Mapookyony 47
47
1Naasa Yosefu kasha kwa Farao ishemmbia, kaamba, “Nde-yaakwa na vana va ma, na moonri awo, na ng'umbe tawo, neefyo fyoose vatiri, valesha nafyo vauka Kanaani, nawo ulaalu mmbo vakee kulya Gosheni.” 2Kaipoo vandu varaanu yoo vaneny va maye, kavasaleesa mbee ya Farao. 3Farao kavesa vana va maye yewo. A ishora lyany llyo-kyi? Vakavia Farao, Yese mashinga afo mmbo lukee veesa findo, yese na vande veru. 4Vakavia Farao, “Mmbo lulesha ikaa urukeny weny kunu, mashika findo fya mashinga afo mfyetiri mare-fo mashika shaa mmbo ilerovya deny kulya urukeny lwa Kanaani. Naasa lwakutereva, kuluniinge mumu wa ikaa kulya urukeny lwa Gosheni.” 5Farao kavia Yosefu, kaamba, “Ndoo na vandu vafo mmbo vakusheya; 6uruka lwa Misri akalo yoo mbee yafo. Vika ndoo na vana va mau ando kusha, vakae alya urukeny lwa Gosheni. Na lyingyi kwallollya-fo vandu vakee vatakusu nnang'ani yaaawo, kuvavike vasalallye findo fyakwa fyevikkya.”
7Yosefu keende ndeye Yakobo kamfita mbee ya Farao. Yakobo kavikkya Farao mbora. 8Farao kavesa Yakobo, “A suku ta muu wafo ni yiinga?” 9Yakobo kavia Farao, “Suku ta myaaka ya kyaaro kyakwa ni myaaka iyana lyimi na makumi araru, suku ta myaaka yakwa mmbo tileanngwa, tikava ta ngatara, nta ntilefikkya suku ta myaaka ya vande-fo.” 10Yakobo kavikkya Farao mbora, kooka mbee yakwe. 11Yosefu kavika ndeye na vana va maye, kavaniinga ando ekaa kusha kulya urukeny lwa Misri kavasawuya ando esha, ando avaangwaa Ramesesi, shaasa Farao alevavasya. 12Nawe Yosefu kaniinga ndeye na vana va maye shoonga, na mmba shoose ya ndeye, na vana vawo woose.
Shaa
13Na uruka loose nta llwetiri shoonga-fo, mashika mmbo shaa ileng'ana nnu, naakwa ni efo Misri kweni, na Kanaani, toose tikaatarika, kimaruma kya shaa. 14Yosefu kasangyirya fesa toose eto tilewonika efo Misri, na kulya Kanaani, tilya valeniinngya teyuura shoonga. Yosefu keengye Farao fesa eto toose. 15Kyeeri fesa toose tilesia efo Misri na kulya Kanaani, Vamisri woose mmbo valesheya Yosefu, vakaamba, “Luniinge shoonga yese, a nkyiki elyi lufwaa kwilollye?” Mashika fesa teru tammisya. 16Yosefu kavavia, “Niingyeny findo fyany fyeewikkya, neeny nshemuniinga shoonga ando avayo, kimmba fesa tany tammisya.” 17Vakeende findo fyawo kwa Yosefu; Yosefu kavaniinga shoonga, ando a frasi, na ando a moonri, na ng'umbe na mishungu, nawe kavaniinga shoonga mwaaka ulya moose ando a findo efyo fyawo.
18Kyeeri mwaaka ulya weesia vakansheya mwaaka wa kavii, vakammbia, “Llusurumaa nndumi weeru nta kindo-fo fesa teru mmbo tammisya, na maronda a findo fyeru ni a nndumi weeru, nkwiiyo kindo kilesaa mbee ya nndumi weeru-fo, kuuta miili yeeru na sumbai sheni. 19Nkyikyi elyi lushefwaa neewe kwiiyo, yese na uruka lweru? Luure yese na uruka lweru luwoni kyeelya neese na uruka lweru lushevaa mashinga a Farao, naasa kuluniinge mbeu, lukyie lulafwe, na uruka lweru lulasheereka.” 20Naasa Yosefu kaurya Farao uruka loose lwa Misri, mashika Vamisri woose wo nndu mmbo alekumba irema lyakwe mashika elyi shaa yemmbarovya nnu, uruka loose lukava lwa Farao. 21Kasamisa vandu yewo kavavika miriny, kupookya taari yei fika taari yeyo ingyi. 22Kuuta uruka lwa makohani tupu llo nnyaleluura-fo, mashika wo makohani veetiri shoonga yaawo yuuka kwa Farao, vakalya shoonga yaawo ilya valeniingwa ni Farao. Nkyo wo mmbalekumba marema awo-fo.
