ISAYA 29
29
Finya ya Yerusalemu
1Woshiny lwafo Yerusalemu masabahu a Iruva, muri Davidi emannya ulale lwakwe! Myaaka mmbo ikeesha na yiira na yeengera ivika sukukuu tafo. 2Indi yeny Iruva mmbo shimweenngye ngapo yeni Yerusalemu kusheva-fo kiiyo neefira na muri mmbo ushevaa sha masabahu yaletywa mura wa samu ya vandu vafu. 3Mmbo nshiipoo fira shikape Yerusalemu, nsheulengetya neeukapa. 4Mmbo usherwa kwaasha nnu, nnang'ani ya uteeri kuuka yefo uteeriny sumbai mmbo ashuuka efo sumbai kiluulyiny; na unyanga luvaa sha lwa kwa nndu wa varumu.
5Vakiduva vafo mmbo vashevaa sha kiluulyi, yewo valekwaafinya mmbo vashevaa sha muulu. Nafyo mmbo fishetanyika tiny. 6Nndumi Iruva wa matorito mmbo ashekweekya, mmbo ashaa na iruruma kidina-si na unyanga uniini, kitita-si uraato lung'ani na muro urumataa. 7Masanga moose yoo akooywaa eekapaa Yerusalemu na iwunndwa turuve tawo na eveengye usau, mmbo vasherumaka sha yoorya lya kio. 8Masanga moose yoo akapa muri wa Yerusalemu, mmbo vavaka nndu atirwa nshaa akeyoorya akeelya, indi kyeeri ashekwiipoo kakooya mmbo atirwa nshaa mmwasi; ao nndu atirwa ni nyura akeyoorya akeena mura indi kakwiipo uroo lwiikalukye.
Nrenga ya yiila wiikimbi
9Engereny iva varung'ani, veny mbafu miso, veny mmbanangwa mulaniiye mfinyu singe-singeny mulaniiye wari. 10Nndumi Iruva mmbo amoolotya rrwe shiroo kasikya vakisuku miso awo, valya veelollya ando a vandu vakawaawa miso awo. 11Naasa ukisuku lwa mbony yei, ni kimwi sha nndu akureiya barrwa kavika kyitabuny kikee kireaye na lakiri. Kwarwaaya nndu eeshi isoma, kwammbya, “Ankyeshisomya kyitabu ekyi, mmbo akuviaa, ‘Nshiidimaa-fo mashika mmbo kikee kiraye na Lakiri.’” 12Naakwa kwaniinngya nndu aleeshi isoma kwammbya, “Shisommya kyitabu ekyi,” mmbo akuviaa “Nshiishi isoma-fo.” 13Nnndumi Iruva mmbo aamba, “Vandu eva vakee ishiinndya kwa marero-nsi na kunu mirima yaawo mmbo ikee kwaasha na yeny. Mmbo vashiinndyaa velolaa mikaaye ya vandu-nsi. 14Ulaalu mmbo shiitannyaa vandu eva kindo kya wende na kyeeresye. Neewo vatiri urango na waarya fyoose fishenyanyaka.”
Nsia usheshaa
15Woshiny lwaany, yeni mukeesur uma Nndumi Iruva efyo mwiifo mufitannya efo ireeminy, mukakusara nkwiifo nndu amamyaa nta imulollya efyo mwiifo mutanaa. 16Eni findo mukeetana ni fya kilasha deny! A ndesa, muumba nungu, na nungu nkindo kimwi? Nungu ishiidimaa ivia yeto mwiiyuumba, “Nshi yewe kuleshuumba.” Ao nta, “Nkwiishi kindo kukeetana?” 17Ni kivero-nsi nsito wa Lebsnoni, waaluwa nnda mmbiiri na nnda mmbiri waaluwa nsito. 18Nkonu yeto vafu maarwi vashiita mbony yiisomwa kyitabuny na wooka ireeminy vafu miso vapooke ilollya. 19Yewo veekunyiisa na vaturi vashekooya ikyesa wiiya efo kwa Nndumi Iruva, na yewo vakee vaturi vashekapaa nndoro wiiya kimaruma kya Iruva wa Israeli. 20Vandu mbafu mmbo vashemamitwaa neewo veinyala Iruva vashesya, neewo vakusarye itana makasha mmbo vasherumatwaa.
21Mmbo vashemamitwa valya woose vasheniinngyaa ukureekyi lwa wongo ireta usumanu lwa nndu ibaraseny lya irummbwa myaandu. 22Kweekyo Nndumi Iruva yeto alekapannya Abrahamu mmbo aamba indi kya vana va mmba ya Yakobo, “Vana va mmba ya Yakobo, mmbakisutwaa lyingyi-fo mmbakisurumaa lyingyi fisangu fyawo kimaruma kya usutu-fo. 23Kyeeri vashelollya vana vawo, yewo shilevawonisya yeny shimuni mmbarumisha irina lyakwa yeny mweele wa Yakobo; llyo musheshiinndya yeny Iruva mweele wa Israeli. 24Valya vatondo llyo vashekuloshaa na imanya, na valya vakee variiti fyeeri fyoose llyo vakunda ikulosha.”
