ISAYA 16
16
Moabu vatereva weekyi luuka Yerusalemu
1Kurikeny ishoonri kwa mwiishillya uruka mwiishillya uruka lyuuka kunu kasa koomu ka Sela mundefita kulya Yerusalemu. 2Mmbo vavereye mbai ya mura wa Arnoni, veraa-raa kunu na kunu valeeshi kundo kweyeenda, sha ndeye taattwa fifuriny fyavayo. 3Vakavia vandu va Yuda, “Luniingeny makusaro luvieny kundo lusheenda nafo luniingeny kundo lukusurumaa. Mulasheyaamba kundo lukai yese veerishiswa. 4Veerishiswa va Moabu vasuruminy kunu kwany vakee kwaasha na vakiduva vawo.” Elyi fira fishemandaa, neewo vewaa vandu vashesamaa. 5Llyo umwi wa mmba ya Davidi ashevikwa nave mangyi. Mwiishillya nsaari na nsongovisi yeto ashekooya iniinga vandu usumanu lwawo.
6Nalyo vandu va Yuda vakaamba; Lwammita ukushobi lwa vandu va Moabu, mmbo lwiishi nnu mbony ta ikushoba lyawo, ukushobi lwawo ukaidi na umbafu, indi efyo fyoose ni kyimwi na kyimwi! 7Ulaalu Vamoabu mmbo vakee fiira woose mmbo vakee yiiya uruka lwawo, mmbo vaiyaa nnu kyeeri vakeekummbwa shoonga tilya shisha veekeelya kulya Kir-hareseti. Mmbo varishiiswa varekkywa. 8Marema a Heshboni mmbo ammba isoola, naakwa ni sabibu tilya ta Sibma nato tallyamarwa, tilya teekee unangwa lwa vasongoru va masanga. Nato tikakwaana Yaseri fika kasa koomu, maramba a vayo akakwaana koose akakyillya kwakulya ya yeeve. 9Ulaalu mmbo shikeiya kyimwi na Yaseri na Shibna, misoru yakwa mmbo ikeepusuka kyimaruma kya Heshboni na Eleale, mashika nkukiitiwa lyingyi mindoro ya ndunda ta fimu fya mareminy-fo fyammamika.
10Ifura na mindora fyansarummya kulya nndeny mmbiiri kulya misabibuny nkukyii-fo lyingyi yiimba-fo nta ikapa mindoro-fo. Nkukyii-fo lyingyi ikama sabibu-fo ifura na mindoro ya yuuluula sabibu yammanda nnyikiitiwa lyingyi-fo. 11Kweekyo, muu wakwa mmbo ukeiiya Moabu sha sese na nrima wakwa kimaruma kya Kir-heresi. 12Vandu va Moabu vakeekwaarisa-ruu elyi vefo vasheenda yiinndya iruva lyawo efo ifumbuu mmba ya iterevya mmbashiirikywaa-fo. 13Eti nto mbony Nndumi Iruva aamba, kyeeri kya mapookyony kya Moabu. 14Ulaalu Nndumi Iruva mmbo aamba indi, “Ando a myaaka iraru ikeesha, Moabu mmbo imamitwa lla neelyi vandu vawo vakee veengyi, yewo vasheturunyaa ni vaangu na vafwafwa.”
Currently Selected:
ISAYA 16: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
ISAYA 16
16
Moabu vatereva weekyi luuka Yerusalemu
1Kurikeny ishoonri kwa mwiishillya uruka mwiishillya uruka lyuuka kunu kasa koomu ka Sela mundefita kulya Yerusalemu. 2Mmbo vavereye mbai ya mura wa Arnoni, veraa-raa kunu na kunu valeeshi kundo kweyeenda, sha ndeye taattwa fifuriny fyavayo. 3Vakavia vandu va Yuda, “Luniingeny makusaro luvieny kundo lusheenda nafo luniingeny kundo lukusurumaa. Mulasheyaamba kundo lukai yese veerishiswa. 4Veerishiswa va Moabu vasuruminy kunu kwany vakee kwaasha na vakiduva vawo.” Elyi fira fishemandaa, neewo vewaa vandu vashesamaa. 5Llyo umwi wa mmba ya Davidi ashevikwa nave mangyi. Mwiishillya nsaari na nsongovisi yeto ashekooya iniinga vandu usumanu lwawo.
6Nalyo vandu va Yuda vakaamba; Lwammita ukushobi lwa vandu va Moabu, mmbo lwiishi nnu mbony ta ikushoba lyawo, ukushobi lwawo ukaidi na umbafu, indi efyo fyoose ni kyimwi na kyimwi! 7Ulaalu Vamoabu mmbo vakee fiira woose mmbo vakee yiiya uruka lwawo, mmbo vaiyaa nnu kyeeri vakeekummbwa shoonga tilya shisha veekeelya kulya Kir-hareseti. Mmbo varishiiswa varekkywa. 8Marema a Heshboni mmbo ammba isoola, naakwa ni sabibu tilya ta Sibma nato tallyamarwa, tilya teekee unangwa lwa vasongoru va masanga. Nato tikakwaana Yaseri fika kasa koomu, maramba a vayo akakwaana koose akakyillya kwakulya ya yeeve. 9Ulaalu mmbo shikeiya kyimwi na Yaseri na Shibna, misoru yakwa mmbo ikeepusuka kyimaruma kya Heshboni na Eleale, mashika nkukiitiwa lyingyi mindoro ya ndunda ta fimu fya mareminy-fo fyammamika.
10Ifura na mindora fyansarummya kulya nndeny mmbiiri kulya misabibuny nkukyii-fo lyingyi yiimba-fo nta ikapa mindoro-fo. Nkukyii-fo lyingyi ikama sabibu-fo ifura na mindoro ya yuuluula sabibu yammanda nnyikiitiwa lyingyi-fo. 11Kweekyo, muu wakwa mmbo ukeiiya Moabu sha sese na nrima wakwa kimaruma kya Kir-heresi. 12Vandu va Moabu vakeekwaarisa-ruu elyi vefo vasheenda yiinndya iruva lyawo efo ifumbuu mmba ya iterevya mmbashiirikywaa-fo. 13Eti nto mbony Nndumi Iruva aamba, kyeeri kya mapookyony kya Moabu. 14Ulaalu Nndumi Iruva mmbo aamba indi, “Ando a myaaka iraru ikeesha, Moabu mmbo imamitwa lla neelyi vandu vawo vakee veengyi, yewo vasheturunyaa ni vaangu na vafwafwa.”
The Holy Bible in Kimashami © Bible Society of Tanzania, 2016.