Mapookyony 44
44
Kyikombe Kyanreka
1Kavavasya ngari wa mmba yakwe kaamba, “Ishura mikusha ya vandu yeva shoonga kiinani na shaasa vashiidimaa ikurika, kuviire na fesa ya wo nndu yoo kaniny ka nkusha. 2Na upata lwakwa, upata llwa lwa fesa kuvike efo nkusheny wa eto n-du wa vengyi ando amwi na fesa yakwe. Katana shaasa Yosefu alemmbia.” 3Kukye elyi lya ngama vandu yewo vakalekwa ando amwi na mishungu yaawo. 4Llya valeuka efo muriny kulaore vamfika kwaasha, Yosefu kavia nngari ulya wa mmba yakwe, “Kwiipoo kusore vandu yewo, neelyi kuvakooya vavie, ‘A mmbo kyava inda elyi mwataa mesha na makasha? 5A ndesa upata elu nshilo aniyyaa nndumi wakwa? Nalo llo alafyaa nalo? Mmbo mwatana kya uravi elyi mwatana indo!’ ”
6Kavasora kavakooya kavavia marero yoo. 7Vakammbia, “Nkyiki elyi nndumi wakwa aamba marero yoo?” 8Oode-dwa, “Mashinga afo nnyatanaa indo-fo, fesa tilya luletikooya efo mikusheny, mmbo lulekuviirya lyingyi luuka kulya Kanaani. A niinda lweshiidimaa yiiva mmba kwa nndumi wafo fesa ao saabu? 9Yeto akooyo na upata elo nnang'ani yeeru yese mashinga afo, nafwe, neese mmbo lushevaa mashinga a nndumi wakwa.”
10Kiveny indo shaasa kwaamba, “Nndu yeto ashekooywa nakyo mmbo ashevaa ishinga lyakwa neeni mushekooywa mmutiri mbese-fo.” 11Vakaangusya, wo nndu kakurrwa nkusha wakwe na yuuporommwa. 12Nawe kasalua apookya ulya nniini kufike ulya n-du. Upata elo lukashekooywa nkusheny wa Benyamen. 13Vakaranndwa soori tawo, wo umwi kavika irio lyakwe uwe ya nshungu, vakawuya muriny.
14Yuda na vana va maye vakasha fika mmba kwa Yosefu, nawe mfo ekai, naasa vakawa si kifulufulu. 15Yosefu kavavia, “A nkyokyi ekyi mwatana? A mmbo kulaore mulemanya nndu sheeny nnyashiidimaa ilafya?” 16Yuda kaamba, “A luviekyi nndumi wakwa? Lurere-kyi! Mmbo lukuwonisyaa inda usumanu?” Iruva mmbo alollya paa uravi lwa mashinga afo. Lola, ulaalu mmbo lwaammba mashinga a nndumi wakwa, yese loose ando amwi neeto upata elo lwakooyo wokony lwakwe. 17Kaamba, “Oode, nshitanaa indo-fo; nndu yeto upata elo lukooywa kwakwe, mmbwe yeto ashevaa ishinga lyakwa. Neeni mukweenngye na ufoo kwa nde waany.”
