YOBU 1
1
Satana aleesa Yobu
1Kweifo nndu umwi urukeny lwa Usi evaangwaa Yobu. Nndu yeto mmbo eekee nndu nsha na nsaari; mwiindya Iruva na ikwiisa na wo kindo kiravi. 2Yobu etiri vana mfungare va womi na vararu va kyika; 3etiri moonri fiku mfungare ngamula fiku firaru, ng'umbe ta irema teengyaa mabaleny mayana araanu, mishungu ya kyika mayana araanu, mashinga meengyi deny; we mmbo ekee nndu nsuri ngota vandu woose va uruka lulya kulya taari ya ngama.
4Fyeeri maata vana va Yobu vevikaa sukukuu kyeny kwa wo umwi vawo wakaala makamba; vakavaanga na vamfwamaye vawo vashe ilya na ina nawo.
5Wo kyeeri, mafurumyony a sukukuu, Yobu mmbo evaanga vana voose kavika miindye kavaterevya kwa Iruva na ivailisa. Mmbo ekupoo ngama nraasi vakammaa sukukuu kaniingya Iruva firaso fya ikora murony kwa wo umwi eshaambaa, “Kulashekoya vana vakwa valelyamaria Iruva miriminy yaao.”
6Naasa kukakaafo nkonu umwi vasu va Iruva veenda ikwanannya mbee ya Nndumi Iruva, nawe Satana, kakoora amwi nawo. 7Nndumi Iruva kavesa Satana, “Kooka kwi yewe?” Nawe Satana karouwa Nndumi Iruva, “Shooka irwa-rwa na irunguka runguka efo ulaniny.”
8Nndumi Iruva kavia Satana, “Kulaifo nyinyira kwammanya kishinga kyakwa Yobu. Ulaniny nkuifo ungyi akee shawe-fo. We ni nndu nsaari, mwiindya Iruva na mwikwiisa na ukasha ngota.” 9Satana karouwa, 10“Ate, Yobu mmbo eendya kya ruu? Ate nshi dede yewe kunringaa taari toose we na va mmba yakwe na wo kindo atiri? Yewe mmbo kumbikkye mbora na masaa akwe kwaeengera akafumbuka urukeny. 11Indi ulaalu ankye orrwa woko lwafo nsi kwapaana masaa akwe kwara kulalollya akwaarara kisisi!”
12Kavia Satana, “Kyasya kushiidimaa itana wo kindo uwe ya masaa akwe; indi we muni kulampaani-fo.” Naasa Satana kakupoo mbee ya Nndumi Iruva.
Kyeeso kya mbee kwa Yobu
13Kukava nkonu umwi vana va womi na va kyika va Yobu vekeelya na ina ando amwi mmbeny ya mwanamaaye awo n nini, 14Naasa ishinga lyimwi likasheya Yobu kammbia, “Mmbo lwekeerema na ng'umbe na mishungu yekeiswaa yoo kufii. 15Naasa Wasabea vakaluwoya, vakakurika ng'umbe na mishungu myoose vakawaa mashinga afo woose veevarummbwaa na usu. Nnyeny shakkyau, yeny nsi shikweengye mbony.”
16Kulaore ammaa imwongoya, ungyi kaafukkya kaamba, “Ukova mmbo lwawoya mashinga afo weesi va mburu, lukavamamita woose amwi na mburu, n nyenyy shimuni shakkyau shishekweengye mbony.”
17Yeto nave kulaore ammaa irera, ungyi kaafukkya, kaamba, “Vakaldayo mmbo valekwaava maronda araru vakawoya ngamula vakakamara varundi vafo vakavawaa na usu! N yenyy shimuni da shilekiau naambo shishekuongoya.”
18Kulaore yeto ammaa imwongoya kasha ungyi kammbia, “Vana vafo va womi na va kyika mmbo vekeelya na ina mfinyo kyeny kwa mwanamaaye nniini. 19Pari-pari kitita si kikasha kyuuka na taari ya kasa kikakapa mmba ilya taari toose nayo ikavawoya, vana vafo woose vakafiiya-fo! Ni yeny shimuni shakiafo naambo shishekoongoya.”
20Naasa Yobu kakupoo, karanndwa soori takwe, kauta fii ta nrwe wakwe, kakweera si kainndya Iruva. 21Kaamba,
“Mmbo sheesha ulaninyy shikee mbereto,
mbereto shisheukaa ulaninyy,
mmbwe aleshisimba,
mmbwe aipoo;
Lirumishwa irina lyakwe.”
22Findony efyo fyoose, Yobu nnyalelyamarya Iruva nta ikusarya Iruva sheelyi alentannya kindo kikasha-fo.
