ISAYA 6
6
Iruva avaanga Isaya ave nkisuku
1Mwaka ulya mangyi Usia efwa, mmbo shelollya Nndumi Iruva ekaaye kitima kyakwe kya ushilyi kya yiinndywa kyikee uwe, ikedu lya soori yakwe ikeeshwa yefo mmba ya mwiindye shoose. 2Uwe ya vayo kweiyo vasu vatiri maaru arindaru, maaru avii eesikya kisangu, avii eesikya marende na avii eerumbuka. 3Vakavaangana wo umwi na urooye iindi, “Mweele, mweele ni Nndumi Iruva wa matorito! Ulana loose mmbo lwiishwe itumbe lyakwe.”
4Unyanga lwa valya veekevaanga lukareremisa nsuka wa fyeeko fya mmba ya iterevya na nsu ukaishura efo mmba.
5Neeny shaamba, “Woshiny lwakwa! Ulaalu shamamika mashika yeny mmbo shikee nndu llyamari na ntefusu, shikee nnang'ani ya vandu vatefusu mashika miso akwa allollya ungyi; Nndumi Iruva wa matorito.” 6Naasa umwi wa vasu valya karumbuka eerye ikaa lya muro na mwaaro wokony lwakwe oota alya kitareny kyeerasya.
7Nalyo kashipaana nalyo kana kyakwa,
kaamba, “Ikaa ilyi lyakupaana kana kyafo
mmbo kwansarywa na ulyamari lwammisya.”
8Naasa sheeta unyanga lwa Nndumi Iruva ashaamba, “Sharuma-vi? Mmbovi asheenda ave nrumi ando eru?” Neeny shaamba, “Nnyaa nkai! Shiruma yeny.” 9Nawe kashiruma kashivia, “Endevia vandu yeva, mmbo muvaa vearannya nnu, iindi-lyo mmushitumuso-fo. Muve veelola nnu, indi-lyo mmulollya-fo.” 10Naasa kashivia, “Fuluta makusaro a vandu yeva, vave mbimbi na miso awo alashelollya kwa miso awo, veete kwa maarwi awo vamanyi kwa urango lwawo neeshiwiiya vakirwa.”
11Neeny shammbesa, “Nndumi, mmbo kyivaa indo kufike indii?” Nawe kashirouwa kaamba, “Kutani miri yasaa-fo marama, kuve ukyiva kuleefo veni mmba tilatiri vandu; na uruka lwamma ilyamarwa deny. 12Neeny shishesamirya vandu kwaasha na uruka loose shilwaallwe sama lulatiri vandu. 13Naakwa vasaa-u vandu kyenga kyimwi kya ikumi mmbo vashemamittwaa, yewo mmbo vashevaa kyimwi sha nri wammanywa lyikasaa-u isinde. Isinde yelyo ni mbeu sheele ya muu mwiiya ya vandu va Iruva.”
Currently Selected:
ISAYA 6: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
ISAYA 6
6
Iruva avaanga Isaya ave nkisuku
1Mwaka ulya mangyi Usia efwa, mmbo shelollya Nndumi Iruva ekaaye kitima kyakwe kya ushilyi kya yiinndywa kyikee uwe, ikedu lya soori yakwe ikeeshwa yefo mmba ya mwiindye shoose. 2Uwe ya vayo kweiyo vasu vatiri maaru arindaru, maaru avii eesikya kisangu, avii eesikya marende na avii eerumbuka. 3Vakavaangana wo umwi na urooye iindi, “Mweele, mweele ni Nndumi Iruva wa matorito! Ulana loose mmbo lwiishwe itumbe lyakwe.”
4Unyanga lwa valya veekevaanga lukareremisa nsuka wa fyeeko fya mmba ya iterevya na nsu ukaishura efo mmba.
5Neeny shaamba, “Woshiny lwakwa! Ulaalu shamamika mashika yeny mmbo shikee nndu llyamari na ntefusu, shikee nnang'ani ya vandu vatefusu mashika miso akwa allollya ungyi; Nndumi Iruva wa matorito.” 6Naasa umwi wa vasu valya karumbuka eerye ikaa lya muro na mwaaro wokony lwakwe oota alya kitareny kyeerasya.
7Nalyo kashipaana nalyo kana kyakwa,
kaamba, “Ikaa ilyi lyakupaana kana kyafo
mmbo kwansarywa na ulyamari lwammisya.”
8Naasa sheeta unyanga lwa Nndumi Iruva ashaamba, “Sharuma-vi? Mmbovi asheenda ave nrumi ando eru?” Neeny shaamba, “Nnyaa nkai! Shiruma yeny.” 9Nawe kashiruma kashivia, “Endevia vandu yeva, mmbo muvaa vearannya nnu, iindi-lyo mmushitumuso-fo. Muve veelola nnu, indi-lyo mmulollya-fo.” 10Naasa kashivia, “Fuluta makusaro a vandu yeva, vave mbimbi na miso awo alashelollya kwa miso awo, veete kwa maarwi awo vamanyi kwa urango lwawo neeshiwiiya vakirwa.”
11Neeny shammbesa, “Nndumi, mmbo kyivaa indo kufike indii?” Nawe kashirouwa kaamba, “Kutani miri yasaa-fo marama, kuve ukyiva kuleefo veni mmba tilatiri vandu; na uruka lwamma ilyamarwa deny. 12Neeny shishesamirya vandu kwaasha na uruka loose shilwaallwe sama lulatiri vandu. 13Naakwa vasaa-u vandu kyenga kyimwi kya ikumi mmbo vashemamittwaa, yewo mmbo vashevaa kyimwi sha nri wammanywa lyikasaa-u isinde. Isinde yelyo ni mbeu sheele ya muu mwiiya ya vandu va Iruva.”
The Holy Bible in Kimashami © Bible Society of Tanzania, 2016.