Yuda Alillya Benyaminy
18Llyo Yuda kanserikkya kammbia, “Woi nndumi wakwa shakutereva ishinga lyafo lyirere irero lyimwi nsi kuriny kya nndumi wakwa, nta unyafi lwafo lulasherwa kimaruma kya ishinga lyafo, mashika yewe ni kyimwi na Farao. 19Yewe nndumi wakwa mmbo kuleluvesa yese mashinga afo, kwaamba, ‘A mutiri ndeye waany ao mfyari?’ 20Lukakurouwa yewe nndumi wakwa, ‘Nde luntiri nawe mmbo ammikwa, na mwana wa ukuuny lwakwe ni n-du, na mwanamaye mmbo afiiyye, kasaa-u we muni wa ivee lya maye, na ndeye kankunda nnu.’ 21Kwaluvia yese mashinga afo lweende lundemweende naambo nshellollya na miso. 22Lukakuvia yewe nndumi wakwa, ‘Mwana yeto nnyashiidimaa yuuka yoo ndeye akai-fo, mashika kooka yoo ndeye akai, ndeye mmbo ashefwaa.’ 23Kwaluvia yese mashinga afo, ‘Anra nalasha mwanany yeto n-du mmusheshilollyaa kisangu kyakwa-fo.’ 24Naasa lwiikifika kwa nde weeru we ishinga lyafo, lukammbia marero afo, nndumi weeru. 25Naasa nde weeru kaamba, ‘Wuyeny-fo lyingyi, mundeluurya-fo shoonga shinnywa.’ 26Lukammbia, ‘Mwaneru yeto n-du kammenda neese lusheendaa; mashika llukaryaa indelollya kisangu kya nndu yeto, mwana yeto n-du kanra nalaenda neese-fo.’ 27Ishinga lyafo, we nde weeru, kaluvia, ‘Mwiishi sheelyi nka wakwa Raheli mmbo aleshiwonya vana vavii, 28umwi kashirekkya, shaamba kyishiidimika we mmbo elyiwa ni ifisi, nta nshekillollya lyingyi-fo. 29Mukanshisoka yeu aiyo nawe, nandekooywa nkindo kyikasha, mmbo musheshengeryaa myaasa kutani shafwa.’ 30Naasa elyi nshefikaa mbee ya ishinga lyafo we nde weeru mwana yeu nalaiyo, na kimmba nrima wakwe ukunndye nnu mwana yeu, 31kyeeri ashelollyaa mwana nnyariani neese mmbo ashefwaa, na yese mashinga afo mmbo lushefumbutaa myaasa ya ishinga lyafo fika ufuny. 32Mashika ishinga lyafo llyo lyilekuvika mwiishi wa mwana mbee ya nde weeru, shishambaa, ‘Shanra shilammbiira kwafo, mmbo nshevaa nndu nravi mbee ya nde mikonu myoose.’ 33Naasa ulaalu shakuterevaany, kushire yeny ishinga lyafo shikae ando a mwana yeu shive ishinga lyafo nndumi wakwa, na mwana yeu kunre neende na vana va maye. 34Mashika mmbo nshidimaa inda yeenngya nde na mwana yeu nalaiyo Shilashelollya ukyiva elo lusherovyaa nde-fo.”
Currently Selected:
Mapookyony 44: MAS2
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.
Mapookyony 44
44
Kyikombe Kyanreka
1Kavavasya ngari wa mmba yakwe kaamba, “Ishura mikusha ya vandu yeva shoonga kiinani na shaasa vashiidimaa ikurika, kuviire na fesa ya wo nndu yoo kaniny ka nkusha. 2Na upata lwakwa, upata llwa lwa fesa kuvike efo nkusheny wa eto n-du wa vengyi ando amwi na fesa yakwe. Katana shaasa Yosefu alemmbia.” 3Kukye elyi lya ngama vandu yewo vakalekwa ando amwi na mishungu yaawo. 4Llya valeuka efo muriny kulaore vamfika kwaasha, Yosefu kavia nngari ulya wa mmba yakwe, “Kwiipoo kusore vandu yewo, neelyi kuvakooya vavie, ‘A mmbo kyava inda elyi mwataa mesha na makasha? 5A ndesa upata elu nshilo aniyyaa nndumi wakwa? Nalo llo alafyaa nalo? Mmbo mwatana kya uravi elyi mwatana indo!’ ”
6Kavasora kavakooya kavavia marero yoo. 7Vakammbia, “Nkyiki elyi nndumi wakwa aamba marero yoo?” 8Oode-dwa, “Mashinga afo nnyatanaa indo-fo, fesa tilya luletikooya efo mikusheny, mmbo lulekuviirya lyingyi luuka kulya Kanaani. A niinda lweshiidimaa yiiva mmba kwa nndumi wafo fesa ao saabu? 9Yeto akooyo na upata elo nnang'ani yeeru yese mashinga afo, nafwe, neese mmbo lushevaa mashinga a nndumi wakwa.”
10Kiveny indo shaasa kwaamba, “Nndu yeto ashekooywa nakyo mmbo ashevaa ishinga lyakwa neeni mushekooywa mmutiri mbese-fo.” 11Vakaangusya, wo nndu kakurrwa nkusha wakwe na yuuporommwa. 12Nawe kasalua apookya ulya nniini kufike ulya n-du. Upata elo lukashekooywa nkusheny wa Benyamen. 13Vakaranndwa soori tawo, wo umwi kavika irio lyakwe uwe ya nshungu, vakawuya muriny.
