ISAYA 27
27
1Nkonu yeto Nndumi iruva mmbo ashesommwa usu lwakwe woovi, uniini lutiri finya ashewaa nalo dude Leviyatani ishoka lyirumbukaa na ilembi, Nndumi mmbo ashewaa ishoka elyo lyikaa efo yeeveny. 2Nkonu yeto Nndumi Iruva mmbo ashaamba nnda wakwa wa misabibu,
3“Yeny mmbwe mwiirema,
mmbwe mwiilyinisa kyeeri kyoose,
mmbwe mwiilyiringa kio na nsanyiny
lyilashelyamarwa ni nndu moose.
4Nshikyisuuye lyingyi kya nnda yeu-fo
kukooye kweifo miinga nsuusu
mmbo sheewaana nayo neikora muro.
5Kweekyo kwakooya vakiduva va vandu vakwa
vakunndye uringyi lwakwa,
varuuye urilalyi na yeny, yee varuye urilalyi neeny.”
6Kusheshaa mikonu vana va mmba ya Yakobo miraari ishevanga sumbai, fivaro fya vana va Israeli fivike na ndunda tikwaani ulaniny koose. 7Ngapo ya vana va Israeli yuuka kwa Iruva nnyilefiikya ilya ya vakiduva vakwe-fo. Vaisraeli valefiiya fireny ni vaangu ngota valya va vakiduva vakwe. 8Irrawaa usamirony nnyo ileva ngapo ya vandu vakwe. Kyeeri uraato uniini lulesha luuka na taari ya ngama, mmbo alewoota-fo kwa ngapo shinyaasi. 9Yei nnyo ngata ukasha lwa vana va mmba ya Yakobo lushootwa-fo, niindo ulyamari lwakwe lushesarywa na irekyeka, mmbo ashelyamaraa fitara fyeerasya maruva a wongo, mawe avayo ashesewa-sewa sha yeela, Ashera nta na fitara fyeerasya ubani mfirewaa-u-fo. 10Muri ulya utiri turuve wammba irama, wanrewa-u na isamwa sha kasa koomu; ulaalu kwammba kundo kweelya na yiimuya mafisi a ngoroshony.
11Maramba a miri ammuuma neefika-fika, vaka vakashesana-fo ngwi teyaata muro. Kweekyo vandu eva mbalemanyi kindo-fo, kweekyo Iruva muumbi waawo nnyavalyillya-fo nta ivakureekya-fo. 12Nkonu yeto kupookya mura wa Efrate kundefika nnyanuny wa Misri, Nndumi Iruva mmbo asangirya vandu vakwe, umwi umwi sha nndu asheela nganu yakwe. 13Elyi nkonu yeto usheshaa mmbo wombe lushekapwaa lweevaanga vandu woose wooka Ashuru na Misri Vaisraeli woose kundo vakee ushingeny. Mmbo vashaa isheinndya Nndumi Iruva uwe ya ifumbuu yeele kulya Yerusalemu.
Currently Selected:
ISAYA 27: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
ISAYA 27
27
1Nkonu yeto Nndumi iruva mmbo ashesommwa usu lwakwe woovi, uniini lutiri finya ashewaa nalo dude Leviyatani ishoka lyirumbukaa na ilembi, Nndumi mmbo ashewaa ishoka elyo lyikaa efo yeeveny. 2Nkonu yeto Nndumi Iruva mmbo ashaamba nnda wakwa wa misabibu,
3“Yeny mmbwe mwiirema,
mmbwe mwiilyinisa kyeeri kyoose,
mmbwe mwiilyiringa kio na nsanyiny
lyilashelyamarwa ni nndu moose.
4Nshikyisuuye lyingyi kya nnda yeu-fo
kukooye kweifo miinga nsuusu
mmbo sheewaana nayo neikora muro.
5Kweekyo kwakooya vakiduva va vandu vakwa
vakunndye uringyi lwakwa,
varuuye urilalyi na yeny, yee varuye urilalyi neeny.”
6Kusheshaa mikonu vana va mmba ya Yakobo miraari ishevanga sumbai, fivaro fya vana va Israeli fivike na ndunda tikwaani ulaniny koose. 7Ngapo ya vana va Israeli yuuka kwa Iruva nnyilefiikya ilya ya vakiduva vakwe-fo. Vaisraeli valefiiya fireny ni vaangu ngota valya va vakiduva vakwe. 8Irrawaa usamirony nnyo ileva ngapo ya vandu vakwe. Kyeeri uraato uniini lulesha luuka na taari ya ngama, mmbo alewoota-fo kwa ngapo shinyaasi. 9Yei nnyo ngata ukasha lwa vana va mmba ya Yakobo lushootwa-fo, niindo ulyamari lwakwe lushesarywa na irekyeka, mmbo ashelyamaraa fitara fyeerasya maruva a wongo, mawe avayo ashesewa-sewa sha yeela, Ashera nta na fitara fyeerasya ubani mfirewaa-u-fo. 10Muri ulya utiri turuve wammba irama, wanrewa-u na isamwa sha kasa koomu; ulaalu kwammba kundo kweelya na yiimuya mafisi a ngoroshony.
11Maramba a miri ammuuma neefika-fika, vaka vakashesana-fo ngwi teyaata muro. Kweekyo vandu eva mbalemanyi kindo-fo, kweekyo Iruva muumbi waawo nnyavalyillya-fo nta ivakureekya-fo. 12Nkonu yeto kupookya mura wa Efrate kundefika nnyanuny wa Misri, Nndumi Iruva mmbo asangirya vandu vakwe, umwi umwi sha nndu asheela nganu yakwe. 13Elyi nkonu yeto usheshaa mmbo wombe lushekapwaa lweevaanga vandu woose wooka Ashuru na Misri Vaisraeli woose kundo vakee ushingeny. Mmbo vashaa isheinndya Nndumi Iruva uwe ya ifumbuu yeele kulya Yerusalemu.
The Holy Bible in Kimashami © Bible Society of Tanzania, 2016.