ISAYA 2
2
Urilalyi llung'ani
(Mik 4:1-3)
1Irero lya Isaya mwana wa Amosi eniingwa kya Yuda na Yerusalemu: 2Isheshaa mikonu ifumbuu lya mmba ya Nndumi Iruva lyisheikarwaa lyisheva ifumbuu yaasha lyiilannyi mafumbuu engyi moose, mmbo ushesaleeswaa nnang'ani ya fidooro, nato mmbo ushelatywaa ni masanga moose. 3Na vandu veengyi vasheshaa veeshaamba, “Oshony lushealukya ifumbuu lya Nndumi Iruva mmba ya Iruva wa Yakobo, naambo akooye ilulosha meengye yakwe, naambo lwiidimi ilatya shia takwe.” Mashika mavavaso mmbo ashooka Yerusalemu na irero lya Nndumi Iruva lyishooka Sioni.
4Iruva mmbwe ashevaa lleti nnang'ani a masanga, asherummbwa myaandu ya vandu veengyi, vandu vashekoninda ngyupanga ta fira tive makumbi eerema na mafumu ave mindo ya ivikya ng'umbe. Vandu va masanga mmbakikaa vakapani-se-fo, nta ikulosha mbony ta fira-fo. 5Ulaalu eni vandu va mmba ya Yakobo oshony, lulatye sa ya Nndumi Iruva.
Umbafu lushemandaa
6Mashika ulaalu mmbo kwammisito-u vandu vafo, vandu va mmba ya Yakobo. Mashika kya dede, vasavi va taari ya ngama, mmbo vasasanga yefo nnang'ani yaawo, veefo na valya veelafya sha kulya kwa Vafilisiti. Nawo woose vakalatya mikaaye ya vandu veny. 7Uruka lwawo mmbo lwiishwe saabu na fesa na umasi lwawo llutiri umando-fo. Uruka lwawo lukatira frasi na mitika ya frasi alavaa yeekyena. 8Uruka lwawo mmbo lwiishwe mafwanu a maruva a wongo, yoo vatannyi na maako awo, vakawuya iyaainndya. 9Kweekyo wo nndu mmbo ashesutwaa neetatalwa. Kulavafwaaye-fo Nndumi Iruva.
10Angeny mmbangeny ya iwe lyikwaallye-si mundekusuruma yefo fungeny, mundekwiisa nyashi ya Nndumi Iruva, mundekaa kwaasha na itumbe lya wiidimi lwakwe. 11Usheshaa nkonu wa umando lwa ikutuula na ikurosa lya nndu mbafu fyoose fishelyamarwaa, na Nndumi Iruva muni mmbwe ashevaa mwiyaarafumwa. 12Mashika Nndumi Iruva wa matorito, mmbwe asherelelisaa wo umwi yeto atiri nrima wa ikutuula neekurosa we muni na valya vatiri finya. 13Mmbo ashelyamara miri ya Seda ya Lebanoni na ya uruka lwa Bashani. 14Mmbo ashealaala fidooro na mafumbuu moose. 15Wo nnara mwaasha na isimamba lyaturuve tawo. 16Meeli ting'ani naakwa tang'ana kyikwi, mmbo tisherekya ndilyiny. 17Ikutuula lya nndu na ikorosa lyakwe mmbo fishelyamarwaa. Nyi Nndumi Iruva muni ashiindyoo nkonu yeto. 18Mafwanu nnyashekaa alollyo lyingyi-fo. Ni Nndumi Iruva-nsi ashekooya yiinndywa.
19Vandu mmbo vasheangaa efo mbangeny ta mawe, neefo marininy naambo vakooye ikusuruma nyashi ya Nndumi Iruva na itumbe lya wiidimi lwakwe kyeeri asherukaa na ireremisa uruka. 20Kyeeri nkonu yeto ushefikaa mmbo vashaa yeera kwaasha maruva awo yoo a wongo arera a saabu na fesa; yoo veekusongosya veni eeiinndya. Vashearya fiko na mamunyunyu. 21Kyeeri Nndumi Iruva ashaa mmbo vashaanga efo mbangeny ta mawe, neefo miresheny, neekusuruma kwasi ya fidooro kyeyoora ikusuruma usangu na nyashi ya Nndumi Iruva. 22Kulasheevika-se lyingyi nsia kwa nndu wa vandu. Naakwa kyava indo, nkyokyi nndu wa vandu ashiidimaa ikutannya?
