Valevi 3
3
Firaso fya Wiitanu
1Na kwakooya findo fyafo fya pya nfiraso fya itereva ufoo, kwakooya mmbo anserisya ng'umbe ya kyuumi ao ya kika, mmbo asheniingyaa yeyo ilatiri teve usanguny lwa Nndumi Iruva. 2Nawe yeto anningyaa mmbo ashevikaa woko lwakwe yoo nrwen a vayo, na yiishishya yoo mwangony wa yeema yeele, nawo vana va Aron, makohani yewo mmbo vashenanatyaa samu ya vayo taari toose ta kitara kyeerasya. 3Nawe mmbo asheserisyaau kiraso ekyo kya ufoo, kive kiraso kwa Nndumi Iruva yekyo kivikwaa murony, nkyo mafura yoo asikye maala na mafura yoo akee uwe ya vayo. 4Na syo ta vayo ivii na mafura yoo akutiri nato, akee kufii na kisi, na yoo iravati elyo lya irima ando amwi na syo, efyo fyoose mfyuutefo. 5Na vana va Aron mmbo vashefirumataa na muro, nkiraso kyeekora na muro, kitiri nrungo nsha usenyi Nndumi Iruva.
6Na fyeeningya fyakwe fya firaso fya ufoo efyo asheshishyaa Nndumi Iruva, kwakooya afyuuta efo Suvaniny ao moonriny, lya kyuumi ao lya kika, mmbo asheniingya elyo lyilatiri teve. 7Kwakooya aniingya ngurana ya suva ive kiraso kyakwe, lyo naniingyen Nndumi Iruva, 8nawe mmbo asheekeraa woko lwakwe yoo nrony wa vayo; neeshishya yoo mwaangony wa yeema yeele; na vana va Aron mmbo vashenanatyaa samu ya vayo efo kitareny taari toose. 9Nawe mmbo asheserisyaa-u kiraso ekyo kya ufoo kive kiraso kwa Nndumi Iruva ikoraa mmuro, nng'u mafura a vayo na kia yeto wa mafura moose, mmbo asheurumbwaau yoo ifweny deny, na mafura yoo asikye ma na maangaau moose, 10na syo ta vayo ivii, na mafura yoo akutiri nato, yoo akee kufii na kisi, na mangau a irima, ando amwi na syo; efyo fyoose nafyuute-fo. 11Nawe nkohani mmbo ashefirumata fyoose na muro yoo kitareny; eyo nshonga ya kiraso kyeeserisya Nndumi Iruva kwi muro.
12Na findo fyakwe fya pya, kive mmburu, llyo asheivikaa mbee ya Nndumi Iruva; 13nawe mmbo ashevikaa woko lwakwe yoo nrony wa vayo, na yiishishya yoo mbee ya yeemeny yeele; nawo vana va Aron mmbo vananatyaa samu ya vayo taari toose ta kitara kyeerasya.
14Nawe mmbo asheserisyaau kiraso ekyo kya findo fya pya, kive kiraso kwa Nndumi Iruva kyeekora na muro; nkyo mafura mangau a ndeu, na yoo moose akee efo ndewuny, 15na syo ivii, na mafura yoo a vayo, akee kufii na kisi kya vayo, na mangau yoo a irima ando amwi na syo eto ivii, efyo fyoose nafyuute-fo. 16Nawe nkohani mmbo ashefirumataa na muro yoo uwe ya kitara kyeerasya, nshoonga yeniingya Nndumi Iruva yeeserisya-u na muro, ive nrungo nsha usenyi Nndumi Iruva; mafura moose ni a Nndumi Iruva. 17Irero elyi mmbo lyisheva ivavasyo lya llung'anu, marika any moose, efo mmbeny kwany koose, neeni mmulyaa mafura tara nta samu-fo.
Currently Selected:
Valevi 3: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
Valevi 3
3
Firaso fya Wiitanu
1Na kwakooya findo fyafo fya pya nfiraso fya itereva ufoo, kwakooya mmbo anserisya ng'umbe ya kyuumi ao ya kika, mmbo asheniingyaa yeyo ilatiri teve usanguny lwa Nndumi Iruva. 2Nawe yeto anningyaa mmbo ashevikaa woko lwakwe yoo nrwen a vayo, na yiishishya yoo mwangony wa yeema yeele, nawo vana va Aron, makohani yewo mmbo vashenanatyaa samu ya vayo taari toose ta kitara kyeerasya. 3Nawe mmbo asheserisyaau kiraso ekyo kya ufoo, kive kiraso kwa Nndumi Iruva yekyo kivikwaa murony, nkyo mafura yoo asikye maala na mafura yoo akee uwe ya vayo. 4Na syo ta vayo ivii na mafura yoo akutiri nato, akee kufii na kisi, na yoo iravati elyo lya irima ando amwi na syo, efyo fyoose mfyuutefo. 5Na vana va Aron mmbo vashefirumataa na muro, nkiraso kyeekora na muro, kitiri nrungo nsha usenyi Nndumi Iruva.
6Na fyeeningya fyakwe fya firaso fya ufoo efyo asheshishyaa Nndumi Iruva, kwakooya afyuuta efo Suvaniny ao moonriny, lya kyuumi ao lya kika, mmbo asheniingya elyo lyilatiri teve. 7Kwakooya aniingya ngurana ya suva ive kiraso kyakwe, lyo naniingyen Nndumi Iruva, 8nawe mmbo asheekeraa woko lwakwe yoo nrony wa vayo; neeshishya yoo mwaangony wa yeema yeele; na vana va Aron mmbo vashenanatyaa samu ya vayo efo kitareny taari toose. 9Nawe mmbo asheserisyaa-u kiraso ekyo kya ufoo kive kiraso kwa Nndumi Iruva ikoraa mmuro, nng'u mafura a vayo na kia yeto wa mafura moose, mmbo asheurumbwaau yoo ifweny deny, na mafura yoo asikye ma na maangaau moose, 10na syo ta vayo ivii, na mafura yoo akutiri nato, yoo akee kufii na kisi, na mangau a irima, ando amwi na syo; efyo fyoose nafyuute-fo. 11Nawe nkohani mmbo ashefirumata fyoose na muro yoo kitareny; eyo nshonga ya kiraso kyeeserisya Nndumi Iruva kwi muro.
12Na findo fyakwe fya pya, kive mmburu, llyo asheivikaa mbee ya Nndumi Iruva; 13nawe mmbo ashevikaa woko lwakwe yoo nrony wa vayo, na yiishishya yoo mbee ya yeemeny yeele; nawo vana va Aron mmbo vananatyaa samu ya vayo taari toose ta kitara kyeerasya.
14Nawe mmbo asheserisyaau kiraso ekyo kya findo fya pya, kive kiraso kwa Nndumi Iruva kyeekora na muro; nkyo mafura mangau a ndeu, na yoo moose akee efo ndewuny, 15na syo ivii, na mafura yoo a vayo, akee kufii na kisi kya vayo, na mangau yoo a irima ando amwi na syo eto ivii, efyo fyoose nafyuute-fo. 16Nawe nkohani mmbo ashefirumataa na muro yoo uwe ya kitara kyeerasya, nshoonga yeniingya Nndumi Iruva yeeserisya-u na muro, ive nrungo nsha usenyi Nndumi Iruva; mafura moose ni a Nndumi Iruva. 17Irero elyi mmbo lyisheva ivavasyo lya llung'anu, marika any moose, efo mmbeny kwany koose, neeni mmulyaa mafura tara nta samu-fo.
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.