ISAYA 13
13
Ngapo isheyaa Babilony yuuka kwa Iruva
1Babilony yeengywa nrumi ni Isaya mwana wa Amosi yuuka kwa Iruva ishaamba: 2“Saamisa bendera uwe ya ifumbuu lyilatiri miri vaangeny vasikari kwa unyanga waasha, sinnyeny vandu kwa maako vaange ngiriny ya miri ya vandu vasuri. 3Yeny mmbwe shavavasa vasauwe vakwa, shavaanga masiingo vakwa, yewo vashiinndya na ishirumisha vashinutya yekyo nyashi yakwa ikunndye.”
4Arannyiny kyoorongye mafumbuu, kyoorongye kya itorito iniini lya vandu! Arannyiny kyoorongye kya vamangyi na masanga akeekusangirya! Nndumi Iruva wa matorito, mmbo akeedeesya itorito lyikeyeenda fireny. 5Mmbo vakeesha wooka ngyurukeny ta kwaasha, wooka mbai ya ulana, Nndumi Iruva na fisha fyakwe mmbo akeeshemamita ulana. 6Kapeny kyiiyo mashika nkonu wa Nndumi Iruva ni kufii ukai, mmbo ukeesha ngapo yuuka kwa Nndumi Iruva atiri finya. 7Maako a wo nndu mmbo avaa nsele-sele, na wo nndu mmbo afwaa nrima. 8Vandu mmbo vasavaa, vatirwa ni usau na mavavio, vatirwa ni mavavio sha nka alyiwaa ni usu lwa mwana woose vatirwa ni nyinyira fisangu fyawo fiisshwe usutu. 9Nkonu wa Nndumi Iruva ukeesha nkonu nkasha wa nyashi shikasha ya Nndumi Iruva ishaallwa uruka luve urumato ishemamita valyamari vakwa. 10Nyinyiri na firongosi fyoose fya nginiiu mmbo tirumikaa, nkyeere wiifumaa mmbo uva ireema, kyimwi na mwiiri nato mmbo uvaa ireema.
11Nndumi Iruva mmbo aamba indi: “Mmbo nshoolota ngapo ulaniny kya makasha awo, vakasha kyimaruma kya ulyamari lwawo. Umbafu na ukushobi mmbo fimandaa; na iwunndwa waafinya lwa vandu mbafu. 12Mmbo nshanguraa vandu kilanya ya saabu shisangye. Vandu mmbo vashaangwa ngota saabu ya Ofiri. 13Mmbo shiringisaa nginiiu, nalo uruka lusinge-singe yefo misukeny yavayo kimaruma kya nyashi yakwa shinyaasi nkonu yeto.”
14Sha kinamburi kyikeerisshwa sha moonri alatiri mwiisi, wo umwi ashekulungaa na vandu vakwe, wo nndu mmbo asherishya na urukeny lwakwe. 15Yeto moose ashelollywa mmbo ashedoshwa ndeu, yeto ashetirwa mmbo ashewaawa na usu. 16Vana vawo vadu mmbo vashekakashwa mbee ya usanguny lwawo, vasokwa mmba tawo na vaka vawo vaafinywa. 17Mmbo shikevaatya muro Vaademi, vandu valasarye fesa, nta valalangye saabu. 18Mife yaawo mmbo ishaasa vakoo, valatiraa isarya kya vana nta ilyillya vakoku.
19Babilony itumbe lya mangyi toose na imanyika kwa irina lying'ani lya Vakaldayo, mmbo kushevakaa Sodoma na Komora, kyeeri yemamitwa ni Nndumi Iruva. 20Nkushekaa kukaywa lyingyi ni vandu-fo, ngyeeri na ngyeeri nkushekaywa ni vandu-fo. Yefo nkwiifo Mwaarabu ashereiyaa-fo yeema lyakwe-fo nta mwiisi ashikooya yiisa-fo findo fyakwe-fo. 21Ando a vayo ni mafisi a ngoroshony manyaasi, mafururu mmbo ashesshwa yefo mmba yeto, nyaa na majini mfo kundo ashetarannya. 22Mafite a ngoroshony mmbo ashoongoraa efo turuveny takwe, maparwe mmbo ashelollywa yefo mmba tawo teetalauwa ndeu. Kyeeri kya Babilony kyamfika kufii isha kuleefo nkonu ushengerwaa.