23Yosefu kavia vandu, “Ulaalu mmbo shammuura yeni, na uruka lwany, mukava va Farao; naasany, mbeu tany ekati, mutivaakkye. 24Kyeeri kya fimu mmbo musheniingya Farao kyenga kya karaanu, na fyenga fiina fisheva fyany muveni, nto mbeu ta uruka na shoonga yaany, na shoonga yeewo vakee efo kyeny kwany, na shoonga ya vana vany.” 25Vakammbia, “Mmbo kwalluringya-u muu, nndumi weeru nawone ilwiirikkya, neese lwairikkya iva mashinga a Farao.” 26Yosefu kavika ekyo kive nkyo uramba lwa uruka lwa Misri fika inu, nkyo kyenga kya karaanu kive kya Farao kuuta uruta lwa makohani lweni, lo lluleva lwa Farao-fo.
Lango ya Mafurumyony ya Yakobo
27Israeli kakaa urukeny lwa Misri, kulya Gosheni. Vakalyima-fo masaa, vakaengereka na ifumbuka nnu.
28Yakobo kakaa urukeny lwa Misri myaaka ikumi na mfungare, naasany suku ta myaaka ya muu wa Yakobo tikava myaaka iyana na makumi aana na mfungare. 29Mikonu ya ifwa lya Israeli ikaserikkya kufii, kavaanga mwana wakwe Yosefu, kammbia, “Kwakooya kushikunndye vikany woko lwafo yaa finameny kyakwa, kushitannyi kya ilyillya na dede; mmbo shakutereva kulashirike kunu Misri-fo.” 30Kyeeri nshelalaa kimwi na vande vakwa, mmbo kushiipoo kushuute kunu Misri kundeshirika ando amwi nawo (kifuny kyawo). Yosefu kammbia, “Nshetana shaasa kwaamba.” 31Yakobo kammbia, “Shilyiiyany mboo. Nawe kallyiiya mboo. Israeli kakwiinyikya yoo nrweny wa kiri.”
Currently Selected:
Mapookyony 47: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
Mapookyony 47
47
1Naasa Yosefu kasha kwa Farao ishemmbia, kaamba, “Nde-yaakwa na vana va ma, na moonri awo, na ng'umbe tawo, neefyo fyoose vatiri, valesha nafyo vauka Kanaani, nawo ulaalu mmbo vakee kulya Gosheni.” 2Kaipoo vandu varaanu yoo vaneny va maye, kavasaleesa mbee ya Farao. 3Farao kavesa vana va maye yewo. A ishora lyany llyo-kyi? Vakavia Farao, Yese mashinga afo mmbo lukee veesa findo, yese na vande veru. 4Vakavia Farao, “Mmbo lulesha ikaa urukeny weny kunu, mashika findo fya mashinga afo mfyetiri mare-fo mashika shaa mmbo ilerovya deny kulya urukeny lwa Kanaani. Naasa lwakutereva, kuluniinge mumu wa ikaa kulya urukeny lwa Gosheni.” 5Farao kavia Yosefu, kaamba, “Ndoo na vandu vafo mmbo vakusheya; 6uruka lwa Misri akalo yoo mbee yafo. Vika ndoo na vana va mau ando kusha, vakae alya urukeny lwa Gosheni. Na lyingyi kwallollya-fo vandu vakee vatakusu nnang'ani yaaawo, kuvavike vasalallye findo fyakwa fyevikkya.”
7Yosefu keende ndeye Yakobo kamfita mbee ya Farao. Yakobo kavikkya Farao mbora. 8Farao kavesa Yakobo, “A suku ta muu wafo ni yiinga?” 9Yakobo kavia Farao, “Suku ta myaaka ya kyaaro kyakwa ni myaaka iyana lyimi na makumi araru, suku ta myaaka yakwa mmbo tileanngwa, tikava ta ngatara, nta ntilefikkya suku ta myaaka ya vande-fo.” 10Yakobo kavikkya Farao mbora, kooka mbee yakwe. 11Yosefu kavika ndeye na vana va maye, kavaniinga ando ekaa kusha kulya urukeny lwa Misri kavasawuya ando esha, ando avaangwaa Ramesesi, shaasa Farao alevavasya. 12Nawe Yosefu kaniinga ndeye na vana va maye shoonga, na mmba shoose ya ndeye, na vana vawo woose.
