ISAYA 25
25
Kyiimbo kya irumisha Iruva
1Nndumi Iruva, yewe mmbwe Iruva wakwa;
yewe mmbwe shikwiinndya na irumisha irina lyafo,
Mashika mitanyi yafo mmbo yeeresye,
nayo kwayiinutya kwa urilalyi na usumanu,
uramba kweevikye ukya kasha.
2Kwaallwa muri ulya ukava mbillya ya mawe,
muri weetiri turuve ukalyamarika,
mmba shisha ta kimangyi tikamamika nta tilakaa titanwa lyingyi wiiya.
3Kweekyo vandu valya vatiri finya mmbo vashekwiinndya,
na miri ya masanga mbafu ishekweereya.
4Mashika yewe mmbo kuleva turuve ya ngwera, turuve ya vaturi,
efo ngatareny tawo yewe mmbwe kirishyony kyeeri kya kitita-si.
Kirishe kyeeri kya mwi wa kirangasi,
Ni dede ngapo ya vandu mbafu ivavaa ngata ya uraato lwa kitita-si.
5Sha kirangasi kundo kwa uruka wuumu;
indi yewe Nndumi Iruva kwamalalyisa vakiduva veru,
kwamalalyisa fyoorongye fya vandu mbafu,
sha elyi ifishi lyirelelyisaa kirangasi kya mwi.
Nndumi Iruva adeesya kyeelya
6Yaandi ifumbuu lya Sioni Nndumi Iruva munifinya ashedeesya shoonga ya masanga moose a ulaniny, Shoonga shisha na mfinyu. 7Llyo asheannwa-u ifishi lya fyoova na mavavyo a myaaka miingyi kwa masanga moose. 8Nndumi we Iruva mmbo ashemamita ufu llung'anu! Mmbo asheangata misoru ya wo nndu efo misony akwe neewoota usutu elo lulenvarovya ando koose yaa ulaniny. Ni Nndumi Iruva muni aamba.
9Elyi ekyo kisheutika, llyo wo nndu ashaamba,
“We mmbwe Iruva weeru! Yeto lummbikye nsia,
ulaalu mmbo lutiri nsia na ifura mashika anlukira.”
Nndumi Iruva arikaa ngapo kwa Moabu
10Nndumi Iruva mmbo asheringaa Sioni, indi vandu va Moabu mmbo vashevavarwa-vavarwa urukeny lwawo sha mare moomu irininy lya kirashi. 11Mmbasheorrwa maako sha nndu akunndye ikyeleya, indi Iruva mmbo ashevatuula-si na maako awo ave nsele-sele. 12Ashewunndwa turuve ta Vamoabu ando amwi na masimamba awo maasha ashevawunduya yoo kiluulyiny-si.
Currently Selected:
ISAYA 25: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
ISAYA 25
25
Kyiimbo kya irumisha Iruva
1Nndumi Iruva, yewe mmbwe Iruva wakwa;
yewe mmbwe shikwiinndya na irumisha irina lyafo,
Mashika mitanyi yafo mmbo yeeresye,
nayo kwayiinutya kwa urilalyi na usumanu,
uramba kweevikye ukya kasha.
2Kwaallwa muri ulya ukava mbillya ya mawe,
muri weetiri turuve ukalyamarika,
mmba shisha ta kimangyi tikamamika nta tilakaa titanwa lyingyi wiiya.
3Kweekyo vandu valya vatiri finya mmbo vashekwiinndya,
na miri ya masanga mbafu ishekweereya.
4Mashika yewe mmbo kuleva turuve ya ngwera, turuve ya vaturi,
efo ngatareny tawo yewe mmbwe kirishyony kyeeri kya kitita-si.
Kirishe kyeeri kya mwi wa kirangasi,
Ni dede ngapo ya vandu mbafu ivavaa ngata ya uraato lwa kitita-si.
5Sha kirangasi kundo kwa uruka wuumu;
indi yewe Nndumi Iruva kwamalalyisa vakiduva veru,
kwamalalyisa fyoorongye fya vandu mbafu,
sha elyi ifishi lyirelelyisaa kirangasi kya mwi.
Nndumi Iruva adeesya kyeelya
6Yaandi ifumbuu lya Sioni Nndumi Iruva munifinya ashedeesya shoonga ya masanga moose a ulaniny, Shoonga shisha na mfinyu. 7Llyo asheannwa-u ifishi lya fyoova na mavavyo a myaaka miingyi kwa masanga moose. 8Nndumi we Iruva mmbo ashemamita ufu llung'anu! Mmbo asheangata misoru ya wo nndu efo misony akwe neewoota usutu elo lulenvarovya ando koose yaa ulaniny. Ni Nndumi Iruva muni aamba.
9Elyi ekyo kisheutika, llyo wo nndu ashaamba,
“We mmbwe Iruva weeru! Yeto lummbikye nsia,
ulaalu mmbo lutiri nsia na ifura mashika anlukira.”
Nndumi Iruva arikaa ngapo kwa Moabu
10Nndumi Iruva mmbo asheringaa Sioni, indi vandu va Moabu mmbo vashevavarwa-vavarwa urukeny lwawo sha mare moomu irininy lya kirashi. 11Mmbasheorrwa maako sha nndu akunndye ikyeleya, indi Iruva mmbo ashevatuula-si na maako awo ave nsele-sele. 12Ashewunndwa turuve ta Vamoabu ando amwi na masimamba awo maasha ashevawunduya yoo kiluulyiny-si.
The Holy Bible in Kimashami © Bible Society of Tanzania, 2016.