Currently Selected:
ISAYA 13: MAS2
Highlight
Copy
Compare
Share
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
ISAYA 13
13
Ngapo isheyaa Babilony yuuka kwa Iruva
1Babilony yeengywa nrumi ni Isaya mwana wa Amosi yuuka kwa Iruva ishaamba: 2“Saamisa bendera uwe ya ifumbuu lyilatiri miri vaangeny vasikari kwa unyanga waasha, sinnyeny vandu kwa maako vaange ngiriny ya miri ya vandu vasuri. 3Yeny mmbwe shavavasa vasauwe vakwa, shavaanga masiingo vakwa, yewo vashiinndya na ishirumisha vashinutya yekyo nyashi yakwa ikunndye.”
4Arannyiny kyoorongye mafumbuu, kyoorongye kya itorito iniini lya vandu! Arannyiny kyoorongye kya vamangyi na masanga akeekusangirya! Nndumi Iruva wa matorito, mmbo akeedeesya itorito lyikeyeenda fireny. 5Mmbo vakeesha wooka ngyurukeny ta kwaasha, wooka mbai ya ulana, Nndumi Iruva na fisha fyakwe mmbo akeeshemamita ulana. 6Kapeny kyiiyo mashika nkonu wa Nndumi Iruva ni kufii ukai, mmbo ukeesha ngapo yuuka kwa Nndumi Iruva atiri finya. 7Maako a wo nndu mmbo avaa nsele-sele, na wo nndu mmbo afwaa nrima. 8Vandu mmbo vasavaa, vatirwa ni usau na mavavio, vatirwa ni mavavio sha nka alyiwaa ni usu lwa mwana woose vatirwa ni nyinyira fisangu fyawo fiisshwe usutu. 9Nkonu wa Nndumi Iruva ukeesha nkonu nkasha wa nyashi shikasha ya Nndumi Iruva ishaallwa uruka luve urumato ishemamita valyamari vakwa. 10Nyinyiri na firongosi fyoose fya nginiiu mmbo tirumikaa, nkyeere wiifumaa mmbo uva ireema, kyimwi na mwiiri nato mmbo uvaa ireema.
11Nndumi Iruva mmbo aamba indi: “Mmbo nshoolota ngapo ulaniny kya makasha awo, vakasha kyimaruma kya ulyamari lwawo. Umbafu na ukushobi mmbo fimandaa; na iwunndwa waafinya lwa vandu mbafu. 12Mmbo nshanguraa vandu kilanya ya saabu shisangye. Vandu mmbo vashaangwa ngota saabu ya Ofiri. 13Mmbo shiringisaa nginiiu, nalo uruka lusinge-singe yefo misukeny yavayo kimaruma kya nyashi yakwa shinyaasi nkonu yeto.”
14Sha kinamburi kyikeerisshwa sha moonri alatiri mwiisi, wo umwi ashekulungaa na vandu vakwe, wo nndu mmbo asherishya na urukeny lwakwe. 15Yeto moose ashelollywa mmbo ashedoshwa ndeu, yeto ashetirwa mmbo ashewaawa na usu. 16Vana vawo vadu mmbo vashekakashwa mbee ya usanguny lwawo, vasokwa mmba tawo na vaka vawo vaafinywa. 17Mmbo shikevaatya muro Vaademi, vandu valasarye fesa, nta valalangye saabu. 18Mife yaawo mmbo ishaasa vakoo, valatiraa isarya kya vana nta ilyillya vakoku.
19Babilony itumbe lya mangyi toose na imanyika kwa irina lying'ani lya Vakaldayo, mmbo kushevakaa Sodoma na Komora, kyeeri yemamitwa ni Nndumi Iruva. 20Nkushekaa kukaywa lyingyi ni vandu-fo, ngyeeri na ngyeeri nkushekaywa ni vandu-fo. Yefo nkwiifo Mwaarabu ashereiyaa-fo yeema lyakwe-fo nta mwiisi ashikooya yiisa-fo findo fyakwe-fo. 21Ando a vayo ni mafisi a ngoroshony manyaasi, mafururu mmbo ashesshwa yefo mmba yeto, nyaa na majini mfo kundo ashetarannya. 22Mafite a ngoroshony mmbo ashoongoraa efo turuveny takwe, maparwe mmbo ashelollywa yefo mmba tawo teetalauwa ndeu. Kyeeri kya Babilony kyamfika kufii isha kuleefo nkonu ushengerwaa.
The Holy Bible in Kimashami © Bible Society of Tanzania, 2016.