Shaa
13Na uruka loose nta llwetiri shoonga-fo, mashika mmbo shaa ileng'ana nnu, naakwa ni efo Misri kweni, na Kanaani, toose tikaatarika, kimaruma kya shaa. 14Yosefu kasangyirya fesa toose eto tilewonika efo Misri, na kulya Kanaani, tilya valeniinngya teyuura shoonga. Yosefu keengye Farao fesa eto toose. 15Kyeeri fesa toose tilesia efo Misri na kulya Kanaani, Vamisri woose mmbo valesheya Yosefu, vakaamba, “Luniinge shoonga yese, a nkyiki elyi lufwaa kwilollye?” Mashika fesa teru tammisya. 16Yosefu kavavia, “Niingyeny findo fyany fyeewikkya, neeny nshemuniinga shoonga ando avayo, kimmba fesa tany tammisya.” 17Vakeende findo fyawo kwa Yosefu; Yosefu kavaniinga shoonga, ando a frasi, na ando a moonri, na ng'umbe na mishungu, nawe kavaniinga shoonga mwaaka ulya moose ando a findo efyo fyawo.
18Kyeeri mwaaka ulya weesia vakansheya mwaaka wa kavii, vakammbia, “Llusurumaa nndumi weeru nta kindo-fo fesa teru mmbo tammisya, na maronda a findo fyeru ni a nndumi weeru, nkwiiyo kindo kilesaa mbee ya nndumi weeru-fo, kuuta miili yeeru na sumbai sheni. 19Nkyikyi elyi lushefwaa neewe kwiiyo, yese na uruka lweru? Luure yese na uruka lweru luwoni kyeelya neese na uruka lweru lushevaa mashinga a Farao, naasa kuluniinge mbeu, lukyie lulafwe, na uruka lweru lulasheereka.” 20Naasa Yosefu kaurya Farao uruka loose lwa Misri, mashika Vamisri woose wo nndu mmbo alekumba irema lyakwe mashika elyi shaa yemmbarovya nnu, uruka loose lukava lwa Farao. 21Kasamisa vandu yewo kavavika miriny, kupookya taari yei fika taari yeyo ingyi. 22Kuuta uruka lwa makohani tupu llo nnyaleluura-fo, mashika wo makohani veetiri shoonga yaawo yuuka kwa Farao, vakalya shoonga yaawo ilya valeniingwa ni Farao. Nkyo wo mmbalekumba marema awo-fo.
23Yosefu kavia vandu, “Ulaalu mmbo shammuura yeni, na uruka lwany, mukava va Farao; naasany, mbeu tany ekati, mutivaakkye. 24Kyeeri kya fimu mmbo musheniingya Farao kyenga kya karaanu, na fyenga fiina fisheva fyany muveni, nto mbeu ta uruka na shoonga yaany, na shoonga yeewo vakee efo kyeny kwany, na shoonga ya vana vany.” 25Vakammbia, “Mmbo kwalluringya-u muu, nndumi weeru nawone ilwiirikkya, neese lwairikkya iva mashinga a Farao.” 26Yosefu kavika ekyo kive nkyo uramba lwa uruka lwa Misri fika inu, nkyo kyenga kya karaanu kive kya Farao kuuta uruta lwa makohani lweni, lo lluleva lwa Farao-fo.
Lango ya Mafurumyony ya Yakobo
27Israeli kakaa urukeny lwa Misri, kulya Gosheni. Vakalyima-fo masaa, vakaengereka na ifumbuka nnu.
28Yakobo kakaa urukeny lwa Misri myaaka ikumi na mfungare, naasany suku ta myaaka ya muu wa Yakobo tikava myaaka iyana na makumi aana na mfungare. 29Mikonu ya ifwa lya Israeli ikaserikkya kufii, kavaanga mwana wakwe Yosefu, kammbia, “Kwakooya kushikunndye vikany woko lwafo yaa finameny kyakwa, kushitannyi kya ilyillya na dede; mmbo shakutereva kulashirike kunu Misri-fo.” 30Kyeeri nshelalaa kimwi na vande vakwa, mmbo kushiipoo kushuute kunu Misri kundeshirika ando amwi nawo (kifuny kyawo). Yosefu kammbia, “Nshetana shaasa kwaamba.” 31Yakobo kammbia, “Shilyiiyany mboo. Nawe kallyiiya mboo. Israeli kakwiinyikya yoo nrweny wa kiri.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.