Currently Selected:
ISAYA 2: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
ISAYA 2
2
Urilalyi llung'ani
(Mik 4:1-3)
1Irero lya Isaya mwana wa Amosi eniingwa kya Yuda na Yerusalemu: 2Isheshaa mikonu ifumbuu lya mmba ya Nndumi Iruva lyisheikarwaa lyisheva ifumbuu yaasha lyiilannyi mafumbuu engyi moose, mmbo ushesaleeswaa nnang'ani ya fidooro, nato mmbo ushelatywaa ni masanga moose. 3Na vandu veengyi vasheshaa veeshaamba, “Oshony lushealukya ifumbuu lya Nndumi Iruva mmba ya Iruva wa Yakobo, naambo akooye ilulosha meengye yakwe, naambo lwiidimi ilatya shia takwe.” Mashika mavavaso mmbo ashooka Yerusalemu na irero lya Nndumi Iruva lyishooka Sioni.
4Iruva mmbwe ashevaa lleti nnang'ani a masanga, asherummbwa myaandu ya vandu veengyi, vandu vashekoninda ngyupanga ta fira tive makumbi eerema na mafumu ave mindo ya ivikya ng'umbe. Vandu va masanga mmbakikaa vakapani-se-fo, nta ikulosha mbony ta fira-fo. 5Ulaalu eni vandu va mmba ya Yakobo oshony, lulatye sa ya Nndumi Iruva.
Umbafu lushemandaa
6Mashika ulaalu mmbo kwammisito-u vandu vafo, vandu va mmba ya Yakobo. Mashika kya dede, vasavi va taari ya ngama, mmbo vasasanga yefo nnang'ani yaawo, veefo na valya veelafya sha kulya kwa Vafilisiti. Nawo woose vakalatya mikaaye ya vandu veny. 7Uruka lwawo mmbo lwiishwe saabu na fesa na umasi lwawo llutiri umando-fo. Uruka lwawo lukatira frasi na mitika ya frasi alavaa yeekyena. 8Uruka lwawo mmbo lwiishwe mafwanu a maruva a wongo, yoo vatannyi na maako awo, vakawuya iyaainndya. 9Kweekyo wo nndu mmbo ashesutwaa neetatalwa. Kulavafwaaye-fo Nndumi Iruva.
10Angeny mmbangeny ya iwe lyikwaallye-si mundekusuruma yefo fungeny, mundekwiisa nyashi ya Nndumi Iruva, mundekaa kwaasha na itumbe lya wiidimi lwakwe. 11Usheshaa nkonu wa umando lwa ikutuula na ikurosa lya nndu mbafu fyoose fishelyamarwaa, na Nndumi Iruva muni mmbwe ashevaa mwiyaarafumwa. 12Mashika Nndumi Iruva wa matorito, mmbwe asherelelisaa wo umwi yeto atiri nrima wa ikutuula neekurosa we muni na valya vatiri finya. 13Mmbo ashelyamara miri ya Seda ya Lebanoni na ya uruka lwa Bashani. 14Mmbo ashealaala fidooro na mafumbuu moose. 15Wo nnara mwaasha na isimamba lyaturuve tawo. 16Meeli ting'ani naakwa tang'ana kyikwi, mmbo tisherekya ndilyiny. 17Ikutuula lya nndu na ikorosa lyakwe mmbo fishelyamarwaa. Nyi Nndumi Iruva muni ashiindyoo nkonu yeto. 18Mafwanu nnyashekaa alollyo lyingyi-fo. Ni Nndumi Iruva-nsi ashekooya yiinndywa.
19Vandu mmbo vasheangaa efo mbangeny ta mawe, neefo marininy naambo vakooye ikusuruma nyashi ya Nndumi Iruva na itumbe lya wiidimi lwakwe kyeeri asherukaa na ireremisa uruka. 20Kyeeri nkonu yeto ushefikaa mmbo vashaa yeera kwaasha maruva awo yoo a wongo arera a saabu na fesa; yoo veekusongosya veni eeiinndya. Vashearya fiko na mamunyunyu. 21Kyeeri Nndumi Iruva ashaa mmbo vashaanga efo mbangeny ta mawe, neefo miresheny, neekusuruma kwasi ya fidooro kyeyoora ikusuruma usangu na nyashi ya Nndumi Iruva. 22Kulasheevika-se lyingyi nsia kwa nndu wa vandu. Naakwa kyava indo, nkyokyi nndu wa vandu ashiidimaa ikutannya?
The Holy Bible in Kimashami © Bible Society of Tanzania, 2016.