Currently Selected:
ISAYA 29: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
ISAYA 29
29
Finya ya Yerusalemu
1Woshiny lwafo Yerusalemu masabahu a Iruva, muri Davidi emannya ulale lwakwe! Myaaka mmbo ikeesha na yiira na yeengera ivika sukukuu tafo. 2Indi yeny Iruva mmbo shimweenngye ngapo yeni Yerusalemu kusheva-fo kiiyo neefira na muri mmbo ushevaa sha masabahu yaletywa mura wa samu ya vandu vafu. 3Mmbo nshiipoo fira shikape Yerusalemu, nsheulengetya neeukapa. 4Mmbo usherwa kwaasha nnu, nnang'ani ya uteeri kuuka yefo uteeriny sumbai mmbo ashuuka efo sumbai kiluulyiny; na unyanga luvaa sha lwa kwa nndu wa varumu.
5Vakiduva vafo mmbo vashevaa sha kiluulyi, yewo valekwaafinya mmbo vashevaa sha muulu. Nafyo mmbo fishetanyika tiny. 6Nndumi Iruva wa matorito mmbo ashekweekya, mmbo ashaa na iruruma kidina-si na unyanga uniini, kitita-si uraato lung'ani na muro urumataa. 7Masanga moose yoo akooywaa eekapaa Yerusalemu na iwunndwa turuve tawo na eveengye usau, mmbo vasherumaka sha yoorya lya kio. 8Masanga moose yoo akapa muri wa Yerusalemu, mmbo vavaka nndu atirwa nshaa akeyoorya akeelya, indi kyeeri ashekwiipoo kakooya mmbo atirwa nshaa mmwasi; ao nndu atirwa ni nyura akeyoorya akeena mura indi kakwiipo uroo lwiikalukye.
Nrenga ya yiila wiikimbi
9Engereny iva varung'ani, veny mbafu miso, veny mmbanangwa mulaniiye mfinyu singe-singeny mulaniiye wari. 10Nndumi Iruva mmbo amoolotya rrwe shiroo kasikya vakisuku miso awo, valya veelollya ando a vandu vakawaawa miso awo. 11Naasa ukisuku lwa mbony yei, ni kimwi sha nndu akureiya barrwa kavika kyitabuny kikee kireaye na lakiri. Kwarwaaya nndu eeshi isoma, kwammbya, “Ankyeshisomya kyitabu ekyi, mmbo akuviaa, ‘Nshiidimaa-fo mashika mmbo kikee kiraye na Lakiri.’” 12Naakwa kwaniinngya nndu aleeshi isoma kwammbya, “Shisommya kyitabu ekyi,” mmbo akuviaa “Nshiishi isoma-fo.” 13Nnndumi Iruva mmbo aamba, “Vandu eva vakee ishiinndya kwa marero-nsi na kunu mirima yaawo mmbo ikee kwaasha na yeny. Mmbo vashiinndyaa velolaa mikaaye ya vandu-nsi. 14Ulaalu mmbo shiitannyaa vandu eva kindo kya wende na kyeeresye. Neewo vatiri urango na waarya fyoose fishenyanyaka.”
Nsia usheshaa
15Woshiny lwaany, yeni mukeesur uma Nndumi Iruva efyo mwiifo mufitannya efo ireeminy, mukakusara nkwiifo nndu amamyaa nta imulollya efyo mwiifo mutanaa. 16Eni findo mukeetana ni fya kilasha deny! A ndesa, muumba nungu, na nungu nkindo kimwi? Nungu ishiidimaa ivia yeto mwiiyuumba, “Nshi yewe kuleshuumba.” Ao nta, “Nkwiishi kindo kukeetana?” 17Ni kivero-nsi nsito wa Lebsnoni, waaluwa nnda mmbiiri na nnda mmbiri waaluwa nsito. 18Nkonu yeto vafu maarwi vashiita mbony yiisomwa kyitabuny na wooka ireeminy vafu miso vapooke ilollya. 19Yewo veekunyiisa na vaturi vashekooya ikyesa wiiya efo kwa Nndumi Iruva, na yewo vakee vaturi vashekapaa nndoro wiiya kimaruma kya Iruva wa Israeli. 20Vandu mbafu mmbo vashemamitwaa neewo veinyala Iruva vashesya, neewo vakusarye itana makasha mmbo vasherumatwaa.
21Mmbo vashemamitwa valya woose vasheniinngyaa ukureekyi lwa wongo ireta usumanu lwa nndu ibaraseny lya irummbwa myaandu. 22Kweekyo Nndumi Iruva yeto alekapannya Abrahamu mmbo aamba indi kya vana va mmba ya Yakobo, “Vana va mmba ya Yakobo, mmbakisutwaa lyingyi-fo mmbakisurumaa lyingyi fisangu fyawo kimaruma kya usutu-fo. 23Kyeeri vashelollya vana vawo, yewo shilevawonisya yeny shimuni mmbarumisha irina lyakwa yeny mweele wa Yakobo; llyo musheshiinndya yeny Iruva mweele wa Israeli. 24Valya vatondo llyo vashekuloshaa na imanya, na valya vakee variiti fyeeri fyoose llyo vakunda ikulosha.”
The Holy Bible in Kimashami © Bible Society of Tanzania, 2016.