HABAKUKI 3
3
Kiterewo kya Habakuki
1Eki n'kiterewo kya nkisuku Habakuki.
2Woi Nndumi Iruva shileeta filya kuletannya masanga, neeny sharerema. Loore lyingyi woi Nndumi Iruva neese lulollye mikonuny yei yeeru. Naakwa kwarooywa ni unyafi woi Nndumi Iruva lulyillye-dwa.
3Iruva awuya lyingi auka Edomu
Iruva mweele asheukaa-se neefo mafumbuny a Paran.
Itumbe lyakwe mmbo lyakwaana iruveeny koose
na uruka lukaishwa kyaarafumo kyakwe.
4Mmbo asha emikaa sha kimwii kya ukova
sa niini mmbo yooka efo wookony lwakwe
na mfo wiidimi lwakwe lukusurumyi.
5Nndumi Iruva mmbo aidima ivaanga ndwari ishe na ufu lukasorya. 6Kasyado, uruka lukarerema, katarammbwa miso masanga akasavaa mafumbu maniini akaparika-parika, na fidooro fikasokya nasi, mafumbuny kulya kundo alerua-rua. 7Shilelollya vandu va Kushan vaawukwa, na Vamidian vakarerema. 8A mmira ilekufuluta unyafi-ro Nndumi Iruva? Ao ni yeeve ndesa? Kwasaama frasi kweera uwe mafishiny, nang'u akava llya ikari lyafo kweengye vandu vafo uvingyi. 9Kwadeesya ura lwafo kwaase, kweekeye mife yafo, Kimwii kyafo kikaavanisa ulana nnang'ani kavii.
10Kyeeri mafumbu alekulollya mmbo alererema
mura nato ukapusuka wuuka nginii-u,
Nayo mira ikee si urukeny ikoona, matundulu avayo
akaroswa uwe
11Kyeeri kweekeya mife yafo ikarumbuka, na mafumu afo
akamika-mika
nkyeere na mwiiri fikasalala shumu.
12Kweera kunu ulaniny kwiitirwa ni unyafi
kwavavara masanga na finya.
13Mmbo kulesha kushekira vandu vafo
Kimaruma kya mangyi kulensauwa.
Kwasaara nsongoru wa vandu varavi, kwamamita na vandu
vakwe
14Mife yafo ikadosha kirongosi wa itorito vakwe
ikasha ivakye kititasi ikalufwa-fwala
sha llya valefisha kyama imira vakiva.
15Mmbo kulevavara yeeve na frasi tafo, na nkuka eto wa mura ukava mavya. 16Elyi sheeta efi fyoose mmbo sharerema, firomu fyakwa fikooshana kya weerei. Nato mwiili wakwa ukava nsele-sele na marende akwa akateruka-teruka. Mmbo shimalallyaa sau, shivereye elyo Iruva ashetaiya ewo veelusisya. 17Naakwa mmikuu nnyitiri ndunda-fo nta misabibu nnyitiri ndunda-fo naakwa miri ya mafura afwaamaa nnyikee ivika-fo na rema ntitiri fimu-fo 18Lyo nkuti shiishwe nsia, mashika elyi Nndumi Iruva akee mwikira wakwa.
19Nndumi Iruva meiishillya mmbo ashivangisaa.
Na marende akwa kaaninga finya sha Sarya
kashivika ando esha efo mafumbuu.
Currently Selected:
HABAKUKI 3: MAS2
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
HABAKUKI 3
3
Kiterewo kya Habakuki
1Eki n'kiterewo kya nkisuku Habakuki.
2Woi Nndumi Iruva shileeta filya kuletannya masanga, neeny sharerema. Loore lyingyi woi Nndumi Iruva neese lulollye mikonuny yei yeeru. Naakwa kwarooywa ni unyafi woi Nndumi Iruva lulyillye-dwa.
3Iruva awuya lyingi auka Edomu
Iruva mweele asheukaa-se neefo mafumbuny a Paran.
Itumbe lyakwe mmbo lyakwaana iruveeny koose
na uruka lukaishwa kyaarafumo kyakwe.
4Mmbo asha emikaa sha kimwii kya ukova
sa niini mmbo yooka efo wookony lwakwe
na mfo wiidimi lwakwe lukusurumyi.
5Nndumi Iruva mmbo aidima ivaanga ndwari ishe na ufu lukasorya. 6Kasyado, uruka lukarerema, katarammbwa miso masanga akasavaa mafumbu maniini akaparika-parika, na fidooro fikasokya nasi, mafumbuny kulya kundo alerua-rua. 7Shilelollya vandu va Kushan vaawukwa, na Vamidian vakarerema. 8A mmira ilekufuluta unyafi-ro Nndumi Iruva? Ao ni yeeve ndesa? Kwasaama frasi kweera uwe mafishiny, nang'u akava llya ikari lyafo kweengye vandu vafo uvingyi. 9Kwadeesya ura lwafo kwaase, kweekeye mife yafo, Kimwii kyafo kikaavanisa ulana nnang'ani kavii.
10Kyeeri mafumbu alekulollya mmbo alererema
mura nato ukapusuka wuuka nginii-u,
Nayo mira ikee si urukeny ikoona, matundulu avayo
akaroswa uwe
11Kyeeri kweekeya mife yafo ikarumbuka, na mafumu afo
akamika-mika
nkyeere na mwiiri fikasalala shumu.
12Kweera kunu ulaniny kwiitirwa ni unyafi
kwavavara masanga na finya.
13Mmbo kulesha kushekira vandu vafo
Kimaruma kya mangyi kulensauwa.
Kwasaara nsongoru wa vandu varavi, kwamamita na vandu
vakwe
14Mife yafo ikadosha kirongosi wa itorito vakwe
ikasha ivakye kititasi ikalufwa-fwala
sha llya valefisha kyama imira vakiva.
15Mmbo kulevavara yeeve na frasi tafo, na nkuka eto wa mura ukava mavya. 16Elyi sheeta efi fyoose mmbo sharerema, firomu fyakwa fikooshana kya weerei. Nato mwiili wakwa ukava nsele-sele na marende akwa akateruka-teruka. Mmbo shimalallyaa sau, shivereye elyo Iruva ashetaiya ewo veelusisya. 17Naakwa mmikuu nnyitiri ndunda-fo nta misabibu nnyitiri ndunda-fo naakwa miri ya mafura afwaamaa nnyikee ivika-fo na rema ntitiri fimu-fo 18Lyo nkuti shiishwe nsia, mashika elyi Nndumi Iruva akee mwikira wakwa.
19Nndumi Iruva meiishillya mmbo ashivangisaa.
Na marende akwa kaaninga finya sha Sarya
kashivika ando esha efo mafumbuu.
Currently Selected:
:
Highlight
Share
Compare
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.