamari elo alelutana, llyo ashefwaaywa.
11Lyo kanra nalaona mbeta ivii ao maana a mbuku, kive kiraso kyakwe kyeyuuta ulyamari aletana ashiidimaa yeende nswa mmamiri kilo kyimwi lyo nalavike-fo mafura nta ubani-fo mashika ni kiraso kya ulyamari. 12Nawe mmbo ashengyee nkohani, na nkohani mmbo ashuutaau nswa na ng'unde yakwe uve kindo kyeekumbwa, naumamite yoo kitareny kyeerasya, yoo uwe ya firaso yefyo fyaserisyo Nndumi Iruva na muro, nkyo kiraso kya ulyamari. 13Na nkohani yeto mmbo ashembikyaa usandi kya ulyamari llwa aletana, nawe mmbo afwaayo; na nswa yeto wasaau mmbo uvaa wa nkohani, shaasa kiraso ekyo kya nswa kikai.
Kiraso kya Itaa Sye
14Naasa Nndumi Iruva karera na Mose kammbia, 15“Kwakooya nndu alyang'aa katana ulyamari lyo nalakusarye, kya findo feele fya Nndumi Iruva, llyo neengye Nndumi Iruva kiraso kyakwe kyeerenga, mburu ya suva ilatiri ivara, kiinani na wuuru lwa vayo ashereiyoo lwa fesa, fesa ya ando eele, kive kiraso kya irenga, 16nkyo ashetaa kimaruma kya kindo ekyo alerenga kya efyo fyeele, nasheengerya-u na kyenga kya karaanu, naniingye nkohani, nawe nkohani navike usandi kimaruma kyakwe na suva yeyo ya kiraso kya irenga, nawe nawaayo.” 17Na kwakooya nndu atana ulyamari katanau kimwi kya efyo Nndumi Iruva aleima filatano, naakwa aletana indo nalaishi, lyo mmbo allyamara, nkuti neebo uravi lwakwe. 18We mmbo asheendee suva yuuka wiisirony lwakwe, shisha, shaasa avavasyoo, ive kiraso kya ulyamari, naserisye nkohani, nawe nkohani nambikye usandi kimaruma kya kindo ekyo alerenga, nalakusarye, nawe llyo ashefwaayoo. 19Nkiraso kya ulyamari, mashika ni kya dede mwiirenga yoo kwa Nndumi Iruva.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.