Currently Selected:
YOBU 1: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
YOBU 1
1
Satana aleesa Yobu
1Kweifo nndu umwi urukeny lwa Usi evaangwaa Yobu. Nndu yeto mmbo eekee nndu nsha na nsaari; mwiindya Iruva na ikwiisa na wo kindo kiravi. 2Yobu etiri vana mfungare va womi na vararu va kyika; 3etiri moonri fiku mfungare ngamula fiku firaru, ng'umbe ta irema teengyaa mabaleny mayana araanu, mishungu ya kyika mayana araanu, mashinga meengyi deny; we mmbo ekee nndu nsuri ngota vandu woose va uruka lulya kulya taari ya ngama.
4Fyeeri maata vana va Yobu vevikaa sukukuu kyeny kwa wo umwi vawo wakaala makamba; vakavaanga na vamfwamaye vawo vashe ilya na ina nawo.
5Wo kyeeri, mafurumyony a sukukuu, Yobu mmbo evaanga vana voose kavika miindye kavaterevya kwa Iruva na ivailisa. Mmbo ekupoo ngama nraasi vakammaa sukukuu kaniingya Iruva firaso fya ikora murony kwa wo umwi eshaambaa, “Kulashekoya vana vakwa valelyamaria Iruva miriminy yaao.”
6Naasa kukakaafo nkonu umwi vasu va Iruva veenda ikwanannya mbee ya Nndumi Iruva, nawe Satana, kakoora amwi nawo. 7Nndumi Iruva kavesa Satana, “Kooka kwi yewe?” Nawe Satana karouwa Nndumi Iruva, “Shooka irwa-rwa na irunguka runguka efo ulaniny.”
8Nndumi Iruva kavia Satana, “Kulaifo nyinyira kwammanya kishinga kyakwa Yobu. Ulaniny nkuifo ungyi akee shawe-fo. We ni nndu nsaari, mwiindya Iruva na mwikwiisa na ukasha ngota.” 9Satana karouwa, 10“Ate, Yobu mmbo eendya kya ruu? Ate nshi dede yewe kunringaa taari toose we na va mmba yakwe na wo kindo atiri? Yewe mmbo kumbikkye mbora na masaa akwe kwaeengera akafumbuka urukeny. 11Indi ulaalu ankye orrwa woko lwafo nsi kwapaana masaa akwe kwara kulalollya akwaarara kisisi!”
12Kavia Satana, “Kyasya kushiidimaa itana wo kindo uwe ya masaa akwe; indi we muni kulampaani-fo.” Naasa Satana kakupoo mbee ya Nndumi Iruva.
Kyeeso kya mbee kwa Yobu
13Kukava nkonu umwi vana va womi na va kyika va Yobu vekeelya na ina ando amwi mmbeny ya mwanamaaye awo n nini, 14Naasa ishinga lyimwi likasheya Yobu kammbia, “Mmbo lwekeerema na ng'umbe na mishungu yekeiswaa yoo kufii. 15Naasa Wasabea vakaluwoya, vakakurika ng'umbe na mishungu myoose vakawaa mashinga afo woose veevarummbwaa na usu. Nnyeny shakkyau, yeny nsi shikweengye mbony.”
16Kulaore ammaa imwongoya, ungyi kaafukkya kaamba, “Ukova mmbo lwawoya mashinga afo weesi va mburu, lukavamamita woose amwi na mburu, n nyenyy shimuni shakkyau shishekweengye mbony.”
17Yeto nave kulaore ammaa irera, ungyi kaafukkya, kaamba, “Vakaldayo mmbo valekwaava maronda araru vakawoya ngamula vakakamara varundi vafo vakavawaa na usu! N yenyy shimuni da shilekiau naambo shishekuongoya.”
18Kulaore yeto ammaa imwongoya kasha ungyi kammbia, “Vana vafo va womi na va kyika mmbo vekeelya na ina mfinyo kyeny kwa mwanamaaye nniini. 19Pari-pari kitita si kikasha kyuuka na taari ya kasa kikakapa mmba ilya taari toose nayo ikavawoya, vana vafo woose vakafiiya-fo! Ni yeny shimuni shakiafo naambo shishekoongoya.”
20Naasa Yobu kakupoo, karanndwa soori takwe, kauta fii ta nrwe wakwe, kakweera si kainndya Iruva. 21Kaamba,
“Mmbo sheesha ulaninyy shikee mbereto,
mbereto shisheukaa ulaninyy,
mmbwe aleshisimba,
mmbwe aipoo;
Lirumishwa irina lyakwe.”
22Findony efyo fyoose, Yobu nnyalelyamarya Iruva nta ikusarya Iruva sheelyi alentannya kindo kikasha-fo.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.