14Yuda na vana va maye vakasha fika mmba kwa Yosefu, nawe mfo ekai, naasa vakawa si kifulufulu. 15Yosefu kavavia, “A nkyokyi ekyi mwatana? A mmbo kulaore mulemanya nndu sheeny nnyashiidimaa ilafya?” 16Yuda kaamba, “A luviekyi nndumi wakwa? Lurere-kyi! Mmbo lukuwonisyaa inda usumanu?” Iruva mmbo alollya paa uravi lwa mashinga afo. Lola, ulaalu mmbo lwaammba mashinga a nndumi wakwa, yese loose ando amwi neeto upata elo lwakooyo wokony lwakwe. 17Kaamba, “Oode, nshitanaa indo-fo; nndu yeto upata elo lukooywa kwakwe, mmbwe yeto ashevaa ishinga lyakwa. Neeni mukweenngye na ufoo kwa nde waany.”
Yuda Alillya Benyaminy
18Llyo Yuda kanserikkya kammbia, “Woi nndumi wakwa shakutereva ishinga lyafo lyirere irero lyimwi nsi kuriny kya nndumi wakwa, nta unyafi lwafo lulasherwa kimaruma kya ishinga lyafo, mashika yewe ni kyimwi na Farao. 19Yewe nndumi wakwa mmbo kuleluvesa yese mashinga afo, kwaamba, ‘A mutiri ndeye waany ao mfyari?’ 20Lukakurouwa yewe nndumi wakwa, ‘Nde luntiri nawe mmbo ammikwa, na mwana wa ukuuny lwakwe ni n-du, na mwanamaye mmbo afiiyye, kasaa-u we muni wa ivee lya maye, na ndeye kankunda nnu.’ 21Kwaluvia yese mashinga afo lweende lundemweende naambo nshellollya na miso. 22Lukakuvia yewe nndumi wakwa, ‘Mwana yeto nnyashiidimaa yuuka yoo ndeye akai-fo, mashika kooka yoo ndeye akai, ndeye mmbo ashefwaa.’ 23Kwaluvia yese mashinga afo, ‘Anra nalasha mwanany yeto n-du mmusheshilollyaa kisangu kyakwa-fo.’ 24Naasa lwiikifika kwa nde weeru we ishinga lyafo, lukammbia marero afo, nndumi weeru. 25Naasa nde weeru kaamba, ‘Wuyeny-fo lyingyi, mundeluurya-fo shoonga shinnywa.’ 26Lukammbia, ‘Mwaneru yeto n-du kammenda neese lusheendaa; mashika llukaryaa indelollya kisangu kya nndu yeto, mwana yeto n-du kanra nalaenda neese-fo.’ 27Ishinga lyafo, we nde weeru, kaluvia, ‘Mwiishi sheelyi nka wakwa Raheli mmbo aleshiwonya vana vavii, 28umwi kashirekkya, shaamba kyishiidimika we mmbo elyiwa ni ifisi, nta nshekillollya lyingyi-fo. 29Mukanshisoka yeu aiyo nawe, nandekooywa nkindo kyikasha, mmbo musheshengeryaa myaasa kutani shafwa.’ 30Naasa elyi nshefikaa mbee ya ishinga lyafo we nde weeru mwana yeu nalaiyo, na kimmba nrima wakwe ukunndye nnu mwana yeu, 31kyeeri ashelollyaa mwana nnyariani neese mmbo ashefwaa, na yese mashinga afo mmbo lushefumbutaa myaasa ya ishinga lyafo fika ufuny. 32Mashika ishinga lyafo llyo lyilekuvika mwiishi wa mwana mbee ya nde weeru, shishambaa, ‘Shanra shilammbiira kwafo, mmbo nshevaa nndu nravi mbee ya nde mikonu myoose.’ 33Naasa ulaalu shakuterevaany, kushire yeny ishinga lyafo shikae ando a mwana yeu shive ishinga lyafo nndumi wakwa, na mwana yeu kunre neende na vana va maye. 34Mashika mmbo nshidimaa inda yeenngya nde na mwana yeu nalaiyo Shilashelollya ukyiva elo lusherovyaa nde-fo.”
Currently Selected:
:
Highlight
Share
Copy
Want to have your highlights saved across all your devices? Sign up or sign in
The Holy Bible in Kimashami © Bible Society of Tanzania, 2016.